Керек-Ринг 03/12/17 қойылған сұрақтар

1-тур сұрақтары by asaubota :
1. Соңғы жылдары танымал бола бастаған бір спорт түріндегі танымал бір қимыл ATW (Around The World) — Жерді айналып шығу деп аталады. Бұл қимыл қай спорт түрінде екенін бірдей әріптен басталатын 2 сөзбен атаңыз.

2. Қара Жұма, Анна Курникова, Чернобыль, Мелисса, ILOVEYOU. Бұлардың ортақ атауын табыңыз.

3. Биткоиндармен де жұмыс істейміз деп құрылған нигериялық Мундиаль Манибокс компаниясының құрушысын атаңыз.

4. Еркектерге арналған Максим журналы БҰНЫ өскеннен кейін қою керек 28 нәрсенің бірі ретінде жазады. Ал БҰДАН Финляндияның Оулу қаласында жыл сайын жарыс өтеді, жеңімпаздарға кәдімгідей салмақты сыйлықтар береді. БҰЛ не?

5. 1984 жылы құрылып, үлкен нарыққа 2003 жылы жаңа атпен шыққан бұл компания өздерінің бұрынғы аттары қолданыста бар болғандықтан қазақшаға аударғанда Жаңа аңыз сөздерінен жаңа бренд атауын құрастырды. Бұл қай бренд?

6. Финляндияның Тампере қаласындағы бір парктен үлкен игректер көресіз. Олардың не үшін екенін емес, парктың тематикасын табыңыз.

7. UBER аналитиктерінің айтуынша не аз болған сайын, тұтынушылар жоғары тарифке келісе береді?

8. Рио Олимпиадасының алдында бір компанияның ролигінде 2 спортшы машинаның алдыңғы орнына қайсысы отыратынын «тас-қайшы-қағаз» ойыны арқылы шеше алмай, екеуі де артқы орындықтарға отырады. Спортшылар қандай дисциплина бойынша жарысқа қатысады?

9. «Жазу анық болуы тиіс және көп орын алмауы керек, арзан қағазда да көзге жақсы көрінуі қажет.» 1931 жылы Морисон атты дизайнер қай газетті айыптап, өз ұсынысын жасады?

10. Бір мәселеге назар аударту үшін бір қытайлық 100 күн бойы қолына ИКС ұстап Пекин көшелерін аралап жүрді. Кейін ол кірпіш жасады. Қытайдың қолындағы ИКСті табыңыз.
Интеллектуалдық ойындар: Керек-Ринг 03/12/17 қойылған сұрақтар
2-тур сұрақтары by MERmukhanov :
1. Фредерик Бегбедердің пікірін сәл толықтыра отырып, 1998 жылғы футболдан әлем біріншілігінің финалында неміс ұтты деуге болады. Бұл немісті атаңыз.

2. Спортшы Риксон Грейсидің өзі ИКС, әрі ИКСтен Бразилия чемпионы. ИКСті бір сөзбен атаңыз.

3. Отандық брендтерге қатысты блиц: әр сұраққа 20 секунд.
Бірінші оң жақ жоғарыдағы сурет: мұнда белгілі бір отандық брендтің логотипінің үзіндісі берілген. Оны жазыңыз.
Екінші блиц сауалы төменде. Мұнда бір отандық өнімнің атауын іздеу жүйесіне салғандағы скрин. Іздеу қорытындысының жанына сол сусынның суреті шығады.
Үшінші суретте отандық банктердің бірінде орналасқан мүсін орналасқан. Онда қуатты дәу бұқаны сүйреп келе жатқан күшті бала бейнеленген. Қай банк екенін атаңыз.

4. Жапонның кулинария сөздігінде ағылшын тілінен енген бірқатар терминдер бар. Мысалы, «сабису» сөзі ағылшынның «service» дегенінен шыққан және клиенттерге қызмет көрсету бойынша іс-шаралар кешенін білдіреді. Ал «байкингу рёри» терминін қазақшаға қандай екі сөзбен аударуға болады?

5. «Идентификация» фильмінің бірнеше кейіпкері өз өмірлерінде ең соңғы болып есімі сирек кездесетін қызды көреді. Бұл қыздың атын атамас бұрын, ағылшын тілінде жазылуы тұп-тура осындай, бірақ айтылуы басқа, әрі әлдеқайда кең таралған қыз есімі бар екенін ескеріңіз.

6. Мына қазақ жұмбақтарының бәрінде бір жауап:
Бір таудан бір таудың басы биік,
Тұрады ортасына бәле жиып,
Бәленің зардабына шыдай алмай,
Жіберді бұтына сиіп-сиіп.

Ақ сәлделі қожалар,
Зікір салып сұңқылдар,
Өз тамағы тойған соң,
Бейне жынды бұлқылдар.

Сары ағаштан сарайым,
Ішінде жаққан қалайым,
От пен су бір жерде
Табылып тұр әрдайым.

7. Ойбастар!
Тарихшы Роуздың көзқарасына сай, ойбастарда сөздерсіз жан тебіретер сұхбат және сөйте тұра асқан белсенділік, ежелгі Шығыс және заманауи Еуропа, нақты ғылым және поэзия, триумф және трагедия, үміт пен торығу, ақырында, өмір мен өлім жатыр. Не жатыр?

8. Игорь Белый аспандағы айды қаңғырып жүрген ИКС деп теңейді. Клод Маньенің комедиясының кейіпкері — қазір кедей, бірақ текті Блэз д'Амбрие байдың мұрагер қызына үйленбекші болады. Қалыңдықтың ата-анасына бәрінен бұрын д'Амбриенің ИКСі ұнайды. Ал біздің халықтың көбіне ИКС ұнамайтын сияқты. ИКСті атаңыз.

