Жадыра Сахиева – биші, продюсер, модельер. Оның сән үйінен елііздегі барлық жұлдзыдар киінеді десек артық айтпаймыз. Ол продюсер ретінде аз уақыт аралығында екі фильм түсірді. Жас өнерпаздарға продюсер болып, оларға концерт ұсымдастыру жұмыстарымен де айналысады. Ал, биші Жадо шәкірт те тәрбиелейді.

Қазір, өнер жұлдыздарының басым көпшілігінің қосымша кәсібі бар. Сіз өзіңізді кәсіпкер деп есептейсіз бе?
Жалпы бізде мынадай ұғым бар. Өнерлі әрістер, немесе кәсіпкер немесе бизнесмен әртістер. Ал, мен 50 пайыз кәсіпкермін, 50 пайыз өнерлі адаммын. Бір жағынан ол –қиын. Өйткені өнер мен кәсіпті қатар алып жүру керексің. Сондықтан да, ең алғаш бастағанда екі саланы бірдей алып жүру оңай болмады. Тіпті, екі саладан да қалып қоя жаздадым. Бірақ, ұжымымның арқасында шаруам ойдағыдай жүріп келеді.
Қазір, продюсер деп жатамыз ғой, музыкалық продюсер, бас продюсер- олардың барлығы да қарапайым тілмен айтқанда кәсіпкер. Жақында біздің орталық кино түсірді. Оның бас продюсері өзім болдым. Сонда қаражат табу, жұмысшылар табу мәселесімен мен айналыстым.
Жалпы қазақ «көз қорқақ, қол батыр» дейді. Басында барлығы да оңай болмайды, әрине. Сондықтан да, үйренісіп, кәсібіңді жақсы көріп, тек өзіңнің қалтаңды емес, халқыңды ойлап жатсаң, кәсіпте де жолың болады.
Өнер адамына кәсіпкер болу қаншалықты оңай немесе қиын?
Мен өзім кәсіпкер боламын деп ойлаған жоқпын. Өзім 10 жасымнан билей бастаған кезде, кішкентай бүлдіршіндердің ата-анаары келіп, бір би қойып беруді ұсынды. Мен сол биді қойып, оларға көйлектерін тігіп бердім. Менің қойған биім шағын байқаудан бірінші орын алыпты. Содан кейін, биші бүлдіршіндердің ата-аналары маған қайтадан келіп, «Жадыра біз саған ақша төлейік, сен біздің балаларымызға би үйрет», деп ұсыныс айтты. Осылайша, мен өзімнің би ансамблімді құрдым. Сөйтіп, 13 жасымда тапқан қаражатыммен әке-шешеме үй алып бердім. Өйткені, 90-жылдары бәріміз де үйсіз жүрдік. Содан кейін, тағы бір пәтер алып бердім. Сөйтіп, 15 жасымда өз-өзіме есеп берген сәтте, мен кәдімгідей кәсіпкер болғанымды түсіндім. Мен сол кезде «Жеке кәсіпкер» ретінде тіркеліп, 700 баланы биге баулып жүрдім. Сонымен бірге, эстрада-цирк колледжінде оқитынмын, «Гүлдер» ансамблінің құрамында билейтінмін және де Ішкі Істер Ансамблінде бас балетмейстер болдым. Сондықтан, бала кезімнен бірнеше істі қатар алып жүргендіктен де мен мұның барлығына үлгеретінмін. Біреулер осылай бірнеше салада жүрсе мен оған таңқалмаймын.
Бір жағынан, алғашқы уақытта істеп жүрген жұмысымды кәсіп немесе бизнес деп қараған жоқпын, мен оны хоббиім деп ойладым. Өнер Академиясын бітірдім, Заң мамандығын да алдым, Ішкі Істер кіші лейтенантымын, ондай да қызмет атқардым. Бірақ сол хоббиім менің мамандығыма айналды.
Содан кейін мен ателье аштым. Шымкенттен, Қарағандыдан тігіншілер алдырып, солармен жұмыс жасадым, қол астымда оралмандар да көптеп істеді. Осылайша, тағы бірнеше саланы қатар алып жүре бастадым.

