Жарияланымдар

Мандарин

Мен үшін Мандариннің шыға бастауы Жаңа жылдың жақындағанын білдіреді. Ең алғаш рет кішкентай кезімде, қалаға көшкен кезімде Жаңа Жыл қарсаңында жедім. Бізге берілетін сыйлықтардың арасында міндетті түрде мандарин болушы еді. Ал ауылда есімде ол кезде мектепте оқитын апайларым әкелуші еді жаңа жыл сыйлықтарын, ол кезде пакет жоқ дәптердің екі бетін жіппен тігіп пакет істейді, барлық тәттілер соған салынады. Міндетті түрде ішінде алма болушы еді. Алма — мен туған ауыл балалары үшін әлемдегі ең тәтті, қол жетпес жеміс болып саналатын еді. Алманы қадірлеп, асықпай жайлап, созып жеуші едік.
Әрі қарай

"Азия +" жаңа телеарна



Бүгін кабельдік жүйеге жаңа арна қосылыпты. Аты Азия+. Әлі толық ашылмаған болуы керек, экранға қайта-қайта «Жуырда ашылады» деген жазу шығады. Ал, әзірше қазақ, араб, түрік, үнді клиптерін беріп жатыр. Жақсы әндер таңдалған.
Әрі қарай

Сайлауиада

Соынмен еліміздегі кезекті Сайлауиада басталып кетті. Үміткерлер «Лақтырыспақ», «Көт ашпақ», «Деза салу», «Уәде беріспек», «Жаға жыртыспақ» сияқты жарыстар бойынша қызу жарысқа кірісіп кетті.

Ойын нәтижелерін осында жазып, талқыға салайық уа жамағат-ы-керекинфоин!
Әрі қарай

"Керекинфо" сорпасы. Арнайы бойдақтарға және уақытша әйелсіздерге.



Ең тез және оңай жасалатын тамақтар сериясынан «Керекинфо» деп аталатын сорпа. Бұл аз бюджетті тағам бойдақтар немесе уақытша әйелсіз қалған еркектерге арналады.
Әрі қарай

Бізге 1 жыл болды!

КерекИнфоның қазіргі нұсқасына 1 жыл болды. 18 желтоқсанда алғашқы пост жазылған екен. 1 аптадай уақыт өтіп кетсе де, бүгін осы айтулы күнмен сіздерді құттықтайын дедім. Сайттың осындай деңгейге жетуі әрине қолданушылардың арқасы. Күніне 2000-дай адам кіріп, сайт беттері 10 мың рет оқылады екен.

Дәл бүгінгі көрсеткішпен есептесек 6631 пост жазылған екен 1 жыл ішінде, ал пікір саны 150 мыңнан асқан. Бүгінге дейін КерекИнфоға 1170 аккаунт тіркелген.

Құттықтаймын! Сайтымыздың өмір жасы ұзақ болсын, қызық жазбалар мен пікірлер көп болсын!
Әрі қарай

Жаңа жыл алдында моншаға бір барып алмаймыз ба?



Астаналық жігіттер, осы апта соңы жексенбі күні жиналып бір монша немесе саунаға барсақ қалай қарайсыңдар? Білетін жақсы мекендерің бар ма? Мысалы 3 сағатқа алсақ?

Нақты ұсыныстар бар ма?
Әрі қарай

Таныс болыңыздар: estetika91

estetika91 — Назира Бурханова. 1991 жылы Алматы облысы, Ұйғыр ауданы, Сүмбе ауылында дүниеге келген. Қазір, Алматыдағы әл-Фараби атындағы қазақ ұлттық университетінің студенті, әрі «Гүлстан» журналының журналисті.

— КерекИнфоға қалай келдің?
— Керекке келуіме тікелей себепті болған жан өздеріңіз білетін ushkin . Былтыр жатақханада тұрғанмын. Қоғамдық жұмыстар бар сабағым бар дегендей бөлмеде көп бола бермейтінмін. Ал, Мика KazNU WiFi –ды пайданып, осы сайттардың қызығына кіріп отыратын түннің бір уағына дейін. Сосын, келіп бар эмоциясымен ондағы қозғалған мәселелерді бізге айтатын келіп майын тамызып тұрып)) Басында мен көп мән бере бермейтінмін. Содан бір күні Мика «Назко неге осы сен жазбайсың! Қолыңнан келеді ғой...» деген сияқтыларды айтып блог ашып берді. Басында түк түсінбейтін едім. Бәрінің миын ашытып сұрай беретінмін. Түсінбеген дүниемді сұраудан еш қысылмаймын негізі. Сөйтіп, жүріп көптеген сайттарға тіркелдік. Жазбаларға пікір жазылса, шапкамды аспанға атып қуанатынмын басында. Содан кейін, әрбір пікірге ойланып түнімен ұйықтай алмай шығатын да күндер өтті бастан. Несін айтасыз талай қызық нәрселер өтті… Сөйтіп жүргенде, бір күні керекинфоға топ ете қалдық. Ол кезде кездесу com, сосын davai.kz болып түрленіп тұрды… Ал, қазір біраз төселіп қалдық… Осы постты пайдаланып рахметімді айтамын! Мика сіз бен біз бөлек тұрсақ та жанымыз әрқашан егіз! Мен сізбен біргемін)
Әрі қарай

Таныс болыңыздар: Marco

Marco — Маралбек Сағынғанов. 17.03.1983ж. Журналист. Ақтөбе облысы, Ырғыз ауданында туған.

— КерекИнфоға қалай келдің?
— Осындағы көп жұрт секілді, баяғы «Мәссаған», «Солай де» арқылы келдім. Дегенмен, соңғы бір жылдың төңірегінде, қол үзіп қалып ем, Астанаға көшкенім жақсы болды, қазір күніге бір уақ, столдың астында кісінеп жатам.))) Бірақ, бұрынғы сайттардың тұрақты оқырманы болсам да, тіркелгенім тек осы «керек» болды. Шынымды айтсам, мұнда тіркелу үшін «Кешіріңіздер мен журналист едім» деп, анонимді алкоголиктер сияқты мүләйімсу керек шығар деп ойладым.)))
Әрі қарай