9. Керуен жолындағы жұлдыздың өлуі керуенді дұшпандық тосын шабуылдан да көбірек құртады. Антуан де-Сент Экзюперидің нені жұлдыздың өлуі деп атағанын бір әріптен басталатын екі не үш сөзбен атаңыз және не үшін екенін түсіндіріп көріңіз.

10. 1987 жылы Адриано Челентано бір телешоуда итбалықтарды қорғау туралы қызу монолог айтты. Актер отандастарын «Аңшылық – махаббатқа қарсы» тіркесін жазуға шақырды. Он төрт миллион италиялық оның айтқанындай істеп, содан үлкен жанжал туды. Челентаноға айыппұл салынып, біраз уақытқа экраннан аластатылды. Аталған тіркесті Челентано қай жерге жазып қалдыруға үндеген?


«Нават» дәмханасы, Астана қ.
Әрі қарай

Керек-Ринг 19/11/17 қойылған сұрақтар

Интеллектуалдық ойындар: Керек-Ринг 19/11/17 қойылған сұрақтар

1. 19 қараша — Халықаралық ИГРЕКтер күні. Алғаш рет 1999 жылы Тринидад пен Тобагода басталған бұл маңызды күнді қазір 60-тан астам ел қолдайды. ЮНЕСКО халықпен байланыс бөлімінінің басшысы Ингеборг Брейнес ханымның айтуынша бұл — гендерлік балансты жақсартатын тамаша идея. Жыл сайын арнайы бір тақырып белгіленіп семинарлар өтеді. Мысалы бір жылы бейбітшілік тақырыбы, бір жылы ИГРЕК денсаулығы, бір жылы ИГРЕКтердің позитив ролі. Жалпы алғанда ұйымдастырушылар ИГРЕКтердің мәселелерімен айналысады. Бүгін кімдерді құттықтауға болады осы күнмен?

2. Жақында Твиттер жазбалардағы символ санын 140-тан 280-ге көбейтті. Бірақ бәріне емес. Қандай қолданушылар үшін 140-тық лимит сол күйі қалды?

3. Үндістанда Болливудтан басқа да киноиндустриялар бар. Мысалы Ченнайдағы Колливуд, Андхра-Прадеш штатындағы Толливуд және Молливуд деген де киностудия бар. Бұлардың шығаратын фильмдерінің бір бірінен айырмашылығы неде?

4. 65 сөз, 2 шумақ, 2 қайырмадан құралған бір әннің мәтінінде 33 уникал сөз пайдаланылған. Ал ән атын құрайтын 2 сөз ән ішінде 11 рет кездеседі, жалпы әннің шамамен 33 пайызын құрайды. 14 сөздік қайырмасының 10 сөзін осы 2 сөз жабады. Ең аз сөз қолданылған қазақ әні атағына лайық бұл әнді атаңыз

5. Санкт-Петербургтегі бір сауда орталығында 2 спортшының үлкен суреттері ілінген. Екеуінде де қуанышты сәттері бейнеленген және екеуі бір біріне қарап тұрғандай. Біреуі Андрей Аршавин. Екіншісі кім?

6. 2004 жылғы бір кейіпкер ағылшынша испан акцентімен сөйлейді. Ал испанша дубляжында Андалусия акцентімен. Латын Америкасы нұсқасында Кастилья акцентімен. Кейіпкерді атаңыз

7. Алғашқы кәсіпқой ИКС хоккейші 1958 жылы алаңға шықты. Ал одан кейінгісі тек 1974 жылы. Қазір де аз болса да кей командаларда мұндай ойыншылар бар. Бірақ көбіне қақпашы, қорғаушы позицияларында. ИКС хоккейшілердің басқа хоккейшілерден айырмашылығы неде?

8. Түрік мақалы. Там үстінде жарты нан

9. Юморист Константин Мелиханның пікірінше жас бойдақ үйіне қыз әкелу үшін үйін жинайды. Ал егде бойдақ не істейді? Юмористің ойын жалғастырыңыз

10. Бір итальян рестораны қонақтарына күнде сауалнама ұсынады. Мысалы былай жазылған: Кеше Гарри Поттер мен Жүзіктердің әміршісінің қайсысы мықты екенін таңдадық. Бүгінгі сұрағымыз: Айфон ба, Андроид па? Ресторанның бұл сауалнамаларындағы дауыстар кімдер үшін пайдалы?

11. Танымал карикатурист Павел Кучинскидің 2016 жылы салған бір карикатурасында көк төсеніш үстінде дөңгелене отырған сары киім киген 11 балаға бір атай ертегі оқып отыр. Ал ақ киімді бір бала теріс бұрылып басқа кітап оқып отыр. Суреттің атын нақты атаңыз

12. 2015 жылдың басында болған бір оқиғадан кейін Парижде 14 қаңтар сәрсенбі күні 15 минут ішінде 3 млн дана түгел сатылып, Францияда бір сала бойынша сатылым рекорды орнады. Жұма күніне 5 млн дана дайын болады делінді, ал жексенбіге 7 млн. Әр данасы 3 евролық не сатылған еді?

13. Барселонадағы бір күлкі театрында әр орындықтың артында планшет орналастырылған. Бұл технология арқылы әр адам қойылымның ақысын әділ төлейді, алдындағы планшет арқылы есебін қарап. Планшеттің қызметін түсіндіріңіз

14. Исраил Арсамаков атты Олимпиада чемпионы ауыратлеттен бір күні анасы сұрапты: «ТВде Олимпиада көрсетіп жатыр. Сен неге бармадың?». Чемпионның жауабын жазыңыз

15. Биткоин — құпия төлемдер жасауға болатын танымал криптовалюта. Ньюсвик журналы биткоин туралы кеңінен жазылған бір номерінің мұқабасында биткоинның символын басқаша көрсетеді. Мұқабада криптовалюта символы қандай түрде көрсетілді?

