Әмеңгерлік туралы Қызыл алма отандық телехикаясы

Блог - darhanz: Әмеңгерлік туралы Қызыл алма отандық телехикаясы

Фильм қазіргі әлеуметтің бойында кездесетін қайшылықтар, адамдардың бір-біріне деген сезімдерінің, сенімдерінің жоғалуы, сатқындық, ата-анаға деген құрметтің өз дәрежесінде көрсетілмеуі сияқты түрлі тақырыптарды қозғайды. Туған ағасы Біржаннан қапыда айырылып қалған Рүстем енді әмеңгерлік салт бойынша жеңгесіне үйленеді. Дүниеден ерте өткен әкесінің шеберлік өнері Рүстемге дарыған. Оның жасаған сандықтары қолөнер туындысындай көркем, бірақ жанұяның ауқатты өмір сүруіне жете бермейді. Кейіпкерлердің жан күйзелісі, өмір өткелдерінің сан қилы сынақтарынан өтіп, ең соңында отбасын сақтап қалуы әр көрерменге ой салары сөзсіз.

Эфирге шығатын уақыты: 21:35 Ұзақтығы: 42 минут

Ұлттық арнадан онлайн көру
Әрі қарай

Отандық сериал неге нашар?

Осы сұрақты сценарист ретінде жиі естимін. «Білеміз ғо сендердің жазатындарыңды!». «Бәрі нашар!». «И, брат, не анау?!» дегенді қолына қалам алып жүргендердің біразы естіген. Естімесе оны ешкім сценарист деп бағаламайды. Жалпы сен жаздың ба, кінәлісің. Отыз секундтық роликтен толық метр фильмге дейін жазып көрген адам ретінде айтайын. Сонымен біздің сериалдар неге нашар? Себептері:

Блог - kozildirik: Отандық сериал неге нашар?

1. Отандық сериалдардың көпшілігін отандық авторлар жазбайды. Парадокс, бірақ солай. Себебі «ауылдағының аузы сасық». Көбіне «шығыс еуропа» авторлары жазады. Олардың елдерінде қандай сценарист екені беймәлім, бірақ атын, еңбегін біз естімегеніміз анық. Ал «еуропалықтар» біздің менталиетті білмейді. Сапасы біз күткеннен сәл кеміді. 100% сапа 95% ға түсті.

2. Ол сценарийлер сосын аударылып, бейімделеді. Бірақ бұл жерде де отандық сценаристер араласуы сирек. Оған әдетте редактор-аудармашы жалданады. Енді түсіндірме: сценарист-сериалдың жалпы құрылымын, стратегиясын көретін адам. Редактор-тактик. Ол сөздің, сөйлемнің құрылымын түзейді, ал драматургияны бейімдеу кезінде көмегі шамалы ғана. 95% тен 85% ке түстік.

3. Алаңдағы редактор жоқ. Айтпақшы бар, бірақ аз. Сондықтан кейіпкерлер өмірден тым алшақ, әдеби сөйлейді. Редактордың міндеті тұрмыстағы ауызекі тілді актердің аузына салып беріп, дәл автор ойлаған акцентпен айтуына жағдай жасау. Жасалмайды ма, актер өз білгенімен қылады. 75% деген көрсеткіш осы жерде пайда болады.

4. Актер мінездемені оқымайтын сияқты әсер қалдырады. Образға кірмейді. Немесе театр актеры ойнаса тым әсірелендіріп, театралдандырып жібереді. Бір эпизодта көңілді жүрсе, келесі эпизодта тұнжырап отыруы мүмкін. Себебі екеуі екі күнде түсірілуі мүмкін, ал актер кейіпкерінің мінездемесін ұмытып қалған, тіпті білмейтін де шығар, сол жердегі өз көңіл күйін бере салады. Жасандылық осыдан шығады. 60% көрсеткішке қош келдіңіз!

5. Ал сонда режиссер қайда? Алаңда! Ол барлық міндетін әдемі картинка алып шығуға жұмсап, контентке басын да ауыртпайды. Себебі ол не айтылып жатқанын түсінбейді. Ия, дұрыс, біздегі режиссерлардың да көбі «шығыс еуропалықтар». Режиссердан талап болмаса актер басын ауыртып жынды ма? Бұл үшін неше пайыз алып тастауды өзің шеш…

Бұл әрине барлық сериалдарға қатысты емес, сәтті шығатындар да жетерлік. Бірақ сәтсіз шығып жатқанын көрсеңіз бірден титрларын оқыңыз. Бәріне көзіңіз жетеді.

