Бұл тарихи телехикая Осман империясының бастамасы туралы. Заң бойынша Осман I Гази Осман империясының негізін салушы болып есептеледі. Империяның қалыптасуы оның ұлы жеңістерінен басталған. Кази (Гази) Ертұғрыл өзі басқарған кезеңде Кіші Азияның батыс бөлігінің барлығын басып алған. Түсірілімді бастамас бұрын, кинематографистер сол заманғы тарихи оқиғаларды мұқият зерттеген. «Жаужүрек Ертұғрыл» телехикаясы ұлы қоныс аудару, жаңа жерлерді басып алу, тарихи жорықтар мен махаббат туралы.

31 арна бас директоры Бағдат Қоджахметов:
«Біз өзіміздің мақсатты аудиториямызға бағдарлама таңдауымызға зор мән береміз. Барлық жобалар қатаң сапа тексерісін өтеді, әр жаңа жоба тек фокус-тобының нәтижелері бойынша ғана басталады. Біздің көрермен эфирде көргісі келетін бағдарламаны өзі таңдайды десек те болады. „Сен келерсің“ хикаясы сәтті шыққандықтан, біз көреремендерді әрі қарай осындай мелодрамалармен қуантуды жөн көрдік. Бұл бүкіл отбасымен көруге қауіпсіз теленовеллалар. Осылайша, біз отбасының бүкіл мүшелерін 31 арна алдында біріктіргіміз келеді.»



«Уәде беремін» — апалы-сіңлілі Бани, Пия және Раноның өмірі туралы теленовелла. Әкелері өмірден өткеннен кейін бойжеткендер туған қаласы Муант Абудан көшуге мәжбүр болады. Әкесінің аманаты бойынша олар бұрын-соңды естіп көрмеген Мумбаидағы 40 жасар бизнесмен Джай Валиадан көмек сұрауға барады. Кетпес бұрын Бани сіңлілеріне бас-көз болуға және туған үйін сақтап қалуға уәде береді.

Мумбайда Бани Джайға жұмысқа кіріп, ал кіші қыздар жалдаушы шартымен Валияның үйінде тұрады. Үшеуінің де жолдары болып, жұмыстары алға жүреді: Бани жұмысында жоғарылап, Пия қамқоршыларына тұрмысқа шығуға дайындалуда, ал Рано колледжге оқуға түседі. Алайда, Пия жас жігітпен өз тойынан қашып, оның орнына Бани Джайға тұрмысқа шығуға мәжбүр болған кезде бәрі өзгереді. Ызаға булыққан қамқоршылары апайы-сіңілілерден кек алуға көшеді. Бірақ, Бани берген уәдесін ұстап, уақыт өте жақсы көріп бара жатқан күйеуін жеңіп шығуға белін бекем буған.

Оның ақылына, іскерлігіне, мейірімділігі мен қамқорлығына тәнті болған Джай өзі сезбей, Баниды сүйіп қалады. Джайдың өткен өмірдегі құпияларына байланысты, олардың бақыттары ұзаққа бармайды. Бани анасының өліміне Джайдың қатысы бар екенін біледі. Сонымен қатар екеуінің өмірлеріне біреу қастандық жасауды бастайды. Оның кім екенін білуді айқындаған сайын Банидың өмірі мен жақындарының өміріне қауіп төнеді және берген уәдесін орындау қиынға түседі.

Бүкіл отбасымен жұмыс күндері сағат 22:00-де 31 арнадан көріңіздер!

Акция тура толығырақ www.31.kz сайтынан біле аласыздар.

Студенттік өмірдің қызықтары шетелдік телехикаялардың сүйікті тақырыбына айналғанына біраз уақыт болған. Отандық «Нархоз» комедиялық телехикаясында да осы өзекті мәселе қозғалған.
Мамандықты меңгерудегі алғашқы қадам, оқуға берілу, алғашқы махаббат, өмірді түсіну- осының барлығы кейіпкерлердің мінез-құлықтарын білуде және сюжеттік желіс үшін қызықты материал.