Тайм-менеджментті мықты меңгерген болып тұрсыз ғой?
Мен қандай саланы болсын мықты меңгергенмін деп айта алмаймын, бірақ, меңгеруге тырысамын. Өйткені әр жыл сайын түрлі өзгерістер болып жатады. Өнер саласында, басқа салада болсын, біз соның бәрін біліп отырамыз және соны уақытында бірге жаңарып отырсақ, сол маңызды. Оқы, оқы және оқы дейді ғой. Үйрену, оқу — ол бітпейтін процесс.
Тайм-менеджмент бойынша, «маңызды әрі тез арада жүзеге асуы тиіс», «маңызсыз бірақ жедел орындалуы тиіс», «аса маңызды алайда, шұғыл орындалмаса да болатын» және «маңызды да, шұғыл да емес» істер болады, соның қайсысына баса мән бересіз?
Мен үшін, кездейсоқ болсын, кезекті болсын істердің барлығы да маңызды. Өйткені, маңызды не маңызсыз деп қарасақ ол жұмыс болмайды. Мен соны түсіндім. Әрине, жас кезімізде мынау күте тұрсыншы, мынаны бітіріп алайық дегендей дүниелер болып жататын, сонда сол мән бермеген шаруа аса маңызды болып шығатын еді. Сосын, біздің қазақтар ертеңге сілтеуді жақсы көреді ғой. Бірақ, менің түсінгенім ештеңені ертеңге қалдырмау керек.
Мен де осы қалпыммен келе салған жоқпын. Ресми түрде 18 жасымнан, ал негізінен 15 жасымнан кәсіппен айналысып келемін. Осы жиырма жылдай уақыттың ішінде менде де қиындық болды, құлап, қайта тұрып кеткен кездеріміз болды. Бірақ, сол сәтсіздіктердің барлығы да «Ей, ертең», «қазір бұл маңызды емес» деген еренсіздіктен салдарынан еді. Сондықтан қазір маған уақыт та, шаруа да, адам да маңызды. Өйткені, жаныңдағы серіктерің сенімді болғанда ғана барлық шаруаны бірдей атқарып үлгеруге болады. Соны түсіндім!
Қазіргі уақытта ел экономикасындағы дағдарыс, кәсіпкерлер үшін біршама қиындық туғызып жатқаны белгілі. Сіз дағдарысқа қалай төтеп беріп жатырсыз?
Менің ойымша, дағдарыс әр адамның миында. Әрине, мүмкін бар шығар, бірақ мен білмеймін. Неге? Өйткені біз жұмыс істейміз. Әрине қаражат жағынан кейде киімдерімізді тегін де беріп жатамыз. Сыйлыққа да беріп жатамыз. Бірақ, Алладан қайтады деп жатамыз. Алайда, Алладан қайтады деп те отыра берудің қажеті жоқ. Жұмыс істеу керек. Сондықтан да менің айтып отырғаным 24 сағат жұмыс істесеңіз, менің ойымша дағдарыс деген болмайды. Теледидар көріп, рахаттанып жүретін адамдар да ғой дағдарыс. Ал бізде бес-алты сала болғандықтан да, оны ойлауға да, кешіріңіз, уақыт жоқ.
Қаражатты қалай жұмсайсыз? Ақша жинайсыз ба?
Бізде ақша бар ма, жоқ па, айта алмаймын (күледі). Өйткені бізде қаржы келеді, кетеді. Сатылым болып жатса, қайтадан жаңа коллекция жасай бастаймыз. Тағы бір ақша келіп жатса, кино түсірейік. Демеушілер тарапынан көмек келіп жатса, жетімдер үйіне көмектесейік. Мүмкіндік туып жатса, аймақтарға концерт қойып қайтайық деп, мүмкіндік туып жатса, әйелдер қауымының басын қосып, шоу-рум жасап жіберейік деп, үнемі қаражат айналымда. Тіпті, кейбір күндері ақша болмай да қалатын кездер болады. Бірақ, адамның күні адаммен деген, достармен барып шәй ішіп, әңгімелесіп, жаңа бір жобаларды туралы сөйлесіп жатамыз. Ал, енді қаражат бар, жоқ деп айта алмаймын.
Өзіңізді дәулетті адаммын деп айта аласыз ба?
Жоқ, менің байлығым — менің Қазақстаным, менің халқым, менің ұжымым, менің бала-шағам, әке-шешем, туысқандарым. Кейбіреулері ертеңгі күнді ойламайсың ба, қаражат жинамайсың ба, деп жатады. Бірақ мен дүние жинамайды екем, тіпті үйімде де дүние жоқ. Бір жерге барсам бір чемоданға заттарымды алып жүре беремін.
Өйткені мен бұл нәрсеге жеңіл қараймын. Басында мен де бәрін ойлайтынмын, сол нәрседен депрессия болып ауырдым да. Кейін, депрессияның өзі өзіміз тауып алған ауру екенін түсіндім. Сондықтан, соңғы 5-6 жылда мен дүниеге, ақшаға жеңіл қарайтын болдым. Бар ма ақша-бар, жоқ па – жоқ. Бірақ, мен адамдар арасындағы достықты қадірлеймін. Егер, мен өмірдегі ең жақын досымды жоғалтып алар болсам – міне соған мен ренжіп, көңілім түсер еді. Өйткені достық өте маңызды. Ал, қалғаны ол қолдың кірі, бүгін бар, ертең жоқ. Өйткені біздің аяқ-қолымыз сау, сондықтан біз жұмысты қолдан келгенше жасаймыз.
Америкалық және батыстық бизнес-тренерлер адам ақша табуы үшін, табысты болуы тұлға ретінде дамуы тиіс дегендей теорияны алға тартады. Сіз бұған не дер едіңіз?
Мен осы уақытқа дейін, қаражатсыз дүние жасадым, жасап та келе жатырмын. Бізде демеуші деген жоқ, өзіміз қолдан келген мүмкіндікті пайдаланудамыз. Еріншек, оңай жолмен жүретін адамдар ғана тұлғаның дамуы немесе тағы басқа сондай теорияларға бас қатыратын шығар. Маған, демеуші болыңызшы, продюсер болыңызшы деп көптеген жастар келіп жатады. Сонда сенде не бар деп сұраймын? «Каспий достық теңізі» немесе «Махамбетті» режиссер-хореограф ретінде қойдым, сол кезде мен презентациямен баратынмын. Видео-ролик па, газет-журнал ма, мен тегін жасайын немесе мен жасап көрейін деп, яғни бірінші жұмысыңды көрсетуің керек.
Мен қазір Жадо болып тұрсам да кейбір кездері мен тегін жұмыс істеймін. Әрқашанда өзіңді дәлелдеп, елге көрсету керек, ол – ақшасыз. Дәлелдеу кезінде сенен ешкім ақша сұрамайды және ақша бермейді. Өзіңді бағалағаннан кейін барып, сенің мүмкіндігінің құны анықталады.
Мен осындай Жадо болам, жұлдыз болам деп ойлаған жоқпын. Мен ең бастысы бекер өмір сүрмейін, елге пайдалы қызмет етейін деп ойладым.
Мен ең алғаш сән үйін ашқан кезде, жолдасымнан көмек сұраған болатынмын. Сол кезде ол маған – алдымен ақшасыз жасап көр, сосын көреміз деді. Кейін, мен ақшасыз бәрін жасап шықтым, сонда ол кейін: көрдің бе, ақшасыз да бәрін жасауға болады деді.
Кейде бізге жаңа коллекция жасау керек болады. Білесіз ғой, коллекция өте қымбат тұрады. Бірақ біз қаражатсыз бірдеңе ғып жасап шығарамыз.
Қаражат бизнеске, кәсіпке мүлдем бағынбайды. Мен білетін әйгілі адамдар, белгілі сәнгерлердің барлығы да 0 ден бастаған.

