Астана әкімдігінде «Қазақстанның 100 жаңа есім» жобасының ІІ кезеңіне арналған баспасөз-конференциясы өтті, деп хабарлайды Астана қаласы әкімдігінің ресми  сайты.

«Қазақстанның 100 жаңа есімі» жобасының мақсаты – табысты, бәсекеге қабілетті болу, прагматизм мен білім культі идеяларын Тәуелсіздік жылдары Қазақстанның дамуына елеулі үлес қосқан адамдардың тарихын үлгі ете отырып насихаттау.

Ұйымдастырушылардың айтуынша, жобаның екінші кезеңіне үміткерлерді іріктеу басталған және 25 қазанға дейін жалғасады. Әр адам өзін немесе өзінің танысын жобаға қатысу үшін үміткер етіп тіркей алады. Ол үшін кәмелет жасқа толу және қоғамдық, шығармашылық еңбекте, не ғылыми қызметте жарқын жетістіктерге жетуі тиіс.  Үміткердің әр салада жеткен жетістігі қазіргі Қазақстанның бейнесін көрсетіп, елді танытуы шарт.  

Брифинг барысында республикалық жастар орталықтарының жетекшілері жобаның 2017 жылғы жеңімпаздары мен жұмыс жасап жатқандарын айтты.

«Біз жобаға студенттерді тартамыз, мысалы, біздің Иван Крепак. Ол былтыр мектеп оқушысы болған, ал қазір Назарбаев Университетінде және шетелде өзінің ғалыми жаңалықтарын таныстыруда», — деді «Қазақстан студенттер Альянсы» қоғамдық бірлестігінің төрағасы Ілияс Түстікбаев.

«Қазақстанның 100 жаңа есімі» жобасының өткен жылғы жеңімпаздары өздерінің өмірлерінің қалай өзгергені туралы айтып берді. Қазақстанның волейболдан паралимпиялық жастар құрамасының капитаны Серік Есматовтың айтуынша, ол өмірдің қиындығына тап болған жандарға әрқашан көмек беруге тырысады.  

«Бұл үлкен жүректі бірақ аяғы жоқ жанның еңбегі. Мен мәдени-бұқаралық және спорттық іс-шараларға жиі қатыстым. Өзім сияқты тағдыры қиын жандарға көмек беруге тырыстым. Жобаға қатысқаннан соң менің өмірім өзгерді, менің әр айтқан сөзім, ісім салмақ ала бастады»,  -дейді Серік Есматов.

Ал, Голливудты бағындырушы жас режиссер Айдие Айдарбеков, бұл жобаға қатысуы  мүлдем күтпеген жағдай болды дейді.

«Мен бұл жобаға ойламаған жерден келдім. Жобада дауыс беру басталған шақта мен АҚШ-та оқуда едім. Жобаға қатысайын деген ой болмады. Ал біраз уақыттан соң адамдар «саған дауыс бердім» деп жазатын болды. Басында түсінбей жүрдім. Мен ауылдың баласымен Жақсы деген ауыл. Ауылымның адамдары мені осы жобаға қатысуға лайық депті де, сайтқа құжаттарды толтырып суретімді іліпті. Осылай күтпеген жерден. Бұл коммерциялық емес имидждік жоба.  Мемлекет сені ақшалай емес елге таныстыру арқылы қолдау білдіруде және өзгелерге үлгі ретінде алып отыр. Менің ойымша бұл өте дұрыс және алға ұмтылуға, жетістіктерге жетуіне құлшыныс береді», — дейді жас режиссер.

Айта кетейік, жобамен толық танысып және қатысуға өтініш қалдыру 100esim.el.kz сайты арқылы. Ұйымдастырушылар қазірдің өзінде жобаға қатысу үшін 50 өтініш түскенін айтты. Осы жылдың мақсаты – 120 жаңа есімді елге таныстыру.  

