15-і қыркүйек күні «Бейбітшілік және Келісім сарайында» Астана қаласы әкімдігінің Жайдарман ойындары арқылы жастарды қолдауға бағытталған дәстүрлі "Әкім кубогы" республикалық жобасы өтті.

Осымен тұп-тура 10 жыл қатарынан өткізіліп, биылғы жолы Астана қаласының 20 жылдығының аясында ұйымдастырылған шараның мақсаты Астана қаласының дәрежесін көтеруге өз үлесін қоса отырып, мемлекеттік жастар саясатына атсалысу болатын.
Сондай-ақ − «Мәңгілік ел» Жалпыұлттық патриоттық идеяның, Жалпыға ортақ еңбек қоғамы идеясы және оның құндылықтарын, Елбасының «Болашаққа бағдар: рухани жаңғыру» бағдарламалық мақаласында айтылған міндеттерге өз үлесін қосу және насихаттау болып табылады.

Барлығы 17 команда қатысқан «Әкім кубогы» өз мақсатына жеткендей. Өйткені екінші жыл қатарынан шараға шетелдік командалар қатысты. Биыл Қырғызстандық «Алатоо» командасы сайыстың маңызын арттырды.

Жайдарманшылардың өнеріне баға берген қазылар алқасының құрамында: «Қазақ радиолары» ЖШС басшысы Мәди Манатбек, қоғам қайраткері Мұрат Әбенов, сатирик Көпен Әмірбек, ҚР Парламенті мәжілісінің депутаты Бахтияр Мәкен және Астана қаласы қоғамдық даму істері басқармасының басшысы Данияр Есин болды.

Виски — қазіргі уақыттағы танымал ішімдіктердің бірі. Бұрын бірен-саран жерлерде болса, қазір барлық жерде, неше түрі бар. Ал соны дұрыс ішуді білесіз бе?

Виски ішу біздің қоғамға фильмдер арқылы келді. Кола қосу, мұз салуды да солардан көріп үйренді. Солай дұрыс деп ойлайды көпшілік. Ал негізінде басқаша мәдениет — виски ішу.
Мұз және коланы төменгі сұрыпты вискилерге қосуға болады. Өйткені оларды ішкен кезде мақсат — виски ароматынан ләззат алу емес, мас болу ғана. Сапалы вискиді таза күйінде ішеді. Және мына 6 кеңесті оқыңыз:

1.Жағдай. Вискиді үйде достармен бірге ішкен дұрыс. Теледидарды сөндіріп, перделерді жауып, жәй музыка қойып, күнделікті мәселелерді ұмытып дегендей. Қатты ішімдік түрі болғандықтан, вискиді кешкі уақытта ішкен жөн, күндіз емес.

2. Температура. Вискиді алдын ала 18-20°C дейін салқындатып алу керек. Жылы виски спирт татиды, 18°C төмен температурада вискидің ароматын сезе алмайсыз.

3. Ыдыс. Бұл туралы 2 түрлі ой бар. Біреулер вискиді түбі қалың, кең стаканмен ішкен дұрыс дейді. Ал басқа мамандардың пікірінше шарап бокалымен ішкен кезде виски ароматы жақсы сезіледі екен. Өз таңдауыңыз бойынша осылардан бірін таңдасаңыз болады.

4. Сервис. Салқындатылған бөтелкені орамалмен дұрыстап сүртіп алу керек. Үстелде гүл немесе басқа иіс шығаратын ештеңе болмағаны дұрыс. Үй иесі өзі құйып отырғаны жөн. Виски гаммасын жақсы сезу үшін әдетте стаканның үштен біріне құйылады.

5. Дегустация. Вискиді кішкентай жұтымдармен ішу керек. Алдымен ароматын сезу керек, сосын бірнеше секунд ауызда ұстап барып жұту керек. Тәтті дәмі сонда жақсы сезіледі.
Дәстүр бойынша вискиге ештеңе қоспай ішпеді. Бірақ түрлі сұрыптағы вискидің дәмін тататын болсаңыз — әр дегустациядан кейін газдалмаған минерал суын ішкен дұрыс, ауызды тазалап отыру үшін.