Айтпақшы. Сценарист болам десеңіз жақсы, жаман демей барлық киноны қарап, драматургиясы мен құрылымын зерттеп жүріңіз. Бәрібір ең оңайы диалог жазу :)
Әрі қарай

Менің достарымның назарынан тыс қалған күшті сериалдар

Жора-жолдастармен кездесе қалып, сериал туралы әңгіме бола қалса — әркім өз сүйіктісін айта жөнеледі емес пе? Мен де сөйтейін дедім (реалда өзеуреп сөз бермейсіңдер ғой, сондықтан осы жерге жазайын жақсылап). Неге күшті сериалдарды мен ғана көре беруім керек, достарым дауылбай құсап нашар телешоуларға мәз болып қашанғы жүре береді деген ізгілеу ниет қой, баяғы :D

11.22.63

Киностан: Менің достарымның назарынан тыс қалған күшті сериалдар8 эпизодтан тұратын фантастикалық мини-сериал. Стивен Кингтің аттас романына негізделген.

Сюжетте Джейк Эппинг есімді мұғалім туралы баяндалады. Әйелінен ажырасып, көңіл-күйі болмай жүрген кезде, күн сайын тамақтанатын дәмхананың иесі бір құпияны ашады: оның шолананда өткен шаққа апаратын қуыс бар. Бір ерекшелігі — уақытты да, жерді де таңдай алмайсың, қашан кірсең де тек 1958 жылдың 9 қыркүйегіне ғана тап боласың. Тағы бір ерекшелігі — өткен шақта қанша жыл өткізсең де, қайтып оралғанда қазіргі шақта 2 минут қана өтеді. Яғни, сағат 12:00-де аттанған болсаң, қартайып бүкіл өміріңді өткізіп келсең де өзіңнің заманыңды сағат 12:02 -ні көрсетіп тұрады. Үшінші ерекшелігі — әрбір саяхатың бұрынғы саяхатыңды «нөлдетіп» жібереді. Яғни, өткен шақты күрделі өзгерістерге ұшыратып келдім делік: тиісті адамдарыңызды құтқардыңыз, жаман адамдардың көзін құрттыңыз, болашаққа кері әсерін тигезген оқиғалардың алдын алдыңыз, сөйтіп ерекше мақтанышпен өз уақытыңызға оралдыңыз. Кенет тағы да сапарлағыз келіп кетті де, жаңағы қуысқа кіріп кеттіңіз делік. Сол кезде осыған дейін істегендеріңіздің барлығы жойылады. Бәрін басынан бастау керек болады.

Қысқаша айтқанда, дәмхана қожайыны Джейкке өтініш жасайды — ол бастаған істі жалғастыру. Дәмхана иесі бірнеше жылын өткен шақта өткізіп, президент Джон Кеннеди өлімінің алдын алмақ болған екен. Президентке оқ атқан адамды да анықтаған. Тек сол оқиғаны болғызбау керек. Мұғалім келісім береді.

Басты рөлді Джеймс Франко сомдайды.

*****

Ұятсыздар | Shameless

Киностан: Менің достарымның назарынан тыс қалған күшті сериалдарБритандық сериалға негізделген америкалық ремейк. Бірақ білетіндердің айтуынша — түпнұсқадан да керемет болып шыққан. Бұны нақты бір жанрға байлап қою қиын, жылатарлық сәттері де, шек сілеңді қатыратын тұстары да бар. Нағыз ересектерге арналған сериал дер едім, өйткені цензурасыз түсірілген өнімдердің бірі.

Негізгі оқиға Галлагерлер отбасының төңірегінде өрбиді. Осылардың арқасында Американы басқа қырынан танисыз — зәулім ғимараттар жоқ, кинодағыдай штампттар болмайды. Кір-қожалақ, лас, азғын, жарлы Америка. Чикагоның жерүйлерінде тұрып жатқан халықтың өмірі. Өз басым, осы сериалдан кейін Голливуд салып кеткен көптеген стереотиптерден арылдым.

