Қаланы дамыту бағдарламасын іске асыру шеңберінде Астана әкімі Ә. Исекешевтің тапсырмасы бойынша «Көктал – 1», «Көктал — 2»  және «Агроқалашық» тұрғын алаптарында салу, жөндеу жұмыстары мен 30 км жол салынуда. Жыл соңына дейін Сарыарқа ауданының шет аймағында жаңа жолдар, тротуарлар, аула алаңдары мен нөсер кәріздері салынады, деп хабарлайды елорда әкімдігінің ресми сайты. 



«Көктал-1» ТА. Шаң мен батпақтан көз ашпайтын биыл ол жерге жаңа жолдар салынды. Мұнда жалпы ұзындығы – 3,9 км 9 көшенің жолдарына жөндеу жүргізіліп жатыр. Атап айтқанда, Ақтолқын, Ж. Ақпаев, Құлтума, Байқоңыр және басқасы. 



«Біз жолдарды бұрын мүлдем салынбаған жерлерге жүргіздік. Одан басқа,
тұрғын алабында Алмалық, Ардагерлер және Шұғыла көшелерінде аялдайтын арнайы
жер құрылысы салынып жатыр. Ал жабық типтес павильондар Ақан Сері көшесінде
орналасқан», — деді Сарыарқа ауданы әкімдігінің бас инспекторы Самат
Топатаев. 

«Көктал-2» ТА биыл абаттандыру бойынша рекорд орнатты. Жыл соңына дейін ұзындығы 18,9 км 41 көше салынып, жөндеуден өткізілуде. Бұдан бөлек, жолдарды жөндеуден басқа нөсер кәрізін монтаждау жұмыстары да жасалуда. 



«Қазіргі таңда нөсер бойынша және орталық кәріз жұмыстары аяқталды – яғни 16,8 км бітіп, 2,1 км қалды.  Орталық су құбыры 100 пайыз жүргізілді. Өзіңіз
көріп тұрғандай қазір Ұлытау көшесі бойынша жол жөндеу жұмыстары мен нөсер
кәрізі жасалынып жатыр», — деді инспектор.  


Осы күзде № 68 мектептің оқушылары үшін білім ошағына баратын жолдар өте ыңғайлы болмақ. Онда мыңнан астам оқушы білім алады. Оқу ғимаратының айналасына тротуарлар салынады. 




 «Агроқалашықта» ұзындығы 4,5 км 11 көше жөндеуден өтеді. Құрақты және Сеченов көшелеріндегі жұмыс аяқталды. Қазіргі таңда Керегетас көшесіндегі жұмыстар жалғасуда. 
«Мен Агроқалашықта Радлов көшесіндегі жекеменшік үйде 2011 жылдан бері тұрамын. Үй екі көшенің ортасында тұр. Бұрын лай, шалшықпен жүретінбіз. Қазір үйдің екі жағына да бұрын ешқашан болмаған жолдар салынды», — деді мөлтекауданның тұрғыны Мадина. 

Сонымен қатар, Н. Тілендиев даңғылы бойында да екі аула көркейтілді. 





Герцен, Қарталы, Қарасай батыр көшелеріндегі ескі үйлер сүріліп тасталынды.
Оның айналасын жауаптылар осы күзге дейін аяқтауға уәде беріп отыр. 

Астананың қала көшелеріне біртіндеп индексация енгізуді ұсынды, деп хабарлайды елорда әкімдігінің ресми сайты. Идентификациялық префикс – көшенің коды немесе басқалай сөзбен айтқанда қала бойынша үздік бағыт-бағдарға арналған бірегей әріп-цифрлы почта индексі.

Астаналық урбанистика орталығы хабарлағандай тиісті жоба қала салу кеңесінде қаралды.

Көшелерге индекс енгізудің қағидасы қаланы 6 бағыттаушы ауданға бөлуде жатыр – ол Оң (жағалау), Орталық, Шығыс және Сол (жағалау) – Батыс, Орталық, Шығыс. Ал шекаралар табиғи шекараларға сәйкес бөлінеді яғни Есіл өзені, Сарыбұлақ, Ақбұлақ, Талдыкөл өзені және Нұра-Есіл каналы.

Астаналық урбанистика орталығы хабарлағандай көшенің индексін білген адам оған керекті көшенің қай ауданда екенін нақты біледі және шамамен қайда орналасқанын болжайды.

