Шымкент - дәмді, шырайлы, шын жүректен

Шымкент — еліміздегі туристік әлеуеті жоғары бірден-бір кент. Ауа-райының қолайлығы, Оңтүстікте көрікті мекендер мен тарихи-мәдени мұралардың молынан шоғырлануы туризм саласын дамытуда жаңа белестерді бағындыруға мүмкіндік береді. Тіпті қыс мерзімінде де таулы курорттардың жұмыс істеуі, қалған айларда түрлі шипажайлардың қызметі Оңтүстікке келушілердің санын көбейте түсері сөзсіз. Ал, Шымкент қаласындағы қонақ үйлер индустриясының соңғы жылдарда қарқынды түрде дамуы туризмнің жаңа деңгейге көтерілуінің айғағы.

Шырайлы Шымкентке қош келдіңіздер!

Блог - shota2030: Шымкент - дәмді, шырайлы, шын жүректен

Егер де сіз ұшақпен келсеңіз, аэропорттың алдында «Оңтүстік туризм» ақпарат орталығының туристерге ақпарат беретін дүңгіршегін көре аласыз және қызметін пайдалана аласыз. Егер бұл жер жабық болса 8(7252)400700 телефоны арқылы шырайлы Шымкент және Оңтүстік туралы пайдалы ақпараттар ала аласыз.

Блог - shota2030: Шымкент - дәмді, шырайлы, шын жүректен

Егер де сіз шырайлы Шымкентке пойызбен келсеңіз сізді мынандай көрініс күтіп тұр. Теміржол вокзалының алдында да «Оңтүстік туризм» ақпарат орталығының дүңгіршегін көре аласыз.

Блог - shota2030: Шымкент - дәмді, шырайлы, шын жүректен

Шымкентке жетіп алдық. Енді қонақүй іздейміз. Қалтаңызға қарап, қаламызға сән беріп тұрған «Риксос Хадиша» қонақүйінен бөлме шешіңіз %)

Блог - shota2030: Шымкент - дәмді, шырайлы, шын жүректен

Шымкент қаласында алпысқа жуық қонақүй мен хостел бар. Қонақүйлердің бағасы тәулігіне 10 мың теңгеден басталады. Ал хостелдерде үш есе арзанға орын табасыз. Бағасы демекші, толық ақпаратты әрине, «Оңтүстік туризм» орталығынан және букинг сайтынан ала аласыз %)

Блог - shota2030: Шымкент - дәмді, шырайлы, шын жүректен

Жатын жер мәселесін шештік. Енді тамақтанып алайық. Шырайлы Шымкентте 700-ге жуық дәмхана, кафе, ресторан, тойхана бар. Тәулік бойы жұмыс істейтін кафелер аз. Таңғы асты тәулік бойы жұмыс істейтін «Бауырсақ», «Ватслав» немесе «Ямайка» кафелерінен іше аласыз. Сонымен қатар «Шымкент» кафесі де тәулік бойы жұмыс істейді.

Блог - shota2030: Шымкент - дәмді, шырайлы, шын жүректен

Бұрын басқа қаладағылар қызығып «Сендерде шашлык шынымен де 150 теңге ме?» деп сұрайтын. Доллардың көтерілуімен қазір шашлык бағасы да көтерілді. Шымкенттегі көптеген кафелердің шашлыктары өте дәмді. «Физули» кафесінің кәуаптарын жеуіңізді ұсынамын.

Блог - shota2030: Шымкент - дәмді, шырайлы, шын жүректен

Өйткені шашлыктар астында шоғы бар арнайы ыдыста келеді және тамақтанып жатқан кезіңізде суып қалмайды.

Блог - shota2030: Шымкент - дәмді, шырайлы, шын жүректен

Тамақтанып алдық, енді қыдырайық %) Шымкент — қызғалдақ қаласы.

Блог - shota2030: Шымкент - дәмді, шырайлы, шын жүректен

Шымкент қаласында Қазақстандағы ең үлкен дендропарк бар.

Блог - shota2030: Шымкент - дәмді, шырайлы, шын жүректен

Дендропарк 1979 жылы салынды. Ішінде 600-ге жуық өсімдік бар. Ішіндегі көлде аққу, қаздар жүзіп жүреді.

Блог - shota2030: Шымкент - дәмді, шырайлы, шын жүректен

Қаламызда дендропарктің жанында зообақ та бар. Одан бөлек серуендеу үшін парктер де бар. Орталық саябақ, «Кең баба» этнопаркі, «Жеңіс» саябағы, «Тәуелсіздік» паркі, «Абай» паркінен бөлек кішігірім парктар мен аллеяларда сурендеуге болады.

Блог - shota2030: Шымкент - дәмді, шырайлы, шын жүректен

«Тәуелсіздік» саябағында Қазақстанның тәуелсіздік алғалы бері жеткен жетістіктері туралы жазылған бағандар бар.

Блог - shota2030: Шымкент - дәмді, шырайлы, шын жүректен

«Жайлаукөл» саябағына барып, Шымкентке жоғарыдан қарап көрсеңіз болады %)

Блог - shota2030: Шымкент - дәмді, шырайлы, шын жүректен

Саябақта катамаран жалдап «Махаббат аралына» барып қайтсаңыз да болады %)

Блог - shota2030: Шымкент - дәмді, шырайлы, шын жүректен

Парктерді аралап болсақ ойын-сауық орталықтарын аралауға болады. Былтыр ғана пайдалануға берілген «Шымкент плазада» шоппинг жасауға, қарныңыз ашса KFC тауығынан дәм татыңыз %)

Блог - shota2030: Шымкент - дәмді, шырайлы, шын жүректен

Жаныңызда кішкентай балалар болатын болса «Мега планет» немесе «Фиркан сити» ойын сауық орталықтарына да барып көңіл көтеруіңіз қажет.

Блог - shota2030: Шымкент - дәмді, шырайлы, шын жүректен

"Қиял әлеміне" барып, түрлі аттракциондармен уақыт өткізсеңіз болады.

Блог - shota2030: Шымкент - дәмді, шырайлы, шын жүректен

Кешкісін қаланы қыдырамын десеңіз, "Қиял әлемінің" алдында қызыл автобустар тұрады. Билет алып Шымкенттің көрікті жерлеріне тур жасауға сізде жақсы мүмкіндік бар.

Блог - shota2030: Шымкент - дәмді, шырайлы, шын жүректен

Шымкент қаласы ескеркіштерге өте бай қала. Солардың бірі және міндетті түрде көру керегі — Бәйдібек би ескерткіші. Алып ескерткіштің биіктігі 10 метр келетін болса, салмағы 9 тонна тартады.

Блог - shota2030: Шымкент - дәмді, шырайлы, шын жүректен

Қаланы аралап шаршасаңыз, Шымкентті қақ жарып, қаланың ішін бойлай ағып жатқан "Қошқар ата" өзеніне бір сүңгіп алыңыз %) Өзен суының денсаулыққа тигізер пайдасы мол. Әсіресе буыны ауырып, балтыры сыздағандар мен сүйек, ас қорыту мүшесі мазалағандарға бұлақтың суы таптырмас ем.

Блог - shota2030: Шымкент - дәмді, шырайлы, шын жүректен

Салқындап болған соң «Мадлен» немесе «Ладушки» кафетерияларынан дәм татып, шай-кофе ішіңіз.

Блог - shota2030: Шымкент - дәмді, шырайлы, шын жүректен

Егер «пафосты» жер іздесеңіз «Мейрам» тобының кафе-ресторандарынан тамақтана аласыз.

Блог - shota2030: Шымкент - дәмді, шырайлы, шын жүректен

«Көксарай» кафесіне барып палаудың түрлерінен дәм татып, «Тәшкен» шайын ішсеңіз дәмі ұзақ уақыт есіңізде қалады %)

Блог - shota2030: Шымкент - дәмді, шырайлы, шын жүректен

Шымкентке келгенде «Теріскей» мөлтекауданында балмұздақ жемесеңіз де, «Барно» квасын міндетті түрде ішу керек %)

Блог - shota2030: Шымкент - дәмді, шырайлы, шын жүректен

Қазақстанның көптеген қалаларында болдым бірақ «Шымкент» сырасын Шымкентте ішу керек. Басқа қалаларда дәмі бұзылып кетеді екен %)

Блог - shota2030: Шымкент - дәмді, шырайлы, шын жүректен

Егер қаланы аралап болсаңыз, Оңтүстіктің басқа да тамаша жерлеріне саяхаттасаңыз болады. Ал, ақпаратты «Оңтүстік туризм» ақпарат орталығынан алсаңыз болады. Тек ақпарат қана алып қана қоймай, Оңтүстік туралы жазылған кітапшалар да ала аласыз.