Фрэнк деген алқаш, нашақор әке бар. Әйелі басқа біреумен кетіп қалған. Алты баланы асырап отыр. Асырап отыр деген жай сөз ғана, негізінде олардың бәріне баяғыда еменнің үлкен бұтағын қойған. Бар ауыртпалық 23 жасар үлкен қыздың мойнында. Тағдырдың тауқыметін қанша тартса да, балалар өмірден тыс қалмауға тырысады, ауыр тұрмыстарына қарамастан түрлі қызықтарды бастан бастан өткізеді. Кейіпкерлер саналуан және әрқайсысы жеке әлем, сондықтан әрбір персонажға жеке сериал түсіруге болатын шығар.

Сериал 2011 жылдан бері көрсетіліп келе жатыр. Қазірше 6 маусымы бар, жетіншісі келесі жылы шығады.

*****

Біртүрлі жағдайлар | Stranger Things

Киностан: Менің достарымның назарынан тыс қалған күшті сериалдарСериалды жасаушы Росс Даффер және Мэтт Даффер есімді егіз мамандар "ұзақ кино" түсіруді мақсат еткен екен. Шынымен де кино көріп отырғандай әсерде боласыз: 80 жылдардың атмосферасы, оператор мен композитордың керемет жұмысы, т.б. детальдар сериалдың алғашқы минутынан-ақ баурап алады.

Көптеген танымал кино мамандары бұны тіпті феномен деп бағалап жатыр. Әсіресе, Вайнона Райдердің шеберлігі ерекше аталуда.

Ағайынды режиссерлер фильмге сценарий жазу барысында Спилбергтің, Карпентер мен Крэйвеннің жұмыстарынан шабыт алғандарын жасырмайды. Стивен Кингтің де шығармаларын оқып шығыпты.

Оқиға 1983 жылы Хокинс деген қалашықта орын алады. Достарымен қараңғы түскенше ойнап қалған бала үйге қайтар жолда із-түссіз жоғалып кетеді. Тергеу жүргізген полиция оны өлдіге санайды. Ал түрлі тылсым құбылыстарға мән берген анасы қайғылы оқиғаның растығына сенгісі келмейді. Баланың достары тіпті өз тергеулерін жүргізеді.

Бастапқыда 8 эпизодты мини-сериал деп жарияланған болатын. Бірақ финалдағы сюжет әрі қарай дамытуға мүмкіндік бергендіктен, оның үстіне жобаның үлкен танымалдығы екінші маусымға жол ашып беріп отыр.

*****

Картадан тұрғызылған үй | House of Cards

Киностан: Менің достарымның назарынан тыс қалған күшті сериалдарСаясатты ұнататындар үшін тамаша туынды :). Ұнатпайтындарды да жалықтырмайды деп ойлаймын. Саяси драмада басты рөлдерде Америка киносының алыптары — Кевин Спейси мен Робин Райт ойнайды.

Оқиғалардан шынайы тұлғаларға ұқсастықтар іздемей-ақ қойыңыз. Сериал АҚШ-тың Ақ үйі төңірегіндегі оқиғаларды суреттейді демесеңіз, тұлғалар да, сюжеттік желі де ойдан құрастырылған, идеясы ВВС-дің аттас сериалынан алынған.

Сюжат жайлы қысқаша: Демократиялық партияның конгрессмені, қолынан іс келетін Фрэнк Андервудқа ерекше ұсыныс түскен еді: ол Гаррет Уокерге президент болуға көмектеседі, соның сайлауалды кампаниясына қызмет етіп, ұйымдастыру шараларымен айналысады, ақысына ертең Уокер президенттікке сайланған соң Андервудқа Мемлекеттік хатшы қызметі берілуі тиіс болатын. Бірақ Гаррет президент болғаннан кейін уәдесін ұмытып кетеді. Ашуға булыққан Фрэнк президентті орнынан кетіруге уәде береді. Әрине жария түрде емес — өз-өзіне. Бұл үшін оның бойында барлық алғышарттар бар еді — ол ақылды, алдын болжағыш стратег, адамның ішіндегісін ұғатын айлакер, жеке пайдасы үшін тайынбайтын сұм адам. Әйелі де өзіне сай азулы қаншық. Сөйтіп екеуі билік үшін астыртын жоспарларын іске асыруға көшеді.

Сериалда ерлі-зайыпты саясаткерлердің жеке амбициялары ғана көрсетіліп қоймай, Американың ішкі және сыртқы саясатына, саяси тұлғалар арасындағы интригалар мен бәсекеге, түрле шиеленістерге мән беріледі.

2013 жылдан бері 4 маусымы көрсетілді. Бесіншісі 2017 жылы шығады.

