Ағылшын ғалымдары 40-тан асқан әйелдердің психологиясын зерттей келе, осы жасқа келген нәзік жандылардың жеңілтектікке салынатынын байқаған екен. Олар қарсы жыныстағылармен таныса сала көңіл көтеруді қалайды. Салмақты ойлап, саналы шешім қабылдауды ұмытып, жас бойжеткенше қылмыңдап, қылық таныта бастайды екен. Сонымен бірге бұл жастағы әйелдер серігінің бойындағы кемшіліктерге де аса мән бере бермейтін болады.

Қыздар оны БОДИ деп атайды. Бұл баяғы малаларымыздың кәдімгі комбинациясының жинақы, заманауи түрі. Ең рақаты — ішіңе жел қарыспайды, белің, бүйрегің тоңбайды. Сосын кейбір қыздардың еңкейсе, тоңқайса көрінетін құйрық сызықтары байқалмайды. Жып-жылы, ыңғайлы. Оның үстіңгі жағы кәдімгі кофта сияқты түрлері де бары белгілі. Қысқа нағыз керек киім. Общым, мақтауы жетті, ал сіз боди киесіз бе?

Жақында қолыма Шукшиннің әңгімелер жинағы түскен болатын (Село тұрғындары деп аталады, аударма ғой) «Деревнядан» басталыпты. Қазақшаға әдемі аударылған. Осы біздің мектепте Чтение деген сабақты оқығанымыздың арқасы шығар, орыс халқының шығармаларын өзіміздің төл туындымыз сияқты қабылдайтынымыз. Қалай ойлайсыздар? Әлде кеңестік дәуірді бәріміз бірге бастан кешкендіктен бе екен? Әйтеуір, орыстардың оқ бойы озық шығармалары осы В.Шукшиннен кездеседі. Қазіргі жаңа орыс жазушылары дәл бұлай қабылдай алмайды екем. Орысты насихаттап отырғаным жоқ, бәлкім мектеп кезінде ағылшын, француз жазушыларын да оқытқан болса, дәл осылай қабылдар ма едік… Америка жазушыларын да… Қазір оқып жүрміз кейбірін. Олардың (мәселен Теодор Драйзер, Джек Лондон) бәрінің өткен ғасырдағы шығармаларындағы кейіпкерлердің тағдыры біздің қазіргі кешіп жүрген өмірімізге қатты ұқсайды. Ғаламтордан іздеп көріп едім Шукшиннің қазақшаға аударылған шығармаларын (кітабын), тапқаным менің оқып жүрген кітабым болып шықты. Сіздерге де қызықты деп ойлаймын. Шукшинді орыстың жазушысы деп қабылдағым келмейді, ол әлемдік деңгейдегі классик… Мойындауға тиіспіз!

Әйел болған соң асүйде сағат тұрғаны жақсы. Күйеуіңнің жұмыстан келетін уақытын есептеп тамақ пісіресің, анау-мынау ұсақ-түйек шаруаларды уақытпен реттеп жүресің дегендей…
Бірақ ешқашан сағатты алға жылжытып қою деген ойыма келмепті. Бір құрбымның үйіне барып сағатының озық екенін көзім шалды да, онсыз да уақыт деген жел сияқты, алға жылжытпаса да болады ғой деп ойлағам. Одан сұрағанымда «жақсы ғой, сағат алда болса жұмыстарым ертерек бітіп жатады, тамақ қамына ертерек кірісіп, басқа шаруаларымды уақытынан бұрын реттеймін» деген жауап алдым.