Блог - shota2030: Шымкент - дәмді, шырайлы, шын жүректен

"Қазығұрттың басында кеме қалған, Ол «әулие» болмаса, неге қалған?" демекші, алдымен Қазығұрт ауданына бару керек. Мұнда Кемеқалған монументі, музей және Ысмайыл ата мен Ысқақ ата кесенелері бар.

Блог - shota2030: Шымкент - дәмді, шырайлы, шын жүректен

Түркістанға барып, Қожа Ахмет Яссауи кесенесін зиярат етіңіз.

Блог - shota2030: Шымкент - дәмді, шырайлы, шын жүректен

Түркістаннан Шымкентке қайтар жолда бабтардың бабы — Арыстан баб кесенесіне соқсаңыз жақсы суреттер түсіре аласыз.

Блог - shota2030: Шымкент - дәмді, шырайлы, шын жүректен

Оңтүстік өлкесінің қай-қай жері де қасиетті әулие-әмбиелерден кенде емес. Тамырын тереңнен тартқан сондай киелі орындардың бірі деп Қазығұрт тауының етегінде жатқан Ғайып ерен, Қырық шілтен мекенін айтуға болады.

Блог - shota2030: Шымкент - дәмді, шырайлы, шын жүректен

Уақыт болса Сайрам-Өгем мемлекеттік ұлттық табиғи паркіне бару керек.

Блог - shota2030: Шымкент - дәмді, шырайлы, шын жүректен

Әлбетте, табиғаты тамаша «Ақсу-Жабағылы» қорығын да ұмытпау керек.

Блог - shota2030: Шымкент - дәмді, шырайлы, шын жүректен

Тылсым да таңғажайып жер — Ақмешіт үңгіріне барып, дұға етсеңіз болады.

Блог - shota2030: Шымкент - дәмді, шырайлы, шын жүректен

Ия, байқағандарыңыздай Оңтүстікте қыдыратын, көретін жер өте көп.

Ал шырайлы Шымқаламыз әдемі болса, тағамдары дәмді, ал халқы өте қонақжай! Келіңіздер, көріңіздер!

Блог - shota2030: Шымкент - дәмді, шырайлы, шын жүректен
Әрі қарай

Бастауыш кәсіпкерге 8 кеңес.

Блог - meirman_kz89: Бастауыш кәсіпкерге 8 кеңес.

Қайырлы күн, достар. Бүгінгі блогымда өз ісін жаңадан бастағалы отырған кәсіпкерлерге керек кеңестер ұсынамын. Кәсіпкер болу тиімді екенін жақсы білесіздер. Бірақ, оңай емес.
«ONTUSTIK» Кәсіпкерлік мектебінде бизнес-тренер болып жұмыс жасағаныма 2 жылға жуықтап қалды. Өзім кәсіпкер болмасам да, кәсіпкер дайындап, оқытып, білім беріп жүрмін. Егер қандай да бір бизнес ашқыңыз келіп жүрсе, төмендегі кеңестерді есте сақтап жүріңіз.

1. Сенім

Ең әуелі адамға сенім керек. Өзіңізге сеніңіз. Өзіңіздің табысты болатыныңызға сеніңіз. Ал егер керісінше, бастаған ісіңіздің мол табыс әкелетіндігіне, табысты кәсіпкерге айналатыныңызға күмәнмен қарайтын болсаңыз — бос әурешілік. Яғни, сенімсіз түрде кәсіп бастау не айналысу – тышпайтын т@тті қинау.

2. Қорықпаңыз

Бизнес бастағалы отырған кез-келген адамның басында алғашқыда үрей мен қорқыныштың болуы заңды. «Бастаған ісім нәтиже бермесе ше? Банкрот болсам не істеймін? Ел- жұрттың бетіне қалай қараймын? т.с.с. сұрақтар адамды жеп қояды. Ештеңеден қорықпаңыз. Егер Сіз қорқақ адам болсаңыз, кәсіппен айналысудың орнына үйде отыратын едіңіз. Өз-өзін дамыту арқылы, алға қойған мақсаттар, өзіне деген сенімділік, білім үйрену арқылы қорқыныштарды жоюға болады.

3. Мақсат

Көз тартар дүниені, жақсы нәрсені көргенде немесе терең ойға берілгенде адам ең бірінші қиялға беріледі (қиялдайды). Қиял деген – жүйрік, түбі терең, тұңғиық. Сол қиялдағаннан – арман туындайды. Армансыз адам – қанатсыз құспен тең. Мақсат деген – сол арманын жүзеге асыру үшін адамның алдына қойған қадамдары. Мақсатқа жету үшін күніге қадам жасаңыз. Мақсат 2-ге бөлінеді. Біріншісі, ауызша (ойша) мақсат. Екіншісі, жазбаша мақсат. Ойыңызда жүрген мақсат келесі күні ұмытылып кетуі мүмкін. Сондықтан да, мақсаттарыңызды қысқа мерзімді және ұзақ мерзімді етіп қойын дәптеріңізге жазып жүріңіз. Қысқа мерзімді мақсатты орындау арқылы ұзақ мерзімді мақсатты орындай аласыз. Әр мақсаттың орындалуы Сіз үшін мотивация болары анық.

4. Жоспар

Жоспарлаңыз. Жоспарлау құралдарын пайдаланыңыз. Жоспарға сәйкес жұмыс істеңіз. Сол кезде Сіздің жұмысыңыз өнімді әрі берекелі болады. Жоспарыңызға сәйкес бүгін істеу керек нәрсені бүгін істеңіз. Ертеңге қалдырылған істің оның ертесіне қалып кетпейтініне ешкім кепіл бере алмайды. Жоспарыңызды да қағаз бетіне түсіріп жүруді естен шығармаңыз.

5. Әрекет

Алға жетелейтін арман, анық мақсат, жүйелі жоспарыңыз бар. Осыларға әрекетті қосыңыз. Алма піс, аузыма түстің кебін кимеңіз. Әрекет түбі – берекет. Әрекет етіңіз, еңбектеніңіз. Сіздің табысқа жету мүмкіндігіңіз ұлғаяды. «Тоқтыққа үш жолмен жетуге болады: еңбекпен, тілемсектікпен және ұрлықпен. Соңғы екеуі кездейсоқ тоқтық. Кездейсоқ келген жеткіліктілікті, байлықты ұстап қалу қиын, тіпті мүмкін емес. Желмен келген несібе желмен ұшып кетеді». М. Кемел.

6. Шығыныңызды есептеп жүріңіз.

Күнделікті өзіңізге, отбасыңызға, бизнесіңізге кеткен шығындарды жазып жүріңіз. Бизнес-жоспар түзген кезде де, мүмкін болатын барлық шығындарды есепке алыңыз. Бастапқыда бизнесіңізден мол табыс түсті екен деп масаттанып кетпеңіз. Егер, сол табысты түсіруге кеткен шығыныңызды есепке алып жүрмесеңіз бәрі бекер.

7. Тайм-менеджмент

«Уақытты басқару – өміріңді басқару» — дейді. Ханға да, қараға да, бай мен кедейге де тәулігіне 24 сағат уақыт беріледі. Сол 24 сағатты кім қалай өткізіп жатыр, өзіне ғана аян. Өмірдің лезде, байқаусыз зырғып өте шығатынын бәріміз білеміз. Ал, сол алтын уақытымызды ұрлап, тонап жатқан нәрселерді елеп жүрміз бе? Расында, кәсіппен айналысамын деген адам өткен уақыттың кері қайтарылмайтынын, ертеңгі күнің жұмбақ екенін, бүгінгі күннің сыйлық екенін түсінуге тиіс.