*****

Marvel мен Netflix бірлестігінің суперқаһармандарға арналған сериалдар легі

Киностан: Менің достарымның назарынан тыс қалған күшті сериалдарМарвелдің кино әлемінен әзірге орын таба алмаған, бірақ көңіл бөлуге тұрарлық төрт қаһарманына сериал жасау туралы шешім қабылданады. Сөйтіп Marvel мен Netflix арасында мәміле жасалады. Келісімге сәйкес: Daredevil, Jessica Jones, Luke Cage және Iron Fist есімді төрт персонажға арналған төрт бөлек сериал, сонымен қатар осы төртеуінің басын біріктіретін тағы бір кроссовер-сериал түсірілуде.

Қазір бастапқы екеуіне арналған тележобалар жарық көріп үлгерді. Қалған екеуіне арналған жобалар және бәрін біріктіретін кроссовер енді шығады. Бір қызығы — аталған қаһармандар Кек алушылар әлемінде өмір сүреді, сериалда тіпті олар туралы да бір-екі ауыз айтылып кетеді. Төртеуі де бір қалада өмір сүреді және бір-бірін таниды.

1. Басбұзар / Daredevil
2015 жылдан бастап шықты. Екі маусымы көрсетілді, үшінші маусымына тапсырыс берілді. Ол аз десеңіз — осы сериалдың жоспардан тыс тағы бір спин-оффы туралы айтылып жатыр. Сериалда көрсетілген Жазалаушы (The Punisher) деген антиқаһарман көрермендер арасында ерекше танымал болғаны сонша, ол туралы бөлек жоба түсіруге шешім қабылданыпты.
Басбұзар, яғни Мэтт Мердок бала кезінде қайғылы оқиғадан кейін көзі көрмей қалады, есесіне басқа сезу мүшелерінің жұмысы бірнеше есеге артады. Күндіз ол — қарапайым адвокат, түнде қылмыспен күресуші.

2. Джессика Джонс / Jessica Jones
2015 жылы шықты. Бір маусымы көрсетілді, екіншісі әзірленіп жатыр. Джессиканың ерекше қасиеттері: биікке секіре алады, күші көп, машиналарды оп-оңай көтеріп жүре береді. Жекеменшік детектив ретінде түрлі қылмыстарды тергейді.

3. Люк Кейдж / Luke Cage
Алғашқы маусымы биыл 30 қыркүйектен бастап көрсетіледі. Бір эксперименттің нәтижесінде ерекше қасиетке ие болған. Оған оқ дарымайды, соққы батпайды, терісіне зақым келмейді. Бұның да күші көп. Комикс бойынша Джессика Джонстың күйеуі.

4. Темір жұдырық / Iron Fist
2017 жылдан бастап көрсетіледі. Кунг-фуді жетік меңгерген қаһарман. Мистикалық күшке ие.

5. Қорғаушылар / The Defenders
Жоғарыда аталған төрт кейіпкерді біріктіретін жоба. 2017 жылы шығуы тиіс.
Әрі қарай

Судағы із

12 наурызда «Қазақстан» ұлттық арнасы тағы бір жанның қылын шертетін бір ауылдан шыққан үш достың тағдыры жайында «Судағы із» атты драманы ұсынады.

Көрермендер сериалда Мұқан, Қасымжан, Роллан атты басты кейіпкерлердің арасындағы шынайы ерлер арасындағы достықтың қандай болатынын көре алады.

Мұқан – ғалым болып, туған ауылын таза сумен қамтамасыз етесем бе деп армандайды. Ол мектептегі сыныптасы Наркес деген қызға ғашық болып жүреді, бірақ сезімін білдіруге батылы жетпейді. Ойлап қарасақ ақылы көркіне сай, көрегені мол жігіттің болашағынан зор үміт күтуге боларлық. Бірақ, өзіне жақын адамдары оған сатқындық жасап, Мұқанның өмірі күрт өзгеріп, тозаққа айналады.

Сюжетте Наркес қыздың тағдыры осы үш достың өмірімен сабақтас болып келеді. Қасымжанның тағдыры Наркесті зұлымдықтан құтқарамын деп жүргенде, басы дауға түсіп, түрмеге қамалады.