16. peugeot.com сайтындағы бір бетте ешқандай мәтіндік ақпарат жоқ, тек машина суреті ғана бар. Машинаның моделін атаңыз

17. Бір карикатурада Пепси мен Кока коланы қандай ортақ атпен аталғанын электрон музыка жанрында танымал британ дуэтының атымен атаңыз

18. Бір пицца түрінің жасалуының соңғы кезеңінде ыстық пиццаның ортасына шикі жұмыртқа құйылады. Жұмыртқа ыстық пицца үстінде жайылып піседі. Пицца қай қаланың атымен аталады?

19. Каддафидің коммунистік тезистерге толы Жасыл кітабын сыншылар неге ұқсатады?

20. Ат жарыстарында аттарға бәс тігу жарыс басталғанға дейін қабылданады. Ал кей жағдайларда жарыс аяқталғаннан кейін. Ол қандай жағдай? Бір әріппен басталатын 2 сөзбен жауап беріңіз
Әрі қарай

Керек-Ринг 13/04/2017 - Ғарышкерлер күні

Интеллектуалдық ойындар: Керек-Ринг 13/04/2017 - Ғарышкерлер күні

Ғарышкерлер күніне арналған Керек-Ринг ойыны 13 сәуірде өтті. «Ой-Зерек» радиоойынының алдағы сенбі эфиріне кеше жақсы ойын көрсеткен Арулар командасы қатысатын болды.

1. «Ғасыр құпиялары» атты деректі фильмнің авторларының пікірінше өткен ғасырдың ортасындағы бір үлкен кеңкөлемді жоба негізінде азғана жыл бұрын басталған басқа бір жобаны бүркеу амалдары екен. Сол аймақтағы көптеген жүк тасымалынан батыс тыңшылары күдіктенбесін деп жасалыпты-мыс. Фильм авторлары қандай кеңкөлемді жобаны айтып отыр?

2. 1963 жылы Юрий Гагарин Байқоңыр космодромында қызмет ететін өзі бұрын естіген бір кісімен кездеседі. Ол кісіден қай жерде туғанын, туған күні қай айдың нешесі екені сияқты жеке басына қатысты сұрақтар қояды. Ол кісінің аты-жөнін атаңыз.

3. 11 мың адам арасынан таңдалып, 2007 жылы ғарышқа ұшқан малайзиялық Шейх Музафар Шүкір 150 кісілік комиссияның арнайы шешімімен бір тәулікте нені 80 рет істеуден құтылды?

4. 1961 жылы сәуірдің басында Байқоңырға 6 ғарышкер ұшып келеді – Быковский, Гагарин, Нелюбов, Николаев, Попович, Титов. Неліктен Гагарин тізімде 2-ші еді?

5. Ресей Қарулы Күштерінің бір полковнигі АҚШ-тан Мәскеуге ұшар алдында американ кеденшілері тарапынан шығарылмай қояды. Тек НАСАның араласуымен ғана ұшаққа отырады. Полковниктің паспортында не жоқ еді?

6. Гагарин және одан кейінгі ғарышкерлер киген скафандр СК-1 деп аталатын. 1963 жылы СК-2 атты скафандр моделі шықты. СК-2нің алдыңғылардан ерекшелігі неде еді?

7. Кеннеди ғарыш айлағы АҚШтың Флорида штатындағы Бреверд округында орналасқан. Шағын Бревард аймағына әдейілеп ассоциация ретінде берілген 3 сандық телефон кодын жазыңыз.

8. Американ астронавтары кіші дәреттерін презерватив тәрізді контейнерлерде өтейтін. Түрлі көлемдегі контейнерлер кішкентай, орташа, үлкен деп аталатын. Алайда барлығы үлкенін таңдай бергендіктен контейнерлердің аттары өзгертілді. Оларды атаңыз.

9. Гагаринге алғашқы медалі жерге түскен бойда оны алып кеткен тікұшақ ішінде берілді. Сол 60-шы жылдар басында ұшқан басқа ғарышкерлерге де берілген медаль не үшін берілетін медаль еді?

2 тур – by MERmukhanov

Интеллектуалдық ойындар: Керек-Ринг 13/04/2017 - Ғарышкерлер күні1. Суретте – National Geographic пікірі бойынша ең үздік фотосуреттердің бірі болып танылған түрік фотографы туындысы. Арулар көз алмай қарап тұрған Модильянидің картинасында бейнеленгенді екі сөзбен атап көріңіз.

2. Белгілі бір қысқа тарихи тізбектен NAZ деген сөз шықты. Неткен символизм! NAZ!
Алайда, ашығын айтқанда, толық нұсқасы 56NAZ, бірақ қазір соңғы үш әріп алғашқы санды жатырқайды.
Шифрді екі сөзбен тарқатыңыз.

Интеллектуалдық ойындар: Керек-Ринг 13/04/2017 - Ғарышкерлер күні3. Таныс болыңыздар, бұл — Индиана Джонс пен детектив Магнумның суреті. Бұлардың образдарының негізінде сценаристтер Алан Заслов пен Тэд Стоунс тағы екі кейіпкерді қалыптастырған деседі. Ол кейіпкерлер 1989-1990 жылдары алғаш көрсетілді. Кейіпкерлердің бірі беллетристика оқиды, және оқыған кітаптарындағы сүйікті қаһарманы – Шерлок Джонс (қандай екі кейіпкерден туғанын ұқтыңыздар).
Бірінің есімі техникаға жақын болғанымен, шын мәнінде екеуінің есімдерін қосқанда, шетелдік жиһаз стилінің аталуы шығады екен. Атаңыздар.

4. Агата Кристидің цитатасы: «Сынған ыдыс бақыт әкеледі, бірақ тек ...»
Жазушының күйеуінің мамандығын бір сөзбен атаңыз.