Басты кейіпкер – Данат үлкен қалаға алғаш келген ауыл баласы. Келе салып көптеген қиындықтармен соқтығысады: үлкен қаланың қарбалас өмірі, жатақханадағы жаңа достар, компьютердің қыр-сырымен танысу. Және университетке келе салып Данат бір қызға ғашық болады. Айсана – сұлу, сабағын жақсы оқитын, Жастар ісі бойынша комитеттің төрайымы. Осы кезде Данаттың белсенділігін университет басшылары да байқап, Данат еркінен тыс сүйген қызына қарсылас болып шыға келеді.

Дәріске бару немесе қызбен кездесу- қайсысы маңыздырақ? Осы сұрақтардың жауабын 17 жасар кейіпкерлерге күнде іздеуге тура келеді!

Кейіпкерлердің өмірлік тәжірибелерінің жоқтығынан, қызбалыққа салынуларынан көптеген күлкілі де, түсінбеушілік жағдайлар туындайды. Тілге шеберлердің көптігінен, телехикая әзілдерге толы.

Жақында студенттік өмірдің қызықтары, ду күлкі, сессия алдындағы қобалжу және басқа да жан толғаныстары 31 арна көрермендеріне ұсынылады!

12 сәуір күнгі шытырман оқиғаға толы кинокөрсетілім – сенбілік кешті көңілді әрі қызықты өткізуге таптырмас мүмкіндік. Эфирде нон-стоп режиміндегі қатарынан үш фильм.

26 наурыздан бастап «31 арнада» атақты «Кухня» сериалының жаңа маусымы басталады. Сценарийшілер көптеген тосын сый ұсынып отыр.

Кейіпкерлердің бірі кеменің палубасынан суға құлап кетсе, біреуі көліктің астына түседі, ал біреуі мүлде далада қалады… Даяшы Настяның аяғы ауыр болғанына алты ай. Аспазшы Федя мен су-шеф Леваны махаббат майданындағы қызықтар күтіп тұр. Вика мен Макстың арасына Макс үшін қауіп төндіретін қарсылас түседі. Бұдан басқа, көрермен «Кухня» сериалының үшінші маусымына тыңғылықты дайындалғаны жөн. Мәселе кадрда жұмыртқалы балмұздақ пен сұйық стейк сияқты өте ерекше молекулярлы тағамдардың болатындығында емес… Тіпті жаңа сериялардың түрлі айла-шарғыларға толы болатындығында да емес. Макс Виканы қайтарып алу үшін өзінің де, өзгенің де денсаулығын аяп қалмайды. Көлік апаттары, бұғаттан секіру, өрт… «Кухня» кейіпкерлерінің жаңа серияларындағы кейіпкерлерді бұдан да көп қауіп-қатерлер күтіп тұр. Сүйікті кейіпкерлердің өз-өзіне мүлде ұқсамауы ғана көрерменнің есін алады.


Марк Богатырев:
— «Мен Максты асүйде істейтін жұмысына қатысты да, Викаға деген қарым-қатынасы тұрғысынан алғанда да бұрынғыдан гөрі ақылдырақ, мақсатты етуге тырысамын. Егер алғашқы маусымдарда Макс бір қыздан екінші қызға өтіп, тұрлау таппай жүрген болса, осы үшінші маусымда ол өз таңдауын жасады. Вика – бірге өмір сүргісі келетін, сүйетін әйел, сондықтан ол Виканың жүрегін жаулап алу үшін барын салады. Осы салмақтылық пен мақсаттылық арқасында Макс белгілі бір деңгейде толыға түседі, есейеді. Ол бұрынғыша басшыға өзінің асүйде пайдалы адам екенін, өте қызықты нәрселер жасай алатынын дәлелдеуге тырысады. Осылайша, Макс бір серияда жаңа паштеттің рецептін ойлап табады, алайда бастық оны да әдеттегідей іске алғысыз етеді. Алайда ол үмітін үзбейді, әрі қарай талпына береді».



Елена Подкаминская:
«Үшінші маусым өзінің қарқындылығымен, жаулап алар шытырмандығымен, қауіпті жағдайлармен де ерекшеленеді. Меніңше, Вика жұмсара түскен сияқты. Макспен араласқалы ол біраз нәрсені бастан өткерді: қалықтаулар мен құлдыраулар да болды, түңіліп жаны да ауырды, кейде әлденені көксесе, кейде торығулар да болды. Талай кешіріп, талай кешірмеді… Жан дүниесінің осыншама дүрбелеңі адамды етітірілікке, өмірді тереңірек сезінуге, оны барынша толыққанды сүруге үйретеді. Соған қарамастан, үшінші маусымда да Вика әлі де Максты ұмытуға тырысады, біреқ, меніңше, ол ешқашан Максқа осынша жақын болған емес».


