Өзіне өте сенімді, тәкаппар бір грамматика маманы қайық жалдайды. Олар жағалаудан ұзап кеткен соң ғалым қайықшыдан:
— Сен тым құрыса грамматикадан бірдеңе білесің бе?-деп сұрайды. Қайықшы басын шайқайды. Сол кезде ғалым оған:
— Онда сенің өміріңнің жартысы бос өтті дей бер,-деп жауап қайтарады.
Бұл сөз қайықшыға ауыр тиеді. Ол ашуланады, бірақ білдірмейді.
Кенеттен күшті боран басталып кетеді. Су қайықты бағытсыз алып, иірімге апарып тастайды.
Сол кезде қайықшы артына бұрылып, грамматика білгішінен сұрайды.
— Әй, грамматикашы, жүзу білесің бе?
— Жоқ, білмеймін, — деп жауап береді грамотей.
Қайықшы болса оған былай дейді:
-Онда сенің бүкіл өмірің текке өтті. Өйткені қазір қайық мына иірімде аударылады.

Кеше Бешікташтың президенті Йылдырым Демірөреннің алдыруымен Ыстамбұлға Роналду келді. Таксим орталығында жаңадан ашылған сауда орталығының лентасын қиюға келген жұлдызды көруге келгендердің қарасында қисап жоқ-ты. Сағат төртте келуге тиіс болған жұлдыз ұшағындағы ақаудың себебімен алты жарымда бір-ақ келді.

Кеше емес, алдыңғы күні Ыстамбұлға Teriskey келген-ді. Қарсы алуға барғанда «Ататүрік» айырапортындағы алуан адамның ішінен жазбай таныдым. Көрмеген бір жылдың ішінде түк өзгермепті. Сосын, көрер көрмес қалжыңына басты. Әпкесі мен жездесі, қарындасы төртеуі келетінін айтқан еді. Олар Киевте қалып қойды, документінде проблем шығып дейді. Және жазғанның түрі бір өзгермейді-ау, сып-серъезны айтады. Мен сеніп қалдым да шошып кеттім. Сөйтіп бір қорқытты. Сонымен көрістік, ауыл-елдің жаңалығын есіттім, жарты жолға дейін бірге бардым да, өзімнің жатақханамның жанынан қалып қойдым. Оларды Шыңғыс дейтін біздің қара бала(Ыстамбұлдың авторитеті) жайғастыруға алып кетті.

Өткен дүйсенбі Түркиядағы көруді мақсат еткен мекендердің бірі Бешікташтың «Фиапы Инөну» стадионында матч тамашалау нәсіп болды. Бұл жылғы финалда Стамбұлдық Беледиеспор командасынан 6-5 есебімен басым түсіп, Түркия кубогын иемденген олардың Супер

Түркияның әр облысына тән бір… нәрсесі(Орнына басқа сөзбен ауыстырайын десем, ыңғайлы сөз таба алмадым)бар. Мәселен, Бурсаның Ескендір кәуабы, Күтахияның фарфор ыдыстары, Ыспартаның раушан гүлдері, Манисаның бір шөптен жасалған тіс пастасы,

Тони Адамс (Tony Adams)– Есек

Арсеналдың аңыз капитаны, жасаған қателерінің «арқасында» бұл лақапты арқалауға мәжбүр болды.

Роберто Баджо (RobertoBaggio)– Алтын ат құйрығы

Италия футболының жұлдызына бұл лақап ат құйрығы секілді шаштары үшін таңылды.

Түркия Супер лигасында бүгін жиырма тоғызыншы аптаның ойындары ойналып жатыр. Кеше Бешікташ Анкаракүшімен тең ойнады. Бүгін Фенербахче Газиантеппен ойнайды. Газиантеп қазір төртінші орында. Галатасарайды Кубоктан айырғаны бар, дәлірегі ширек финалға жеткізбегені, осал команда емес. ИншАлла Фенерді де чемпиондықтан алыстатады деген үміттеміз. Ертең Бурсаспор мен Трабзонспор. Трабзонның Бурса мойнын иеді-ау деген таудай үміті бар еді, Бурса жақтан әзірге ондай ишарат келмеді. Өткен жылы Бурсаның чемпион болуында осы Трабзонның үлкееен пайы бар екенін айтқанбыз. Сондықтан осы жолы ағымдағы чемпион жақсылыққа-жақсылық қыла ма десек, футболшылары: Біз Трабзонспорға борыштар емеспіз, болсақ та оны Фенермен матчта өтеп тастағанбыз, — дейді. Рас, Фенердің екінші жартыдағы жеңіс сериясына жалғыз Бурса ғана өзгеріс енгізе алған болатын. Жеңбесе де тең ойнап.
Сонымен, қазір сағат жетіде Фенер-Газиантеп, ертең жетіде Бурсаспор-Трабзонспор матчы. Ал Галатасарай Манисаспормен дүйсенбі күні ойнайды.