Интеллектуалдық ойындар: Керек-Ринг 13/04/2017 - Ғарышкерлер күні5. Шахматшылар (және тек олар ғана емес) арасындағы таралған әзіл бойынша, осы халық шахматты суреттегідей ойнайды екен. Кімдер?

6. Назар аударыңыздар, Ойбастар!
Сэмюел Батлер ОНЫ әдебиет пен өнердің қозғаушы күші депті. Джон О'Нил өкінішпен: «Тесланың басты олқылығы ОНЫ алуға болатын аппарат жасап кетпегенінде» дейді. Лорд Байрон оны бір шығыс ертегісіндегі шамға теңеп, Сомерсет Моэм ОНЫ алдың бесеуінің жемістерінен ләззат алуға мүмкіндік беретін алтыншы сезім дейді. ОЛ не?

7. Ағылшын жұмбағы: «Құдай оны көрмейді, король — сирек, ал қарапайым адамдар күн сайын көреді». Жауабын бір символмен беруге болады. Жазыңыз.

Интеллектуалдық ойындар: Керек-Ринг 13/04/2017 - Ғарышкерлер күні8. Суреттегі ескерткіш Леонардо Боллға арналған. Бұл кісі несімен есте қалды дейсіз бе? Ескерткіштің жазбасын толықтырыңыз.

9. 19 ғ. Максим деген бала жеті жасында театрда кәмпит сатып, сегіз жасында дәріханашыға көмекші болып, он үшінде Берлиндік атақты шаштараздың оқушысы атанады. Он төртінде Мәскеудегі Үлкен театрға қызметке кіреді. Орыс армиясында қызметін өтегеннен кейін, Рязаньда өнімдері танымал бола бастаған дүкен ашып, кейін 1904 жылы АҚШ-қа эмиграцияға көшкен Максимилиан АбрАмұлы Беверли-Хиллзде 1938 жылы қайтыс болды. Оның тіпті Голливуд аллеясында жұлдызы бар.
Оның ұлы оның ісін жалғастырып, өндірістік компанияның басшылығына келді.
Олардың фамилиясын атаңыз.
Әрі қарай

Керек-Ринг 15/03/2017 Наурыз кубогі

1-тур - asaubota

1. Мадридтің Атлетикосымен қарымта ойынға шығатын Леверкузеннің Байері твиттерінде ойынға қатыспайтын ойыншылардың тізімін жариялады. 4 ойыншы жарақатына байланысты, 1 ойыншы жазасына байланысты ойнамайды. Ал 17 жасар Харветц қандай себеппен қатыса алмайды?

2. 1660 жылы Антонио атты аспаз пиццаларға жаңа ингриедиенттер қосқысы келеді, алайда бәрін араластыруға да болмайды. Антонио 4 түрлі, 4 түсті ингредиент арқылы жаңа пицца ойлап табады. Пицца 4 бөлікке бөлінеді 4 ингредиент арқылы. Пиццаның жалпы атын емес, бөліктердің кез келген біреуінің атын жазыңыз.

3. Твиттердегі аккаунтардың 15 пайызын құрайтын 48 миллион аккаунтты ортақ атпен қалай атауға болады?

4. Статистикалық деректер бойынша бұл спорт түрімен айналысу кезінде адамдар басқа спорт түрлеріне қарағанда көбірек өледі екен, айналысушылардың пайыздық үлесі бойынша. Басты себептер — инфаркт және найзағай түсу. Бұл қандай спорт түрі?

5. Канадалық бір фирма арақ өндірісі технологиялары арқылы бәрін таң қалдырғысы келді. Бұл науқан аясында Ньюфаундленд аралы маңынан нені аулай бастады?

6. Қазіргі планшеттердің атасын А4 қағаз көлеміндегі нұсқасын танымал фирма 20 жылдай уақыт бұрын шығара бастады. Қалай ойлайсыз, бұл планшеттердің операциялық жүйесі қай ғалымның құрметіне аталды?

7. Бір күні Джон Гутфренд атты қаржыгер Джон Мэривезер атты брокерге 1 миллион долларға покер ойнауға ұсыныс жасайды. Миллионды тәуекелге тіккісі келмеген және қорқып қалды деп ойламасын деген Мэривезер Гутфрендке қалай жауап береді?

8. Тар джинсы, жарқын көзілдірік, пирсинг, ұқыпты сақал, вегетариан, әдемі спорттық аяқкиім, неонацизм. Германияда пайда болған жаңа субмәдениетті атаңыз.

9. 1979 жылы Никарагуада болған көтерілістің басты себептерінің бірі “Манагуалық вампир” деп аталатын бір жеке банк қожайынына деген өшпенділіктен бастау алды деседі. Бұл банк ненің саудасымен айналысатын?

2-турMERmukhanov

1. Азиядағы үлкен дүкендердің бірінде мынадай кәрзеңкелер орналасқан (Олардың шағын жапсырмаларының түсі де өзгеше). Себеттерді осылай бөлудің себебі неде, немесе әрқайсысы кімдерге арналған?
Интеллектуалдық ойындар: Керек-Ринг 15/03/2017 Наурыз кубогі

2. Назар аударыңыздар, ойбастар!
Ойбастарда – ең алғаш Ұлыбританияда шыққан, төрт туыс адам басқаратын америкалық корпорацияның бетке ұстар өнімі. Олардың фамилиясынан алынған атау бұл, ешқандай да мифология немесе басқа нақты саладан емес. Оның құрамын қарай келе, жүгері, бидай сиропы, қант, арпа уыты, пальма майы, сүт, соя лецитині, какао, жұмыртқа ақуызы секілді табиғи текті заттарды көріп, онда өмір бар екеніне сенуге болады.
Ойбастарда жатқан өнімді дәл атаңыз.

