Жарияланымдар

Әлихан Байменов «Bilimmen bólis» жобасы аясында дәріс оқыды

Astana Mall сауда орталығының коворкинг орталығында «Мемлекеттік білім берудің өңірлік хабы» басқармасының төрағасы Әлихан Байменов «Bilimmen bólis» жобасы аясында дәріс оқыды, деп хабарлайды елорда әкімдігінің ресми сайты.

Дәрісті Астана қаласының Тілдерді дамыту және мұрағат ісі басқармасы ұйымдастырды.

«Біздің басқарма «Bilimmen bólis» жобасын жүзеге асыруда. Біз оны қала тұрғындары арасында өткіземіз. Лекторлар ретінде біз қоғам қайраткерлерін, танымал адамдарды, «Болашақ» түлектерін өз білімімен және тәжірибесімен бөлісуге шақырамыз. Барлық қызығушылық тудыратын тақырыптар бойынша дәрістер тегін өткізіледі. Бүгінгі дәріс беруші — Әлихан Байменов. Дәрістің тақырыбы «Мемлекеттік басқару: үздік тәжірибелер, сынақтар», — дейді Астананың Тілдерді дамыту және мұрағат ісі басқармасы ономастика бөлімінің бас маманы Айгерім Жұманғалиева.

Естеріңізге сала кетейік, дәріс осымен үшінші мәрте өткізіліп отыр. Бұдан бұрын Саясат Нұрбек Астана қаласының білім беру және жұмыспен қамту жүйесі туралы, Шыңғыс Мұқан мемлекеттік даму туралы әңгімелеген болатын.

Өткен жеті күнде елордаға 11 мың тоннадан астам көмір келіп түсті

2-9 қараша аралығында елордаға 164 вагон, яғни 11 359 тонна көмір келіп түсті, деп хабарлайды Астана әкімдігінің ресми сайты.

Астанаға жеткізілген көмірдің 72 вагоны немесе 4969 тоннасы – «Шұбаркөл», 32 вагон немесе 2216 тоннасы – «Қаражыра», 33 вагон немесе 2284 тоннасы – «Майкөбе» көмірі, 27 вагон немесе 1890 тоннасы «Кузнецкий» маркалы көмір. «Шұбаркөл» маркалы көмірдің тоннасы – 13 600 теңгеден, «Қаражыра» тоннасы – 13 500 теңгеден, «Майкөбе» тоннасы – 12 500 теңгеден, «Богатырь комир» тоннасы – 9000 теңгеден, «Кузнецкий» тоннасы – 12 250 теңгеден сатылуда. Астанада отын сатумен айналысатын 8 компания бар. Бұдан бұрын хабарлағанымыздай, отын-энергетикалық кешені және коммуналдық шаруашылық басқармасы сатушылармен бағаны көтермеу жөніндегі меморандумға қол қойған болатын. Астана әкімдігі күн сайын нарықтағы көмірге қатысты жағдайға мониторинг жүргізіп, үнемі бақылауында ұстап отыр. «iKomek» қалалық мониторинг және жедел әрекет ету орталығының базасында тұрғындар үшін арнайы жедел желі жұмыс істейді.

Өткен тәулікте қаладан 14 мың текше метрден астам қар шығарылды

Тұрғын үй-коммуналдық шаруашылығына қатысты барлық сұрақтарды Астананың iKomek мониторинг және жедел әрекет ету орталығына тәулік бойы жолдауға болады, деп хбаралайды елорда әкімдігінің ресми сайты.


Өткен тәулікте көшелерді тазалау жұмыстарына мамандандырылған техниканың 432 бірлігі жұмылдырылды. Қаланы қардан тазартуға 293 жол жұмыскері шықты. 10 қарашада жолдарға құм-тұз аралас қоспаның 248 текше метрі шашылды. «Астана Тазалық» ЖШС 6197 текше метр, мердігер ұйымдар 7532 текше метр, «Зеленстрой» АҚ 1170 текше метр қарды қаланың сыртына шығарды. 10 қарашада шығарылған қардың жалпы көлемі 14 899 текше метрді құрайды.