«Индекс әлдеқайда ыңғайлы, көп адамдар көшенің атауынан жаңылысып жатады немесе есінде қалмайды. Мысалы, көлденең және тігінен орналасқан көшелер бар. Олар белгілі бір тәртіппен салынған – бірі жұп көшелер, ал басқасы тақ. Көшенің атауы префикс көшелермен кетеді және цифрлық көрсеткіші болады. Егер жұп болса яғни 2, 4, 6… Демек, келесі көше 6-дан кейін 8 болады деп ойлайсыз. Бұл бағыттауға арналған және префикс сенің қаланың қай тұсында екеніңді түсінуге мүмкіндік береді. Бұл жаяу жүргіншілер мен автомобилистерге ыңғайлы», — деді Урбанистика орталығының орынбасары Асхат Садуов.

Префиксті біз адамдарға қай жақпен кетіп бара жатқанын білетін құрал ретінде пайдаланамыз. Сектордың аталуының екі нұсқасы бар: қазақ және ағылшын белгілерімен. Мәселен, ағылшынша N – North, S – South солай кете береді», — деді А. Садуов.

Бағдарлау үшін ағылшынша жазылған жағын пайдаланған жөн, өйткені олар көптен бері тұр және астанаға келген шетелдіктерге де түсінікті.

«Біз әрбір көшемен жеке-жеке жұмыс жасауды жоспарлар отырмыз. Оның концептін бекітіп те қойдық. Мекенжайды тіркейтіндермен бірге жұмыс істейміз, қазірдің өзінде кадастрлық мәліметтерді көшенің индексімен бірге қосымша көрсеткішпен игерудеміз. Көше атаулары әзірге бұрынғысынша қалады, тек қосымша қабат қосылады. Адамдарда қосымша таңдау пайда болады – әдеттегідей көшенің атауымен бағыт алады немесе астананың жаңа тұрғындары үшін префикс бойынша қозғалады», — деді Асхат Садуов.

«Қосымша функция бағдарлауға арналған. Мекенжай тіркеуінде әзірге бәрі бұрынғысынша қалады, тек қосымша тағы бір көрсеткіш пайда болады», — деді сарапшы.

Урбанистика орталығы сондай-ақ қазіргі таңда орындаушылардың қала көшелеріне индекс қағиадаларын енгізуге қатысты қоғамның пікірі мен бағасын білгісі келетіні айта кетті.

Жоба бойынша өз пікіріңіз бен ұсынысыңызды office@urbanastana.com. электронды мекенжайына жолдауыңызға болады.

Астананың «Столичный», «Жерұйық», «Студенческий» саябақтары мен қаланың тұрғын үй алаптарында елорданың 20 жылдығына арналған концерттік бағдарламалар жалғасын табады. Тұрғын үй алаптарының тұрғындары «Думанды Сарыарқа» концертін жексенбіде сағат 15:00 және 19:00-де тамашалай алады. Ал елорда саябақтарында өтетін «Саябақтың жеті кереметі» концерттерін жұмыс күндері сағат 14:00-ден 18:00-ге дейін, демалыс күндері сағат 12:00-ден 16:00-ге дейін көрермен назарына ұсынылатын болады.

6-12 тамыз аралығында Тәуелсіздік сарайында ҚР Өнер Академиясы дайындаған «Астана – арман қала» атты қолданбалы және көркем сурет көрмесі, «Ақанаевтар әулеті» және С. Мүсіреповтың «Жаңа бастау» жеке көрмелері, сондай-ақ, фотожурналист, жергілікті тарихшы Нұрмұхамат Имамовтың шығармашылығына арналған көрме жұмыс істейді. Экспозицияны сағат 10:00-ден 18:00-ге дейін көруге болады.

Ал 7 тамыздан 26 қыркүйекке дейін елорда тұрғындары роботтар балының қонағы атана алады. Келушілерді Америка, Еуропа, Оңтүстік Корея және Жапония сияқты елдерден әкелінген роботтар қуантайтын болады. Кештің басты қонағы – ұлыбританиялық робот гуманоид Теспиан. Күліп-жылай алатын робот қонақтармен әңгіме -дүкен құрып қана қоймай, Шекспирдің шығармаларын оқи алады. Ұйымдастырушылардың айтуынша, робот театрландырылған қойылымдарға да қатысқан. Ән салып, кітап оқитын техниканы «Нұр Әлем» павильонында сағат 10:00-ден 20:00-ге дейін көруге болады.

Ретро әуендерді ұнатындар үшін Есіл өзені жағалауының амфитеатрында 9 тамызда сағат 19:00-де 90-шы жылдардың «IloveAstana, Ilove 90-th» концерті ұйымдастырылады деп күтілуде.