Қаланың коммуналдық қызметі алдағы қысқа дайын. Қаланың көшелерін қардан тазартуға 2 мыңнан жоғары бірлік мамандандырылған техника дайындалды. Сондай-ақ қаланы тазалау жұмыстарына 2500 жұмысшы қатысады, деп хабарлайды елорда әкімдігінің ресми сайты.

Бүгінде Астана еліміздегі ауланың территориясын тазалайтын ПИК емес аудан әкімдігі айналысатын бірден бір қала. Сонымен қалаға 94 мердігерлік ұйым қызмет көрсетеді, осы қысқа 1824 мамандандырылған техника дайындалды. Қаланы 2503 жұмысшы тазалайтын болады.

Сондай-ақ, «Алматы» ауданында 578 бірлік техника, «Байқоңыр» ауданында – 283 бірлік техника, «Есіл» ауданында – 526 бірлік техника, «Сарыарқа» ауданында – 437 арнайы техника дайындалды.

Оның ішінде қар тазалау бойынша жұмыстардың біраз бөлігін екі ірі мердігерлік ұйым ұйымдастырады, бірі «Астана Тазалық» ЖШС, «Астана Зеленстрой» АҚ. Екі компанияның да паркінде 400-ден аса мамандандырылған техника бар. Астана Тазалық баспасөз қызметі хабарлағандай, қаланы қардан тазалаумен 500 жұмысшы айналысады және 256 техника жұмылдырылады. Бұдан басқа, кәсіпорынның қызметкерлері құм мен тұз араласқан көлемі 20 мың текше метр (таяу арада тағы да 8 мың текше метр дайындалады) және көктайғаққа қарсы реагент дайындады.  

Көбінесе қарды тазартуға сыпырғыш-жинағыш машиналар, тротуар тазалайтын техника, құм себуші, шнекороторлар, автогрейдер, қар тасымалдайтын жүк көліктері, фронтальді жүк тиегіш және самосвалдар.

Айта кетейік, қар жинау жұмыстары кезінде әлеуметтік объектілер, ішкі кварталдың территорияларын, үйлер мен аулаларға кіре берісті тазалауға көбірек көңіл бөлінеді. 

Синоптиктердің соңғы болжамы бойынша, биыл қыс Қазақстанға ерте түседі және қарлы болады.

Елбасы осы жылғы Жолдауында Денсаулық сақтау министріне Астанада Ұлттық ғылыми онкологиялық орталық құруды тапсырған болатын. Онда онкологиялық ауруды емдеудің ең үздік методикасы еңгізіледі.

«Біз Америкада, Кореяда, Түркияда, Еуропада оқып, үлкен аудит жүргіздік, осы елдердің негізгі клиникаларының тәжірибесін қолдана отырып жаңа онкологиялық орталық тұжырымдамасын құрдық. Онда еліміздің барлық өңірлерінде енгізуге келмейтін әдістемелер кіріп отыр», — деді ОКҚ өткен брифингте Қазақ онкология және радиология ғылыми-зерттеу институтының ди⁠ректоры Диляра Қайдарова.

Әңгіме, бірінші кезекте, сәулелік, лазерлік терапия, оның ішінде киберпышақта, Қазақстанда тұңғыш протонды орталық құру, диагностика және иммундық-емдеу.

«Елімізде онкологиялық ауруға шалдыққандарды емдеу тегін жүреді. Қазір қосымша зерттеулер жүргізу үшін 5 жылға қосымша 35 млрд теңге бөлінді. Компьютерлік томография және МРТ-дан бөлек молекулалық, генетикалық және иммуногистохимиялық зерттеулер жүреді. Сондай-ақ, телемедицинаны және телепатология дамыту қаладық. Енді шетелге барып тексеріліп, емделіп қажет емес ондай тексеру мен емдеуді біздің институтта да қолға алдық және пациенттерге аурудың қандай ауыр түрі болса да кеңес береміз. Оның бәріне қаражат қаралған, пациенттерге бәрі тегін болады. Сонымен қатар, жаңа онкологиялық орталықта 8 мың адамды емдеу көзделіп отыр, бәрі тегін емделеді. Тек шетел азаматтарына ақылы болмақ», — деді еліміздің бас онкологы.