Қазір қандай салаларды және қанша саланы бірге алып жүрсіз?
Сән үйіміз бар, сұлулық орталығын аштық, киноиндустриямен айналысып жатырмыз, музыкалық концерттер жасаймыз, би саласында оқушыларымыз бар дайындап жатқан. Одан да өзге көптеген шаруалар жасалып жатыр, бірақ оларды жасап жатырмыз деп айғайлап айтпаймыз. Болған кезде бірінші білетін боласыздар.
Мен қазір кинопродюсер ретінде де жұмыс жасап жүрмін. Естуіңіз бар шығар жақында «Запрещенные танцы» деп аталатын кино түсірдік. Халықтың сұранысы бойынша прокатта қайталап көрсету ойымызда бар, қазір ол мәселе туралы келіссөздер жүргізілуде. Содан кейін, «Кәусар» аталатын әлеуметтік кино түсірдік. Бұл кино қазіргі таңда өте өзекті болып тұрған тастанды балалар, жалғызбасты аналар, жасанды түсік проблемасына арналған. Маңғыстау жерінде түсірілген киноға 50 ден аса актер қатысты. Бірақ, сол кино 3-4 жыл болды жарыққа шықпай тұр. Өйткені ол коммерциялық кино емес. Әлеуметтік кино болғандықтан біз оны шығаратын уақытты күтіп жүрдік. Енді биыл осы киноны көрсететін уақыт келген сияқты. Алдағы жазда, бұйыртса, біз оны Республика бойынша барлық кинотеатрларда прокатқа шығарамыз.
Сіздің коллекцияларыңыз негізінен кімге арналған және олардың мақсаты не?
Негізінен жұлдыздардың барлығы дерлік менің көйлектерімді киеді. Бірақ, біз қарапайым халық үшін тігеміз. Кішкентай бүлдіршіндерімізден бастап, аталарымыз бен апаларымыз үшін. Бірақ, Құдайға шүкір деп айтам, біз киноиндурстриясы үшін де киім тігеміз. «Жау жүрек 1000 бала» фильміне киім тіктік. «Каспий – достық теңізі» аталатын бес мемлекеттің қатысыуымен өткен үлкен халықаралық фестивалдің ашылу салтанатына және Азия Ойындарының ашылуы салтанатына 3000 киім тігіп бердік. Сондықтан да, әртарапта жұмыс істейміз. Әрбір адам киінсе, сол біз үшін мақтаныш.
Қазіргі таңда қазақстандық сәнқой қыздарға қандай киім үлгісін ұсына аласыз?
Біздің дизайнерлер батысқа еліктейді ғой, еліктеп те жүр, еліктей береді де… сол кезде менің қарным ашатын. Бірақ, менің де тәжірибемде түрлі киім үлгілері болды. Батыстық та, өзге ұлттардың ұлттық киімі де. Бірақ, түсінгенім, өз ұлтымыздың әдемі ою-өрнектермен көмкерілген киімдеріне, сонау көне заманнан келе жатқан тарихи мәні бар, ұлттық киім үлгілеріне ештеңе жетпейді екен. Оның – құны, уақыты кетпейді екен, ешқашан. Сондықтан, ою өрнектелген, күміс әшекейлермен, терілермен сәнделген киім үлгілерді насихаттауды бастағанбыз. Әлі де насихаттап келеміз. Қазір, ұлттық нақыштағы киім үлгілерін өзгелер тігіп жатқанын көргенде, жымиып күліп қоям. Өйткені, бұл қазір үлкен бизнеске айналды. Қазақи ою-өрнектермен тігілген киімдерге сұраныс көп екен ғой деп, соны қолға алғандар бар.
Ал, біз осындай киімдермен көпшіліктің киінгенін қалаймыз. Теріден, түрлі-түсті матадан тігілген, қазақы нақышта тігілген киімдерімізді көпшіліктің кигенін сол арқылы насихаттағанын қалаймыз. Көпшілігі ойлайды, киім деген шүберек деп. Шын мәнінде олай емес. Мысалы мен әрбір матаның құндылығын білем. Күнделікті тұтынатын зат болса да, мата мәңгілік. Осыдан 15 жыл бұрын тіккен киімдеріміз бар. Олар әлі де жақсы жағдайда, жақсы көріністе тұр. Біз ойлаймыз ғой, адам киімді таңдайды деп. Бірақ, кей кездері, киімнің өз иесін күтіп тұратын кездері болады. Біздің коллекциямызда да бір-екі жыл тұрып қалатын киімдер болады.
Мен шетелдерге коллекцияларды көруге барғанда, қазіргі заманауи үлгілерге қарамаймын, мен міндетті түрде цехтарға барып, тігілгеніне 10-15 жылдан асып кеткен үлгілерді іздеймін. Өйткені, олардың өз тарихы болады, олардың матасы, әдібіне, тігісіне, конструкциясына қарап, мен оның қалай дүниеге келгенін, ол дизайнердің қандай қиындықтардан өткенін біліп отырамын. Өйткені сол киімдер дизайнер үшін өте құнды.
“Jado” сән үйі қазір дағдарысқа қарсы шоу-рум жасап, коллекциямда тұрып қалған кейбір киімдерді арнайы ұсыныспен сатып жатыр. Дегенмен, ол киімдердің құндылығы жоғары, мен үшін, біздің ұжым үшін аса бағалы киімдер және құны да түспейді. Өйткені біздің киімдер де – уақыт өткен сайын бағасы да құны да арта беретін картиналар сияқты.
Шетелді бағындыру ойыңызда бар шығар?
Жалпы, «Өзге елде ұлтан болғанша, өзеліңде сұлтан бол» дейді ғой. Яғни, ең алдымен өзіңнің халқың қандай маман екеніңді бағалап отырса, содан кейін ғана шет мемлекетке неге шықпасқа. Содан кейін шығу керек, өнеріңді көрсету керек дегендей… менің ойымша әрбір маман, әрбір өнерлі адам болсын, ол бірінші өзінің кәсібін үлкен деңгейге жеткізу керек. Содан кейін бәрі қолында болады.
Сұхбаттасқан, Риза Исаева