Астана әкімдігі Тұрғын үй-коммуналдық шаруашылығына қатысты барлық сұрақтарды 109 нөмірі бойынша Астананың iKomek мониторинг және жедел әрекет ету орталығының call-орталығына тәулік бойы жолдауға болатындығын еске салады.


iKomek орталығына сондай-ақ, келесі әдістер бойынша хабарласуға болады.


Telegram-дағы: https://t.me/astanaikomek109_bot чат-боты


Әкімдіктің astana.gov.kz сайты


Әлеуметтік желілердегі жарияланымдарды #astana109 хештегімен белгілеу:


  1. Facebook www.facebook.com/astana109/
  2. Instagram www.instagram.com/astana109/
  3. Telegram-канал t.me/astana109112

Астанада ҰҚШҰ Ұжымдық қауіпсіздік кеңесінің кеңейтілген сессиясы өтті

Елбасы Нұрсұлтан Назарбаев Ұжымдық қауіпсіздік шарт ұйымы Ұжымдық қауіпсіздік кеңесінің кеңейтілген құрамдағы сессиясына қатысты, деп хабарлайды елорда әкімдігінің ресми сайты Ақорданың баспасөз қызметіне сілтеме жасап.


Мемлекет басшысы кеңейтілген құрамда өткен жиын барысында Қазақстанның Ұжымдық қауіпсіздік шарт ұйымына төрағалығы кезінде қол жеткізілген нәтижелер жөнінде айтты.


«Қазақстан Ұжымдық қауіпсіздік шарт ұйымын беделді әрі тиімді құрылым деп санайды. Оған мүше елдердің белсенді әрі жан-жақты қолдау көрсетуінің арқасында биыл Қазақстанның төрағалық ету барысындағы басымдықтары табысты іске асты», – деді Қазақстан Президенті.


Нұрсұлтан Назарбаев жоспарға сәйкес әскери салада Ұжымдық қауіпсіздік шарт ұйымының біріккен штабын құру және Ұжымдық қауіпсіздік шарт ұйымының Дағдарыс кезінде әрекет ету орталығының қызметіне толық кірісу үшін әзірлік жұмыстарының аяқталғанын атап өтті.


Мемлекет басшысы Қырғызстан аумағында өткен «Жауынгерлер бауырластығы – 2018» әскери оқу-жаттығуының нәтижелері жөнінде де айтты.


«Ұжымдық қауіпсіздік шарт ұйымының әскери-техникалық ынтымақтастық жөніндегі мемлекетаралық комиссиясының отырысында Қару-жарақ пен әскери техниканы стандарттау жөніндегі үйлестіруші кеңес құрылды», – деді Нұрсұлтан Назарбаев.


Қазақстан Президенті еліміздің төрағалығы кезінде терроризмнен ада әлемге қол жеткізу жолын көрсететін әмбебап кодекс қабылдау туралы бастамамыздың жүзеге асырылғанын атап өтті. Бұл құжатты 70-тен астам мемлекет мақұлдаған.


Мемлекет басшысы кибер-қатерге қарсы іс-қимыл және заңсыз есірткі айналымымен күрес жөніндегі бірлескен жұмыстардың нәтижелері жөнінде айтты.


Соңында Нұрсұлтан Назарбаев Ұжымдық қауіпсіздік шарт ұйымы серіктесінің және ұйым бақылаушысының мәртебесін заңды түрде бекіту жөнінде шешім қабылданғанын мәлімдеді.


Сондай-ақ, Қазақстан Президенті Ұжымдық қауіпсіздік шарт ұйымы Ұжымдық қауіпсіздік кеңесі сессиясының қорытындысы бойынша баспасөз мәслихатын өткізді.


Мемлекет басшысы бұқаралық ақпарат құралдарының өкілдері алдында сөйлеген сөзінде Ұжымдық қауіпсіздік шарт ұйымының Ұжымдық қауіпсіздік кеңесі аясындағы кездесулердің достық әрі сындарлы сипатта өткенін атап өтті.