3.Біріншісі – бейресми лидер, әділетті және байсалды. Екіншісі – команданың миы. Үшіншісі – брутал. Төртіншісі – әзілқой. Бәрі Сынықты сыйлап, Сәуірді жақсы көреді. Оларды атаңыз.

4. Цитатаны жек көретін ағайын үшін арнайы сұрақ.

Санасы аз болса, қашады ол бірден,
Азапты көреді — бостандық аңсаса.
Ғашықтық дегені — бақыт қой ең таза,
Сәтсіздік пен бопса — махаббатсыз жүрген.
Шаттықтың ұлығы — сұлуды тербеген,
Еркіндік, тыныштық емес пе тегін у?
Білгенге ырыс-құт — сезімге берілу.
Жүректің суығы — тірі өлгенге тең.

Бұл — ХVII ғасырдағы француз ақыны Теодор Д Обиньенің махаббат жайлы, дәлірек айтсақ, махаббатты ұлықтауға арналған өлеңі. Сіздердің жан-жақты білімдеріңізге шүбә келтірмейміз, сондықтан Д Обиньенің махаббаттан бас тарту туралы кез келген туындысын оқып беруіңізді сұраймыз.

5. Отандық телеарналардың біріндегі сюжет лазуриттер жайлы ақпаратпен басталады. Лазурит, немесе ультрамарин — силикаттар класының каркасты типіне жататын минерал. Бұдан кейін, осы сюжетте орта ғасырда өмір сүрген көрнекті ғұламаның обсерваториясында аспан денелерін белгілеген ултрамарин тектестердің сәулелердің әсерінен физикалық өзгерістерге ұшырауын да түсіндіреді.
Сюжеттің неге (қандай тақырыпқа) арналғанын атаңыз.

6. Белгілі бір журналында, назар аударыңыз, басылымда жарық көрген жұмбақ:
«Төңкеріліп тұрады,
Адамдарға шындықты айтады».
Жұмбақтың жауабын бір әріптен басталатын екі сөзбен жазыңыз.

7. Суретте — Бельгияның Ипр қаласына бауырлас қаланың кеңестік гербі. Атай қойыңыз.
Интеллектуалдық ойындар: Керек-Ринг 15/03/2017 Наурыз кубогі

8. Бұл сұрақ болмаса, жауабы болар еді. 1957 жылғы 5 сәуірде Лондонда Сэмюэл Беккеттің атақты пьесасы қойылды. Жалпы ақпар: қойылымның оқиғасы ер адам мен әйел адам өмір сүрген қоқыс жәшігінде болады. Пьесаның атауы шахмат терминімен бірдей. Оны қазақша немесе немісше жазыңыз.
Әрі қарай

Керек-Ринг 19/01/2017

1. 1940 жылы Гавай аралдарындағы американ әскерлерінің көңілін көтеру үшін құрылған Standart Games компаниясы кейін Service Games болып өзгерді. Ал қазір біз бұл компанияны қандай атпен танимыз?

2. Urban dictionary еркін сөздігіндегі жаңа сөздердің бірі Orange face (қызғылт бет) деп аталады. 1170 лайк, 1199 дислайк дауыс жинаған бұл сөз кімнің лақап аты?

3. Әнші Сергей Шнуров былай дейді: ИКС — долылардың ортасы. Адамдар шексіз долылықтың арасында. Себебі маңызды емес, ол жерде маңыздысы — долылық. Маған сахнадағы долылық ұнайды. ИКСті табыңыз.

4. 2-ші Дүниежүзілік Соғыс кезінде немістерден қашқан париждік еврейлер БҰЛ жерге келіп, жаңа төлқұжат ала бастады. Мұндай “тіркеу” қызметімен де айналысатын БҰЛ жерге жануарлардан тек мысықтар кіре алады. БҰЛ қандай жер?

5. Хесус Леонардо атты Нью-Йорк қаласының тұрғыны бір кеңсенің қоқыстарын жинайды. Нью-йорк таймс газеті 2010 жылы бұл кісінің кеңсе қоқыстарынан жарты миллион доллар ақша тапқаны туралы жазады. Хесус қандай кеңсенің қоқыстарын шығарады?

6. Дубай әкімшілігі 2017 мындай смарт-пальмалар арқылы қаланы толығымен немен қамтамасыз етпекші?
Интеллектуалдық ойындар: Керек-Ринг 19/01/2017

7. Қай елдің астанасы Әулие Жақып деп аталады?

8. 4745. 1930 жылы Жапонияда осыншама не тіркелді?

9. Викингтер сериалындағы кейіпкер Бьорнның айтуынша БҰЛАРДЫҢ бұрынғысы болмайды. Ресейлік саясаткер Милонов “Бізде әр 12-адам осындай. Бұған үйреніп кеткенбіз” дейді. Әңгіме кімдер туралы?

10. Бұл кісінің пайымдауынша, Махаббат — ауыр психологиялық дерт. Танымал кітабында махаббаттың екі жақты дамуы туралы да айтады: жыныстық құмарлық және асексуалдық тұрғыдан. Бұл кім?

11. 1963 жылы шыққан отандық фильмнің екінші режиссері қай кейіпкер туралы былай дейді:
“ИКС роліндегі Кәкеновті моншадан таптым. Сыриған арық балаң жігіт дөрекі мінезімен, шарт-шұрт қимылымен көзіме ерекше көрінген еді. Оны сынайын деп «арқамды езіп берші, балам» деп өтіндім. «Арқаңды езетін мен саған моншашымын ба?» деп өзіме дүрсе қоя бергені. Айтарын айтып, көз алдымнан ғайып болды.”

12. Суреттегі стилист Трамптың ертеңгі инаугурациясына қай жерде дайындалуда?
Интеллектуалдық ойындар: Керек-Ринг 19/01/2017

13. Австриялық ғалым Конрад Лоренцтің жазуынша, Австралия құрлығына аяқ басқан алғашқы еуропалықтар көрген қалталы сүтқоректілер тобына жатпайтындар: динго иті, жарқанаттар және?..