Қазір әлемде 3 миллард адам, ал елімізде 10 миллион жан ғаламтордың құрсауында. Бұған, елімізде кеңінен қолданылатын Фейсбук, Инстаграмм, Вконтакте, Твиттер секілді әлеуметтік желілерді қосыңыз. Желі қолданушылары үшін, газет сатып алу, немесе телеарна жаңалықтаын күтіп отырудың қажеті жоқ. Ал, журналист қауымы сауатты һәм жедел жұмыс істейтін, кәсіби шебер болуы тиіс.

«Егер сіз твиттерде тіркелген болсаңыз, онда сізге газет оқудың қажеті жоқ». Лондонда шығатын «Avrupa» газетінің құрылтайшысы, түрік және ағылшын тілінде шығарылатын бірнеше интернет сайт пен онлайн радио және телеарнаның иесі, медиа-тренер Ватан Өз мырза осылай дейді. Оның пікірінше, бүгінгі ақпараттық жаңа технологиялардың даму қарқынына сәйкес, болашақта біз білетін дәстүрлі радио-телеарналар мен газеттер азая беретін болады. Сондықтан да, электронды ақпарат тарату үшін ең маңыздысы — заманауи гаджеттер арқылы тез әрі оңай хабар тарату, әлеуметтік желілер ұсынатын мүмкіндіктерді пайдалана білу, бүгінгі журналистердің ең алдымен мән беруі тиіс нәрсесі.
Шұғыл, сауатты һәм түсінікті жазылған, әрі фото немесе видеомен негізделген ақпаратты тез арада ғаламторға саласыз, іс осымен бітті! Айуға ғана оңай шаруа. Негізінде осы айтылған талаптардың барлығына бірдей сай болу екінің бірінің қолынан келе бермейді. Сондықтан да, өз ісін тиянақты атқаратын кәсіби біліктілікке жету – бүгінгі журналист қауымға қойылатын басты талап.
Сондай-ақ, суретке түсіру, оны газет немесе электронды ақпарат құралына сай өңдей алу, видеоны түсіріп, оны тез арада монтаждау да журналист үйренетін дүние. Сонда ғана, шұғыл да қызықты материал дайындауда еш қиналмайсыз. Түркиялық медиа-тренер Хедие Ероұғлы сондай-ақ, газет-журналдың дизайнын да назардан тыс қалдырмай, мүмкін болса бет қаттау бағдарламаларын журналистердің өздері меңгергені дұрыс екенін айтады. Ақпарат, маңызды мәселелелер көтерген мақалалалар мүмкіндігінше қысқа да нұсқа, ал суреттерден мақаланың мазмұны анық аңғарылса, бұл да журналистің шеберлігі болмақ.