«Кедергісіз Қазақстан» акциясы Елбасының «Болашаққа бағдар: Рухани жаңғыру» бағдарламалық мақаласының негізгі бағыттары еліміздің әлеуметтік саясаты, халықтың белсенділігін арттыру және меценаттық қағидаттарын ілгерілету мақсатында өткізілуде.

«Q Group», «Ғажайып Evrikum» саябағы және «Chaplin Cinemas» компаниялар тобы Астана қаласы әкімдігінің ұсынысын құп алып, осы идеяларды ілгерілету бойынша жұмыстарын жалғастыруда.

Қалалық білім басқармасы оқушыға арналған жол жүру картасы арқылы тамаққа және мектепке кіруге рұқсатнама беретін пилоттық жоба дайындауда, деп хабарлайды Астана қаласы әкімдігінің ресми сайты.

Цифрландыру аясында білім басқармасы жүктемесі ауыр мектептерде тамақ үшін жол жүру картасын пайдалану пилоттық жобасын қолға алмақ.

Қалалық білім басқармасының басшысы Әнуар Жанғозиннің айтуынша, әр оқушыда мектепке кіруге арналған карточка бар, ол турникеттен өткенде оның мектепке келгені белгіленеді. Оқушылар сол карта арқылы мектеп асханасында және жол жүру ақысын төлейтін болады. Осылайша ата-ана баласының қай кезде не сатып алғанын бақылай алады.

«Терминал немесе онлайн түрде ата-ана жол жүру картасын толықтыра алады және балаға жеуге болмайтын тағам түрлеріне шектеу қою мүмкіндігі бар, яғни бала асханада ата-анасы шектеу қойған тағам түрлерін сатып ала алмайды. Төлем картадағы баланстан алынады, картадағы бірлік шешілген кезде ата-анаға хабарлама келеді. Асханада қолма қол ақшалай төлеу кезек тудырады, сол себепті де осы жүйе мектепке де, ата-анаға да ыңғайлы», — дейді Ә. Жанғозин.

Білім басқармасының ақпараты бойынша бұл пилоттық жоба қаладағы 27, 54, 59 мектептерінде бірер апта бұрын басталған. Ал бұл жобаны басқа да мектептерге енгізу мәселесі екінші тоқсаннан кейін шешіледі.

Қала тұрғындары мен қонақтары 15 мен 21 қазан аралығында сағат 10:00-18:00 Тәуелсіздік сарайында Асқар Нұрболаттың «Өмір» атты жеке көркем көрмесі, «Ақанаевтар әулеті» атты жеке көркем көрмесі, Еуразиялық дизайнерлер Одағының мүшесі Е.С. Асылхановтың жеке көрмесін тамашалай алады.

15-30 қазан сағат 10:00-18:00-де Бейбітшілік және Келісім сарайында «Рухани жаңғыру: Карлаг, «АЛЖИР» — Қазақстанның естелік орындары», «КАРЛАГ: қапастағылар қаламынан» — «КАРЛАГ: творчество в неволе».

15 қазан сағат 18:00-де Казмедиа орталығында «Newton tour» тобының концерті.

16 қазан сағат 11:00-де Қ. Қуанышбаев атындағы мемлекеттік академиялық қазақ музыкалық драма театрында Е. Шварц «Күлше қыз», ертегісі, 17 қазан сағат 18:30-да Р. Отарбаев «Көлеңкесіз жолаушы» психологиялық драмасы, 18 қазан сағат 18:30-да С. Балғабаев «Ең жақсы еркек» комедиясы, 19 қазан сағат 18:30-да М. Байжиев «Тіл табыскандар» комедиясы, 21 қазан сағат 18:30-да Ш. Айтматов «Қызыл орамалды шынарым» лирикалық драмасы қойылады.