«Біз мемлекеттеріміздің қауіпсіздікті нығайту жолындағы өзара іс-қимылының барлық дерлік мәселелерін қарастырдық. Ұжымдық қауіпсіздік шарт ұйымын дамытудың негізгі бағыттары, сондай-ақ халықаралық және өңірлік саясаттың өзекті проблемалары жөнінде сындарлы пікір алмастық. Қазақстанның Ұжымдық қауіпсіздік шарт ұйымына төрағалық етуіне орай басымдықтардың қалай іске асқанын қорытындыладық», – деді Елбасы.


Нұрсұлтан Назарбаев Ұжымдық қауіпсіздік шарт ұйымына мүше мемлекеттер тарапынан Қазақстанның осы халықаралық ұйымға төрағалық етуі кезінде атқарған жұмыстарына жоғары баға берілгенін атап өтті.


Сонымен қатар, Қазақстан Президенті бүгін Ұжымдық қауіпсіздік шарт ұйымы аясындағы ынтымақтастықты одан әрі нығайтуға және ұжымдық қауіпсіздікті қамтамасыз ету тетіктерін жетілдіруге бағытталған маңызды шешімдердің қабылданғаны жөнінде айтты.


«Бірлестіктің алдағы кезеңге арналған міндеттері мен жоспарын қамтитын Қорытынды декларация Ұжымдық қауіпсіздік шарт ұйымының Астанадағы саммитінің негізгі саяси құжатына айналды. «Халықаралық террористік ұйымдар жағында қарулы қақтығыстарға қатысқан адамдарға қатысты үйлестірілген шаралар туралы» мәлімдеме қабылданды. Ұжымдық қауіпсіздік шарт ұйымының серіктесі және Ұжымдық қауіпсіздік шарт ұйымы жанындағы бақылаушы мәртебелерін құқықтық ресімдеу жөніндегі біздің беларусьтік әріптестеріміз бастаған жұмысты аяқтадық. Тиісті құжаттарға қол қойылды», – деді Мемлекет басшысы.


Сондай-ақ, Қазақстан Президенті бүгінгі сессия қорытындысы бойынша Заңсыз миграцияға қарсы тұру жүйесін дамыту жөніндегі іс-қимыл жоспары және Ұжымдық қауіпсіздік шарт ұйымына мүше елдердің мүддесі үшін үйлестірілген ақпараттық саясатты дамыту жөніндегі іс-шаралар жоспары бекітілгенін айтты.


Нұрсұлтан Назарбаев сөзінің соңында БАҚ өкілдеріне келесі сессияаралық кезеңде Ұжымдық қауіпсіздік шарт ұйымына Қырғыз Республикасының төраға болатынын мәлімдеді. Мемлекет басшысы Ұжымдық қауіпсіздік шарт ұйымына Қырғыз Республикасының жоғары деңгейде төрағалық ететініне және осы ұйымның одан әрі жан-жақты дамуына зор үлес қосатынына сенім білдірді.


Қаланы қардан тазарту шараларына мамандандырылған техниканың 632 бірлігі жұмылдырылды

Барлық тұрғын үй-коммуналдық сұрақтар бойынша Астанадағы iKomek мониторинг және жедел әрекет ету орталығына хабарласуыңызға болады, деп хабарлайды елорда әкімдігінің ресми сайты.

Бүгін қаланы санитарлық тазалауға 1822 жол жұмысшысы шықты. 9 қарашада жолдарға құм-тұз аралас қоспаның 630 текше метрі себілді. Қала сыртына шығарылған қардың көлемі 3968 текше метрді құрайды.

Астана әкімдігі тұрғын үй-коммуналдық мәселелеріне, оның ішінде қар тазалауға қатысты барлық сұрақтарды Астанадағы iKomek мониторинг және жедел әрекет ету орталығына немесе call-орталықтағы 109 номеріне хабарласып, шешуге болатынын еске салады.

Елорданың жедел жәрдем қызметі тәулігіне шамамен 1,5 мың тұрғынға қызмет көрсетеді

2018 жылдың қаңтар-қазан айлары аралығында «103» қызметіне шамамен жарты миллион қоңырау келіп түсті, деп хабарлайды елордалық әкімдіктің ресми сайты.