Бүгінгі кәсіби шебер журналист – сегіз қырлы болумен бірге кез-келген ақпарат алаңының пайда табуына да баса мән беру керек. Ғаламтор әлемінің заңдылығы сол – кез-келген жаңалық немесе мақала сайтқа мыңдаған оқырмандарды алып келуі тиіс. Рейтинг жоғары болса – жарнама бар, қалта да қалың. Дегенмен, рейтинг керек екен деп тек қана жеңіл-желпі жаңалықтардың соңынан қуа беретін ақпарат құралдарының ғұмыры ұзақ болмайтыны тағы бар.


Түркі тілдес журналистер қорының басшысы, белгілі журналист Нәзия Жоямергеннің айтып отырған «кәсіби шеберлігі» де міне осы! Ақпарат құралының мазмұнына да, рейтингісіне де, әрленуіне де мән бере білетін, ненің дұрыс, ненің теріс екенін тани білетін маман ғана – кәсіби деңгейге қол жеткізе алады. Ол үшін іздену керек, үйрену керек.

Жалпы, Нәзия ханым бас болып, Түркітілдес журналистер қорының ұйымдастыруымен 2014 жылдан бастап, журналистердің кәсіби шеберлігін арттыру мақсатында «жаңа медиа» тақырыбында бірнеше семинар тренингтер өткізіп келеді. Үстіміздегі жылы қаңтар айының 22-сі мен 23-і Алматы қаласында Шеврон компаниясының қолдауымен «Авропа» газетінің бас редакторы Ватан Өз мырза мен Түркиялық журналист медиа-тренер Хедие Ероұғлы ханым өткізген шеберлік сабағына Алматы, Шымкент, Тараз Қызылорда қалаларынан жиналған тәуелсіз БАҚ журналистері қатысты.
Түркі тілдес журналистер қоры ұйымдастырған «Жаңа медиа» тақырыбындағы семинар тренингтері, 29-30 қаңтар Астана қаласында өтсе, ақпан айының 5-і мен 6-ы аралығында Атырау қаласында өтіп жатыр

Білесіз бе, Алматының қала берді еліміздің символына айналған "Қазақстан" қонақ үйінің іргетасы 1973 жылы қаланып, 1978 жылы қолданылуға берілген. Бұл сәулет өнерінің ғажайып туындысының салынуына тікелей Д.А.Қонаев мұрындық болған! Мәскеудегі басшылар ол кезде мейманхананың 25 қабат болуына үзілді-кесілді қарсы болған. Алайда, Қонаевтың күшщ салуы арқасында 26 қабатты зәулім ғимарат салынған.

Иә, иә дәл солай, 25 қабатты саналатын "Қазақстан" қонақ үйінде 26 қабат және төбесіндегі алтын тәжіне көтерілу үшін тағы бірнеше қабатқа баспалдақ арқылы көтерілесіз.

Төбесіндегі «Алтын тәж» демекші ол тәжге ешкімнің табаны тимеген екен, алайда бір фототілші (ресейлік екен) парашют арқылы рұқсатсыз мейманхана төбесінен бірнеше суреттер түсірген көрінеді. Содан кейін, бұл тәжге көтерілген 7-шлде күні арнайы пресс-турға қатысқан бірнеше журналист-блогер қауым болды!

Сіз-білесіз бе, қазір "Қазақстан" қонақ үйінің иесі Зияддин атты түрік. Ал бұрынғы иесінің ұлты орыс болыпты.

Біле-білсеңіз қазіргі әйгілі "Қазақстан" қонақ үйі «4 жұлдызды». Алайда, қызмет көрсету сдеңгейі және орналасқан жері мен ұсынатын қызметтері «5 жұлдыздыдан» еш кем емес.

Ал, "Қазақстан" қонақ үйінің салтанат залына тойға барып көргендеріңіз бар ма?! Онда барғандаарманда, бармаған арманда. Өйткені, ол залға жаұында ғана миллион долларға күрделі жөндеу жүргізілген. Керегесі былғарымен қапталып, қазақтың ойын-өрнегімен әдіптелген мұндай той залын сіз тіпті көрмеген де боларсыз!)) Ең бастысы ол зал атшаптырым қазақтың кәдімгі киіз үйін елестетеді. дөңгелек пішінді залдың төбесінен әдемі шаңырақты көресіз.