14. Андрей Галварчик және Анна Зиемкевич атты польшалық ғалымдардың жаңа кітабы ИКСті Еркек деп аталады. Кітаптағы мәлімет бойынша, гетересексуал еркектер денесінде ИКС бар еркектерді әйелдер көбірек ұнатады деп ойлайды. Ал әйелдерге шындығында бәрібір. ИКСті табыңыз.

15. БҰҰ-ның Нью-Йорктағы штаб пәтерінің алдында мүше елдердің тулары әліппелік реттілік бойынша тізіліп, ілінген. Дәл ортасындағы тудың түстерін атаңыз.
Әрі қарай

Керек-Ринг 04/12

Бой қыздыру сұрақтары:

— Скандинавтарда Ниссе, жапондарда Сегацу-сан, чехтарда Микулаш, беларустарда Зюзя. Қазақтарда ше?

— Қай компанияның өкілдері өз өнімдерін қолданбайтындарды “айкон” деп атайды?

— Азия Микс командасының биылғы пікірінше, ақшаны дәл осы бас киімде сақтаған дұрыс. Қандай?

1-тур сұрақтары by asaubota

1. Кездейсоқ сәйкестікті есепке ала отырып, Үндістанда Балалар Күні күздің қай айының нешесінде тойланатынын табыңыз.

2. Бәсекелестік нарығына 1930 жылы “Сол бағаға 2 есе ал” слоганымен кіріп келген бұл бренд 1988 жылы КСРО телевидениесіндегі алғашқы жарнама беруші ретінде де тіркелген. 2013-тен бері бізге “Өткеніңді құшақта, қазіргімен өмір сүр” атты слоганын ұсынып келе жатқан брендті атаңыз.

3. “ИКС — ел тұрақтылығы мен Тәуелсіздіктің белгісі” дейді Нұрсұлтан Назарбаев. Тәуелсіздіктің символы туралы ойымен Коко Шанель мен Пушкин де бұл тұжырыммен келісер еді. Елбасы айтқан ИКСті нақты атаңыз.

4. Википедиадағы көшпенділер туралы парақшада неокөшпенділер туралы да жазылады. Қазіргі өмірдегі өзгерістер, тұрмыстық жағдайларға байланысты көшпенді немесе жартылай көшпенді жағдайда жұмыс істейтін кей санаттағы адамдарды неокөшпенділер деп атайды. Бұл санатқа әртістер, шоумендер, программистер, дизайнерлер, ғалымдар, маусымдық жұмысшылар, гастарбайтерлер кіреді. Неокөшпенділерді басқаша, танымал қандай сөзбен атар едіңіз?

5. Минск 88, Тбилиси 89, Баку 90, Душанбе 90, Рига 91, Вильнюс 91. Тізбектің басына Қарағандыны қоятын болсақ, жанындағы сан қандай болар еді?

6. 2 жыл бұрын Procter & Gamble компаниясы қорабында 88 саны жазылған өнім үшін көпшіліктен кешірім сұрады және 88 санында ешқандай жасырын мағына жоғын айтты. Бар болғаны 88 рет қолдануға жетеді-мыс. Сондай-ақ 18 саны жазылған өнімді де тоқтатты. Сынаушыларға брендтің атынан да жасырын мағына көрген екен. Бұл қай танымал бренд?

7. Мадагаскар аралының маңайында өмір сүретін су көшпенділері болып саналатын Везу атты тайпа өкілдерінің көбінің жер бетінде үйі жоқ, олар су бетінде өмір сүреді. Акула етін сатып күн көретін везулар табыстарының үштен біріне не алатынын нақты екі сөзбен жазыңыз?

8. Қытайда өлім жазасына кесілгендер үкім орындалғанға дейін бірнеше юаньдық БҰЛ үшін бірнеше сағат жұмысқа жегіледі. Ал 1912 жылы Теодор Рузвельт президент сайлауы науқанында БҰЛ арқылы өзіне жақсы пиар жасап алды. БҰЛ не?

9. 1916 жылы Петербор газеттері Сазонова атты кәсіпкер әйел ашқан 2 ерекше ресторан туралы жарыса жазады. Біраз жыл шетелде болып келген Сазонованың ресторандарында жұрт 1 рубль 45 тиынға қазір бәріне таныс нәрсемен алғаш рет танысады. Сазонова қай елде болып келген еді?

2 тур сұрақтары by MERmukhanov

1. 1905 жылы Францияда тұңғыш халықаралық конгресс өтті. Ол іс-шараға жиылған адамдар бір-бірімен аудармашысыз сөйлесті. Қай тілде?

2. Қазақта бір әулеттің келіндерін қалай атайтынын бәріміз білетін шығармыз. Көшпенділердің әскери дәстүрлері жайлы баяндай отырып, Таласбек Әсемқұлов ол атауды басқа тарихи алыста өмір сүрген бір әйелдер тобының атауымен байланыстыратын гипотеза ұсынады.
Ол қандай сөз?

3. Желідегі таралған арзанқол иллюстрацияда жазылуы бірдей екі түрлі әріптен басталатын сөздер жазылған. Екі сөздің алғашқы екі әріптерінің жазылуы бірдей. Сұрақ авторының пікірінше, екеуінің де бейнеленуі сәтті және дәлме-дәл емес, дегенмен ол екі сөзді атаңыз.
Интеллектуалдық ойындар: Керек-Ринг 04/12

4. Түрік жұмбағын шешіңіз. Ол – бөлмеде, бөлме – онда.