16 қазан сағат 19:00-де «Астана Опера» МОБТ (Камералық зал) «Бег времени» симфониялық музыкалық кеші, 17 қазан сағат 19:00-де «Романтика по немецки» концерті, 19 қазан сағат 19:00-де «Астана Опера» МОБТ (Камералық зал) «ТЮРКСОЙ» жастар камералық қорының концерті өтеді.

16 қазан сағат 19:30-да «Астана» концерт залында Симфониялық оркестрдің концерті, 17 қазан сағат 19:00-де Халық әні бөлімінің жеке орындаушылары, «Сарыарқа» халық музыкасы ансамблі, «Шалқыма» халық биі ансамблінің «Әсерлі ән сал домбыра» атты концерті, 20 қазан сағат 17:00-де Астана қаласы Мемлекеттік академиялық филармониясы эстрадалық би ансамблінің «Ән шырқайық, би билеп» атты концерті өтеді.

20 қазан сағат 15:00-де, 21 қазан сағат 18:00-де «Қазақстан» ОКЗ «Жыр арқауы — Астана» халықаралық ақындар айтысы тамашалай аласыздар.

21 қазан сағат 18:00-де М.Горький атындағы Мемлекеттік академиялық орыс драма театры А. Цагарели «Ханума» музыкалық комедия қойылымы.

«Артем» базарынан алыс емес, «Аймақ тау» сауда үйінен тағы да бір Жастарға көмек беру орталығы ашылды, деп хабарлайды елорда әкімдігінің ресми сайты.

Онда қала жастары Жұмыспен қамту, еңбек және әлеуметтік қорғау басқармасы, денсаулық сақтау және Жұмыспен қамту орталығының өкілдеріне өздерін мазалаған сұрақты қоя алады. Мұнда сонымен қатар тұрғын үй басқармасы, Тұрғынүйқұрылысжинақбанкі, Халыққа қызмет көрсету орталығы және «ДАМУ» қорының өкілдері де жұмыс істейді.

Орталықтың негізі мақсаты – жастарды қолдауға бағытталған мемлекеттік бағдарламалардың қазіргі таңда жүзеге асырылып жатқаны туралы ақпараттандыру және қала тұрғындары үшін арнайы бөлек консультациялық көмек көрсетіледі.

«Орталық «Аймақ Тау» СҮ № 300 бутигінде орналасқан. Ол тұрақты түрде жұмыс істейтін болады. Мұнда жұмыс пен баспана туралы сауалдарды дүйсенбі мен сейсенбіден басқа күндердің барлығында келіп сұрауға болады. Яғни жұмыс кестесін біз сенбі, жексенбі күні де жұмыс істейтін қылып қойдық. Орталықтың заңгері мен психологы құқық бойынша және жеке сауалдармен өтемсіз түрде кеңес ала алады және басқа маманға жолдайды әрі соңғы нәтиже шыққанша сүйемелдеп жүреді», — Астана қаласы әкімдігінің «Астана Жастары» жұмысқа орналастыру және мамандыққа бейімдеу бөлімінің басшысы Айдана Мұсатаева.  

Оның айтуынша орталыққа бірінші күні 80-ге жуық адам келген. Көпшілігін жұмысқа орналасу, бизнес ашу, «7-20-25» бағдарламасы бойынша үй алу мәселесі қызықтырған.  

«Ақ Жүрек» қоғамдық қорына қарасты тренинг-орталықта алғашқы көмек көрсету бойынша курстар жүреді, деп хабарлайды Астана қаласы әкімдігінің ресми сайты.

Статистика бойынша адамның жүрегі тоқтап қалған соң алғашқы екі минутта көмек көрсету өте маңызды. Егер көмек осы алғашқы екі минутта берілсе адамның өмір сүру кепілдігі  70 %-ға дейін артады. Бірақ, адамдардың  90 %-ы көмек беру керек кезде сасқалақтап өздері не істерлерін білмей қалады. Осы себепті де «Ақ Жүрек» қоғамдық қорында шұғыл медициналық көмек көрсету курсы ашылған.