6. Тіскебасар. Вискимен әдетте ештеңе жемейді. Жақсы сигарамен әдемі кетеді. Біздің қоғамдағы тіскебасар дәстүрінен шыға алмаған болсаңыз — енді өз қалауыңыз біледі оны. Виски ең бастысы адамға мастық емес, ләззат беруі тиіс.

ЕСКЕРТУ: КерекИнфо алкогольды ішімдікті насихаттамайды, алкогольдің көп мөлшерде зиян екенін ескерте отырып, материалдың танымдық мақсатта екенін мәлімдейді!

Жақында Қостанай облысындағы ауыл шаруашылығы саласындағы ірі мекеме «Олжа Агро» компаниялар тобының жұмысымен танысып қайттық.

Компанияға қарасты 10 ауыл шаруашылығы кәсіпорнында 2 мыңға жуық техника бар, 5 мың адам жұмыс істейді. Қолданыстағы жер аумағы — 840 мың гектар. 1800 бас малдың 800-дейі сауын малы.



Сиыр мониторингімен осы мекемеде таныстық. Австриялық Smaxtech компаниясының болюстарын (арнайы чип орналастырылған капсул) сиырларға жұтқызады. Болюс асқазанның ішкі бөліміне түседі. Яғни сыртқа шықпайды қайтадан. Мал денсаулығына еш зарары жоқ.

Болюс арқылы сиырдың денсаулығы, температурасы, жыныстық қалауы, суға қаншалықты тойғаны, инфекциялар, сүт өнімділігі бақыланады. Әр сиырдың жеке номері бар. Компьютер немесе смартфон арқылы операторлар әр сиырды номерлері арқылы қарап отырады. Мұндай цифрлендіру арқылы мал бағу әлбетте оңай. Сиырдың барлық жағдайын біліп отырасың, жоғалып кетеді деп қорықпайсың, ауырған кезінде дереу жағдай жасайсың. Уақыт және адам еңбегіне үнем ең бастысы.

Мұндай технология елімізде әзірше тек Қостанайда екен. Демек алдағы уақытта басқа жерлерде де қолданысын табады деген сөз.

Мына видеоларда болюсті қолдану түсіндірілген.

Шығыс Қазақстан облысындағы маңызды нүктелердің бірі — Бұқтырма су электр станциясы. ГЭС немесе су электр станциясы дегенде су арқылы электр энергиясын өндіретінін білеміз. Бірақ ол энергияны судан қалай алады?

Ағысы қатты өзендерге бөгет салу арқылы судың айналу күші арқылы энергия өндіріледі. Энергияның бұл көзінің артықшылығы — оның қоры сарқылмайды, үнемі қалпына келіп отырады. Бұл энергияның арзан, әрі гигиеналық түрғыдан таза түрі.

Бұқтырма Су Электр Стансасы — Қазақстан энергетикалық жүйелері ішіндегі қуатты су электр стансасы. Бұқтырма Су Электр Стансасы Бұқтырма өзенінің төменгі сағасына 1956 жылы салына бастады. Алғашқы үш агрегаты 1960 жылы, келесі үшеуі 1961 жылы, қалғандары тиісінше 1963, 1964, 1965 жылдары пайдалануға беріліп, 1966 жылы жобалық қуатына (675 мың МВт) жетті. Жылына орта есеппен 2300 млрд. кВт сағат электр энергиясын өндіреді. Бұқтырма Су Электр Стансасы су торабының құрамына: бірлік қуаты 75 МВт 9 агрегаты бар станса ғимараты, бөгеттің су жіберетін бөлігі, тұйық гравитациялық бөгеті және үш камералы шлюз кіреді. Бөгеттің биіктігі — 90 м, ең жоғарғы су тегеуріні — 67 м, су қысымы түсетін қырының ұзындығы — 380 метр. Бұқтырма Су Электр Стансасы үшін сыйымдылығы 49,8 млрд. текше метр су қоймасы жасалған. Ол жылма-жылғы маусымдық ағысты реттеп отырады, жылдық су ағыны көлемі 18 км3. Мұның өзі Ертіс өзені бойындағы басқа СЭС-тердің (Өскемен және Шүлбі) жұмысын ыңғайлы ұйымдастыруға, қуат беру мүмкіндіктерін толық пайдалануға жағдай туғызады, су деңгейін көтеру арқылы Ертіс өзенінің саяз жерлерінен кемелердің өтуіне мүмкіндік жасайды. Сондықтан су турбиналарынан бір тәулікте өтетін су көлемінің кемелер жүрісіне қажет мөлшерден кем болмауы көзделіп, станса электр энергиясының жылдық көлемінің жазда 2/3 бөлігін, ал қыс айларында 1/3 бөлігін өндіреді.Бұқтырма Су Электр Стансасының су шаруашылық үшін мәні зор. Стансаның жұмыс режимі Ертіс өзенінің су ресурстарын энергетика, су көлігі, ауыл шаруашылығын суландыру және елді мекендерді ауыз сумен қамтамасыз ету қажеттіліктеріне икемделіп жүргізіледі. Стансадағы негізгі және көмекші жабдықтарды басқару толық автоматтандырылған.