Роллан болса сол кезде Мұқанның қарындасымен кездесіп жүріп, қыздың аяғы ауыр болады. Ауыл тұрындары арасында тарайтын өсектен қашқан қыздың әке-шешесі, қызды қалаға жөнелтуге асығады. Сол кезде жол бойында көлік апатына ұшырап, мерт болады. Уақыт өте келе, қыз да дүниеге сәбиін акеліп, жан тапсырады. Қарындасынан жетім қалған нәрестеге Мұқан қамқоршы болып, ғалым боламын деген арманын шетке ысырып, ауылда қалуды ұйғарады. Осыдан бастап тағдыры да күрт өзгереді.

Фильм сол кезеңдегі 90-шы жылдардан бастап осы кезге дейінгі түрлі оқиғалар арқылы халықтың басынан кешкен қиыншылықтарды суреттейді. Әрдайым есігі ашық, емін еркін жүре беретін берекелі ауылда ұрлық көбейіп, жетіспеушілік деген қырсық шалады. Сонымен қатар, фильмде, мөлдір махаббат, достық, адалдық пен сатқындық қатар жүреді.

Әсіресе, басты рөлдерді сомаған: Дархан Сүлейменов, Ақылжан Мақашев, Тансұлу Мұзафар, Дәстен Шәкіров, Төлеубек Аралбаев, Гүлжамал Қазақбаева, Айгүл Иманбаева, Жомарт Зейнәбіл, Әсел Садуақасова сынды актерлердің кәсіби шеберліктерін атап өту қажет.

Көпшілік сүйіп қөретін фильмдердің режиссері Талғат Теменовтың тағы бір туындысы шынайы өмір көріністерін суреттейтін, терең философиялық мағынасымен көрермен көңілінен шығатынына сенеміз.

«Судағы із» кинотуындының алғашқы серияларының көрсетілімі 12 наурызда сағат 14:50-де көрермендер назарына «Қазақстан» арнасында ұсынылады.
Әрі қарай

Narcos - Пабло Эскобар, кокаин, саясат...

Киностан: Narcos - Пабло Эскобар, кокаин, саясат...

Narcos — Netflix студиясы шығарған сериал. Атақты колумбиялық наркобарон Пабло Эскобардың өмірін, Медельин картелінің құрылуын және жалпы кокаин бизнесінің басталуын суреттейді. 28 тамызда көрсетілімге шыққан сериалдың қазіргі IMDB рейтингі — 9,1 (38 мың адам дауыс берген). Алғашқы маусымы 10 бөлімнен тұрады. Сериал жасаушылар 2-маусымы түсірілетінін де хабарлап үлгерді. Биылғы жылдың үздік сериалдарының бірі болуы мүмкін. Танымал Lostfilm студиясының сапалы дыбыстауымен онлайн қараңыз.
Әрі қарай

Қазақша дыбыстау: Спартак: "Қан мен Құм" (+18)

Киностан: Қазақша дыбыстау: Спартак: Қан мен Құм (+18)Қазақша дыбыстау болғанда, әдеттегідей, алдымен субтитрын аударған болатынмын. Осы серияның субтитрын аударып, өңдеуге, раскадровкасына бір ай уақытым кетті. Дыбыстауыма 1 сағат, ал дыбысты өңдеуіме 4 күнім кетті.
Дені түзу инструменттерім болғанда мүмкін жұмсалған килоджоуль мен уақытты үнемдеуге болар ма еді. Бірақ,"үйрену процессі " деп жұбатым жатырмын өзімді.
Сонымен,

Қолданылған софт:
Cубтитр: «Subtitle Edit»
Дыбыс: Virtual Recorder(смартфон қосымшасы), Audacity (тегін бағдарлама)
Видео өңдеу: Camtasia 8.0, Handbrake

(Барлығын интернеттен табуға болады.)

Қолданылған хард:
Acer V5 Corei7 — ноутбук пен Lenovo 536 бюджеттік смартфонының микрофоны.

Бұл фильм Рим Империясының тарихындағы ең үлкен, ең танымал ереуілдердің бірін басқарған Спартактың еркін жауынгерден құлақкесті гладиаторға айналу тарихын баяндайды.
«Спартак» топтамасы батырлар жыры сияқты лиро-эпостық мақамда баяндалған, дегенмен, жыныстық қатынас пен қантөгіс кадрларының көптігі көрерменге "+18 жас" шектеуін қоюға мәжбүрлейді.


Видео сапасын интернет жылдамдығына қарай өзгертуіңізге болады (HD- нұсқасына дейін).
Әрі қарай

Қазақша дыбыстау: "Тығылған негірлер"

1942 жыл. Фашист полковнигі түрмеден қашқан екі қара нәсілдіні іздеп күдікті үйге келеді.