— Мен күзді жақсы көрем.
— Әркімнің өз күзі болады…
— Менің күзім, ендеше осы күз.
— …
— Неге үндемейсің?
— Сені тыңдап…
— Мен күзді, сосын сені жақсы көрем…
— Рахмет, сен көп нәрсені жақсы көретін сияқтысың ғой…
— Жоқ, тек сұлу күзді, сосын сұлу қызды сүйем
— Ал маған, сары күз — кәрі қыздың өмірі секілді, сүреңсіз, жалықтырарлық…
— Сен қатыгезсің…
— Бәлкім…
— Бүгін осылай үнсіз қыдырыстап жүрейікші, жауын жауатын сияқты.
— Қолшатырымды қалдырып кетіппін.
— Мен саған қолшатыр бола аламын, қорықпашы
— Жылауық жаңбырды жек корем.
— Қашпашы менен…
— Кетейік, тоңдым…
— Менің жылыуым екеумізге де жетеді.
— …
— Сен мені сүймейсің…
— Қойшы, бастамашы…
— Бір рет болса да айтшы… сүйем деп…
— Түу, неге әр кездескен сайын сұрайсың?
— Иә, білем, саған қандай жігіт керек екенін
— …
— Тағы да үндемейсің? Бірақ мен сені оған бермеймін… Есіңде болсын!
— кімге?
— Топтарыңа жаңадан келген бала… Назгүл айтқан, сені ұнатады екен…
— Ал мен ше?
— Енді сенің де соған көңілің бар екенін сезіп қалдым.
— Сезгіш болсаң, менің жанымның нені қалайтынын біліп алшы… Жанымды жеп біттің…
— Жылама, жылауық күз құсап…
— Құрып кет!
— О, болмайды. Ешкімге бермеймін, ешқайда кетпеймін.
— Сен маняксың!
— Сені сүйгеннен манякка айналдым. Ал сен… ал сен қайдағы біреуге бола… Оны тіпті танымайсың да ғой…
— Мейлі, сенен құтылсам болды… Азабыңның таусылар күні бар ма?
— Бар, маған күйеуге шық!
— Ойлама!
— Онда кет, анау жәдігөй еркекке барғың кеп тұрған шығар, аа, білем, сен екеумізбен кезек кездесіп жүрсің ғой… Тоқта…
— Жібер, жұлқылама. Жібер деймін!
— Мен сен үшін жүрмін осы жақта. Есіңде болсын, маған күздің де, сұлу қыздың да бір тиынға қажеті жоқ, түкірдім бәріне, шешем сені алып келмесең кірмейсің деген үйге. Так что мен сені ешкімге бермеймін. Ұқтың ба?
— Есалаң, мені сен емес шешең алайын деп отыр ма?
— …
— Сен сүймек түгіл сөйлеудің де жөнін білмейсің!
— Сен сияқты университетте оқымаймын.
— Бірақ университетте оқитын қызды алғың келеді…
— Маған сен керексің… Неге түсінбейсің? Сүйем сені…
— Қойшы, жіберші…
— Жаңа ғана тоңып тұр едің ғой…
— Сен жылытпай-ақ қой… Жылуыңа зәру емеспін!
— Солай ма? (шапалақ)
— Сұмырай… Қолың сынсын! Жолаушы болма маған…

Жаңбыр сіркірей бастады. Жылай жүгірген қызға қарай ұмтылған жігіт қалт тұрып қалды. Жаңбырды жек көріп кетті… Күзді де…

Қазанның күзі, асығам саған,
Жасырам деп сары көрпеңе мұңды.
Қазанның күзі, сағындым сондай,
Ертегі айтатын ерке желіңді.

Өлеңсіз жанған өгей көңілді,
Биыл тағы да басам дегенсің.
Мүсіркемейтін мөлтек мұңымды
Қазанның күзі,
Қашан келесің?

пы.сы: Майлагенттің блогынан алынган оленсымақ

Баяғыда әжем марқұм: «Сықпыттарыңа болайын» деп отыратын, сол айтпақшы, Сықпыттарыңа болайын!



тіл тигізуден аулақпыз, қонақ қо…



алда, қасқа, бойыңа лайық қыз таппағансың ба?



мына тәтем күрткесін үтіктеп үлгермеген сияқты…



Мына кісілерді танисыздар ма? Танымасаңыздар да бәрібір ғой, анооу сары топли маңызды бұл жерде.



қалпақты айсаңшы…



пакетін тастаса қайтеді екен



мыналар ваще, отбасымен келіпті…

Айтарым жоқ!!!