31 тамызда «Алау» мұз айдыны сарайында Астананың тарихында тұңғыш рет кәсіпқойлар арасында ММА аралас жекпе-жек спорт өнері бойынша «Есіл жағасындағы жекпе-жек» халықаралық турнирі өтеді, деп хабарлайды Астана қаласы әкімдігінің ресми сайты.

Турнирдің ұйымдастырушысы Астанадан шыққан жаңа қазақстандық промоушен TOBET Fighting Championship және серіктесі FIGHT NIGHTS GLOBAL, сонымен бірге тағы бір отандық промоушен ALASH PRIDE.

Турнир аясында Fight Nights Global чемпиондық белбеуі үшін жеңіл салмақта Жалғас Жұмағұлов (Қазақстан) және Тагир Уланбеков (Ресей) арасында жекпе-жек болады. Жалғас Жұмағұлов бұрын осы белдік үшін Вартан Асатрянмен кездескен.

Сондай-ақ, осы турнир шеңберінде елорданың тұрғындары мен қонақтары мынадай супер жекпе-жектерді тамашалайды:

АСВ-ға қатысатын, ALASH PRIDE клубының тәрбиеленушісі Асу Алмабаев пен Джовхар Дошуев арасындағы жекпе-жек, FIGHT NIGHTS промоушенда өнер көрсететін танымал қазақстандық спортшы Жұман Жұмабековтың кәсіби спортта 5-0 рекордпен, жеңіліссіз келе жатқан Мұхамед Эминовқа қарсы жекпе-жегі.

Сонымен қатар, көрермендер муай-тай ережесімен екі жекпе-жекті тамашалайды:

Астана қаласы әкімінің жүлдесін кәсіби турнирде ұтып алған Николай Самусев пен «Tobet Top Team» бірыңғай жекпе-жек академиясының тәрбиеленушісі Рүстем Ақжанов өз өнерлерін ортаға салады.

Билеттер «Алау» мұз айдыны сарайының кассаларында және ticketon.kz сайтында сатылады. Басталуы сағат 18:00-де.

Молданазардың «Есімде бәрі» әнінің клипі шықты. "Ғарышкерлерге" шын ғарышкерлер туралы графикалық әдемі сәлем ;)

Бақыт,қайғы ұмытылмайды бүгін
Баяу бағым қайғы өзгерте алмайсың
Бақыт алдамайды есімде менің бәрі
Есімде менің әлі…

Үміт, сенім күнді күнгі жалғайды
Қуаныш, мұңды сәттерді ешкім ұрлай алмайды
Есімде менің бәрі
Есімде менің әлі....

Сыйақы қорының жиынтық мөлшері 5,5 миллион теңгені құрайды. Өтінімдер 2018 жылғы 1 шілдеден бастап 1 қарашаға дейін қабылданады. Жеңімпаздар (жүлденің лауреаттары) 2018 жылғы желтоқсанның бірінші онкүндігінде жарияланады. Толығырақ www.fpp.kz сайтында.

Конкурстың құрылтайшысы және ұйымдастырушысы — Қазақстан Республикасы Тұңғыш Президенті — Елбасының Қоры. Конкурстың әріптестері: Қазақстан Жазушылар Одағы және Мемлекеттік тілді дамыту қоры.

Конкурсқа қатысу үшін 18 бен 35 жас аралығындағы жас қазақстандық авторлар шақырылады. Бұрын еш жерде жарияланбаған еңбектер ғана қаралады.

