Мына сілтемедегі сурет World Press Photo 2012 байқауында көркемөнер және көңіл ашу номинациясы боайынша үшінші орынды жеңіп алған. Байқаудың түпнұсқа фотосы мына жерде. Түсініктемені қазақшаласақ: «Шаман діні жосыны бойынша құшынаштың(бақсының) адам ұшықтау рәсімі» болады екен. Қазақстан жері деп түсінік берілген фотоны түсірууші Pavel Prokopchik. Сонда, бұл қалай? Қазақтар әлі шаманда жүр деген түсінік қалыптастырмай ма?

2011 жылы Алматы қалалық Тілдерді дамыту, мұрағаттар және құжаттама басқармасы мемлекеттік мекемесінің тапсырысы бойынша «Azia animation» компаниясы «Алдар көсе туралы ертегілер» атты анимациялық топтаманы жарыққа шығарды. Онда 85 мультфильм, 50 ертегі, «Бізді қоршаған әлем атты» суретті аудио-cөздік қамтылған. Жоба продюсері – Игорь Краус пен авторы – Артур Краус. Мақсат қазақ тілін бүлдіршіндерге мультфильмдер мен ертегілер арқылы үйрету.
Әрине, мультфильмдердің барлығы керемет деп айту артық. Онда бала санасына жат сөздер де көп кездеседі. Мәселен, байдың бажылдақ әйелінің аузынан шыққан әрбір былапыт сөзді балалар бірден қағып алады. Мәселен, «қақпас, есуас неме, жынды» секілді тым дөрекі сөздер құлаққа түрпідей тиеді екен. Дегенмен Алматы қалалық Тілдерді дамыту, мұрағаттар және құжаттама басқармасының бұл қадамы қуантарлық әрі құптарлық іс. Ендігі төрелік – патша көңілді оқырман сізде. Біз Алматы қалалық Тілдерді дамыту, мұрағаттар және құжаттама басқармасының бастығы Мамай Ахеттің арнайы рұхсатымен аталған топтаманы көпшілік оқырман назарына ұсынып отырмыз.


“Мінбер-Ақпарат”

Бір ақылды адам жазықсыз сотталып, түрмеге түсіпті. Ол түрмедегі өмірінің текке өтпеуі үшін түрме ішінен бір кітапхана ашуды ойлайды. Ол қайрымдылықпен айналысатын жеке тұлғалар мен қоғамдық қорларға әр аптада хат жазумен болыпты. Осылайшы оның алты жыл уақыты өтіпті, бір күні бір қайырымдылық ұйымынан оған екі жүз доллар ақша мен уақыты өтіп кеткен, оқуға татымайтын бірқанша кітаптарды тапсырып алады. Бұл ақша оның кітапхана құруына мүлдеп жетпейтін еді. Сонда да ол қатты қуанады.
Сол уақыттан бастап, ол әлгі екі жүз долларға парақ және пошта маркасын сатып алып әлгі қайрымдылық қорларына әр апта сайын екі реттен хат жазатын болыпты. Ол ақыры өз арманына жеткен екен.