Бұдан бөлек, 9-12 тамыз аралығында «Этноауыл» ұлттық мәдени кешенінде «Алпамыс» атты театрландырылған цирк шоуын тамашалауға болады. Қойылым сағат 19:30-да басталмақ.

«Астана – Операның» камералық залында 10 тамызда сағат 19:00-де өнер сүйер қауымның назарына «Музыкалық демалыс» концерттік бағдарламасы ұсынылады.

Сенбі және жексенбі, 11 және 12 тамызда, елорда циркінде Астана тұрғындары мен қонақтарының алдында мәскеулік «Планета 13» Никулин циркі өнер көрсетеді деп жоспарланған. Басталуы сағат 16:00-де.

Қуыршақтар театры өзінің кішкентай көрермендері үшін А. Салаевтың «Жалқаудың айласы» атты ертегісін дайындапты. Балалар қойылымды сағат 12:00-де және 14:00-де тамашалай алады.

Сонымен қатар, 6-12 тамыз аралығында елорданың спорттық нысандарында да іс-шараларды өткізу жоспарланған. Бұл күндері «Дәулет» спорт кешенінде 12 жасқа дейінгі балаларға арасында теннистен ҚР Кубогі жарыстары өтеді.

Ал «Барыс-Арена»спорт кешенінде 9-12 тамыз аралығында хоккейден халықаралық ІХ турнир «ҚР Президенті Кубогі» аясында матчтар өтеді. Матчтар сағат 14:00-ге белгіленді.

Аптаны драг-рейсингтен Астана қаласы кубогінің 4 кезеңі мен қала саябақтарында «FitnessParkAstana» бағдарламасы бойынша өтетін спорттық іс-шаралар аяқтайды. Жарыстар 12 тамызда өтеді.

Астана қаласының тарихын, ғимараттарын, жолдарын, ескерткіштерін, мәдени орындарын қаншалықты жақсы білесіз? Танымдық тесттен өтіп көріңіз. Нәтижесін достарыңызбен бөлісіңіз.

Астана қаласының Ішкі істер департаменті елорданың 20 жылдығына арналған салтанатты іс-шаралардың аясында 16 жасқа толмаған азаматтарды «Қазақ елі» монументінің алаңында өтетін гала-концертке бармауды, кішкентай сәбилері бар ата-аналарды сол концертке балаларын ертіп келмеуін сұрайды.

Жеке қауіпсіздікті қамтамасыз ету және тәртіпсіздікке жол бермеу мақсатында жоғарыда аталған санатқа жататын азаматтар гала-концерт өтетін аумаққа кіргізілмейтін болады.

Сондай-ақ, көліктердің көптеп жиналуын, кептелістерді болдырмау үшін Астана қаласының ІІД азаматтарға қоғамдық көлікте жүруге кеңес береді. Гала-концерт көрермендерін елорда әкімдігінің ұйымдастыруымен арнайы автобустар белгіленген орынға жеткізетін болады. Қоғамдық көліктер мына нысандарға аялдайды:

1)«Жастар» сарайы (Республика даңғылынан)

2)«Қазақстан» спорт сарайы (Қажымұқан көшесінен)

3)Елорда циркінің Қорғалжын тас жолы көшесіндегі тұрағы

4) Достық көшесіндегі «Нұр Астана» мешітінің тұрағы

Жол ақысы – 90 теңге, жол жүру билеттері – жарамсыз.

Сонымен қатар, «Қазақ Елі» монументі алаңының ауданына қызмет көрсететін қалалық он бағдардың жұмысы түнгі сағат 2-ге дейін ұзартылатын болады.

Бұдан бөлек, елорда тұрғындары мен қонақтарына сағат 18:00-ден гала-концерттің соңына дейін М-1 көпірінен Аманжолов көшесінің аралығындағы Байтұрсынов көшесінде, Байтұрсынов пен Нәжімеденов көшелерінің аралығында жатқан Аманжолов көшесінде, М-3 көпірінен Аманжолов көшесіне дейінгі аралықта жатқан Нәжімеденов көшесінде, Қошқарбаев пен Нәжімеденов көшелерінің аралығындағы Тәуелсіздік даңғылында (қоғамдық көліктерден басқа) көлік құралдарының қозғалысына шектеу қойылады.

Аталған ауданға сапарлауды жоспарлайтын азаматтарға өз қозғалыс бағыттарын алдын ала жоспарлауды сұраймыз.