Сіз білесіз ба "Қазақстан" қонақ үйінде 360 нөмір бар. Мұнда 400 адам қызмет көрсетеді. Қызметкерлердің басым көпшілігі жергілікті азаматтар.

Қонақ үйдің ішкі ауласында әдемі фонтан бар. Оның қасындағы әдемі терассадан кешкі салқында ас ішудің өзі бірғажап.

Сіз білесіз ба, мұндағы мейрамханадан күнне адам басына 1700 теңгеден бизнес-ланч ұйымдастырылады. Ал, ауыз ашар жасағыңыз келе адам басына 3,500 теңгеден, мархабат!!!

Сіз білесіз түрік ағайындардың қолына өткенге дейін мұнда тіпті стриптиз шоуы бар клуб болған екен. Қазір оны жауып орнына караоке бар ашқан.

Ең бастысы болашақта сіз осынау дғимараттың басындағы алтын тәжінде бассейнге түсіп рахаттану мүмкіндігіне ие болуыңыз ғажап емес. Өйткені, қазіргі басшылық осындай жобаны қолға алмақ!!!

Қазақстан қонақ үйі туралы өзге де ақпараттарды #Қазақстанқонақүйі, #Kazakhstan_hotels; #Түркітілдесжурналистерқоры, #Әйелжурналистерклубы хэштегтері бойынша ғаламтордан таба аласыздар

Сонау Нарынқолдың Қарасаз ауылынан ары 10 шақырым жерде «Тұзкөл» аталатын шағын көл бар.
Жағрафиялық немесе «саяхатшылар» тілімен айтсақ, ол Алматының оңтүстік -шығысында шамамен 310 шақырым қашықтықта орналасқан.

Бұл еліміздегі құрамында тұзы ең мол көл. Оның тұздылығы Израильдегі "Өлі көлдің" тұзымен шамалас.

Ғалымдар тіпті бұл көлді: "Әлемдік топан судың болғандығын дәлелдейтін бірден-бір айғақ" деп отыр. Мүмкін, болса-болар!
Сонымен, көлдің ерекшелігі неде?

Біріншіден: ол суға шомылсаңыз батпайсыз, тіпті сүңгу де қиын, өйткені судың құрамы тым тығыз. Көлге шілде, тамыз айларында ғана шомылуға болады. Өйткені су салқын.

Екіншіден — емдік қасиеті. Денеңіздегі түрлі жарақаттардан тез айығасыз.
Үшіншіден — "Өлі көлдің" құрамымен шамалас бұл көлден Израильге барғандай әсер алмасаңыз да, "Өлі көлге шомылғандай" қуат аласыз!

Төртіншіден- батпағы. Алматы маңындағы санаторийлердің барлығы да осы көлдің батпағын емделушілеріне ұсынады.
Жарнамасын асырдым деп айта алмаймын, дегенмен жазғы демалыста салқын әрі тыныш жерде бір-екі күн жүргіңіз келсе таптырмас орын!

Айтпақша, күн ашық күндері, сонадайдан «Хан Тәңірі» мен мұндалап анық көрініп тұрады!

Барғыңыз келсе, жекеге хабарласыңыз! Жатын орын, тамақ, қымызбен қамтамасыз етуге көмектесем, әрине қосымша ақыға)))

Қосымша мәлімет, мына тұста: maxala.org/kazahstan/33045-v-yuzhno-kazahstanskih-gorah-issleduyut-unikalnoe-solenoe-dopotopnoe-ozero-tuzkol.html#.VZX2CPntmko

Отельдің оныншы қабатынан төменге көз салсаң, осындай әдемі көрініске тап боласың. Рахат Палас деген Қазақстанда ғана емес, Орта Азияда алғашқы ашылған бес жұлдызды қонақ үй екенін, тек осы Пресс Турда білдім)).

Алайда, интернеттен қарап, бұл қонақ үй мен оның қызметі жайлы қазақ, орыс, тіпті ағылшын тілнде де мардымды мағлұмат таба алмадым. Сондықтан да, бұл Пресс турдан көрген-білгенім мен аз-маз жаңалық болды.



Мынау холлға 2500 дей адам еркін сыяды екен. Мұнда залды үшке бөліп, бір мезетте үш конференция өткізуге болады. Сондай-ақ, сән-салатанатты қатты ұнататын қазақтар үшін, мұнда көлік көтеретін арнайы лифт бар.

Үйлену тойында той залына лимузинмен кіргісі келетін жастар үшін, таптырмайтын мүмкіндік. Бұл холлды жалдау бағасы 1 миллион тенге. «Біздің деңгейіміздегі өзге қонақүйлерге қарағанда, біздің бағамыз арзан»,- дейді, қонақ үй мамандары.


Бір қызығы тіпті президенттік нөмірдің өзінде де ескілеу теледидар тұр. Ал, газет-журналдар халықаралық қонақ үйде қазақша болмайтыны түсінікті сияқты.



Мынау тренажер залы мен бассейн. Маған ұнағаны да осы болды. Сосын, сауна да бар екен.