«Біз тек дефибрилляторды қалай қолдану керектігін айтып қана қоймаймыз, біз адамның жүрегі ауырған кезде мысалы, инфаркт, инсульт немесе эпилепсия бола қалған жағдай қандай ем-шара қолдану керектігін оқытамыз. Ең бастысы сасып қалмай алғашқы екі минутта көмек көрсету», дейді «Ақ Жүрек» қоғамдық қорының директоры.

Бұл бағытта студенттерге ден қойылуда. Қор жоспарында Астанадағы колледж және ЖОО-ның 150 мың студентін оқыту. Оларға осы орталықтың мамандары  курстар өткізетін болады.  

«Біз тек дефибрилляторды қалай қолдануды ғана емес жүрегі ауырып отырған жанды көргенде қандай әрекеттер жасау керектігін айтамыз. Біз бірінші кезекте жастарды курстан өткізгіміз келеді, қазір қалада 150 мың студент бар. Олардың барлығын оқытуға тырысамыз, болашақта олар өздерінің туған-туыстарын үйрететін болады»,  — дейді Р. Масхутов.

Сонымен қатар, алғашқы көмек беру курсында оқимын деген кез-келген адам оқи алады. Ол үшін 8 701 801 5555нөмері арқылы тренинг-орталыққа хабарласу керек. Орталық ашылғаннан бері нұсқаушылар 500-ден астам адамды оқытып үйреткен.

Бүгін комиссия Астана әкімінің басшылығымен «қарлы маусымның» басталуына орай қаланың дайындығы қалай екендігін тексеріп шықты, деп хабарлайды елорда әкімдігінің ресми сайты.

Комиссия көшелер мен жолдарды жинайтын екі ірі мердігерлік ұйымның – «Астана тазалық» және «Астана Зеленстрой» АҚ техникаларын көріп шықты. Екі компанияның да паркі 400 мамандандырылған техникадан асады. Компания басшылығы барлық техниканың қысқы маусымның басталуына дайын екендерін жеткізді. Қызметкерлер штаты да жасақталған. 

Қар жауған күндері көшеге Есіл ауданы бойынша 526 бірлік техника, Байқоңыр ауданында – 177, Сарыарқа ауданында – 437, Алматы ауданында – 452 техника шығуға дайын.

Қазіргі таңда, қаланың жаңа көшелерін есепке ала отырып, маршрут пен астана жолдарын тазалаудың режимін қайта қарастырылуда.

Әкімдік әлеуметтік объектілердің кіре беріс жолдары мен кварталдардың ішкі жолдарының территориясын, оған қоса үйлер мен аулалардың кіре берісінің жолдарының тазалануына ерекше көңіл бөліп отыр. Себебі, Астана еліміздегі аула алаңдарын ПИК емес, аудандық әкімдік тазалайтын бірден бір қаласы.
Алда тұрған қысқы маусымға «Астана тазалық» қазірден 20 мың текше метр құмды-тұзды қоспаны дайындап қойды (жуық арада тағы да 8 мың текше метрі дайындалады). Дайын болған реагент ауданның маршруты бойынша әзірленген.

Шығатын тас жолдарда және қатты қар жауған кезде пайдаланылатын арнайы роторлар да қысқы маусымға дайын.
Астана басшылығы қатысқан жиында аудан әкімдері, мердігерлік ұйымдар, қаланы санитарлық тазалауға кіріскендер мердігерлік ұйым өкілдерінің есебін және аудан әкімдерінің қысқы маусымға дайындығы туралы тыңдады.

«Бізге толықтай дайын тұру керек, — деді Астана әкімі Бақыт Сұлтанов. – Коммуналдық қызметтер сағат сияқты жұмыс істеп тұруы керек, қалалықтар ауа райының қолайсыздығына байланысты жолдарда жайсыздық сезінбеуі тиіс».