Өткен жолы осы видеоны дыбыстап ютубқа салсам, хұқық иесі блоктап тастапты. ВК-ға салғанмын. Жол жөнекей, хұқық иесіне рұқсат сұрап, хат жазып та жіберген болатынмын.
Бүгін қарасам, ютубтағы видеоны блоктан шығарып қойыпты.
Қайта жауып тастамай тұрғанда қарап алыңдар.
Киган мен Пилдың басқа да скетчтерін қазақша тамашалағыларың келсе, ұнатыңыздар, пікір білдіріңіздер, бөлісіңіздер.
Әрі қарай

Мен саған ғашықпын...

  • Kaztube
Kaztube: Мен саған ғашықпын...
Kaztube: Мен саған ғашықпын...… Бүгін қуанышымда шек жоқ. Ала жаздай еңбек етіп, күн демей, түн демей еткен еңбегіміз бен төккен теріміз ақталған күн болды. Әкем ерекше мәз. Қыстақтағылардың да бетіне қан жүгіріп, кішкене балаларға дейін бұл қуаныштың мәнін ұққандай. Енді осы мәпелеп өсірген құлпынайымызды базарға шығарып сатсақ, біраз қарызымыздан құтылар едік. Қыстағымыздың да ажары кіріп қалар еді-ау. Әйтпесе жаңа ғана иесі келіп кетті. Әдеттегідей апшыны қуыру ғой. Базарға шығарамыз деп қойған құлпынайдың бәрін салып ап кетпекші. Сонда бізді немен күн көреді деп ойлайды екен?! Қарызын қалай жабамыз сосын?! Әйтеуір үйтіп-бүйтіп, уақытты создық-ау! Енді базарға шығу ғана қалды...

Базарға әкем екеуміз барамыз. Ауылда қалатын Клауидің мені кекетіп, мұқатқанын да елер емеспін. Өмірден көрген теперіштерін бейне бір мен істегендей, жауығатынын әлі түсінген емесін. Етім үйреніп кеткен секілді. Оның үстіне өзім де көңілдімін.

Kaztube: Мен саған ғашықпын...Айтпақшы түнде түс көрдім. Сол түсіме қарағанда аспаннан бір жақсылық келіп менің басыма орнайтындай. Білмеймін өтірік шынын, бірақ аспаннан салбырап түсетініне сенбесем де, өмірімде бір жаңалық болатынын түйсінгендеймін.

Ал кеттік… Кенет жолда бір нәрсе тарс ете қалды. құлпынай тиелген машинаның бортына бір нәрсе құлағандай болды. Әкем екеуміз кабинадан аты шығып қарасақ, сатамыз деп үміттеніп келе жатқан құлпынайларымыз жерге құлап, Kaztube: Мен саған ғашықпын...құламағандарын бір нәрсе езіп тастапты((

Тоқтай тұр..! Машинаның үстіне кенеп секілді бірдеңе көрінеді ғой. Мен жалма жан әлгі ақ кенепті көтере бергенім сол еді… Астынан… Астынан бір бозабаланың шыға келгені. Көзін-ай… Жалт етіп қарағанда, неге екенін білмеймін, бойымнан тоқ жүгіріп өткендей болды… Не ашудан, не басқа бір сезімнен дір-дір етіп тұрып қалдым…

Құрметті, көрермендер! Бұл — 31 арнадан көрсетіліп жатқан «Мен саған ғашықпын» атты телехикаядағы сюжет. Дәл осы сериалды әрмен қарай көргіңіз келсе, басты кейіпкердің жан-дүниесін сезініп, әлгі аспаннан түскен бозбаланың кім екенін білгіңіз келсе, KazTube порталынан қарауыңызға болады. Барлығы да сіздер үшін!)
Әрі қарай

The Newsroom

Арнайы "Үздік кино сыншысы" конкурсына

Тележаңалықтар деген түсінік пайда болғалы бері жарты ғасырдан астам уақыт өтті. Ал, сіз жаңалықтар қалай жасалатынын білесіз бе? Жалпы түсінігіңіз бар шығар. Бірақ, шын ақпаратты қалай танып, көрерменге өтімді өнімді қалай жасау керек? Бұл сізге қызық болса, «The Newsroom» сериалы жаңалықтар қызметінің жұмысын іштен көруге шақырады.
Әрі қарай

Әншілеріміз Үндістанға қызмет ете ме?