Сергей Лавыгин:
«Үшінші маусымда «Кухняның» өн бойындағыдай Сеня «жанып» жүреді. «Ұрының арты қуыс» демекші – Сеня өзінің спорттық ұрлығының арқасында өртенеді (күледі). Міне, бұл — жазаның өтеуі. Ал менің сезімдеріме келетін болсақ, мен қазір жайбарақат-ақ өртенетін болғанмын. Өйткені сериал барасында мен бұл трюкты төрт-бес рет жасадым».


Никита Тарасов:
— «Үшінші маусымның негізгі желісі – молекулярлы асхана. Меніңше, бұл біршама оғаштау… Ал көрерменнің кадрдан көретіні шындығында да нағыз молекулярлы тағамдар. Мәселен, бір тал жылтыр вермишельден тұратын томат көжесі… Молекулярлы тағаммен мүлде айналыспаймын. Ал Луи болса мені қатты қызғанады, себебі молекулярды асхананың аспазшысы Катя да Луи сияқты десерттер дайындайды. Мәселен, қоңыр түсты ұнтаққа ұқсайтын шоколадты жел. Луи мұны түсіне алмайды, ол классикалық француз тағамдарын жөн көреді».

Отбасымен тамашалайық! 26 наурыздан бастап, 19.00-де, «31 арнада»!

31 арнаның» эфирінде «Метро» реалити-шоуының кезекті маусымы басталды. 2013 жылдың қыркүйегінен бастап бағдарламаның жүргізушісі болып келген Вадим Фишерді белгілі шоумен Данияр Батырбаев алмастырады. Ал Вадим, біздің естуімізше, Жаңа жыл қарсаңында Украинадан келген ару қызбен шаңырақ көтеріп, отбасылық өмірдің қызықтарымен әуре болып жүр екен. Көріп тұрғанымыздай, «Метро» бағдарламасы Вадимнің өміріне оң өзгерістер сыйлаған.
Естеріңізге салайық, реалити-шоу еліміздегі ең қымбат «түсірілім павильоны» саналатын Алматы метрополитенінде түсіріліп келеді. Қазақстандықтар үшін метро жай ғана қатынас құралы емес, сондай-ақ қаланың баға жетпес құндылығы, мақтанышы. Әлемдегі бірегей жобаның идеясын қазақстандық команда жасақтаған. Отандық көрермендер оған оң бағасын беріп үлгерген, қазірде бағдарлама жоғары рейтингке ие. Шоу «31 арнадағы» «Үздік телеойын» атанды. Реелити-шоудың бастамашылары – «31 арна» мен Алматы қаласы әкімдігінің қолдауына ие болған «Метрополитен» ҚМК.