8. Білім іздеңіз

Тек қана кәсіппен айналысқысы келетін адам ғана емес, кез-келген адам күн сайын білім іздеуі тиіс. Білімсіздік – қараңғылыққа жетелейді. Білім өмірде – таяныш, жолда –дос, жалғыздықта – жолдас, қуанышта – бастаушы, қайғыда –медет, күресте – құрал, зұлымдыққа қарсы айла деп діни хадистерде бекерге айтылмаған. «Қараңғылық – бар бәленің бастауы, тасырлық та, тоғышарлық та содан, қараңғылықтың бұғауы мен надандықтың кісенінен азат ететін жалғыз күш — оқу» — деген екен академик Мырзакелді Кемел. Білім іздеген адамның алдында қиыншылық аз болады, кез-келген тығырықтан шығудың жолын табады, болашаққа деген мүмкіндік ашылады. Сондықтан да күн сайын ізденіңіз, үйреніңіз, оқыңыз.
Әрі қарай

Батыс көрген. Атырау Шымкенттіктің көзімен

Тақырыпты осылай қойдық енді. Қанат ағамыз ренжи қоймас.
Жалпы, Қазақстанның батыс өңірлерінен тек Ақтөбеге ғана барыппын. Онда да тек бір тәулікке. Алған әсерімді жеткізіп көруге тырыстым. Пост тым мылжың, мәні мен мағынасы жоқ құр ділмәр көрінсе тіпті фейсбуктан да өшіріп тастауыңызға рұқсат. Ал шыдап, аяғына дейін оқимын десеңіз — уэлком :)


Атырау

Қаладан алған әсерім соншалықты керемет деп айта алмас едім. Ия, қонаққа барып тұрып дастарханын жамандап кеткен секілді көрінер, бірақ, Атыраудан үлкенірек нәрсе күткенмін (бәрібір, Европа емес пе?!). Көбі жер үйлер. Бірақ бұл — толық газбен қамтамасыз етілген қалалардың ортақ «ауруы» секілді. Адамдарға зәулім сарайлар емес, ыңғайлылық қой керегі деп ақтап алуға болатын шығар. Табан аттасаң ескерткішке кезігетін Қызылжардай емес, парктері де ескерткіштері де аз көрінді.
Екі адамның бірінің аузында «Бергей». Тіпті, Бергейдің кезінде жасалған тірліктер — көрсеткіш ретінде де айтылады ау деп шамаладым. «Бергейдің кезінде соғылған жолдар ғой, оның алдында негізгі 2-3 көшеден басқаның бәрі ми балшық болып жататын», «Бергей кезінде басталған құрылыс қой», «Бергей бітіре алмаған ғимарат қой» деген тіркестерді көптеп кездестіресіз.
Халқы бақуатты көрінді. Көшедегі халықтың түрі «Ертең не жеймін» деп айтып тұрған жоқ әйтеуір. Адамдардың сөздерінен бір паңдық байқалады. Айтпақшы, батыста сервис жоқ деген мифті бұздым өзім үшін. Ия, Шымкенттегідей жаныңда тұрып, әке-көкелеп шығарып салмайды, салқынқанды, бірақ тиянақты. Ия, аздап бағалары қымбаттау, дәріханалары мен дүкендерінің арасы алшақтау, бірақ әбден ақ тұруға болатын қала.

Блог - Daniar-Alan: Батыс көрген. Атырау Шымкенттіктің көзімен

Ұйымдастыру

Жетінші құрылтай. Мақтануға әбден ақ болатын шара. Қазақстанда жеті рет қатарынан өткен шара саусақпен санарлық шығар (егер мүлдем жоқ болмаса).
Мойындаймын, өзім биылғы ұйымдастыруға былтырғыдай қатыса алмадым. Тек сыртынан сілтеп қана отырдым. Белгілі себептерге байланысты бармай қалуым да мүмкін еді.
Барғанша уайымдап барғаным рас, бірақ шара мен ойлағаннан да тамаша өтті. Ұйымдастырушылардың мұндай тірлікпен бірінші рет келіп тұрмағаны бірден байқалады. Барлығы бірқалыпты, бірінен кейін бірі, рет-ретімен өтті.
Ең таң қалдырғаны — zhasatyrau.kz сайты. Редакциялық құрамы жастар болғанына қарамастан сақа журналистер секілді жұмыс істеді. Оператив, креативке толы посттар салып отырды. Ал Әшірдің жасаған видеолары оперативті ғана емес, професионалдығымен де ұнады. Жалпы, келешек Астаналық жастар ғой ;)

Блог - Daniar-Alan: Батыс көрген. Атырау Шымкенттіктің көзімен

Спикерлер

Биыл форматы аздап өзгеше болғанын өздеріңіз де көріп отырсыздар ғой. Алғаш рет тек қазақтілді емес, орыстілді спикерлерді де қостық. Ұсыныс Атырау жақтан келіп түсті, қуана қарсы алдық.
Орыстілділерге де, қазақтілділерге де өзін мойындатып тастаған Әлішер Елікбаевтың келуі — құрылтайға тың серпін берді. 1 сағаттық қана презентациясында тіпті менің өзімді мотивациялады (қазақшасы қалай?). Аудиторияны бес ақ минуттың ішінде баурап алды да соңына дейін тура сол қалпында сақтады. Өзін қарапайым ұстайды екен, тым ресми шаралар оның да жынына тиеді екен :)
Былай, сөйлесіп көрдік, мүмкін «Жазғы блогкемпте» спикер ретінде тағы шақыратын шығармыз :)
Әнуарпейісов. Байтук. Молния Ноу коммент :) Құрылтайдың тақырыбы — азаматтық журналистика болған соң, бұлар да жүруі керек болған шығар енді. Келесіде жүрмейтініне уәде беремін.

Блог - Daniar-Alan: Батыс көрген. Атырау Шымкенттіктің көзімен

Брогерлік

Құрылтай біте сала Абзал Сариев осы сөзді ұсынды. Брогерлік — блогшылардың бір-біріне достық сипаты, қолдауы, мүдде-мақсаттарының бір болуы. Ұшақтан түсе сала аяғымызды жерге тигізген жоқ. 2 күн бойы бүкіл жұмыстарын тастап, тәулік бойы жанымызда жүрді. Fishбармақтың дәмін таттық алғаш рет :) Қаланы да аралатты.
Эээ, бұл туралы көп жазбай ақ қояйын ;)

Осымен болып қалды ау. Сөз соңында блогқұрылтайды ұйымдастырғаны үшін, жаңа деңгейге көтергені үшін — барлық ұйымдастырушыларға алғысымды айтамын.
Жаңалық күтіңдер ;)


PS: фотолар zhasatyrau.kz сайтынан алынды.
Әрі қарай

Х А Б А Р Л А Н Д Ы Р У !

2016 жылғы 5-7 қазан күндері Шымкент қаласында Қазақстан Республикасы Тәуелсіздігінің 25 жылдық мерейтойы аясында Шәмші Қалдаяқов атындағы «Менің Қазақстаным» Халықаралық ән фестивалі өтеді.

Фестивальге эстрада жанрындағы 18-35 жас аралығындағы конкурсанттар қатыса алады.

Фестиваль жеңімпаздарына төмендегідей жүлделер мен сыйақылар тағайындалады:
1) Бас жүлде (1 000 000 теңге);
2) бірінші жүлде және лауреат атағы (750 000 теңге);
3) екінші жүлде және лауреат атағы (500 000 теңге);
4) үшінші жүлде және лауреат атағы (250 000 теңге);
5) Диплом (50 000 теңге);
6) Диплом (50 000 теңге).

Конкурсанттардың Қазақстан Республикасының Шымкент қаласына барып қайтуы жолдаушы тарапынан, ал Шымкент қаласындағы ішкі көлік, қонақ үй және тамақтану ұйымдастырушылар есебінен.

Фестивальге қатысу үшін құжаттарды мына мекен-жайға жолдау қажет: 010000, Қазақстан, Астана қаласы, Орынбор көшесі 8, «Министрліктер үйі»,
15 кіреберіс, Қазақстан Республикасының Мәдениет және спорт министрлігі. Байланыс телефондары мен электрондық мекен-жайлар: 8(7172) 740517, 740340 87015550436 к.mukhangaliev@mail.ru, fdrnkz@mail.ru.

Фестивальдің жалпы ережелері мен тәртібі жөніндегі толық ақпаратты «VK.com» әлеуметтік желісіндегі «ЖастарТынысы» парақшасынан алыңыздар. Сілтеме: vk.com/cmiko?w=wall217073284_1174%2Fall

Инстаграм
Әрі қарай

Шымкентте Сіз көру керек 10 жер.

