Жарияланымдар

болашақ ана

Әр күнi әр қызбенен ойнап күлген
Балын татып жеп жүрген әрбiр гүлден
Болашағын ұлтының ойлай ма екен
Болашақ аналармен ойнап жүрген
Әрі қарай

дін жайлы

Өттi уақыт, кеттi уақыт,құм уақыт
Бiреуге тыныш, бiреулердi шулатып
Аллаға қайт өтпей тұрып уақытың
Ажал жетіп кетпесi үшiн сорлатып

********************************

Ақыл-ес бездi мүлдем адамзаттан
Құлшылыққа лайық қой тек Жаратқан
Пенделiгiн iстеп жүр, құлшылығын
пенделерге арнайды көрде жатқан

*********************************

Өтiрiк жынды болып, әңгүдiктеп
Қалтаға салып қойдық арды бүктеп
Тiршілікпен ұмыттық құлшылыкты
Жүз жылды айырбастап мәңгiлiкке

*********************************

Дiндi бiреу терiс деп жамандайды
Ислам мен секта бiр деп тәналмайды
Дiн бiреу,әркiмдердiң дiнге балап
жүргендерi дiн болып саналмайды
Әрі қарай

8-наурыз

Сегiзiншi наурыз деп жарына гүл сыйлайды
Бүгiнгi күн мейрам деп үйдi де өзi жинайды
Бiр жылдағы бiр күндi әйелiне арнайды
Осы күнi әйелдерге мадақ жырлар жырлайды
Басқа күнi ол серi жарын еске алмайды
Ойын, бойын, мүшесiн жамандықтан тыймайды
Осылайша дiнсiздер өзiн-өзi алдайды
Ал исламда әйелдi жыл он екi ай сыйлайды
Әрі қарай

телехикая

Бразилия, Аргентина, түрік, үнді, кәрістер
Болып алды қазағыма виртуалды дәріскер
Америка, Еуропалар улап бітті сананы
Я Құдайым, тауып берші сериалдан алыс жер!
Әрі қарай

атауы жоқ

Көрдім мен иманды бір азаматты
Бар екен-ау әлі де, азаймапты
Көкірегі соқырлар көп болған соң
Жоқ шығар деп кетіп еді мазам қатты

Дегенмен, үміт оты өшпеді әлі
Асықпай жетерміз біз көшке де әлі
Тәрбиенің негізін діннен алған
Қалың елім — қазағым өспек әлі

Қазағым — қалың жұртым, қайран елім
Жамандықты жиып алдың қайдан, елім?
Бөлінуді әдетке айналдырдың
Берекелі ең, ұйыған айран едің

жалғасы бар… шығар)
Әрі қарай

іні-қарындастарға сәлем

Қырық үйден тыю ғой қыз балаға
Тектен-тек теңемеген қызды анаға
Бауырым, қызды сыйла құдды анаңдай
Ақыл жеңсін нәпсіні, қызбаланба!

Тәрбиені ұмыттық бұл заманда
Бауыр бүтін, көйлек бөз, ел аманда
Ел болайық, ағайын, бесік түзеп
Еліктемей жат жұрттық әр жаманға

Жігіттікті дәлелдеу белмен емес
Қолмен болса жарасар текті адамға
Нәпсіқұмар қызбалық, қызқұмарлық
Жарасатын қылық қой тек наданға

Үйлен десең жігіттер қынжылады
Жақсы қыз жоқ қой дейді жерде жатқан
Қыз жаман боп көрінгені содан болар
Қыздар көп «жігіті» алдап, қан жылатқан

Ұят қайда, ұяңдық және қайда?
Сана, парық кеткен бе адамзаттан?
Қарындасым, сізге де айтарым бар
Айрылмашы матадан тәнді жапқан

Дейді халқым сүзбесе тана көзін
Бұқа жібін үзбейді тыныш жатқан
Қарындасым, Құдайым сізді қолдап
Айырмасын табиғи ар-ұяттан!
Әрі қарай