Телешоудың ережелері қарапайым: 8 қатысушы жол бойында жүргізуші Данияр Батырбаевтың қойған сұрақтарына дұрыс жауап беріп отыруы керек (жолда 7 стансаны жүріп өтеді). Әрбір стансада дұрыс жауап бере алмаған бір ойыншы ойыннан шығып отырады. Ойлануға 30 секунд уақыт беріледі. Жауап беруге мүмкіндік алу үшін арнайы «жалаушаны» бірінші болып көтеру керек. Дұрыс жауап берген қатысушы ұпайы аз бір қарсыласынан құтылады. Ең соңында қалған ойыншы жеңімпаз деп танылып, 15 000 теңге көлемінде сыйлық алады. Ал суперойынға шыққан финалист екі есе көп ұтысқа ие болады.
Бағдарламаның режиссері Виктор Капицевтің айтуынша, шоу қазақстандық көрермендерге жақсы таныла бастаған, қазірдің өзінде қатысамын деушілер түсірілім алаңына ерікті түрде келіп жатыр екен.
— Біз бағдарламаны әлеуметтік белсенділігі жоғары, әлемде және елде болып жатқан оқиғалардан хабардар қазақстандықтарға бағыттадық, — дейді Виктор Капицев. – Өйткені бүгінде бұқаралық ақпарат құралдарының барлық түрі қолжетімді болды. Сөйтіп біз қазақстандықтардың жан-жақты, білімді, тапқыр, көңілді әрі артта қалмағанын дәлелдегіміз келді. Бағдарламаның басты мақсаты осы.
— Барлығын қызықтыратын сұрақ – бағдарламадағы тапсырмалар қаншалықты қиын?
— Сұрақтар түрліше, табиғат пен асханадан бастап саясат пен олимпиаданы да қамтиды. Негізінен, өмірдің барлық саласын қамтуға тырысамыз. Тәжірибе көрсеткендей, 35 жастан асқан адамдар басқаларға қарағанда білімдірек болып шықты. Дегенмен бағдарламаға белгілі бір ақпаратты білмейтін қазақстандық тап болса, біз оған әлемде болып жатқан жаңалықтардан хабардар болып жүруді үйреткіміз келеді.
— Виктор, жүргізушінің ауысқаны бағдарламаға қалай әсер етті?
— Әзірге айту қиын, бағдарлама эфирге шығып, рейтинг белгілі болған жағдайда ғана бұл туралы айтуға болады. Данияр Вадим сияқты емес. Оларды салыстыруға болмас. Даниярадың өзіндік ойынды жүргізу мәнері бар, ол шығармашылық адамы, тіпті дене бітімі мен терісінің түсі де өзгеше. Ол мүлде басқаша! Маған ол ұнап қалды.
— Жүргізушілерді де білім деңгейіне қарай таңдадаңыздар ма?
— Иә, осы рөлге үміткер болған он шақты жүргізушінің арасында кастинг жүргіздік, тапсырма ретінде оқиғаларды ойдан құрастырып, оларды шатастыруға тырыстық. Жүргізушілердің одан қалай сытылып шығатынын көргіміз келді. Өйткені біз түсірілім барысында бағдарламаға кедергі болмау үшін араласпаймыз. Себебі бұл реалити-шоу. Ал бізге керегі – ойыншының эмоциясы. Данияр осы сыннан өтті.

— Метро» бағдарламасы «31 арнаны» қалай сипаттайды?
— Біздің бағдарлама «31 арнадағы» «Үздік телеойын» атанғанын мақтанышпен айта аламын. Бағдарлама бұл арнаға барлық сипаты жағынан сәйкес келеді. Өйткені «31 арна» өзі көңілді, серпінді, танымдық арна ғой. Арна қандай болса, бағдарлама да сондай!
Айта кетейік, «Метро» бағдарламасының жалғасы наурыз айында түсіріле бастайды. Сондықтан көктемде Алматы метросының жанынан құр өтпеңіз.

Ал әзірге, ақпан айында «31 арнадан» бағдарламаны тамашалап, қатысушылармен бірге өз біліміңізді тексеріңіз!

Бұл – бір отбасының тағдырын суреттеу арқылы Үндістандағы күллі мұсылмандар өмірін бейнелейтін ерекше оқиғаға толы фильм. Хикаяда қаншама қиындықты бастан кешірсе де мойымай, жауласқан екі отбасын татуластыра алған, анасының өлімінің құпиясын анықтап, әкесін және махаббатын тапқан өжет қыздың басынан өткендері баяндалады.