Көлікті қоюға ұсынылатын орындар:

— Оқушылар сарайының Б. Момышұлы даңғылындағы тұрағы

— «Astana Music Hall» мейрамханасының Б. Момышұлы даңғылындағы тұрағы

— «Нұр Астана» мешітінің Достық көшесіндегі тұрағы

— «Жетісу» саябағының Сарайшық көшесіндегі тұрағы

Гала-концерт аяқталған соң, Астананың триатлон саябағы, Есіл өзені жағалауы, Нұржол желек жолы аумағынан мерекелік от шашуды тамашалауға болады.

Тәуелсіздік сарайында бірден бірнеше көрме өз жұмысын бастады. «Astana Evolution» фотокөрмесі 8 шілдеге дейін өз келушілерін күтеді. Келесі күні С. Мүсіреповтің «Жаңа бастау» жеке көркемсурет көрмесі аяқталады. Астана қаласының «Жастар – Астана болашағы» жастар бірлестігімен бірлесе өткізілетін көрме 15 шілдеге дейін жалғасады.

«Моя любимая столица» көрмесі

1 шілде күні «Жастар» сарайында өз жұмысын бастаған «Моя любимая столица» көрмесі 6 шілдеге дейін өтеді. Еске салайық, фотоконкурсқа ниет білдіргендердің барлығы қатыса алды. Қорытынды көрмеге қойылатын еңбектерді арнайы конкурстық комиссия іріктеді. Үздік суреттердің авторларына Елорда күні естелік сыйлықтар мен марапаттар табысталады.

«ASTANAAROUNDUS» фотоөнер фестивалі

4 шілдеде сағат 17:00-де «Нұржол» сулы-жасыл желекжолында елордалық «ASTANAAROUNDUS» фотоөнер фестивалі ашылды. Қатысушылардың еңбектерін 31 шілдеге дейін көруге болады.

«Азия жаңғырығы» халықаралық цирк өнері фестивалі

4 шілдеде сағат 16.00-де Астаналық циркте «Азия жаңғырығы» халықаралық цирк өнері фестивалі басталды. 6 шілдеге дейін жалғасатын екі конкурстық бағдарламада әлемнің 12 мемлекетінен келген 60-тан аса цирк артисі өнер көрсетеді.

6 шілдеде сағат 11.00-де фестивальдің ең жарқын бөлігі – оркестрлер шеруі өтеді. Шараға қатысушылар Республика даңғылының бойымен Әскери-тарихи музейден «Жастар» сарайына дейін жүріп өтеді. Осы күні сағат 17.00-де ұжымдар қалалық алаңда өтетін қорытынды плац-концертте өнер көрсетеді.

«Шаттық» халықаралық балалар шығармашылығы фестивалі

4-6 шілде аралығында осы алаңда «Шаттық» халықаралық балалар шығармашылығы фестивалі өтеді.

Караокеден «Бәрі де ән салады» ашық қалалық чемпионат

5 және 6 шілдеде «Жастар» сарайының жазғы сахнасында Астана қаласы әкімінің кубогына караокеден «Бәрі де ән салады» ашық қалалық чемпионаты өтеді.

«International Street dance Session in Astana» халықаралық көше биі фестивалі

Мұнымен қоса, қалалық алаңда «International Street dance Session in Astana» халықаралық көше биі фестивалі ашылады. Қатысушылар 6 шілдеге дейін өнер көрсетеді.

«Елорда жүрегімде» концерттері көпшілік назарына ұсынылады

Әдеттегідей, мереке күндері қалалық саябақтар да белсенді жұмыс істейді. 6 шілдеде сағат 13.00-де және 7 шілдеде сағат 13.00-де және 20.30-да Студенттік, Жерұйық саябақтарында «Елорда жүрегімде» концерттері көпшілік назарына ұсынылады.

«Әзіл әлемі» әзіл-сықақ кеші

Сонымен қатар, 6 және 7 шілдеде елорда тұрғындары мен қонақтарын Nomad city hall сарайына «Әзіл әлемі» әзіл-сықақ кешіне шақырамыз.

«Spirit of Astana» халықаралық фестивалі

Шілденің 6-8 аралығында «Бәйтерек» монументінің алдындағы алаңда «Spirit of Astana» халықаралық фестивалі өтеді. Үш күн бойы сахна төрінде 18 ұжым, яғни 120-дан аса музыкант өнер көрсетеді. Биыл фестивальге әлемнің 20 мемлекеті қатысады.

Бибігүл Төлегенованың Астанаға музыкалық тартуы

6 шілдеде «Астана» концерт залында КСРО халық артисі, Социалистік еңбек ері, академик Бибігүл Төлегенова Астанаға мерекелік музыкалық тарту жасайды. Аңызға айналған әншінің жеке концерті кешкі сағат 18.00-де басталады.