Бізді ертіп жүрген Жанна, ал артымызда алып люстра. Жанбай тұрғанының өзінде осындай әдемі, Оның жанғанын көру үшін,
арнайы пресс турға тағы бару керек шығар)).

Қысқасы бұл туризмнен гөрі, бизнес мақсатқа арналған қонақ үй екен. Сондықтан ең арзан деген стандарт нөмірлерінің өзі тәулігіне, елу мыңның айналасында.

Алайда, елу мың деген тек біз үшін, қымбат көрінетін шығар. Өйткені мұнда ірі компаниялардың шетелден шақыртылған мамандары тұратын көрінеді.



Президенттік нөмірдің терассасынан осындай әдемі көрініске куә боласыздар. Жалпы, бұл пресс-турдан демалып қайттым)!

Адастым, демей-ақ қояйын, бірақ, ғаламторды әрі шарлап, бері шарлап, ұзақ үзілістен кейін, үйірлеріңе қайта келіп отырмын, қосу-қоспау өз еріктеріңіз.

«31 арнада» «Ән шаңырақ» жаңа отбасылық ойын-сауық думаны басталады. Мұндай жоба – Қазақстанда бұрын-соңды болған емес. Үлкен сахнаға алғаш рет кәсіби музыкалық білімі жоқ отбасылар шығып, әулеттерінің өнерін паш етеді!

Жобаға еліміздің қалаларынан 18 отбасы қатыспақ. Олар арнайы кастингтен өтіп, қатысатын іріктеу турына жолдама алды.
— Негізінде, кастингке өте көп отбасы келді, тіпті есебінен де жаңылып қалдым, — дейді «31 арнаның» бас продюсері Юрий Бродский. – Әр отбасына бір кәсіби коучер жетекшілік етеді. Мысалы, солардың бірі белгілі әнші Жанна Орынбасарова, сондай-ақ олар сахнаға лайықты шығуы үшін хореограф пен стилист жұмыс істейді».
Мұндай шоу Канада, Швейцария, Ресей («Ваш выход») сынды елдерде жақсы танылған, бірақ қазақстандық жобаның өзіне тән ерекшелігі жоқ емес. «Міндетті шарттардың бірі – орындалатын екі әннің бірі қазақ тілінде болуы керек, — деп түсіндірді Юрий Бродский. – Тағы бір маңыздысы, Шығыс елдеріне тән қасиет – барлық орындаушыларға, жалпы адамдарға құрметпен қарау. Сондықтан жоба адамдар арасындағы сыпайы қарым-қатынасқа, ізгі ниеттерге толы. Бұл жерде қазылар тарапынан қатысушылардың өнерін мазақ ету немесе мысқылдауға орын жоқ. Кім болса да бәріне мейіріммен, түсіністікпен қарау керек деген пікір басым».
Үш іріктеу турының нәтижесінде ақтық сайысқа бір отбасы ғана шығып, бас жүлдеге ие болады. Дегенмен жеңімпаз атану үшін әдемі ән салып, билеу және сахнаға лайық болып шығу аздық етеді, қатысушылар көрермен мен қазылардың көңілін көтеріп, отбасы мүшелері өздеріне берілетін дауыс үшін еңбек сіңіруі керек.
— Мен үшін нотаны дөп басу немесе ансамбль әуеннен ауытқыды ма, жоқ па деген мәселе маңызды емес, — дейді қазылар алқасының мүшесі, белгілі рэп орындаушысы Тәкежан. – Ең бастысы – халықтың ішін пыстырмау, шоу жасау шеберлігі, артистердің көрермен көңілін барынша көтеруі.
Қатысушылардың өнерін Тәкежан, Жанна Орынбасарова және Рүстем Нұржігіт пен бірге залда отырған көрермендер де бағалайды. Жанкүйерлер қаншалықты көп дауыс берсе, жеңіске жетуге деген мүмкіндік соншалықты жоғары болады. Дәл сол жерде, сахнада отбасылар жеңіске жету үшін өздерінің ұйымшылдығын, төзімділігін танытып, бір-біріне қолдау бола білетінін, бірін-бірі түсінетінін көрсетуі қажет. Бір сөзбен айтқанда бұл отбасындағы үйлесімділікті көрсетеді!
Думанды жобаның жүргізушілері – танымал тележүргізуші Салтанат Қалиева мен ComedyClubKZ мүшесі Денис Бобылев. Жүргізушілердің жастық жалыны, әсем келбеті мен әдемі қалжыңы думанның ажарын аша түседі.
Бұл отбасылық думан болғандықтан қатысушылардың қатарында сәбилер де бар. Ата-аналардың басым бөлігі өздері үшін емес, балалары үшін қобалжиды. Перзенттері үлкен сахнаның сынынан қалай сүрінбей өтеді екен деп алаңдайды.