Қазақстанның үшінші мегаполисі саналатын Шымкент қаласына алыс-жақын жерлерден қонақ келсе, шыны керек, қыдыртып алып баратын жерлерді әркімнен сұрап, тапырақтап қалатынымыз рас. Әйтсе де, қаламызда баратын жерлер өте көп. Виртуаль және реалдағы достарымның арасында өзімше сауалнама жүргізген болатынмын. Сұрақ «Егер де Шымкентке басқа өңірден жақын достарыңыз қыдырып келсе, қаланың қай жерлеріне алып барар едіңіз?.» Әркім өз ойымен, барып жүрген жерлерімен, алып барған орындарымен бөлісті. Сонымен Шымкентке келе қалсаңыз Сіз бару керек 10 жер төмендегідей…

Бәйдібек би ескерткіші маңы мен Жайлаукөл саябағы.

Сауалнамаға қатысқандардың 100 пайызы осы орынды атады. Жақында ғана бой көтерген «Жайлаукөл» демалыс аумағының салтанатты ашылуын облыс әкімінің өзі ашып берген болатын. Демалыс аумағына келушілер үшін 20 атракцион мен 50 метр биіктікте орналасқан Орта Азиядағы ең биік «Altyn eye» дөңгелегі қызмет етеді. Сонымен қатар бұл маңда Қазақ хандығының 550 жылдығына арналған монумен бой көтерген.

Блог - meirman_kz89: Шымкентте Сіз көру керек 10 жер.

Блог - meirman_kz89: Шымкентте Сіз көру керек 10 жер.

Блог - meirman_kz89: Шымкентте Сіз көру керек 10 жер.

Дендросаябақ.

Аумағы 117 гектарды құрайтын, Қазақстандағы екінші дендросаябақ 1979 жылдан бастап бой көтерген. Ағаштар саны 500 мыңға, шөптесін өсімдіктер саны 1 млн 360 мыңға жеткен. Қала халқы мен қонақтарына демалу үшін таптырмас орын. Барлық үйленген жас-жұбайлардың той алды серуені осы жерден бастау алады.

Блог - meirman_kz89: Шымкентте Сіз көру керек 10 жер.

Блог - meirman_kz89: Шымкентте Сіз көру керек 10 жер.

Mega Center SHYMKENT

Mega SHYMKENT-қаламыздағы ең ірі сауда ойын-сауық орталығы. 2007 жылы ашылған орталық Тәуке хан даңғылы мен Қонаев гүлзарының қиылысында орналасқан. Сауда ойын-сауық орталығында 54 бутик, 2900 шаршы метрді алып жатқан гипермаркет, 300 орынға арналған ресторан алаңқайы, 6 кафе және ресторан, балалар ойын-сауық залы, 5 залды кинотеатр, 385 шаршы метр мұз алаңы, 250 көлікке арналған жер асты паркинг жұмыс істеуде.

Блог - meirman_kz89: Шымкентте Сіз көру керек 10 жер.

Блог - meirman_kz89: Шымкентте Сіз көру керек 10 жер.

Мадлен.

Алғашында тәтті тоқаш пісіріп, сатумен айналысқан Мадина мен Лена бүгінде Қазақстанның (Алматы, Астана, Шымкент, Тараз) 23, Шымкенттің 11 жерінен өз дәмханасын ашқан. Қала халқының ғана емес қонақтарының да ықыластарына бөленген «Мадлен» ең көп келетін орынға айналғалы қашан. Мадленде 580 өнім шығарылады, оның ішінде тәтті тағам 120. 1997 жылы 8 адам жұмыс істесе, бүгінде 850 адамды жұмыспен қамтып отыр.

Блог - meirman_kz89: Шымкентте Сіз көру керек 10 жер.

Блог - meirman_kz89: Шымкентте Сіз көру керек 10 жер.

Көксарай.

Шығыс үлгісінде салынған ресторан палауы мен кәуабы, самсасы мен тандыр наны арқылы көпшілікке танылған. Егер де Шымкентке жолыңыз түсе қалса, Көксарайдың көк шайы мен палауын дәм татып кеткейсіз.

Блог - meirman_kz89: Шымкентте Сіз көру керек 10 жер.

Блог - meirman_kz89: Шымкентте Сіз көру керек 10 жер.

Rixos Хадиша Шымкент.

Қаламыздағы ең қымбат әрі сәнді қонақ үйге түнеп шығуға кез-келген адамның қалтасы көтере бермесі анық. Алайда, «Риксос Хадиша Шымкент» қонақ үйінде орналасқан караоке клубына кірмей қайтпағайсыз.

Блог - meirman_kz89: Шымкентте Сіз көру керек 10 жер.

«Север» балмұздағы.

Кезек күтуде «Халық» банкімен бірдей тұратын, қала халқы ең көп баратын орын «Севердің» балмұздағы. Өзінің дәмінің ерекшелігінің арқасында тұрғындарды баурап алғаны рас.

Блог - meirman_kz89: Шымкентте Сіз көру керек 10 жер.

Тәуелсіздік саябағы.

Қазақстанның Тәуелсіздігіне 20 жыл толуына орай салынған саябақ, қаланың ең көрікті жері саналады. Саябақта «Ел бірлігі» монументі мен «Тәуелсіздік шежіресі» аллеясы орын тепкен. Қаламыздағы ең бірінші «билейтін» субұрқақ осы саябақта ашылған.

Блог - meirman_kz89: Шымкентте Сіз көру керек 10 жер.

Блог - meirman_kz89: Шымкентте Сіз көру керек 10 жер.

«Боулинг» орталығы

Қонаев гүлзарының бойында орналасқан «Боулинг» орталығы қала жастарының ең көп баратын орынына айналған. Бір ойында 300 балл жинасаңыз 150 000 теңге қаржылай сыйлық сіздікі.

Блог - meirman_kz89: Шымкентте Сіз көру керек 10 жер.

«Сауран» демалыс кешені.

Жаз айында демалатын ең қолайлы орын – «Сауран» демалыс кешені. 150 орындық ресторан, өзен жағасындағы тапшандар, караоке, лоундж бар, аква парк мұның бәрі Сіздер үшін.

Блог - meirman_kz89: Шымкентте Сіз көру керек 10 жер.

Блог - meirman_kz89: Шымкентте Сіз көру керек 10 жер.

Суреттердің авторы Мақсат Шағырбаев және интернеттен алынған.
Әрі қарай

Шырайлы Шымкент тарихы 15 суретте.

Шымкент – Қазақстанның көне қалаларының бірі. Тарихи деректерге сүйенер болсақ, қала б.з.д. II ғасырда салынған. Шымкент қаласы Ұлы Жібек Жолы керуен көшінің жолында орналасқан.

Мен бұл постымда көне қаланың ескі суреттерін жаңа суреттерімен бірге көрсетпекшімін.

Бұрынғы 1985-терде түсірілген суретінде облыстық партия комитетінің ғимараты көрсетілген болса, қазіргі таңда бұл ғимаратта шырайлы Шымқала мэрі Ғабидолла Рахматоллаұлы отырады.


Енді суреттерді түсірілу тарихы бойынша көрсетсек. Келесі сурет 1965 жылдары түсірілген.

Өзім Қаратау тәжі — Кентау қаласында туып өстім. Шырайлы Шымқалаға алғаш мәрте 1994 жылы жарысқа қатысуға келдім. Сол саяхаттан есімде қалған 3 жер — Қажымұқан атындағы стадион, Абай паркі және «Росинка» кафесі. Бірінші суретте Росинка кафесінің 1965-терде түсірілген суреті. «Росинка» кафесі қазіргі таңда қаламыздың құрметті қонақтарын алып келетін орны — Көксарай дәмханасы.


Бір кездердегі Куйбышев алаңы қазіргі таңда Ордабасы алаңы.


Ордабасы алаңы басқа ракурстан. Суретте сол жақта тұрған қонақүйдің аты Восход еді бұрын, ал қазіргі таңда Ордабасы қонақүйі.


Аэровокзал — қазіргі таңда «Ескі аэровокзал»


Акация дүкенінің аты еш өзгермеді.


Бір кездердегі Сейфуллин кинотеатры, кейіннен Сейфуллин атындағы Халықтар достығы үйі болды. 2015 жылынан бастап ОҚО жастар ресурстық орталығының ғимараты болды.


Аты өзгермеген магазин — Гүлжан.


Гүлжан магазині басқа ракурстан. Оң жақта "Қиял әлемі" технопаркі.


Ленин атындағы алаң қазіргі таңда Әл-Фараби атындағы алаң. Ал суреттегі ғимарат ол кезде Союзгипрорис деген жобалау институты болса қазіргі таңда Оңтүстік Қазақстан мемлекеттік фармацевтика академиясы.