«Үздік проза», «Үздік поэзия», «Үздік драматургия», «Балаларға арналған үздік шығарма». Осы төрт номинация бойынша әрбір жеңімпазға 1,5 миллион теңге беріледі. «Астананың 20 жылдығына арналған үздік шығарма» арнайы тақырыптық номинация биылғы жылғы конкурстың ерекшелігі болып табылады.

Конкурстың қазылар алқасының құрамына Қазақстан Республикасының мәдениет қайраткерлері, қазақстандық әдебиетшілер және журналистер кірді.

Конкурстық жұмыстар келесі өлшемдер бойынша бағаланады: жанрға сәйкестігі, өзіндік ойлау қабілеті, авторлық ұстанымы, баяндау бірізділігі және көзқарасы, идеяның сонылығы, әдеби-көркемдік құндылығы, қиялы мен шығармашылық әдісі, эмоциялық және эстетикалық әсерінің тереңдігі. Конкурсқа түскен шығарманы объективті бағалау анонимдік принциппен қамтамасыз етіледі, еңбекті оқып отырып және ол туралы өзінің кәсіби пікірін қалыптастыра келе қазылар алқасының мүшелері автордың есімін танып білмейді.

«Алтын Тобылғы» жүлдесі жыл сайын қазақстан әдебиетіндегі жаңа есімдерді ашады, жастар мен қауымдастыққа жас қаламгерлердің өмірлік философиясын бейнелейтін қазіргі заманғы әдебиетті дамытуға көмектеседі. Осындай бірегей іс-шара Президенттің «Болашаққа бағдар: рухани жаңғыру» стратегиялық бағдарламасын іске асыруға ықпал етеді.

UEFA 2017/2018 маусымындағы түрлі ресми турнирлерде соғылған үздік 11 голдың шорт-листін жасады. Оған Чемпиондар Лигасы сияқты ірі турнирден бастап, жасөспірімдер және әйелдер футболы, сондай-ақ футзалда да соғылған голдар кіреді. Үздік голға дауыс беру 27 тамызға дейін жалғасады, сол күні дауыс саны бойынша үздік гол иесі жарияланады. Дауыс беру үшін мына жерге өтіңіз: gots.uefa.com/#/ru

Үміткерлер:

Люси Бронз («ЛИОН» — «Манчестер Сити» 1:0)
УЕФА Әйелдер арасындағы Чемпиондар Лигасы, 1/2 финал, 29.04.18

Ольга Кармона (Швейцария — ИСПАНИЯ 0:2)
U-19 Қыздар арасындағы Еуропа Чемпионаты, топтық кезең, 21.07.18

Элисандро («Спортинг» — «ИНТЕР» 2:5)
Футзалдан УЕФА кубогы, финал, 22.04.18

Эллиот Эмблтон (Түркия — АНГЛИЯ 2:3)
U-19 Еуропа Чемпионаты, топтық кезең, 17.07.18

Кристиан Эриксен (Ирландия — ДАНИЯ 1:5)
ӘЧ іріктеу кезеңі, плей-офф, 14.11.17

Паулу Эштрела («ПОРТУ» — «Бешикташ» 5:1)
УЕФА жасөспірімдер лигасы, топтық кезең, 13.09.17

Эва Наварро (Германия — ИСПАНИЯ 0:2)
U-17 Қыздар арасындағы Еуропа Чемпионаты, финал, 21.05.18

Димитри Пайет («ОЛИМПИК» — «РБ Лейпциг» 5:2)
УЕФА Еуропа Лигасы, 1/4 финал, 12.04.18

Гонсалу Рамуш (Словения — ПОРТУГАЛИЯ 0:4)
U-17 Еуропа Чемпионаты, топтық кезең, 07.05.18

Рикардинью (ПОРТУГАЛИЯ — Румыния 4:1)
Футзалдан ЕУРО, топтық кезең, 31.01.18

Криштиану Роналду («Ювентус» — «РЕАЛ» 0:3)
УЕФА Чемпиондар Лигасы, 1/4 финал, 03.04.18

«Инновациялық тақырыптағы үздік материал» номинациясы

Номинациялның жүлдегерлері үшін келесі сыйлықтар көзделген:

1 орын — 1 300 000 теңге;

2 орын — 900 000 теңге;

3 орын — 500 000 теңге;

Халықтың дауыс беру жүлдесі – 200 000 теңге.