— Шынымды айтсам, күйеуім, Алдияр (6 жаста) және Карина (9 жаста) есімді балаларым үшін дайындық оңай болған жоқ, — деп өз әсерімен бөлісті Ақжолтаевтар (Алматы) жанұясының отанасы Эльмира. – Ән шырқаған кезде дауыс ырғағы бірдей шығуы шарт, дауыс үндестігі деген бар. Сахнада қобалжымау керек, балалар соны тез қабылдауға бірте-бірте үйреніп келеді.
— Мен үшін ең қиыны – ағылшын тілінде ән салу мен хореографияны меңгеру. Себебі біз бір уақытта ән де салып, би де билеуіміз керек. Дегенмен қыздарым – өз қызым Венера (13 жаста), құдашам Динара мен сіңлілерім Аяна мен Карина қимыл-қозғалыстарды өте тез игеріп алды, — дейді Әубәкіровтер отбасының өкілі Айгүл (Алматы). – Бұл жобаға қатысушы отбасылар арасындағы татулықты, үндестікті ерекше атап өткім келеді. Мұнда алауыздық, қызғаныш атымен жоқ, керісінше, бір-біріне жәрдем беріп, көмектесіп, көңілін көтеріп жүр. Сол себепті шоу өте қызықты!
— Жобаның басты мақсаты – жақсы көңіл-күй сыйлап, көрермендерімізді разы ету. Әрқайсымыз үшін ең басты құндылық – отбасы – кез келген мемлекеттің тірегі. Сондықтан «Ән шаңырақ» тележобасы қоғамның негізі саналатын отбасын қолдауға, нығайтуға бағытталған, — дейді бас продюсер Юрий Бродский.

Айта кетейік, «Ән шаңырақ» думанының кейіпкерлеріне қолдау көрсеткіңіз келсе, қараша айының басынан бастап әр жұма сайын «31 арнаны» тамашалаңыздар!

Шоу түсіріліміне орай тіркелу және қосымша ақпарат алу үшін «31 арнаның» Маркетинг департаментіне хабарласуларыңызға болады:

Гейзер атты жаңа телехикая бүгіннен бастап, 31 арнада жүретін болады. 19.30 қарап, бағасын беріңіздер!!!

Вася мен Қайрат, оңай ақша тапқысы келетін бүгінгі жастардың айқын көрінісі. Олар теледидардан бұрынғы қылмыс әлемінің дөкейі Қазақстанда некесіз туылған ұлы барын біліп, соны іздеп жүргенін көреді. (Ищу тебяға келген ғой, дөкей) Оның фамилиясы Гейзер екенін біліп, екі жігіт, Гейзер фамилиялы таныстары: (Қайраттың қалыңдығы Каринаның фамилиясы Гейзер), Каринаның ағасын Гейзер шалға таныстырып, 10 000 долларын қағып алмақшы. Бірақ, олардың айтқандары бола қоймады. Каринаның ағасы жоғалып кетті. Вася амалы қалмаған соң, Каринаға қағаз жүзінде үйленіп, оның фамилиясын алып, өзін Гейзер қартқа баласы ретінде таныстырды…

осындай, осындай қызықты оқиғаларға құрылған хикая!!))

Сәлем достар!!!


Керекке енбегелі біраз уақыт болыпты. Қол да тисмей кетті, жалпы шығармашылық, әрі жеке басымда тығырық болды. Көштім, көңіл-қошым болмады)))) дегендей. Оны несіне айтып отыр, бізге сол қызық секілді деп сөге жөнелгендерге айтарым, керекті бір кісідей жақсы көріп, үнемі оқып жүретіндердің қатарынан едім, соңғы айларда тіпті бас сұқпадым.

Сонымен бүгін бас сұқтым да, қалай кіруші еді, деп, жаңа постты қалай бастаушы еді деп, керекті нүктелерді іздеп отыруға тура келді. )))

Керек өзгеріпті, ең бастысы Хабардың тизері пайда болыпты, бұл оң өзгеріс енді Керекті жай ғана блогтұғыр емес, бизнес әріптес деп қарауға толық негіз бар сияқты. Алдағы уақытта «31 арнаның» баннерін де Керектен көруге жазсын.

Дила Ханым атты телехикая бүгін, яғни 1-шілдеден эфирге шығады. Кешкі 8.40-та.
Сіздерге бұл ақпарат қызық па, жоқ па ол жағын білмедім. Дегенмен, ғаламтор қауымдастығына ақпарат тарату міндетін атқарып отырғаным ғой.

Кейінгі кездері Кузей-Гюнейден өзге түріктің жақсы сериалдарын көре алмадым. (Сулейманды есепке алмаймыз, олар бәсекелестер)

Бірақ, Диланың сюжеті ерекше екен. Күйеуін өлтірген адамға ғашық болған Дила ханымның оқиғасы.
Банально… деп айтуға асықпаңыз. Өйткені, Дила екі күн ғана жұбайлық өмір сүріп, жесір қалған соң, жарын өлтірген адамнан кек алмақ болады (кешіріп қоя салса болады ғой).

Сөйтіп аттан жығылып, әлгі Рыза атты Эркан Петтекаяның кейіпкерімен танысады (күйеуін өлтірген сол ғой). Оған ғашық болып қалады.