Телесериалдардың құны халық арасында төмендеп бара жатқан сияқты. Жаңадан басталатын сериалдарды ешкім көрмейтін де сияқты? Себебі неде? Себебі, халық отандық сериалдарды көргісі келеді, күнделікті өз өмірінде кездесіп жатқан оқиғаларды қарағысы келеді. Ал біз түріктердің, үндістердің салт-дәстүрін, дінін әкеп халыққа зорлап тықпалаймыз.

Міне, тағы да бір сериал жарыққа шыққалы тұр, тіпті шықты да. Тағы да Үндістанның қаңсығын таңсық көрмекпіз. Осыған дейін көрсетілген Ананди, Ича деген сериалдар халыққа не үйретіп жатыр? Бір-бірінен күйеуін тартып алуды, өтірік балалымын деп, елді алдауды, күйеуі отбасын тастап, басқа әйел алып кетуді үйретіп жатыр. Тағы бір сондай сериал көресіздер енді. Бұл сериал 3 апалы-сіңлілердің тартысынан, қырқысуынан тұрады екен. Қызық, осы сериалдарды несіне сатып алады шынымен. Ертең қыздары шалыс басса, заманды жазғырып шыға келеді, ұлдары қылмысқа барса, қоғамды қарғайды. Бірақ, күнде кһре беріп, санасына сіңдіріп алған осындай сериалдарға мін тақпайды.

Бір қызыға, басталғалы жатқан «Уәде беремін» атты сериалдың саундтрегін біздің Арнау тобы орындайды. Иә, көкке көтеріп, қолпаштап жүрген Арнау тобы. Монтажбен сериал кейіпкерлерінің үйінде тұрып ән айтады . Алда, ақша-ай, адамға не істетпейсің сен?

Өз басым Арнау тобын ерекше құрметтеуші едім. Әндері де талғаммен таңдалғандықтан тыңдайтынмын. Бірақ, бұл топты мынадай дәрежеде көрем деп ойлағам да жоқ. Не мынау? Қанша жерден көрерменге сериалды өткізуге тырысса да, үндістер үшін өзіміздің әртістерді құрбан қылады деп ойламаппын.

Арнау тобы біреудің болмашы сериалын өткізу үшін сонша тырыспай-ақ, өздері сериалға түсетін реті ғой. Салтанат қыз тым жақсы актриса емес пе? Бұдан да тойда тамада болғаны артық еді.



Өткенде, Өнеріміздің беделі санайтын Мұзарт тобының «Сен келерсің» әнін аттас сериалға OST қылып алғанда «ойпырым-ай» деп қалып ем. Енді клип қылып шығаратын болыпты. Жақында біздің әртістер үндістердің сериалына түсетін де шығар

Бұл туралы бір қазақ былай деп пікір жазыпты: "«Сен келерсің» тамаша ан. Ал кино ше? Қазақ даласында «МузАРТ»- тың қоңыр үнімен хит болған ән, қай мемлекеттің киносын жарнама жасамақшы. Алде, Асад пен Аян, Мейрамбек, Сәкен, Кенжебек ағаларымызға осын әнді жазып бердіме екен? " Сен келерсің" әні арнадан қосылып киноға жарнама жасай бастағанда 31 арна қазақ киносын түсіріп тастаған екен деп қалдық. Үнді киносын Қазақ әнімен жарнама жасамаңыздаршы өтінемін".



Сіздіңше, бұл дұрыс па?

Әрі қарай

Мем-сериал

Достар! Мен бүгіннен бастап, телесериал туралы ақпараттар жариялап отыратын боламын. Себебі, мен телесериалға қарсымын. Ол арқылы қанша уақытым мен жүйкемді тоздырып біттім. Мүмкін ішіңізден «сені кім қинаған еді» деуіңіз де мүмкін. Алайда, экраннан жөні түзу сериал көрсететін болса, бұлай уақытымызды «босқа өтті» деп, зарламас та едік. Шет елдің адам көрмейтін сериалын сатып алып халықтың миын улап жатыр.