Сонымен қатар, Байқаудың барлық номинациялары бойынша жүлдегерлер Қазақстан Республикасының Инвестициялар және даму министрінің қолы қойылған дипломдар/мадақтама қағаздарына ие болады.

Номинацияның негізі мақсатты

Ғылым мен инновация тақырыбы бойынша жазатын журналистер қоғамдастығын дамыту, инновацияларды танымал етудегі бұқаралық ақпарат құралдарын тартуды және инновациялық қызметтің үдерістерді БАҚ баяндау сапасының артуын ынталандыру. Инновациялық, ғылыми және технологиялық тақырыпты қамтитын журналистер қауымдастығын қалыптастыруға жәрдемдесу; осы қызмет саласына жаңадан бастаған журналистерді бағдарлау.

Бұл номинацияда келесі қосалқы номинациялар қарастырылған:

— «Инновациялық тақырыптағы үздік материал» мемлекеттік тілде

— «Инновациялық тақырыптағы үздік материал» орыс тілінде.

Осы номинацияда Байқауға қатысушыларға қойылатын талаптар

2017 жылдың 1 қазаннан 2018 жылдың 17 қыркүйігіне дейін республикалық немесе аймақтық БАҚ жарияланған және/немесе орналастырылған телесюжеттер, радио материалдар, жарияланымдар және басқа да материалдар (бұдан әрі — Материалдар) осы номинацияға қатысуға жіберіледі. БАҚ барлық түрлерін, соның ішінде баспа басылымдары, электронды БАҚ, теледидар және радио, танымал блогерлер қатысуға шақырылады.

Материалдарды орналастыру үшін мүмкін тақырыптардың тізімі:

1. Халық арасында инновацияға деген сұранысты қалай арттыруға болады? бизнес тарапынан?

2. Қазақстандағы инновациялық үдерісті дамытуға халықаралық қатысуды қалай арттыру керек?

3. Қалай шетелден отандық-ғалымдарды қайтару және бүкіл әлемнің үздік мамандарын, инженерлерін, ғылыми дарындыларын тарту керек.

Үміткерлерді іріктеу және номинацияларды өткізу тәртібі

Бұл номинацияда Байқау екі кезеңде өткізіледі:

I кезең – материалдар жинау; Байқаудың веб-парағында материалдарды онлайн орналастыру;

II кезең – Материалдарды Сараптау комиссиясының қарауы және жеңімпаздарды және жүлдегерлерді таңдау.

Номинацияда жеңімпазды таңдау өлшемшарттары

— автордың тақырыпты ашу, оның шешімдерін талдау және ұсыну ептілігі;
— келтірілген фактілер мен сандардың шынайылығы мен нақтылығы;
— қосымша плюс басылымдағы тақырыптағы мәселеге жаппай назар аудару болады;
— автордың шығармашылық ыңғайы, журналистік материалдардың бейнелілігі мен эмоционалдылығы;
— материалдың сауаттылығы, күрделі нәрселер туралы қол жетімді және қызықты тілмен айту мүмкіндігі;
— ұсынылған материалдардың өзектілігі;
— мүмкін тақырыптардың тізімінде көрсетілген тақырыптарға басылым артықшылығы болады.

Өтінім беру үшін: natd.gov.kz/kz/activity/nic/#apply-his

Саламатты өмір салтын ұстану – заманауи қоғамның тренді. Алайда, тәніңді өз тонусында ұстап тұру арзанға түспейді. Табиғи өнім, дәрумен, спорттық жабдықтар мен спортзалға абонемент – мұның бәрімен ай сайын тұрақты түрде айналыссаң қаншама шығын болмақ. Астана әкімдігінің ресми сайты қалада тегін жаттығулардың қайда өтетінін, оның үстіне нұсқаушысы бар және спортзалға кететін абонементті қалай үнемдеуге болатынын айтады.

Астанада осымен үшінші жыл қатарынан мәдениет және спорт басқармасы ұйымдастыратын барлық үміткерлерге арналған тегін спортпен айналысу өтіп келеді. Тегін жаттығуда өз қалауыңды табу үшін жаның қалаған нәрсенің барлығын жасай аласың. Ендеше, сөмкеге формаңызды салыңыз да – алға!