5. Назар аударыңыздар, ойбастар!
1933 жылы Зигмунд Фрейд ирониялы түрде орта ғасырлармен салыстырғандағы прогрессті атап өтті, себебі, ол кезеңдерде Х-тарының орнында оның өзі болар еді. Қазақ фольклоры саналы адамдарды оның үстінен өтпеуге шақырады.
Біздің ойбастарда жатқан не?

6. Мәскеу мейрамханаларының бірінің шеф-аспазы бұл тағамға қойылған атаудың мәнін өзінше түсіндіреді: «Біріншіден, технология бойынша оны үсіру қажет. Екіншіден, Корсикада апельсиндер Бразилияда маймылдар сияқты көп». Не тағам ол?

7. Жасыл, жасыл, жасыл,
Жылады, жылады, жылады,
Айна, айна, айна,

Вознесенскийдің құрылымы ақ бұл өлеңін аяқтаңыз.

8. Жерорта теңізі ойындары – мультиспорттық аймақтық ойындар, спорттық жарыстар мерекесі. Жерорта теңізін қоршай жатқан әлемнің үш бөлігінің мемлекеттері қатысады. Соңғысы 2013-те өтті, келесісі 27 спорт түрі бойынша 2017-де болмақ.
Ал оның туында, эмблемасында белгіленген нәрсе/нәрселерді атаңыз.
9. Ницше ОЛарды жарқын, әдемі киініп алып, сағаттап бір орында тұра беретін сарай қызметкерлеріне теңейді. Кэроллдың кейіпкері Алиса Түйе королевасының қабылдауында крокетті ОНЫмен ойнайды. ОНың құрметіне отты қаруы бар неміс танктері аталды. Астанадағы ең басты көшелердің бірінің екіншісімен қиылысында да ОЛарды кездестіруге болады.

ОЛ не?

Интеллектуалдық ойындар: Керек-Ринг 04/12

Интеллектуалдық ойындар: Керек-Ринг 04/12

Интеллектуалдық ойындар: Керек-Ринг 04/12

Интеллектуалдық ойындар: Керек-Ринг 04/12

Интеллектуалдық ойындар: Керек-Ринг 04/12

Интеллектуалдық ойындар: Керек-Ринг 04/12

Интеллектуалдық ойындар: Керек-Ринг 04/12

Интеллектуалдық ойындар: Керек-Ринг 04/12

Интеллектуалдық ойындар: Керек-Ринг 04/12
Әрі қарай

Керек-Ринг 28/08/2016

Керек-Ринг Жазғы серия ойындары аяқталды. Соңғы ойынның жеңімпазы: Brainstorm командасы. Жалпы серия жеңімпазы: Бақсы командасы.

1-тур сұрақтары by asaubota

1. Пи санының 2 бейресми күні бар деп есептеледі. Біріншісі: 14 наурыз. Өйткені Америкада бұл күн 3.14 деп жазылады. Ал, екінші күнді Еуропа мәнерінде жазып көріңіз?

2. Дәл 1 апта бұрын шыққан мына картада 59 ел неліктен сары түспен белгіленген?
Интеллектуалдық ойындар: Керек-Ринг 28/08/2016

3. 1969 жылдың желтоқсанында Калифорниядағы Альтамонт елдімекенінде Роллинг Стоунз бастаған ірі рок-фестиваль өтеді. Фестиваль аймағына 300 мыңдай адам жиналды деседі. Фестиваль барысында 4 адам өледі: екеуін машина қағып кетеді, біреуі суға батады, біреуі сахнаға тапаншамен шығып күзетшілерден таяқ жеп өледі. Алайда, 4 өлімге қарамастан фестивальге келген адам саны 4-ке кеміді деп айтуға болмайды. Неліктен?

4. 1833 жылдан 1950-ге дейін шыққан нью-йорктік The Sun газеті мықты кроссвордтарымен де әйгілі болған екен. 2002 жылы бұл газеттің жалғасы ретінде шыққан The New York Sun газеті де алдыңғы газеттің кей элеметтерін, стилін көшіре отырып, кроссвордтар дәстүрін де жалғастырды. Газеттің алғашқы санында жаңа кроссвордпен бірге жанында не жарияланды?

5. Найджел Ричардс атты жаңа зеландиялық 2007 жылдан бері Скрэббл (сөз құрастыру ойыны) бойынша бірнеше дүркін әлем чемпионы. 2015 жылы Ричардс Скрэбблдың француз тіліндегі чемпионатын да ұтты. Алайда ол французша білмейді. Ойыншы бұл жетістікке қалай жетті?

6. Кезінде Лайка атты ит тірі қалмайтыны белгілі бола тұра космосқа ұшырылды. Бұл оқиғадан кейін АҚШ-тың Миссисипи штатындағы бір әйелдер қауымдастығы Біріккен Ұлттар Ұйымына наразалықтарын білдіріп хат жазады. Хатта КСРО-ның иттерге қарсы адамгершіліктен тыс әрекеті сыналады және ғылым үшін космосқа қандай да бір тіршілік иесі жіберілуі тиіс болса, өз штаттарында толып жатқан ИКСтерді жіберуді ұсынады. ИКСті атаңыз.

7. Германияның оңтүстігіндегі Киссинг (Kissing) қаласынан солтүстіктегі Веддинг (Wedding) қаласына дейін автожолмен 9 сағат 15 минут жол жүресіз. Жолда Петтинг (Petting) қаласынан кейін Австрия шекарасындағы қай қаладан өтесіз?

8. Постерде ненің жарнамасы бейнеленген?
Интеллектуалдық ойындар: Керек-Ринг 28/08/2016

9. Кекс, Тәтті бәліш, Эклер, Мұзды йогурт, Балмұздақты вафли, Желе, Киткат, Лоллипоп, Нуга… Тәттілерді ортақ бір атпен жүйеге салыңыз.