Өмірлік құндылықтарды ұлықтайтын адал жандар туралы баян. Үндінің драмалық телехикаясының басты кейіпкерлері – сенім мен махаббатты ту етіп көтерген жандар. Олар Алланың ақ жолында түсіп, өзара түсіністік пен татулықта өмір кешкісі келеді. Ұзақ жылдар бойы тағдырдың жазуымен бөлек тұруға мәжбүр болған ағайынды Асад пен Аян – бұл фильмнің басты кейіпкерлерінің бірі. Алшақ өмір сүргенмен жүректері бірін-бірі аңсайтын екі бауырды ешкім ажырата алмайды. Жалғандық пен сатқындыққа жаны қас, сүйкімді қыз Зояның тағдыры бұл хикаяға арқау болған. Зоя қаншалықты ауыр екеніне қарамастан, бірін-бірі өмірлік дұшпан санайтын екі отбасын біріктіру міндетін өз мойнына алады.
Бхопале – әйел басшыларымен аты шыққан Үндістанның шағын қаласы. Ағайынды Асад пен Аян осы қалада тұрады. Әкелері бір болғанымен, шешелері бөлек. Әкелері бірінші некеде бақытты болмаған екі бауырдың қарым-қатынасына ағайын-туыстың алауыздығы үнемі сызат түсіріп отырады. Бірақ соның бәріне қарамастан Асад пен Аян жасырын кездесіп, бірге өседі. Бір күні ағайынды екі жігіт мешітке барып, сұлулығы көз сүріндірер Зояны көріп қалады. Той көйлек киіп алған, бірақ өмірге ренішті бойжеткенмен кездесу олардың алдағы тағдырларын түбегейлі өзгертеді. Одан әрі екі жігіттің болашақ өмірі мешітте кездескен бейтаныс ару — Зоямен тығыз байланыста өрбиді.
Зоя өткен өмірінің құпиясын ашу үшін Америкадан Үндістанға келеді. Нью-Йоркте өмір сүрген мұсылман қыз Америка мәдениетін бойына сіңіріп, өз пікірінен танбайтын, табанды болып өскен. Туыстары қызды күштеп тұрмысқа беруге тырысқанымен, қыз әкесін тауып, анасының қалай өлгенін анықтап білу мақсатында өз тойынан қашып кетеді. Бірнеше күннен кейін Зоя ағайынды екі жігіттің үлкенінің көршісі атанады. Ал кішісі жұмбақ бойжеткенмен телефон арқылы танысып, ұзақ уақыт кездесе алмай жүреді. Нәтижесінде Зоя Асадты күнде көреді де, ал Аянмен («Робертпен») Мона болып тек қана телефон арқылы тілдеседі.


Асад пен Аянның туысқан екенін білмейтін Зоя кездейсоқ олардың әкесімен танысады да, оған Асадтың анасы, бірінші әйелімен татуласуға көмектескісі келеді. Әкесін іздеп жүрген бойжеткенді іздеудің соңы Рашидтің үйіне алып келіп, анасының өліміне себепші болған «қуыршақ фабрикасының» өртіне қатысты қылмысты ашуға көмектеседі. Рашид отбасымен бірге тұратын Разия Сидики қыздың нағыз әкесі өліп қалғанын, ол үшін Үндістанда қалудың керегі жоқ екенін айтып, Зояны елден кетуге көндіруге тырысып жүрсе, бір жағынан жеке өмірінде Танвир атты бейтаныс қыз оның бақталасына айналады.
Фильмде, сондай-ақ, әр түрлі елде туып-өскен (Үндістан мен АҚШ) мұсылмандардың діни дәстүр-салтына жаһандану үдерісінің әсері, миграция мәселелері, қазіргі үнді қоғамындағы діни көзқарастарға тәуелсіз орын алып жатқан құбылыстар көрініс тапқан. Мәселен, нәсілі мен терісінің түсіне қарай шеттету, полицияның билігін асыра пайдалануы сияқты жайттар фильмде жиі кездеседі.

17 ақпаннан бастап «31 арнада»! Дүйсенбі мен жұма аралығында 21:00-де!

Жолдың ақыры ма, жаңа өмірдің бастауы ма?
Сіз күйеуіңіздің қайда екенін білесіз бе? Мен де осы сұраққа әрқашан жауап бере алам деп ойлаған едім. Бірақ бір күні мен білуге тиіс емес бір жайттң бетін аштым. Мен сіздерге жаралы жүректер мен достық туралы оқиғаны баяндап берем. Менімен бірге осы жолды жүріп өтуге дайынсыз ба?
Менің атым Айлин. Қарапайым, бақытты әйел едім, жұмысым, бақытты да бақуатты отбасым мен Селим атты күйеуім бар еді. Біздің отбасымызда әрбір әйелдің бақыты үшін қажеттінің бәрі болды – махаббатқа, сыйластыққа құрылған шаңырақ, түсіністік. Мен күйеуіміз екеуміздің арамызда ешқандай құпия-сыр жоқ деп ойлап келдім, менен бақытты жан жоқ еді… Құдайым-ай, мен қалай қателесіп келгенмін.