Сәуір айының екінші жартысы футболсүйерлер үшін мейрам болғалы тұр. Ертең басталып, апта айналмай қайталанатын Эль-Классиколар аяқдопқұмарларға өздері күткен ләззатты сыйлай алады деген үміттеміз. Тура 19 сағаттан кейін басталатын Испания Примъер Лигасындағы каталондық команда мен король командасының арасындағы текетірес төрт дербидің ішіндегі ең жеңілі деуге болады. Әрине, Барса үшін. Жеңсе, әрине, керемет. Бірақ жеңбесе жоғалтқан үш ұпайдың есесін мұнан кейінгі ойналатын матчтардағы қарсыластарынан шыңғыртып тұрып қайтарып алады. Жеңсе Реалмен арадағы ұпай айырмашылығы 11-ге шығады. Әлбетте, осыған дейін, ұмытпасам үш сезоннан бері жеңе алмай келе жатқан Реал Барсадан бар қарымтасын қайтаруға тырысатыны анық, әсіресе соңғы 5-0дің. Оның үстіне Ноу Камп емес, сондықтан блоуграналардың біраз терлейтіні шүбә туғызбайды. Дегенмен, жаман ырым шақырып қайтеміз, үш ұпай және каталондық клубтың еншісінде қалады деген үміттеміз. Ал келесі сәрсенбі күні ойналатын матчтың салмағы бұдан ауырлау. Жеңіс екі командаға да ауадай қажет. Ал одан кейінгі Чемпиондар лигасы жартылай финалы матчтарының маңызы айтпаса да түсінікті.
Қысқасы, ертеңгі матчты түріктің "Қасап ет, қой жан дертінде" деген мақалымен сипаттауға болатындай. Барса деңгейі шамалас қарсаласын бір тізерлетіп, арадағы ұпай айырмашылығын арттыруды көздесе, Реал кеткен есесін қайтаруды, сондай-ақ ұпай айырмасын азайтуды көздейді.

Түркия Супер Лигасында бәсеке қызып тұр. Қазір бірінші орында Трабзонспор, ал екіншіде одан екі ұпай айырмасымен Фенербахче. Фенербахче гол санымен өткен аптаға дейін көш бастап келе жатқан-ды. Бурсаспор тең ойнап оларды маңызды екі ұпайдан айырды. Бірақ бұл Фенербахченің соң сынағы деуге болады, өйткені ол мықтылардың бәрін жеңген-ді. Алдағы аптадағы қарсыластарын онша азулы деуге келмейді. Ал Трабзонспордың бүгін Галатасараймен, онан кейінгі апталарда Бурсаспор, Газиантепспор, Ескішехирспормен кездесуі бар. Қырсық бір айналдырғанды шыр айналдырады деген, Галатасарай үсті-үстіне жеңіліп, қазір он үшінші орынға тұрақтады. Һәм Кубоктан, һәм чемпиондықтан үміті үзілген Галатасарайдан жанкүйерлер тек Фенерді жеңуді өтініш қылып еді, амал қанша, ойын Галасатарайдың басымдығымен өткенімен нәтиже көңіл көншітпеді. Мұнан кейін Галатасарайдың басынан Хаджи кетіп тынды. Әрине, көрген адам Фырат Айдынустың Фенербахчеге бүйрегі ашықтан ашық бұрғанын байқамай қала алмас еді. Бірақ, болған іс болды. Бүгінгі Трабзонспормен ойналатын матчта Галатасарай жеңісті өз қолымен Трабзонға береді деп күтілуде. Әрине, жеңсе өзіне жақсы, жеңбесе Трабзонға жақсы. Егер Трабзон бүгін ұпай жоғалтса, жағдай қиын. Бурсамен ойналатын матчта Бурса жеңісті беруі де мүмкін, бермеуі де. Өткен жылы Бурсаны чемпион еткен дәл осы Трабзонспор-тұғын. Фенермен соң минутқа дейін тіресіп, ұпайдан айырған. Сондықтан Бурса жақсылық қылып, беруі ғажап емес. Бірақ өзі биыл тағы да чемпиондықтан үмітті болғасын, бермесе таң қалмаймыз. Әрине, Трабзонсор: Жеңісті бізге бере қойшы,-деп тіленетін команда емес, былай да басымдықпен алуы мүмкін.
Фенерді Трабзон өткен жылы Кубоктан да айырған-тұғын. Сондықтан биыл Фенер ТС-ның алдын орау үшін аянып қалмайтыны анық.
Қалай десек те, бүгінгі ойын-шешуші ойындардың бірі. Өз басым Трабзонның жеңгенін қалап-ақ тұрмын, бірақ Галатасарайдың тағы да ұпай жоғалтатынын ойласам жүрегім ауырады.

Әуелі алдағанымнан бастайыншы, бірақ алдағаным мен алданғанымның бір-біріне қатысы жоқ. Кеше сағат түнгі 00:00ден асқасын бүкіл қазақ студенттерге смс жіберіп шықтым: "Қайырлы түн құрметті отандастар! Сендерге өнемлі бір дуйуру бар. Қазақстаннан мәлімет жаңа ғана жетті. Сайлау күні ертеңге ауысыпты. Сондықтан таңертең сабағы барлар түстен кейін, түстен кейін сабағы барлар таңертең консулдыққа келіп дауыс берулері сұралады". Сосын әйдә, смстер «рас па ей, Ғалеке», «рас па-еу», «алдап жатырған жоқсың ба?». Сосын енді ғана жауап жазайын деп жатсам, типа «рас, мұндай нәрселермен ойнауға болмайды ғо»деп, бүкіл қазақ студенттерінің старостасы Мақсат смс жазады "Ғалеке, мұны саған кім айтты" деп. «Мәке, үндемей қоя тұр, бірінші апрельдің әзілі ғой»десем, «мен уже бүкіл студенттерге жалған ақпарат екенін смс-пен таратып жібергем»дейді. Осылайша алдауым жүзеге аспады.
Ал алданғанда, мықты алдандым. Теріскейге. Оны кешке жазам.