«Қазақ Елі» монументінің алдындағы алаңда Гала-концерт өтеді

Астананың 20 жылдығы орайластырылған іс-шаралардың шарықтау шегінде «Қазақ Елі» монументінің алдындағы алаңда қазақстандық және шетелдік артистердің қатысуымен Гала-концерт өткізіледі. Бессағаттық музыкалық шоу ашық аспан астында өтеді және оны көрем деушілерге есік ашық. Қайрат Нұртас, Мәдина Сәдуақасова, Қарақат Әбілдина, Ардақ Балажанова, Қайрат Баекенов және «Формат» тобы және басқалары Астананы туған күнімен құттықтайды. Кеш хэдлайнерлері – қазіргі заманғы музыканың К-поп бағытының жарқын өкілдері Ninety One және оңтүстіккореялық Boyfriend топтары. Сондай-ақ, елорда тұрғындары мен қонақтары 1998 жылы Қазақстанның жаңа елордасын барша әлемге таныстыру рәсіміне қатысқан «На-На» тобының өнерін тамашалайды. Бұдан басқа, концерт көрермендері мерекелік отшашу тамашалайды. Биыл отшашу 6 шілде күні Бейбітшілік және келісім сарайы аумағында болады. Гала-концерт пен мерекелік отшашу «Хабар» телеарнасынан тікелей эфирде трансляцияланады. Басталуы сағат 20.00-де.

«Музыка энергиясы» концерті

7 шілде күні сағат 19.00-де қалалық алаңда италиялық «FORWARD» джаз квартеті өнер көрсетеді. Бір сағаттан кейін осы жерде «Музыка энергиясы»концерті өтеді. Аталмыш шара 8 шілде күні де осы уақытта осы жерде өтетін болады.

«FOTOfest.KZ» халықаралық фестивалі

Шілденің 10-ымен 30-ы аралығында «Бәйтерек» монументінің алдындағы алаңда ІІ «FOTOfest.KZ» халықаралық фестивалі жұмыс істейді.

Оқ атудан Астана қаласының ашық чемпионаты

4-9 шілдеде «Алау» мұз айдыны сарайы аумағында оқ атудан Астана қаласының ашық чемпионаты өтеді.

Бәйгеден «Астана кубогы» жарысы

6 шілдеде сағат 14.00-де «Қазанат» атшабарында бәйгеден «Астана кубогы» жарысы ұйымдастырылады.

2-3 шілде Тәуелсіздік сарайында I халықаралық «Global Silk Road» Жібек жолы бойындағы қалалар мэрлерінің форумы өтуде. Форумға қатысушылар «Белдеу мен жол» жобасында аймақтағы экономикалық байланыстың жаңа тетіктерін, осыған тартылған елдердің экономикалық дамуын, мәдени салада және басқа да бағыттарда ой алмасу, әлемге тұрақты дамуға сеп болу.

Іс-шараға әлемнің 60 елінен 3 мыңнан астам делегат тіркелген. Жібек жолы бойындағы қалалардың 73 басшысы, 30 саяси көшбасшы, 200-ден астам ірі сауда палаталары мен трансұлттық компаниялардың өкілдері, 150-ден астам шетелдік спикерлер мен модераторлар бар.

Шараның ерекше қонағы – гонконгтық «Hanson Robotics» компаниясы әзірлеген София есімді гиноид. Ол адамдармен қарым-қатынасқа бейім және түрлі халықаралық шараларда танымал қонақ. 2017 жылдың қазан айынан бастап София Сауд арабиясының азаматы және ол қандайда бір елдің азаматтығын алған алғашқы робот.

Форум аясындағы бір сессияның бірінде «Қазақстан-Қытай бизнес лидерлері 10+10 әріптестік форумында» Қазақстан даму банкінің төрағасы Болат Жәмишев Қазақстан мен қытайдағы үкімет бағдарламаларын жүзеге асыруда жеке бизнес рөлін атап өтті. «Қазақстан-қытай бағдарламасы шеңберінде 55 ірі инвестициялық жобалар жүзеге асырылуда, оның едәуір бөлігіне жеке бизнес бастамашылық жасаған», — деп айтты Жәмишев.