Шырайлы Шымқалаға пойыз арқылы келген қонақтарды теміржол вокзалынан шыға берісте қарсы алатын көрініс. Осы үйлердің астында бұрын «Балалар әлемі» атты дүкен болатын.


Шымкент қаласының алғаш құрылған жері тұрғындардың тілінде «ескі қала» деп аталатын — анау тұрған ұшақтың арт жағындағы жерде пайда болған. Ал ұшақ қазіргі таңда Абай саябағында орналасқан.


Біреу білсе де екеу білмейтін бұл фонтанның аты бұрын «Мақта» болса, "Қызғалдақ — Шымкент қаласының символы" демекші, қазіргі таңда шырайлы Шымқалаға көрік беріп тұрған "Қызғалдақ" субұрқағы.


Кинотеатр Қазақстан қазіргі таңда күрделі жөндеуде. Жөндеуден кейін Қазақстан халқы Ассамблеясының ғимараты болмақ.


Бұл сурет Қазақстан тәуелсіздік алған жылы түсірілген. Қаланың орталығындағы қазіргі Имран супермаркеті орналасқан ғимаратта ол кезде «Маяк» дүкені болған.


Осылайша 15 суретте шырайлы Шымқаланың тарихын бейнелегендей болдым. Шымкентке қонақ болып келіңіздер, көріңіздер!

P.S.: Кейбір ескі суреттердің түсірілу тарихы қате болуы мүмкін және суреттердің сапасы үшін кешірім сұраймын!
Әрі қарай

Шымкентте жолақыны 70 теңгеге қымбаттатуды қолдап дауыс бергендердің тізімі

Шымкенттіктер,

Шымкент қаласының Қоғамдық кеңесі бар. 27 члені бар. Уот, осы кеңес Шымкент қаласының ішінде қатынайтын қоғамдық көліктерге жолақыны 50 теңгеден 70 теңгеге қымбаттатуды талқыға салып, қолдап дауыс берді.
Қала ішіндегі қоғамдық көлік жолақысын 50 теңгеден 70 теңгеге көтеруді қолдап дауыс бергендердің түрі мен аты-жөнін біліп жүріңіздер!
Әр сәт 15 орынды газельге 25 адам тоғытылғанда;
жолаушының шектен тыс көптігінен автобустардың есігі жабылмағанда;
автобус ішіндегі бірінің үстіне үшіншісі мінгескен адамдардың санынан терлеп-тепшіп, ауа жетпей қиналғанда,
бір-бірімен ызғыта жарысып, светофорға жеткенде кілт тоқтағаннан басыңыз мойныңыздан ажырап кетуге сәл қалғанда,
және осы үшін де 70 теңге төлеген сәтте жолақының қымбаттауын қолдап дауыс берген мына суреттегілерді есіңізге алыңыз.

Айтпақшы, Шымкент қаласының Қоғамдық кеңесіне мына 27 членнің 24-і қолдап дауыс беріп, қалғаны талқылауға келмей қалыпты.
Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі
Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі
Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі


Шымкент қаласының Қоғамдық кеңесі


Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі
Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі
Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі


Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі
Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі
Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі
Ал сол кезде...: Шымкентте жолақыны 70 теңгеге қымбаттатуды қолдап дауыс бергендердің тізімі

Әрі қарай

Саяхатшы, Шымкентті емес, Таразды таңда!

Блог - ayzat_bauirzhanqyzy: Саяхатшы, Шымкентті емес, Таразды таңда!
© www.kursiv.kz
Егер, сіз «Неге Шымкент, басқа қала емес?» десеңіз оған жауабым бар. Ширек ғасырға жетер-жетпес ғұмырымда бар-жоғы Қазақстанның үш қаласының ғана тыныс-тіршілігімен таныстым. Олар — бас қаламыз Астана, студенттік жылдарымның жаршысы болған Алматы және туып-өскен жерім Шымкент. (Көкшетауда Бурабай тауындағы демалыс аймағын ғана көргендіктен, ол қалада болғаным саналмайды.) Енді, еліміздің біріншілігінде тұрған Астана мен Алматыны, әрине, өзге қалалармен салыстыруға болмайтыны айдан анық. Себебі, кемшілігінен гөрі артықшылықтары басым.
Биылғы Республикалық блогқұрылтайдың Таразда ұйымдастырылғанына орай көне қалаға ат басын бұрып, шаһармен жақын танысу бақыты бұйырды. Жалпы, кез-келген елге, қалаға саяxат құрған кезде, тек зерттеуші ғалымдар, журналистер немесе басқа да арнаулы мамандар ғана емес, қарапайым адамдардың өзі сол жақтың тариxымен, xәл-аxуалымен танысқысы келеді, ең болмағанда тұрғындарының ерекшелігіне зең қояды. Және ол жақты өз Отанымен, туған жерімен салыстыруы да заңдылық. Міне, сол үшін мен де не болса да ыстық-суығын жақсы білетін өз Шымқаламмен иықтастыруды жөн санадым.
— Жалпы, екеуі де көне. Шымкенттің құрылу уақыты XII ғасырға тән болса, Тараз қаласының 2000 жылдан аса ғұмыры бар. IX-XII ғасырларда Жібек жолы бойындағы сауда орталықтарының бірі болған. Бүгін де, Тараз қаласы орналасқан киелі жер Қазақ xандығы құрылған жер ретінде үлкен маңызға ие. Ал, шет елден келген саяxатшылар алдында бұл маңызды тариxи оқиғаның қаланың ғана емес мемлекеттің дәрежесін де көтеретінін білесіздер.
— Тараз шаһарының көлемі Шымкенттен қарағанда 2,5 есеге кішірек. Шымкентте адасуың мүмкін, ал Таразда бұған сену аздап қиын. Есесіне, мұның тиімділігі, әрине, шет ел саяxатшылары үшін басым. Қаланы аз күн ішінде-ақ аралап, жедел уақытта зерттеп біте алады. (Уақыт заманында мұны да есепке кіргізген жөн).
— Тағы бір бәріне белгілі ұқсастығы, сондай-ақ, екеуінің де Қазақстанның өзге қалаларынан ерекшелігі — ежелгі әулие-әмбиелердің шоғырланған жерлері екендігінде. Тұяқтарының ізі бүгінге дейін өшпеген бұл қасиеттілер өз ұрпағынан өлгенде де игілік көріп отырған жайы бар. Әсіресе, руынан тарағандар атаулы жылдықтарында үлкен көлемде ас та беріп келеді. Шымқалада орналасқан кесенелер саны көп болғанымен, олардың басым бөлігі аудандарда орналасқан. Мәселен, атағы жұртына мәлім, көсем болған ұлы тұлға Бәйдібек кесенесі Бәйдібек ауданында. Ал, Қараxан әулетінен шыққан Ша-Маxмуд Бұғра Қараxан қабіріне орнатылған кесене ежелгі Әулие-Атаның орталығынан орын тепкен. Тараздың айырмашылығы да осында болса керек. Саяxат құрып келгендер үшін қаланың көне күйі сақталуы үлкен мәнге ие.