Астанадағы жедел жәрдем станцияларына орташа есеппен күніне 2,5 мыңға дейін қоңырау түссе, оның 1,5 мыңға жуығына тиісті қызмет көрсетіледі. Қоңыраулардың 70 % 1-3 санатты, 30 % 4-ші санатқа жатады, деп мәлімдеді қалалық жедел жәрдем стансасының баспасөз қызметінде.



Айта кетейік, өткен жылдармен салыстырғанда, жедел жәрдемнің науқасқа жету уақыты азайған.


«Ағымдағы жылдың 10 айында «103» қызметіне 469 561 қоңырау түссе, оның 332 243-іне тиісті қызмет көрсетілді. Науқасқа жетудің орташа уақыты 1-2 минутқа қысқартылды. Мысалға, осы жылдың 8 айында 1-ші санаттағы шақыртуларға жедел жәрдем 7 минутта жеткен», – деп атап өтті стансада.



Астанада 8 пункты бар 3 шағын станса жұмыс істейді. Алғашқы көмек нысандары уақытылы қызмет көрсету мақсатында қаланың түкпір-түкпірінде орналасқан.


«103 қызметі көліктерінің жүргізушілерінің айтуынша, мары түске боялған жедел жәрдем көліктері көзге оттай басылады. Өз кезегінде аталмыш өзгеріс мамандардың белгіленген жерге дер кезінде жетуіне мүмкіндік берді», – деп түсіндірді Астана қалалық жедел медициналық көмек стансасында.



 Қазіргі уақытта елордада жедел жәрдем қызметін 66 бригада көрсетеді. Қызметтің автопаркінде  90 көлік бар.

2018 жылы тегін дәрі-дәрмекпен 120 мың астаналық қамтамасыз етіледі

Қалалық денсаулық сақтау басқармасының ақпаратынша, 2018 жылы өткен жылмен салыстырғанда амбулаториялық деңгейде жеңілдікті дәрілік заттар мен мамандандырылған емдік өнімдер алатын диспансерлік науқастардың саны 20 мың адамға артқан, деп хабарлайды елорда әкімдігінің ресми сайты қоғамдық денсаулық сақтау басқармасының баспасөз қызметіне сілтеме жасап.

«Денсаулық сақтау министрі бұйрығындағы тізбеге сәйкес 2018 жылы дәрілік заттар және медициналық бұйымдарға берілген өтінімнің жалпы сомасы 10,7 млрд теңге, ол 120 мың науқасқа арналған, диспансерлік есепте нозология бойынша тұрғаны — 49. 2017 жылы тегін амбулаториялық дәрі-дәрмекпен қамтамасыз ету мақсатында 8,7 млрд теңге бөлінген, ол 100 мың диспансерлік науқасты қамтыған», — деп мәлімдеді ведомствода.

Айта кетейік, қоғамдық денсаулық сақтау басқармасының шешімімен тегін дәрі-дәрмек қалалық мемлекеттік емханаларда ашылған дәріханаларда берілуде. Бұл бюджет қаржысын 1 млрд теңгеге үнемдеуге сеп болды. Осы жылы дәрілік құралдар мен медициналық бұйымдарды жеткізуді республика бойынша «СҚ-Фармация» ЖШС бірыңғай дистрибьюторы жүзеге асырады.

Елорданың қай аудандарында отбасылық-дәрігерлік амбулаториялардың ашылатыны белгілі болды

Астанада қала тұрғындары үшін медициналық көмек алу үшін қолжетімділікті қамтамасыз ететін «Үйдегі дәрігер» отбасылық дәрігерлік амбулаториялар жобасы іске асырылуда, деп хабарлайды қалалық әкімдіктің ресми сайты.

Тек 2018 жылы мемлекеттік жеке-меншік әріптестікті дамытудың аясында елордада 3 дәрігерлік амбулатория ашылды. Олар «Жағалау» жаңа шағын ауданда, Бараев көшесіндегі халықтың тығыз қоныстанған аумағында, «Сказочный мир» тұрғын ауданында орналасқан.