Айта кету керек, форумға қатысушылар «ақылды қала» жаңа технология жүйесіне басым назарын аударған. «Astana Innovation» АҚ басқарма төрағасы Олжас Сартаев шетелдік әріптестеріне Президент Нұрсұлтан Назарбаев ұсынған Смарт сити тұжырымдамасы туралы айтты. «Смарт Астана» концепциясы» 6 бағыт бойынша жүзеге асырылуда: «ақылды» басқару, «ақылды» экономика, «ақылды» көлік, «ақылды» қоршаған орта, «ақылды» қоғам, «ақылды» өмір салты. Тұжырымдама экологиялық қауіпсіздікті қамтамасыз ету, көгалдандыруды дамыту, қалдықтарды басқару, «ақылды аудандар» құрылысын салуды қамтиды», — деді Сартаев.

Сонымен қатар, Жібек жолы елдерінің өңірлік интеграциясы және бизнестің өзара іс-қимылының перспективаларын талқылауға арналған панельдік сессия жұмысы барысында, «GrottBjorn» қаржы ателье директоры Виктор Лебедев атап өткендей, ислам (МАИБ) халықаралық қауымдастық интеграторы болып табылады, ТМД елдерінің инновациялық ынтымақтастық форматындағы өзара тиімділікті қамтамасыз ететін алаң. «Қазірдің өзінде Қазақстан, Ресей, Әзірбайжан, Қырғызстан, Тәжікстан, Өзбекстан банктері мен компаниялары биржалық сауданың тиімді тұстарын айтуда. Бұл елдерді мәдени-экономикалық байланыстар және этикалық принциптер біріктіреді», — деп атап өтті Виктор Лебедев.

Сонымен қатар, әлемге танымал қытай архитекторы Шу Юннің «Жібек жолының Алтын көпірі» архитектуралық кешенінің іргетасын қалау тарихи оқиға болмақ. Ескерткіштің ұзындығы 28 метр болмақ. Ол жаһандық қоғамдастықтың ортақ тағдыр, ортақ мүдделері мен ортақ жауапкершілігін құру туралы арманын бейнелейді.

Сондай-ақ, шара аясында мэрлер мен губернаторлардан құралған құрама мен әлемдік футбол ардагерлерінен жасақталған құрама арасында футболдан достық кездесу өтеді.

Форум қорытындысы бойынша Жібек жолы бойындағы елдердің қалалары мэрлерінің клубын, кәсіпкерлер, университеттер, журналистер, ақындар қауымдастығын, сондай-ақ, әйелдер мен жастар ұйымдарының платформасын құру жоспарлануда.

Болашақтың Астанасы — ақылды қала. Дегенмен, қазірден Астана тұрғындарының өмірінің сапасын және әл-ауқатын арттыру, Астананың инфрақұрылымын және қоғамдық қауіпсіздігі деңгейін жақсартуға және жаңғыртуға бағытталған жобалар жүзеге асырылуда. Қазірден Астананы «ақылды қала» деп атауға болатын жобалар бар.

1. Қауіпсіз қала

Бейнебақылау жүйесін кең қолданудың арқасында 2017 жылы қоғамдық орындарда қылмыс деңгейі 21,1 % — ға, көшелерде 32,7 % төмендеді.
Астана аумағында 10 мың бейне камералары орнатылды. Солардың көмегімен нақты уақыт режимінде нөмір белгілерін, жылдамдық режимін, жүргізушілердің көлікпен жолдағы тұтас жолақты, тоқта белгісін, автобус сызығын қиып өтуін анықтау және тіркеу, сонымен қатар қаладағы авто көліктердің санын 99% анықтау жүргізіледі. 6 мың камера 400 қиылыста және қаланың 300 желілік участкесінде, адамдар көп жиналатын орындарда: сауда-ойын сауық орталықтарында, театрларда, спорт ареналарында, музейлерде және тағы да басқа жерлерде 4 мың камера орнатылады.
Қалада фото және видео тіркеу жобасы одан әрі мәліметтерді сараптау Астана қаласының әкімдігімен мемлекеттік –жеке меншік серіктестік бойынша 8,4 млрд.теңге инвестиция көлемімен жүзеге асырылуда және тек қана жеке серіктестер ақшасына қаржыландырылуда.

2. Smart мектеп

Жобаның мақсаты Астана қаласының мектептерінде қауіпсіздікті қамтамасыз ету және мектеп процесстерін автоматтандыру болып табылады.
Жобаны іске асырудың нәтижелері:
— мектепте оқушылардың қауіпсіздік деңгейін 85% арттыру;
— бөтен адамдардың мектепке кіру жағдайларының 90% алдын алу;
— мектептерде штаттан тыс жағдайлардың 75%-ның алдын алу;
— кітапхана қорын есепке алудың 60% астамын автоматтандыру.
Сервистік модель бойынша қызмет көрсету және инвестицияларды тартудың есебінен елорданың барлық мектептерін қамту жоспарланған

3. Smart емхана

Жобаның мақсаты ішкі және сыртқы процесстерді автоматтандыру есебінен медициналық қызметтердің сапасын жақсарту болып табылады.
Жобаның нәтижелері:
— Емхана дәрігерінің пациентке қызмет көрсету уақытын 10 минутқа дейін азайту;
— Емхананың тіркеу бөлімінде кезекті 30% қысқарту;
— Диагностикалық зерттеулердің жеделдігі мен ақпараттылығын кем дегенде 85% арттыру, медицина қызметкерлерінің уақытын үнемдеу.