Жүгіру

Кім таңертеңнен жүгіргенді ұнатады, өте дұрыс істейді. Қысқасы, денсаулық үшін өте пайдалы. Жүгіру ерік жігерді дамытады, денсаулықты күшейтеді, мінезді шыңдап, өзіңді формаға келуге көмектеседі. Астанада жыл сайын әуесқой жүгірушілер көбейіп келеді. Қала әкімдігі осыған орай шара қолданды: саябақтарда жолдарға арнайы резинасы жамылғысы төселді.

Астанада қазіргі таңда сертификаты бар инструкторлар топтық жүгіруден тегін дәріс өткізеді.

Қайда: Астаналық саябақ пен Триатлон саябағында аптасына 3 рет – дүйсенбі, сәрсенбі, жұма – сағат 19:30-дан 20:30 дейін сертификаты бар инструкторлар топтық жүгіруден дәріс өткізеді.

Сонымен қатар жексенбі күнгі дәрістер бар, ол таңертең және кешкісін – сағат 10-нан 12 сағатқа дейін және де сағат 17:00-ден 19:00 дейін.

Кроссфит

Кроссфит. Бұл өзінің шыдамдылығын қайрап, күші мен жылдамдығын шыңдап, өз өзіне шақырту тастап және өзінің қолынан не келетінін дәлелдегісі келетіндерге арналған спорт.

Кроссфит Астана саябағындағы жексенбілік жаттығу бағдарламасына қосылған және таңертең сағат 10-нан 12-ге дейін. Студент және Жерұйық саябақтарында сағат 10-нан 12-ге дейін жексенбі күндері барлық қатысқысы келетіндер кроссфиттен жаттығуға келе алады.

Ушу

Ушу – бірегей жауынгерлік өнер, ол адамның шығыс жекпе жегі философиясын тереңінен түсінуге, өзін өзі қорғаудың жаңа машығын, тәні мен денсаулығын қатайтып, санасын тазартуға әрі ішкі қуатын дамытуға көмектеседі.

Ушумен Астаналық саябақта жексенбі күндері таңертең айналысуға болады.

Джиу-джитсу

Джиу-джитсу техникасы қозғалысты көп пайдалануға және қарсыластың өзіне күш салуға бағытталған және де арнайы «қулығы» бар тәсілдер қолданылады, яғни ауыратын нүктелерге соққы жасау, арнайы көңілді басқаға аударатын қимылдар, шабуыл сызығынан ауытқу және т.б.

Джиу-джитсу дәстүрі әлі күнге дейін сақталып келеді. Әлемнің көптеген елдерінде жауынгерлік өнердің осы түрін дамытып, культке айналдырып отырған одақ, федерация, қауымдастық, оқу орталықтары мен клубтар бар.

Астанада джиу-джитсудан тегін жаттығулар демалыс күндері таңертең Астаналық саябақ пен Жерұйық саябақтарында 19:00-ден 20:00-ге дейін өтеді.

Йога

Йога – бұл практикалық философия, жан мен тәннің бірігуіне арналған. Оның бастауы сонау ежелгі үнді дәстүрінен алынған. Бүгінде йога үлкен танымалдылыққа ие. Онымен бала да, кәрі де айналыса алады.

Йоганың техникасымен танысқысы келетіндер таңертең демалыс күндері Студенттік және Жерұйық саябағына келе алады.

Шахмат

Шахмат ойнаудың пайдасы шаш-етектен. Ойын барысында мидың оң жақ және сол жақ бөлігі де бір мезгілде жұмыс істейді де, мидың дамуына үйлесім туғызады – бұл шахматтың негізгі пайдасы.

Астаналық, Студент және Жерұйық саябақтарында таңертең ойнағысы келгендер шахмат пен шашка ойын үстелінде кездесе алады.

Велоспорт

Велосипед спорты – специфика жағынан бұл аэробты жаттығу болып есептеледі, ол жүрек пен өкпені, бұлшық ет пен аяқты қатайтады. Қысқасы, кеуде мен иықтың бұлшық ет жинамауын қамтамасыз етеді. Осылайша велоспорт жылдамдық жағынан коньки мен тау шаңғысы сияқты жүк түсіреді. Демек бұл да аяқтың бұлшық етін шынықтырады.

Осы жылы әуесқойлар үшін велосипед жүретін жолдарға жағдай жасалды. Астананың мерейтой құрметіне 56 км веложол салынды.