«Жыл соңына дейін «Өндіріс», «Пригородный», «Оңтүстік-Шығыс», «Шұбар» тұрғын үй аудандарында дәл сондай дәрігерлік амбулаторияларды, сондай-ақ ЭКСПО аумағында медициналық кешенмен қоса 350 адам қабылдайтын емхана ашу жөніндегі нақты жоспарда бар», делінген Астана қаласының Қоғамдық денсаулық сақтау басқармасының ақпаратында.

Бұған қоса, басқармада жеке инвестицияларды тартудың арқасында 1,5 млрд теңгенің үнемделуіне мүмкіндік берілгені атап өтілді.

Шетелдік қандастарымыздың қатысуымен өткен «Қасиетті қазақ елі» халықаралық өнер фестивалі өз мәресіне жетті

Айтулы бәсекеге 10 елден 50-ге жуық өнерпаз қатысты, оның ішінде өз елімізден басқа Қырғызстан, Ресей, Түркия, Өзбекстан, Иран және тағы басқа мемлекеттердің өкілдері бар. 


Фестиваль үш бағыт бойынша өтті және әділқазылар Гран-приден бөлек әр номинация бойынша 3 жүлделі орын мен ынталандыру сыйақысын тағайындады.


«Аталған фестиваль «Рухани жаңғыру» бағдарламасы аясында «Отандастар» қорының ең бірінші өткізіп жатқан шарасы. Қор ұжымына алғыс білдіре отырып, бұдан әрі бірлесе жұмыс жасап, сыртта жүрген ағайындарға осындай шаралар ұйымдастырып, ортақ мақсаттарды орындауға біз әрқашанда дайынбыз», — деді ҚР Қоғамдық даму министрі Дархан Кәлетаев.


«Қасиетті қазақ елі» халықаралық өнер фестивалінің жеңімпаздары:


Фестивальдің Гран-приі жүлдесін Қытайдан келген қандасымыз Жұматай Коксубай олжалады. Термешіге бас жүлдені министр Д.Кәлетаевтың өзі табыстады.


 «Терме өнері» номинациясы:


1 орын Нұржігіт Есxат (Қытай);


2 орын Жанғар Мәмбетназаров (Өзбекстан);


3 орын Арман Қалелбекұлы (Қазақстан, Астана);


«Жыр мүшәйрасы» номинациясы:


1 орын Шынарбек Жомартұлы (Қазақстан, Түркістан облысы);


2 орын Нарқұлан Райxанұлы (Монғолия);


3 орын Алаш Тұрсынәліұлы (Қытай).


«Қолөнер» номинациясы:


1 орын Хабыл Қайып (Монғолия);


2 орын Нарғыз Тіней (Түркия);


3 орын Артықбай Смағұлов (Ресей).


Жеңімпаздарға бас жүлдеге 400 мың теңге, 1 орын иегерлеріне 250 мың теңге,  2 орынға 150  мың теңге және 3 орын жеңімпаздарына 100 мың теңгеден табысталды, одан бөлек, 11 қатысушыға ынталандыру сыйақысы тағайындалса, оларға 50 мың теңгеден берілді.

Астана және Беларусь балетінің әртістері елорда сахнасында

10 қарашада «Астана Операның» үлкен залында қазақстандық балет әртістері мен кеш қонақтары – Беларусь Республикасы Үлкен театры шеберлерінің қатысуымен гала-балет өтеді, деп хабарлайды елорда әкімдігінің ресми сайты.

«Астана-Операның» баспасөз қызметіне сілтеме жасап. Балет труппасының көркемдік жетекшісі – Ресейдің халық әртісі Алтынай Асылмұратова. Бағдарлама қонақтары – Беларусь Республикасының Үлкен театры сахнасының жетекші шеберлері. Бағдарлама барысында «Корсар», «Ұйқыдағы ару», «Бойтұмар», «Эсмеральда» балеттерінің үзіндісі қойылады. Концерт «Астана Опера» симфониялық оркестрінің сүйемелдеуімен өтеді. Дирижері – Арман Оразғалиев.