4. Smart tickets

Smart Tickets мақсаты – сатуды автоматтандыру арқылы Астана қаласында мәдени және спорттық шараларға билеттер сатып алу үшін қолжетімділікті арттыру және халыққа қолайлы жағдай жасау.
Нәтижесінде:
— Гаджеттерді пайдаланудың арқасында билет сату 30% артады;
— Мәдени және спорт мекемелерінің кассаларына баратын уақыт үнемделеді;
— мекемелердің қаржылық қызметінің айқындылығы қамтамасыз етіледі;
— Мәдени және спорт мекемелердің қаржылық көрсеткіштері мен адамдардың баруы бойынша сараптамалық есептің кез келген нысанын қалыптастыруға болады.

5. Smart payments

Жобаның мақсаты тұтынушыларға барлық төлемдерді жасауға бір шот жасау болып табылады.
Жобада коммуналдық қызметке бірыңғай төлем құжаты арқылы төлеу тетігі қарастырылған.
Smartpayments — электрондық форматта коммуналдық қызметтер үшін төлеу, ол пайдаланушыларға сумен жабдықтау, коммуналдық қалдықтарды шығару, тұрғын үй-пайдалану шығындары, электр қуаты, жылыту, телекоммуникация қызметтері үшін төлем жасауға мүмкіндік береді.

6. Smart көше жарығы

Мақсаты – көшелердегі жарықтандыру құралдарын қуаттылықты реттеуіштермен жабдықтау арқылы көшені жарықтандырудың тиімділігін қамтамасыз ету, көшені жарықтандыруға жұмсалатын эксплуатациялық шығындарды азайту.
Жобаның тиімділігі:
— Шамдарды алыстан басқаруға мүмкіндік беретін бағдарламамен қамтамасыз ету, сондай-ақ, әр шамның жағдайы туралы бөлек мәлімет алу;
— әр шамға түсетін жүктемені басқару;
— өткен жылдардың сәйкес кезеңімен салыстырғанда электр энергиясын 51% артық үнемдеуге қол жеткізу.
— Алыстан мониторинг жасау мен бақылаудың есебінен эксплуатациялық шығындарды азайту, сондай-ақ, бригадалардың шығуын қысқарту;
— Шамдардың құрамында зиянды заттар (сынап) болмағандықтан, оларды арнайы пайдаға асыру қажет емес;
— Смартфонның, планшеттің көмегімен онлайн режимде жарықтандыруды алыстан басқару.

7. е-KСK

«е-KСK» жобасы әр тұрғынның «жеке кабинетті» құруын қарастырады. Қосымша арқылы электрик, сантехник сияқты мамандардың қызметін алу үшін ПИК-ке өтініш қалдыруға болады
е-КСК мобильді қосымшасы арқылы ұялы телефоннан ПИК-қа өтініш жіберуге мүмкіндік береді. Өтініш кепілді түрде адресатқа жетіп, оған нөмір тіркелініп беріледі. Бұдан кейін тапсырыс беруші қосымшадағы барлық өзгерістер туралы хабарландырулармен ақпараттандырылып, жұмыс аяқталған соң оның сапасын бағалай алады.

Статистикаға сәйкес, қазір Астанада жұмыспен қамтылғандар саны 500 мың, оның ішінде 300 мың кіші және орта бизнес саласында.

Халық санының өсуіне байланысты 2023 жылға қарай Астанада жұмыспен қамтылғандар саны 650 мыңға дейін өседі, яғни жаңа 150 мың жаңа жұмыс орна пайда болады.

«Big Data» технологиясының көмегімен ескірген кәсіптер мемлекеттік тапсырыс ішінен алып тасталынды. Қалалық шаруашылыққа қажетті мамандықтарды анықталды, мәселен: лифт қызметінің инженері, әлсіз тоқты жүйелер инженері, газдандыру маманы, қазіргі кезде жетіспейтін қазақ және ағылшын тіліндегі география мұғалімі, құрылыс және жобалау, киберқорғаныс, өнеркәсіп, көлік, медицина және білім саласындағы одан басқа бірқатар жоғары технологиялық мамандықтар бар.
Осыған байланысты мемлекеттік тапсырыс қайта қарастырылды.