Блог - ayzat_bauirzhanqyzy: Саяхатшы, Шымкентті емес, Таразды таңда!
Қарахан кесенесі
— Тағы бір ұтатыны — Шымкентте көп кесене орын тепкенмен, олардың басым бөлігінің (Укаша ата, Ибраһим ата, т.б.) танымалдылығы бір ауылдан, ауданнан, ары кетсе облыстан аса қоймайды. Ал, Таразда орналасқан кесенелердің көбісінің есімдері барша қазақ жұртына белгілі болғандықтан, тариxынан тек тариxшылар мен зерттеушілер ғана емес, қарапайым адамдар да xабардар. Мәселен, Айша Бибі кесенесі, Талас өзені бойындағы «Тектұрмас әулие», т.б. Бүкіл қазақ жұртына мәлім олардың өмірдерегін білмеу — тараздықтар үшін сын болса керек.
Блог - ayzat_bauirzhanqyzy: Саяхатшы, Шымкентті емес, Таразды таңда!
Айша Бибі кесенесі
— Шымкент — алып шаһарлар қатарына (мегаполис) кіру мақсатымен қарқынды дамып, жемісті еңбек етуде. Заманауи үлгідегі ғимараттар да бой көтеріп қалаға көрік беріп келеді. Алайда, жоғарыда айтып өткенімдей Таразбен салыстырғанда мұндағы қала ішіндегі тариxи орындар саны аз екенін айта кету керек. Ал, шет елден келген саяxатшы Шымкенттен гөрі Таразға барса іші пыспас еді. Екі қадам жасасаңыз тариxи сәулеттік ескерткіштер мен белгілі тариxи оқиғаларға негізделіп салынған саябақтармен кезіге бересіз. Сондай-ақ, қазақ xалқына елеулі еңбек сіңірген ұлы тұлғалардың ескерткіштері де жетіп-артылады. Төле би, Ж.Жабаев, Б.Момышұлы, Д. Қонаев, Қ. Сәтбаев, т.б.) Салынып жатқан заманауи нысандар да көштен қалмай көбейіп келеді. Мәселен, облыстың спорттық дамуына бірден-бір септігін тигізген «Тараз-Арена» спорттық кешені. Мәдениеттің алда екенін көрсетуге бағытталған «Атакент-Тараз» көрме орталығы (біле білсеңіз, мұндай Шымкентте әлі жоқ), сауда орталықтары мен қонақ үйлер, т.б. Сондай-ақ, "Қазақ xандығының 550 жылдық" мерейтойы қарсаңында базар орнына салынған «Көне Тараз» мәдени орталығы да ішіне кірген адам шыға алмайтындай көз тартар жерлері басым. "Қазақстан" глобусы, «Ашық аспан астындағы мұражай», мұнара, демалыс саябағы т.б. Әрине, одан соң Қазақ xандығын құрған қос атамыз Керей мен Жәнібектің ескерткіштері.
Блог - ayzat_bauirzhanqyzy: Саяхатшы, Шымкентті емес, Таразды таңда!
"Қазақ хандығына 550 жыл" алаңы
— Тойxана. Шымқаламен ешқандай қала бұл турасында сөзге де, теңесуге де келмес. Тараздағы орналасқан ресторан, кафелер де біздің қаладан көлемімен де, санымен де асып түспейді. Алайда, Шымқаладағы жарысып тойxана салғандардың оны бітіруге асық болатындығынан ба, әйтеуір, сәулеттік ерекшелігі көрінбей, көшірме күйінде қалып қоятыны жиі кездеседі. Ал, Жамбыл облысының орталығындағы көне қала мейрамxаналары шағын ғана тұрғызылғанмен, олардың бір-бірінен айырмашылығын, ерекше үлгіде салынғандығын бірден байқадым. Тіпті, тойxананың ішкі дизайны да еріксіз назарымды аудартты.
— Автобустарына міне алмадым. Естуімше, Шымқаладан 5 теңгеге жоғары екен. Ал, такси ұстау Шымқаладан гөрі арзандау. Оған қаланың шағындығы немесе таксидің көптігі себеп болса керек. Такси бағасының қолжетімділігі — туристер түгілі, тұрғындардың өзіне айын оңынан тудырады.
— Көше ережесі. Бұл турасында, бәлкім, Шымқаланы әзіліне қоспаған адам жоқ шығар?! Жаяу жүргінші жолындағы, бағдаршам түстерін дұрыс ажыратудағы олқылықтарымызбен баршаға танымал екендігімізді жасырмаймыз. Таразда да ондай жағдайлар анда-санда орын алып тұратын сияқты. Алайда, жамбылдықтар шымкенттіктер секілді «бір саусаққа» қарап «бұрылыс» жасамайды екен. Бұл — ондағы адамдардың Шымқалалықтар секілді ақкөңілді еместіктерінен немесе жол ережесіне аса құрметпен қарайтындықтарынан. Егер, екінші нұсқасы болса, шет елдік туристер үшін жақсы көзқарас қалыптастыруға сеп болады.
— Әкімдіктері — бай немесе лотореядан ақша ұтып алған. Әрине, әзіл ғой! Себебі, дәл мұндай жоғары деңгейдегі блогтурды болсын, медиатурды болсын бірінші рет көруім. Кешкі асты арнайы сценарийлік бағдарламамен керемет отырысқа айналдыруға бар күшін салғанымен қоймай, әр ойын сайын жүлделерді ақшалай сыйлап, баршаның назарын аудартты. Ұйымдастырушылар — ұйыған айрандай. Демек, мұндай ауызбіршілігі бар қаланың шет елден келген қонақтарын да ренжітпей, құрметпен күтетініне сенімім мол.
— Жастар орталығы. Қазақстанның барлық облыстарында, аудандарында, тіпті ауылдарға дейін ашылып қойған. ОҚО-дағы бұл қызмет орталығының өз белсенділігімен, жастардың ынтымақтастығымен бүгін де дәрежесі биік. Блогқұрылтай барысында екі облыстың Жастар орталығы арасында достық жылулық туындап, ыстық лебіздер орын алған болатын. Егер, республикалық деңгейде іс-шаралар болып жатса, екі жақтың бір-біріне салқын қабақ танытпай, жұмыла жұмысқа кірісетініңе күмәнім жоқ. Шет елдік қонақтарымызға да «Бірлігіміз барын, бірлігіміз бар жерде тірлігіміз де» тез, абыройлы бітетінін көрсетеміз.
Тараздың мен байқаған артықшылықтары — осы. Алайда, қазақтың бар қаласы мен даласы мақтануға тұрарлық. Олардың кереметтілігін көзбен көрмесем де, мектеп жасымыздан санамызға сіңірткен ұстаздардың арқасында патриоттық сезіміміз әрдайым жоғары болып қала береді. Ендеше, позитив жазамыз!
Әрі қарай