Бұдан басқа, Б. Сұлтанов қаланы санитарлық тазалауға кірістірілген мердігерлік ұйымдармен келісімшартты жаңа форматқа ауыстыру туралы мәселені қайта қарауды тапсырды (бүгінде олар нарықтың 50 % құрайды). Жиынға қатысқандар бір жылдық келісімшарттан «кетіп» және «жинау жұмыстарының түрлеріне қарай» көпжылдық МЖӘ-келісімшартын анықтап, өздеріне тиесілі қаланың учаскелерінің тазалығына толықтай жауапкершілікті компания алатындай етуге уәделесіп тарасты.

Сонымен қатар, қала аудандарын ірі учаскелерге бөлу туралы ұсыныс айтылды (соның бір учаскесі – МЖӘ-келісімшарты). Мұндай қадам бір ғана компанияның өзіне қарасты ауданға қызмет көрсетуін қамтамасыз етуге мүмкіндік береді. Көпжылдық келісімшарт бизнеске инвестициялық сенім береді, ол техникалық базаны жаңартуға және арнайы транспорт паркін жаңартудың мүмкіндігін қамтамасыз етеді.

Аталған ұсынысты қаланы санитарлық тазалауға кіріскен компания-мердігерлер толықтай қолдады.

Елордадағы № 59 лицейде Ыбырай Алтынсарин атындағы Ұлттық білім академиясының ұйымдастыруымен «Білім берудегі инновациялар: ізденіс және шешімдер» атты халықаралық ғылыми-практикалық конференция өтіп жатыр, деп хабарлайды Астана қаласы әкімдігінің ресми сайты.

Аталмыш жиын осымен бесінші рет ұйымдастырылған. Жиында Елбасы Жолдауындағы білім саласының басымдықтары талқыланды. Сондай-ақ, білім беру мазмұнын жаңартудың негізгі бағыттарының қалай жүзеге асырылып жатқаны сөз болды.

Қазіргі уақытта Қазақстанда педагогикалық білім беруді жаңғырту жалғасуда, үш тұғырлы тілге көшу,  «Рухани жаңғыру» жалпыұлттық бағдарламасының құндылықтарын оқытуды енгізу.  

«Біздің мектеп 4 жыл жаңарған формада жұмыс жасауда. Балалардың білім жетістіктерін салыстыра келе, біз оқушыларымыздың функционалды сауаттылық және логикалық ойлауға жақсы екендігін байқадық. Олар ашық тапсырмаларды жеңіл шешетін болды», — деді Қостанай облысы пилоттық мектебінің директоры Қадиша Қалеева.

Конференцияға білім беру саласының 250 маманы қатысты. Пленарлық және сессияларды 20 баяндама оқылып талқыланды.

«Қазіргі таңда басты мәселеде инновациялық шешімдер. Менің баяндамам білім бағдарламаларына қатысты. Біздің университеттің оқытушылары 23 білім бағдарламасын әзірледі. Қазір мектептерде оқыту бағдарламалары өзгерді, соған сай жаңа жоғары білікті мамандар қажет», — дейді Абай атындағы ҚазҰПУ-дың ғалыми хатшысы Ұлмекен Нұрғалиева.

Сондай-ақ, конференцияға қатысушылар білім беру жүйесінің қоғамдық сана-сезімді жаңғыртудағы рөлін де қарастырды. Білім беру жүйесінің жаңаруына байланысты мұғалімнің жаңа стандарттар жағдайында әдіснамалық және әдістемелік қызметпен қамтамасыз етуі.

Гонконг университеті білім факультетінің Басқарма төрағасы (Гонконг), математикалық білім профессоры Леунг Фридерик «Білім саясаты мен практикасы үшін TIMSS нәтижелері» тақырыбында баяндама жасады.

«Қазақстан білім саласында айтулы жетістіктерге жетіп жатыр. Осындай конференциялар жыл сайын өткізеді. Бұл кездесуде біз білім саласының кемшіліктерін анықтап, оны шешу жолдарын қарастырамыз және жақсы нәтижелерге жетуге талпынамыз», — деді профессоры Леунг Фридерик.

«Білім берудегі инновациялар: ізденіс және шешімдер» атты V халықаралық ғылыми-практикалық конференциясында нақты ұсынымдар қабылданды.