Бәлкім мына себептердің арасынан өзіңіздің не үшін байығыңыз келетінін табарсыз:
— Сіз кедей болудан әбден шаршағансыз, қалай тартсаңыз да жетпейді, қалаған тұрмақ, қажеттіні алуға да кейде ақша түскір жетпей жатады.
— Ай сайын коммуналдық төлемдердің қағазын көріп, жүйкеңіз жұқарып жүрген шығар. Әсіресе олардың соңғы кездері тоқтаусыз көтеріліп жатқаны жанды жейді.
— Өзіңізді жағдайы нашар адам ретінде сезінуден жалықтыңыз, себебі жақсы көретін адамдарыңызға лайықты сыйлық жасай алмай жүрсіз.
— Жақын адамдарыңыздың (ата-анаңыз, балаларыңыз) ақшаның жетіспегенінен қамығып жүргенін көргенде жүрегіңіз сыздайды.
— Жөндеу, үй жинау, бау-бақша күту, кешке үйге жұмыстан қайтар жолда дүкенге соғу, балаларды киіндіру, қыс, көктем, жаз, күз… жалғасып жатқан уақыт, денсаулығыңыз сыр бере бастады. Бірақ мұның бәріне қызметші жалдауға ақшаңыз болмаған соң, өзіңіз істеуге мәжбүрсіз.
— Көзге көрінбейтін, мүмкіндігі шектеулі, қалағанына қол жеткізуге тұрмыс тапшылығы жібермейтін, біреулердің қол астында ғана жұмыс істейтін адам болудан шаршадыңыз.
— Таңнан кешке дейін жұмыс істейсіз, одан тапқан табысыңыз жылына ең болмағанда бір рет комфортты жерге барып демалуға жетпейді.
— Қанша тырыссаңыз да материалдық жағдайыңыз еш өзгерер емес, бірақ уақыт болса өтіп жатыр, әлемді аралап, ел-жер көргіңіз келеді.

Ендеше осыны оқыған уақытыңыздың орнына баюдың жолын іздеңіз!

Күллі мұсылман қауымының наразылығын тудырған мына бір фильм АҚШ-та түсірілген. Режиссері — Сэм Бейсиль. (Израильда туған) Қазір осы фильм мұсылман мемлекеттерінің өз елдеріндегі АҚШ елшілігіне шабуыл жасауына себеп болуда. Оны мына жерден көре аласыздар.

ал мынау фильмнен үзінді www.youtube.com/watch?v=qmodVun16Q4&feature=player_embedded

Мұхаммед (с.ғ.с.) бейнесін сомдаған актерлердің тірі жүргені жоқ, себебі дінде пайғамдарымыздың бейнесін сомдауға тыйым салынған.

Жаңа инеттен қызық жаңалық тауып алдым. Ғалымдар бәрін қойып, осы шаруаны зерттеуге кірісіпті.

Хакасиде ғалымдар маралдардың жыныстық қатынастары кезіндегі айғайын зерттеуді қолға алды

Ресей мен неміс биоакустика ғалымдары алғаш рет Хакаси тірі табиғатындағы бұғылардың бір «жұмысты» тындыруы уақытындағы айқайын зерттеп, олардың дауысының қаншалықты зор шығатынын жазып алуға көшкен. Осы елдің «Малый Абакан» қорығындағы марал аталықтарының жыныстық қатынастары кезіндегі әрекеттерін бейнекамераға түсіріп, дауыстарын жазып алуға арналған аудиоқабылдағыш орнатпақ. Бұған дейін Хакасиде марал тұрмақ, арыстанның жыныстық қатынасы қаншалықты әсерлі екені тексерілмепті. Енді осы материалдар қорықтың марал туралы мәліметтерін толықтыратын болды деп қуанып жатыр екен сондағы жұмысшылар.


Мұндай зерттеулер, (жаман ойлап қалмаңдар, жыныстық әрекетті зерттеу емес) яғни жануарлардың биоакустикасын тексеру 70-ші жылдары Ресейде жүргізіліпті.