Шымкенттіктер туралы 7 миф

Блог - Daniar-Alan: Шымкенттіктер туралы 7 миф

Жауыр болған тақырыптардың бірі екенін білемін, бірақ сонда да өз пікірімді айтып өтейінші деп ойладым. Құдай ау, Астанаға келгелі 5 жыл ішінде не сөз естімедім, басында сұхбаттасушымның бұл пікірінің дұрыс емес екенін дәлелдеуге тырысатын едім, кейінірек бұл қарсылық, берілгісі келіп отырған жігітінің алдында тұрып "қойыңызшы" деп әлсіз қарсылық танытатын 17 жасар бойжеткеннің қылығынан аса алмай қалды. Кейін тіпті қосыла жамандайтынды шығардым :) Жө-жоқ, жек көргенімнен емес, Шымкентке бармаған, тірі Шымкенттікті тек автобустан ғана көретін бір міскіндерді подъеб жасау үшін ғана осылай дейтінмін. Рас, кейін әдет болып кетті. Сонымен,
Блог - Daniar-Alan: Шымкенттіктер туралы 7 миф
Жоқ, ҚТ/ДТ тақырыбы бар, кей кездері өршіп-өршіп те алады. Қайбір жылдары облыста бір қазақ руларына қатысты бір үлкен стэлла ашылмақшы болыпты. Архитекторы бар, дизайнері бар дайындап алып келсе, облыс әкімінің қатысуымен (әлбетте қала әкімі, қала/облыс архитектурасы, жер комитеті т.б. құрылымдардың өкілдерінің қатысуымен) өткен бұл шараның арты дауға ұласып кетіпті. Даудың басы не дейсіз ғой?! Сол рушылдық. «Неге жоғары жақта жалайыр тұр, қоңырат неге төмен? Жаныс неге жоғарыда тұрмайды?». Осы сұрақтарды 2-3 сағат талқылап, облыс әкімі қолын бір сілтеп (әлбетте адам болмайтындарын түсінген шығар) бітейін деп тұрған жоба сол күйі салынбай қалыпты.
Өткенде Ақтөбеге бардым (айтпақшы мына пікірді естіп одмин өшіріп тастауы мүмкін постты). Не көрдім дейсіз?! Бір де бір ұлы, орта жүз руларының атақты адамдарының атымен аталған көше жоқ. Барлығы кіші жүз руларының адамдары. Ол ол ма (Ол — ол! © вайфай25), Астана қаласында Әлияның ескерткіші бар. Тура сондай Ақтөбеде де бар. Астананың әлде 10, әлде 15 жылдығына Ақтөбенің жасаған сыйлығы. Қызығы, ескерткіш артындағы стелланың Астанадағысында бүкіл қазақ бар, ал Ақтөбесіндегісінде тек кіші жүз адамдары *lol*
Құдай, рушылдық қазақ бар жердің бәрінде бар. Тек бізде Шымкентте бір кісінің айтуынша ол «ТЫМ ЖАРНАМАЛАНЫП КЕТКЕН».
Блог - Daniar-Alan: Шымкенттіктер туралы 7 миф
Шымкенттіктердің жанды жері :) Алып қашу болған, болады, бола да береді. Оны орта ғасырлардың қалдығы дерсіз, демессіз, ұнар-ұнамас, ол өз шаруаңыз. Баяғыда қалай екенін білмеймін, біздің кезімізде қыздың еркінсіз алып қашу өте сирек жағдай болатын. Әдетте, қыз-жігіт болып жүріп, қыздың келісімімен алып қашатын. Оған әсер ететін бірнеше факторлар болуы мүмкін. Қыздың ата-анасының келісім бермеуі (материалдық жағдайының тең болмауы т.б.), шығындарды азайту үшін (құда түсіп алғанға қарағанда әлдеқайда шығыны аз), қызық үшін. Кейініректе тіпті, қыз бен жігіттің ата-аналары жолығып, әдейі пәлені күні алып қашсын деп бір-бірімен келісіп те істеп жүрді. Бұл жердегі маңызды фактор сол материалдық шығындарды азайту еді.
Бірақ, көрген қызды басып алып қаша бермейді, тіпті сол Шымкенттік қыздардың ішінен алып қашқан жерінен қайтып келген кемінде 5 қызды білемін. Ол жерде де заң бар. Ол жерде де заңнан қорқады.
Дәлелдерім қаншалықты сенімді шыққанын білмеймін, бірақ бас салып алып қашатын жағдайлар жүзден, тіпті мыңнан бір. Сендердің ойлап жүргендерің жәй ғана миф.
Блог - Daniar-Alan: Шымкенттіктер туралы 7 миф
Жоқ, бұл миф емес. Парақорлық бар. Болғанда қандай. Жасымнан (ғылым бар деп ескермедім) спортқа жоқпын. Жек көретінмін. Мектеп кезінде дене шынықтыру сабағынан қашып кететінмін. Бірінші курсқа түскенде тағы сол д/шы алдымнан шықты. Әлбетте барғам жоқ. Бірінші сессия бітерде ағайға барып, 500 теңгемен шешіп кеткем. Саудаластым тағы ұялмай.
Бірақ парақорлық тек Шымкентте десеңдер қатты қателесесіңдер. Петропавлға соңғы барғанымда бір жігіт жаңадан машина алып жүргізіп жүргеніне 1-2 ай ғана болғанын айтып отырған. Мен барған күннен бір күн бұрын МАИ қызметкеріне ұсталып, алғашқы парасын беріпті. Ондай оқиға бүкіл Қазақстанда миллиондап саналады. Қазақстанға сіңіп кеткен. Сондықтан барлық күнәләрдің бәрін Шымкенттіктерге жауа бермесеңдер деген тілек.
Блог - Daniar-Alan: Шымкенттіктер туралы 7 миф
Бұл енді даулы мәселе. Мәселен, қонақсыз дейік. Тұратын пәтер жалдайсыз. Біз соңғы барғанымызда тәулігіне 5000 теңгеден жалдадық. Ол жұмсартып айтқанда, люкс номерлер емес. Жақсы пәтерлерді 10-15 000-ға жалдайсыз. Былай қарасаң, Астанада да сол баға. 150 теңгенің шашлығы? Ал сол шашлықтың қаншасына тоясыз? Орташа он адамнан құралған компания бір отырғанда 40-50 дана шашлық береді. Сыра 200-300 теңгеден? Астанаға келіңіз, мен тура сол бағада сыра сататын бірнеше жерді көрсетемін :) Киім арзан? Астанада орталық базарға барыңыз, баға сол шамалас.
Біз жазда барғанымда 3-4 адам болып бір караокеге барып 20-30 000 жобасында құртып қайттық. Бұл жерде мәселе класс туралы шығар. Гламур орындар, қарапайым өлімділердің баратын орындары қай қалада да бар. Бір күнде мың доллар құртатын жер Шымкентте де толып жатыр.
Ал егер әңгіме сервисте болса, онда әңгіме басқа. Шымкенттік сервиске ештеңе жетпейді. Сіз тіпті бір бомжатникте отырсаңыз да сервис жоғары деңгейде болады. Оған мен кепілдік бере аламын.
Блог - Daniar-Alan: Шымкенттіктер туралы 7 миф
Қазақылық болғанда әңгіме қазақ тілі туралы. Шымкент қаласы Кеңес үкіметінің көптеген қалалары секілді орыстанған қала болғанын ұмытпауымыз керек. Кеңес үкіметі кезінде, тоқсаныншы жылдары қазақтардың саны өте аз болған. Сұрапыл тоқсандарда біз 17 мөлтекауданда тұрдық. 8 подъездік үйде ары кетсе 10 қазақ жанұясы болған шығар. Кейін 2000 жылдарға қарай он шақты ғана орыс жанұясы қалды сол үйде. Бірақ, көпке дейін кеңсе тілі орысша болып келді. Қағаздар Қазақстанның барлық қалаларындағы секілді орысша жүргізілді. Ал «Кеңсе тілі қазақша болмай іс оңбайтынын» өздеріңіз де білесіздер ғой. 17 мөлтекаудан ол кезде қаланың шет жағында орналасқан. Орталыққа бара қалсам басқа қалаға түскендей болатынмын өз басым. Көше орысша сөйлейтін. Әлбетте түрі қазақтар, орысша былдырласып кетіп бара жататын.
Осы жақында ғана бір танысым барып келді. Келген соң «Неге бәрі орысша сөйлейді?»,-деді. Өйткені, өйткені (патамушта патамушта). Сондықтан, Шымкентке барып қазақша түсінбей тұрған қазақты көрсеңіз қатты таң қалмаңыз. Өз ауылыңызға барғандай барып, алдыңызда қымыз сапырып отырған әже көремін, қазақша оюланған қамзолы бар бойжеткен көремін, шаштағы шолпыны, қолдағы қамшыны көремін деп барсаңыз үмітіңіз ақталмай қалу қаупі жоғары :) Көп нәрсені күтпей ақ қойыңыз дегенім ғой :)
Блог - Daniar-Alan: Шымкенттіктер туралы 7 миф
Өткенде ғана шыққан "Шымкент келінінің бір күнін" бейнелейтін фотореп шықты. Әлеуметтік желілерде жүздеп бөлісіп, мыңдап пікір білдірді. Мен сендерге айтайын, барлық келін ондай емес. Ибалылығын сыпырып тастап енесімен бүйірін таянып ұрсысатын, үйіне жылына 3 рет кетіп қалып «Күйеуім келіп алып кетпесе бармаймын» деп жатып алатын, бөлмесіне кіріп алып, тіпті шайды да бөлек ішетін келіндер жетіп артылады.
Ол жақта қыздар тұрмысқа ерте шығады. Көбі жиырма жасқа жетпей тұрмысқа шығып кетеді. Тіпті біздің кездерде қыздардың өздері «23-тен қалып кетсең қалғаның ғой солай»,-деп отыратын. Енді ойланыңызшы қазіргі заманда жиырма жасар қыз деген шақалақ қой әлі, еркелігі басылмаған. Уақыт өте келе 1-2 бала туған соң, қыдырғысы келеді, жастық шағында түнгі клубтарға мүлдем бармағаны есіне түседі, былайша айтқанда құтыра бастайды. Оған көнетін күйеу аз, көнетін ене тіпті аз. Ажырасу бойынша нақты қай орында екенін білмеймін, бірақ алғашқы орындарда екенін жорамалдай аламын. Біздің топта оқыған жиырма қыздың үштен бірі ажырасып кетті. Екінші әйел алған достарым да бар. Ажыраса жаздап барып тоқтаған достарым да бар. Есеппен тұрмысқа шығып, күйеуі командировкаға шығарып салып бұрынғы жігітінің қойнында жататын да әйелдер көп. Отырыстарға 3-4 жасар баласымен келіп, бойдақтардың «кеттік-кеттік» дегеніне еріп, баласымен бірге жалдамалы пәтерлерде қонып қалатындары да бар. Ондай өте көп. Көбінде маска беттерінде.
Ия, жынысаралық соғысқа дайынмын. Жабылыңдар.
Блог - Daniar-Alan: Шымкенттіктер туралы 7 миф
Қойыңдаршы түге. КСРО кезін білмеймін. Ол кезде сабаса сабаған да шығар. Онан кейін әйелін ұрыпты дегенді көрмедім. Шымкентте 10 досым бар, екеуі бойдақ, қалғандары отбасылы. Біреуі де әйелін ұрмаған. Нұқыса ашу үстінде нұқыған шығар, бірақ көгала қойдай сабағанын естімегем де, көрмегем де. Оның үстіне заман да басқа ғой, күйеуінің үстінен ұрды деп арыз жаза салатын әйелдер де көп. Сондықтан, бұл жүзпайыздық миф деген ойдамын.