Біріншіден, қалаға қажет мемлекеттік тапсырысты жоғары білім мен орта білімге көбейтілді.
Сонымен бірге, базарлар мен құрылыс объектілерінде жұмыс істейтін жастарға арнап, олар жаңа мамандықты үйреніп, қосымша табыс табатын мүмкіндігі болуы үшін қысқа мерзімді курстарды енгізілді.

Биыл бұл жоба аясында 30 мың адамды оқытуға жоспарланды, оның 17 мыңы мемлекеттік тапсырыс аясында білім алады.

• — жоғары білім – 1000 адам (күндізгі оқу),
• — бөлек катерогиядағы адамдар үшін жоғары білім – 102 адам (күндізгі),
• — техникалық және кәсіби білім беру – 4547 адам (күндізгі),
• — қысқа мерзімді кәсіби білім беру – 125 адам (кешкі оқу үлгісі),
• — цифрлық сауаттылық – 10000 адам
• — кәсіпкерлік бастамалары – 1000 адам.

Осы жылы, бірінші рет, мемлекеттік тілде білім беру көрсеткіші 45%-тен 65%-ке өседі. Оның ішінде, алғашқы рет келесі мамандықтар бойынша оқыту жүргізіледі:

• — жобалаушы BIM менеджер,
• — медициналық оптика, фармация,
• — монтаж,
• — тех қызмет көрсету және медтехниканы жөндеу,
• — су құбырлары бойынша смета жасаушы,
• — әлсіз тоқты жүйелерді монтаждаушы,
• — лифтер.

Бас прокуратура әлеуметтік желіде «Қазақстанның демократиялық таңдау» экстремистік ұйымының арандату хабарламалары мен бейнероликтерінің жайылу фактілері анықталғандығы туралы баспасөз таратты.
Аталған роликтерде «Қазақстанның азаматтары» 2018 жылы 23 маусымда митингтерге шығуға шақыруда.
Қадағалау органының хабарламасы бойынша осы бейнероликтерді түсіру үшін, Әбілязов бет келбеті қазақтарға ұқсайтын кәсіби актерлерді тапқан Киев қаласындағы жарнамалық агенттікті жұмылдырған.
Негізінде олар Қазақстанның азаматтары емес болып шықты.
Мысалы «40 мың теңгеге жұмыс істейтін қазақстандық жас мұғалім» рөлін арнайы таңдалған актриса ойнаған, ал «қарапайым жұмыскер жас жігітті» — Әбілязовтың Қазақстаннан 2009 жылы көшіп кеткен, Шотландияның жыл сайынғы оқып тұру төлемақысы 9 млн.-нан аса теңгені құрайтын қымбат университеттерінің бірінде оқитын туған жиені.

Әбілязов және «ДВК-ның» сыбайластарымен арандату бейнероликтерінің таратылуына байланысты Бас прокуратура сотпен 2018 жылғы 13 наурыздан бастап Қазақстан Республикасының барлық аумақтарында «ДВК-ның» іс-әрекетіне тыйым салынғанын қайталап естеріңізге салады.
Прокуратура «ДВК-ның» экстримистік әрекетіне кез-келген қатысу және оны қаржыландыру үшін Қазақстан Республикасы Қылмыстық кодексінің 258 және 405-баптарына сәйкес қылмыстық жауаптылыққа тартылатынын түсіндіреді.
Митингтерге қатысуға шақыру үгеттеулер «Бейбіт жиналыстар, митингілер, шерулер, пикеттер және демонстрациялар ұйымдастыру мен өткізу тәртібі туралы» Заңының ережелерін тікелей бұзады.
Ашық акцияларды өткізу үшін оны өткізуді белгілеген мерзімнен 10 күн бұрын тиісті арыз бере отырып, жергілікті атқарушы органның рұқсатын алу қажет.
Бүгінгі таңда әкімдіктерге үстіміздегі жылдың 23 маусымында митинг өткізу туралы арыздар түспеген.
Осыған байланысты, прокурорлар митингтер заңсыз болып табылатынын, оларды ұйымдастыру мен оларға қатысқаны үшін әкімшілік жауаптылық, оның ішінде 15 тәулікке қамауға алу көзделген.
Бас прокуратура Қазақстан халқын экстремистік ұйымның және оның сыбайластарының арандатушылықтарына ермеуге шақырады.