Түпнұсқасы: Мінберде

… Сонымен…
Барлығыңыз .pdf немесе .djvu секілді электронды құжат форматтарын білесіздер. Осы күні .mp3 дегенді жас та, кәрі де үйреніп алғандай, жаңағы айтқан .pdf секілді .epub деп аталатын электронды кітап форматтары күнделікті қолданысымызға еніп жатыр. Себеп, Apple шығаратын iPad бастаған планшеттер мен Amazon Kindle қостаған сан алуан электронды кітап оқу құралдарының пайда болуы. Бұл форматтың артықшылығы сол .pdf секілді салмағы ауыр емес және электронды құрылғыға салып оқығанда кітап өлшеміне байланысты қиындықтар туындамайды. Өйткені, оның белгілі бір өлшемі жоқ. Мұндай e-кітап құрылғыңыздың экран өлшеміне сай өзі мөлшерін келтіріп алады. Сондай-ақ, кітап оқу барысында сіз оны көлденең де, тікесінен де оқи аласыз. Әріптерді үлкейту, кішірейту немесе оқып жатқан бетіңізге қыстырма салу, мазмұны арқылы беттер немесе бөлімдер арасында жылдам ауысу жағы өте жақсы қарастырылған.
Әдетте, iPad немесе соның тумаластары, сондай-ақ Андройд операциялық жүйесімен жұмыс істейтін қалтафоны немесе басқа да қазіргі заманғы гаджеттермен қаруланғандар үшін осы форматтағы қазақша кітаптар жоқтың қасы. Өзім жаңа ғана айтып өткен құрылғылардың барлығын пайдаланып жүргендіктен, әрине, менде де осы форматтағы кітап оқу қажеттілігі туындады. Бірақ, жоқ нәрсені қалай болдырамыз?.. Айналып келгенде, осы сұраққа жауапты өзіме-өзім бергім келді де Google-шейхқа қайта жүгіндім. Бетімді қайтармады. Еш қиналмастан білгенімен бөлісті. Сөйтіп, дәл қазір мен сіздерге ұсынғалы отырған Абайдың қара сөздері epub форматында өмірге келді. Оны мына жерден жүктеп ала аласыздар: Абайдың қара сөздері (EPUB)
Кейбір қызығушылық білдіретін адамдар үшін бұл форматтағы кітап қандай болатынын, қалай пайдаланатынын iPad планшетімде және Android қалтафонымда іс жүзінде түсіріп, осында салып отырмын. Әлі бейнекамераға қолым жетпей жүр, сондықтан уебкаммен түсірген видеомның сапасы үшін сөге көрмеңіздер.
Кітаптағы қара сөздер түгелімен adebiet.kz сайтынан алынды. Сұрап жатпадым ал, ренжімесін… Кері байланыс арқылы хат жазып едім, он шақты рет каптчаны дұрыс жазбадың деп лақтырып тастады. Егер осы сайттың иелерінен біреу-міреу менің бұл әрекетімді құп көрмей, “Материалдарды кері қайтар. Керек болса, өзің теріп, өзің сканерлеп ал!” десе, онда әрине, айтқанды тыңдауға тура келеді. Дейтұрғанмен, қабыл алыңыздар!
“Абайдың қара сөздері” iPad-та:


“Абайдың қара сөздері” Android-та:


timurdan.info/?p=813

Wordpress жүйесін қытайдағы бауырларыңыз қазақшалап(төтешелеп) жатқан көрінеді. Жүйенің басқару бетінен бірер көрініс.

Windows 8-ді істетіп көрдіңіз бе? Windows 7-ден қандай айырмашылығы бар бар екен?

Үрімшіде тұратын Мерей атты досымның жобасы еді. Қазақстандық жігіттерге көрсетші деп дұғай-дұғай сәлем айтып жіберіпті интернеттен, сіздерге көлденең тарттым.

Бүгін емес, он екіден асып кетті ғой, кеше түстен кейінгі дайындық кезінен бірер үзік сәттерден естелік…

Мен жалпы қазақты бір кісідей-ақ сүйетін пендемін. Қазақ елі құдіретті ел, қазақ ұлты мықты ұлт болсын дейтін әрбір қазақтың азаматы оның құдіреттілігі мен мықтылығының бастауы жекелеген адамдардан басталатынын жақсы білуі керек деп ойлаймын. Соңғы жылдары спорт саясатқа айналды. Ол – халықарада мемлекет пен ұлттың тән сапасын, күш-қуатын әйгілейтін қорғасынсыз құралға айналды. Енді өз елімізде өтіп жатқан 7-қысқы Азия Ойындарында Қазақстан атынан түсетін спортшылардың салыстырмасын қарап көрейік.