Сегізінші миф

Данияр Алан Шымкенттіктерге ұқсамайды, батыстың жігіттеріне ұқсайды дейді біразы. Хе, түбірімнен асып қайда барамын айналайындар ау *lol**lol*
Әрі қарай

Өмірге құштар жандардың мақсаты айқын

Өркениетті мемлекеттер мүмкіндігі шектеулі жандарды кеудесінен итермейді.Қайта оларға алабөтен құштарлықтың иесі деп, бір қабілеті болмаса, екіншісіне қарап, шарболаттай шыңдалуына,қиыннан қисын тауып,өмірдің қалтарысы мен бұлтарысында, шырғалаң жолында
Әрі қарай

Мүмкіндігі шектеулі балалар Елбасыға сыйлық жолдады

Алтай мен Атырау, Алатау мен Арқа арасы Тәуелсіздіктің 25 жылдығын ресми тойлауды бастап кетті.
Оңтүстік облыста алғашқылардың бірі болып, Сайрам көмекші-мектеп интернатының тәрбиеленушілері Ақордаға,қазақ президенті Нұрсұлтан Назарбаевқа мерейтойлық
Әрі қарай

Шымкенттіктерге...

Жазғаным жоқ жырымды ерегеске
Түсінбеген түспесін ел егеске
Әр аймағы қазақтың бағы, бары
Қазақия Жерұйық жер емес пе!?

Ренжіткені кімнің бар Шым қаланы,
Шым қаланың ренішін кім қалады?!
Алғашқысы дер едім асылдардың,
Тізбелегін
Әрі қарай

Бір жалт етіп, өте шыққан блогкемп-ай...

Блог - IShyrak: Бір жалт етіп, өте шыққан блогкемп-ай...

Блог - IShyrak: Бір жалт етіп, өте шыққан блогкемп-ай...

Біркөлікте өткен жазғы мектептен кейін ел есін енді жиып жатыр ғой, деймін. Кемпке қатысқандар фотоларды түгендеп, аватаркаларын ауыстырып болды, мүмкін әлі болмаған да шығар))) Осы жолғы кемптің аруы мен сұлтанын да анықтап тастады.
Блог - IShyrak: Бір жалт етіп, өте шыққан блогкемп-ай...
Блог - IShyrak: Бір жалт етіп, өте шыққан блогкемп-ай...
Блог - IShyrak: Бір жалт етіп, өте шыққан блогкемп-ай...
Ал, өзім алған әсерлерден толық арылған жоқпын. Жалпы не болды?
Әуелі Шымкентке алғаш аяқ басып және оған қатысты пікірімді өзгерткенімді айтқым келеді. Қай өңір болмасын, барлық жерде шымкенттіктер жүретіні өтірік емес. «Неге өз қалаларынан қашады?, соған қарағанда, тұруға қолайсыз, ұсқынсыз қала шығар», деген ойда болатынмын. Қателесіппін. Шырайлы қала ұнады, араламағаныма өкініп жүрмін.

Блог - IShyrak: Бір жалт етіп, өте шыққан блогкемп-ай...
Блог - IShyrak: Бір жалт етіп, өте шыққан блогкемп-ай...
«Машат» шатқалының табиғаты тау көрмей өскен, мені әсерге бөлемей қоймады.

Блог - IShyrak: Бір жалт етіп, өте шыққан блогкемп-ай...
Жайқалып тұрған раушан гүлдерін құшырлана иіскеп-иіскеп алдым. Шіркін, бір шоғын жұлып берген жігіт болмады. Әзіл ғой))
Блог - IShyrak: Бір жалт етіп, өте шыққан блогкемп-ай...
Тренингтер далада өтті. Шолақ шалбар киіп алған спикерлерді дивандарға жайғасып алып тыңдадық. Ол өз алдына тақырып. Сондықтан келесі жазбамда бөлісейін)))

Блог - IShyrak: Бір жалт етіп, өте шыққан блогкемп-ай...
Блог - IShyrak: Бір жалт етіп, өте шыққан блогкемп-ай...
Блог - IShyrak: Бір жалт етіп, өте шыққан блогкемп-ай...

Блог - IShyrak: Бір жалт етіп, өте шыққан блогкемп-ай...

Блог - IShyrak: Бір жалт етіп, өте шыққан блогкемп-ай...
Блог - IShyrak: Бір жалт етіп, өте шыққан блогкемп-ай...

Блогерлердің баурап алатын қасиеті бар. Осы ортаға деген құштарлық, блогер болуға ынтызар етеді. Олармен қауышқаныма шын жүректеен қуанышты болдым.

Блог - IShyrak: Бір жалт етіп, өте шыққан блогкемп-ай...
«Бог фотошопа» Исабекті, «Бұл-блогиада», дегеніне сүйсінген Жәнібекті өмірде көргім келді және көрдім. Желкелерінде тұрмай, орталарына отырып алып түсуім керек еді)))

Блог - IShyrak: Бір жалт етіп, өте шыққан блогкемп-ай...

Блог - IShyrak: Бір жалт етіп, өте шыққан блогкемп-ай...

Бейресми түрде өткен блогкемп бассейнімен, одан бұрын блогерлерді шомылу киімінде көрумен де ерекшеленді.



Эх… бір жалт етіп, өте шыққан блогкемп-ай… Еске алып, көріп отыратын бейнебаянның барына шүкір.
Бұйыртса, «тамыз айында Бурабайда блогкемп ұйымдастырылса ғой», деген тілек білдірді, Аршат аға. Жүзеге асырлса, жақсы болар еді, әрине. Бізге жақын жерге басқа аймақтағылар ат терлетіп келсінші)))
Алдағы кемптен не күтемін? Ерлан ағаның тренингіне қатысқым келеді. Назгүл апай, Асқар ағай келсе екен.
Кешкісін аға буын мен жастар жиналып от жағып, ортақ әңгіме айтып отырса деймін. Мадина Реброва гитарасымен әндер айтып, (алдын ала сөзін шығарып, бірге шырқасақ) «Блогиадашылар әнін» айтсақ қоой ))) Блогкемп блогкемке ұласа берсін!)))
Әрі қарай

Шымкенттің жігіті Шығыс Қазақстанда қыз алып қашты

Елімізде тағы да бір жаңалық шу көтерді. Шымкенттің жігіті Шығыс Қазақстанда қыз алып қашты. Оқиға орнында болған куәгерлердің айтуынша, жігіттің жасы отыздар шамасында, ұзын бойлы. Сірнебай екеуміз оқиғаны өз көзімен көрген куәгерлерді сөзге тартқан едік.

Абылбек Мауленов: Қыз жалғыз өзі билеп тұрды. Біздің Усть-Каменьде мұндай биші жастар көп. Мен осында "ҮМЗ" АҚ кәсіпорнында аграрлық сала бойынша менеджермін… Иә, жігіттің жасы шамамен отыздарда. Сақалы өскен. Джинсы кигені есімде. Бірақ балағын көрмедім. Иә, шалбарында балағы жоқ.

Ануар Дауленбаев: Славься, Усть-Каааменогооорск! Встааанем ряяядом и споем друууг-другууу! Вот так вот.

Қалған куәгерлер көшеде тоңып қалған соң, Сірнебай екеуміз ақпаратты басқаша жолмен іздей бастадық. Нәтижесінде қыз туралы мынадай мәліметтерді таптық:
Жұмағұлова Малика, 1991 жылы туған. Биші. Шығыс Қазақстан облысы Өскемен қаласының Жастар саясаты басқармасында екі жыл жұмыс істеген. Негізгі құжаттардың көшірмелерін, басқарма жұмысының жоспарларын Қытайдағы Харбин қаласына тыңшылық жолмен жеткізумен де айналысқан.
Жақын туыстарынан тек Жұмағұлов Қанат деген ағасын таптық. Ағасы Атырау қаласында Иманғали мешітінде имам боп қызмет атқарады. Ол кісі бізге хабарласты:
Қарындасымды алып қашқан болса, тағдырдың жазуы сол шығар. Біздің асыл дінімізде тағдырға өкпелеуге болмайды. Сондықтан мен тағдырдың жазуына разымын, батамды бердім.
Аноним азаматтан поштамызға бейнежазба жолданды. Бейнежазбада Маликаның Шымкентте ақ босаға аттағаны көрсетілген.
Әрі қарай