Алдымен әзілден бастауды жөн көрдік

Сіз де бұлардың қатарын толықтыра аласыз

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Блог - teleSerial: Мем-сериал

Сіз тағы қандай мемдерді білесіз?
Әрі қарай

Турик сериалдары

Мени шет ел сериалдарынын жанбырдан кейнги саныраукулакша каптап кеткени катты кынжылтады.Ойткени казакша сериалдар коп тусирилмегендиктен, отандык телеарналардан кешки эфирде коптеген казак отбасылары осы шет ел сериалдарын(турик, корей т.б.) коруге мажбур.Бул шет ел сериалдарынын казакка берер тарбиелик мани жок деуге болады.Жалпы сюжеттеринде казаккка катысы жок шет елдин тарихы, ал бир сериалдарда бирин бири коре алмау, бир-бирине кастандык ойлау, жауыздык жасау, тузак куру… айта берсем осындай жаман ойга толы сюжеттер.Жалпы менин ойымша осы шет ел сериалдарын отандык телеарналадан корсетпеу керек.Ултымыздын дастурин улыктайтын, улылыгын корсететин, ултымызга рух беретиндей фильмдермен, казакы оскелен жас урпакка мани зор казактын заманауи сериалдары коптеп тусирилип казак теларналардан корсетилсе нур устине нур боллар еди.
Әрі қарай

"Ғашық жүрек" сериалының премьерасына барғың келе ма?


Бүгін, 9-қазан күні Алматы қаласында "Ғашық жүрек" сериалын таныстыру кеші өтеді. Кеште киносериалдың алғашқы бөлімі көрсетіледі. Премьераға фильмнің шығармашылық ұжымы, актерлер мен режиссер қатысады.
Әрі қарай

Төле би және Моргана

Бұл жайлы қыста жазбақшы болғанмын,өз-өзінен ұмытылып кетіпті. Бүгін есіме қайдан сап ете қалғанын. Соншалықты керемет ештеңе де емес, бірақ жаза салайын.
Билер, шешендер жайлы кітаптардан Төле бидің(шатаспасам)мына бір билігі жайлы сіздерде оқыған шығарсыздар.
Бидің алдына бір балаға таласқан екі әйел шешім сұрап келеді.Екеуі де «бала менікі» деп бет бақтырмайды.Біреуі «бұл баланы мен тудым, бесіктегі жатқан шағында ұрлап кеткен еді. Бұны, пәлен (жауырын, жамбас, обшым пәлен деп алдым) жеріндегі алақандай қалынан таныдым» десе, екіншісі "Ұрлаған түгім жоқ, 9 ай көтеріп тапқан ұлым" десе керек.
Сонда Төле би қолына қылыш алып «Бұл баланы екеуіңе қақ бөліп берейін»деп, баланы қақ бөлмекші болады.Баланы 9 ай көтердім деген әйел бұл әрекетке міз бақпастан қарап тұрса, "ұрлаттып алдым" деген әйел«Ойбай-ай, қайда жүрсе де аман жүрсін.Шаппаңыз» деп жер тізерлеп отыра кетеді.Сөйтім би баланы өзінің заңды шешесіне қайтарып береді. Осыны алғаш оқығанымда (6-7 класс оқитын кезім)«Ата-бабамыздың асқан білімділігін-ай, шешімін таппастай мәселенің түйінін тамаша шеше білген екен» деп ойлағанмын.
Енді қыстағы оқиғаға келсек.Ерігіп отырып ағылшындар түсірген (шатаспасам) «Камелот» сериалын тамашалаған едім. Сол кинода да дәл осындай даумен келген екі адамға, осы іспеттес сынақ беріледі.Шешімді айтатын Утердің қызы Моргана.
Бұл билікті Төле би ешкімнен ұрламаған болар, бірақ та басқаларда ақымақ емес екен ғой.
Әрі қарай

Сәби жүрек

Бұл жазба қиын да бақытсыз не болмаса бақытты да тәтті өмір кешіп жатқан сәбилер жайлы емес. Кешелі бері «Еларнадан» беріле бастаған «Сәби жүрек» сериалы жайлы жеке пікірім. «Фильмнің режиссері кім, сценаристі кім?» (айтпақшы, композиторы Қуат Шілдебаев) деген сұрақтарға бұл жазбадан жауап таба алмайсыз. Бірақ, фильмнің бастауы сонау тоқсаныншы жылдардағы тоқырау кезеңдеріндегі балалар үйіндегі оқиғадан бастау алатыны жайлы мағлұмат бере аламын.
Опшым, барлық қазақ киносының басты мәселелері бұл телехикаяны да айналып өтпеген, айналып өткеніңіз не жер бауырлап жатып алған. Ол, дыбыстардың және дауыстардың жасандылығы.Әуелі орысша түсіріліп, үстінен кейін қазақша жаза салғанға ұқсайды.
Әрі қарай