2-тур сұрақтары by @MERmukhanov

1. Cәтпаев астероиды жөнінде білесіздер. Одан бөлек, Қазақстанға қатысты тағы кемі 8 жұлдыз бар. Негізгі белдеудің астероидтарының бірі Томирис жайлы сұрақ қойылды. Ендеше, классификацияда 2700 нөмірдегі, 1976 жылы ашылып, топографиялық объектінің құрметіне қойылған астероидты атаңыз.

2. «Шылым шегушінің басымдықтары». Сіздер Алан Каррдың «Шылым шегуді оңай тастау» атты кітабының жиырма бірінші тарауының атауын көріп отырсыздар. Кітапта осы тарау атауынан кейін келетін екі символды жазыңыз.

3. Назар аударыңыздар, ойбастар!
Вербердің жұмбағын шешіңіз.
«Құдайдан Ол ұлық емес,
Сайтаннан қорқынышты да емес Ол.
Кедейлерге тән, бірақ байларға сай емес.
Егер оны жемесең – өліп қаласың».
Янтра — абстрактілі түрде Ғаламды және оның бөлек аспектілерін сипаттайтын, медитацияға арналған тантралық диаграмма. Барлығы 960 янтра белгілі. Олардың ішінде ең көркем, ең нәзік, сәнді деп табылған янтрада Ол бейнеленген деуге болады.
Ол не?

4. Олимпиада ойындарының 3 дүркін жүлдегері, палуан Гүзел Манюрованың пікірінше, сұлулықты еш нәрсемен құрта алмайсың. «Әрине, қыздарда «апельсин» құлақ болғаны онша жақсы емес, бірақ қыздардың көбінде ол жағынан мәселе жоқ. Тіпті құлаққап қиіп те күресуге болады. Бұрын жігіттерде сынған құлақпен жүру тіпті абырой болатын, сенің палуан екеніңді бәрі көру үшін. 50 рубльге олар саған Х-пен құлағыңды қысып беретін».
Сұрақ авторы Х-тің күреске қатысты айтылуын парадоксальды санайды. Х – ол да спорттық атрибут, құрал және оны түрлі материалдардан жасайды. Әйгілі режиссер Ингмар Бергманның өлімінен соң, оның Х-і, яки түрлі-түсті фильмдер кезеңінен бұрын түсірілген фильмінің реквизиті ең қымбатқа сатылды.

5. Немістің «Альянс» сақтандыру компаниясының ғимараты 12 мың шаршы метр ауданды алады және онда 2000 қызметкер қызмет атқарады. Компанияның есептеу орталығының құрамына 80 қуатты компьютер кіреді.
Дәл осы есептеу орталығы компанияның шығындар тізімінде жыл сайын 138 мың еуросын үнемдейді. Бұл нендей шығындар?

6. Марк Твеннің мәңгі актуал цитатасын толықтырыңыз: «Х-ті сатып алыңыздар – оны енді ешкім өндірмейді ғой».

7. Олардың саны 100-ден асады. Мысалы, біреуі – Үңгір, екіншісі – Өрмекші, тағы біреуі – Қала, Тау, Ай, Түтін, Інжір, Сиыр, Темір, Қалам, Піл, болып кете береді. Олардың 28-нің шығу төркіні 24°28′00″ с.е 7.39°36′00″ ш.б., ал одан 3 есе көбі — 21°25′21″ с.е. 39°49′34″ ш.б.-қа тиесілі.
Бәріне қолжетімді болғанымен, көп адамның игеру шеңберінен тыс олардың не екенін атаңыз.

8. Сәрсенбі күні 11-рет Блог Күні тойланады. Кезінде Лайв журнал қолданушылары неліктен дәл осы күнді Блог күні деп тойлауды шешті?

9. ХХІ ғ. басында, жаңадан пайда болған аңыздардың бірі бойынша, Қазақстандағы Арсу мен Қарақсу әулеттерінің бірі екіншісін жеңуінде перизат, пері қыздың, кельт және герман фольклорынан шыққан ізгі мыстан арудың рөлі басым болды. Мұндай қырқыстардың басқа да нұсқалары бар, мысалы, Еуропада: Италияда, Ресейде… Алайда, осы қос әулеттердің бірі екіншісінен гөрі үнемі ненің арқасында жеңіске жететін?

Ойыннан фотолар:

Интеллектуалдық ойындар: Керек-Ринг 28/08/2016

Интеллектуалдық ойындар: Керек-Ринг 28/08/2016

Интеллектуалдық ойындар: Керек-Ринг 28/08/2016

Интеллектуалдық ойындар: Керек-Ринг 28/08/2016

Интеллектуалдық ойындар: Керек-Ринг 28/08/2016

Интеллектуалдық ойындар: Керек-Ринг 28/08/2016

Басқа фотолар мына жерде.
Фото: Ерасыл Әбдірашов
Әрі қарай

Керек-Ринг 07/08/2016

07 тамызда өткен ойында өткен турда 2-орын алған "Әйел бақыты" командасы 7 ұпаймен 1-орын алды. Бақсы командасы 6 ұпаймен 2-орында қалды. Тартысты өткен ойында Фортуна, Brainstorm және Шымкенттен онлайн қатысқан Тәтті шәй командасы 5 ұпаймен 3-орын алды.

2-тур сұрақтары by asaubota

1. Жазғы Олимпиада бағдарламасынан шығып қалған бір спорт түрі АҚШтан басқа жақтарда кеңінен танымал емес. Ал, Қысқы ойындардағы бір спорт түрі бойынша АҚШ мықтылар қатарында. Бұл екі спорт түрін анаграмма ретінде жазыңыз. Яғни, тек әріптердің орындарын ауыстырып.

2. Жергілікті әкімдіктің Шаңырақты ұсынуларына қарамастан Тәңіршілік белгісін символ қылған мына суреттегі байқаудың атын атаңыз.
Интеллектуалдық ойындар: Керек-Ринг 07/08/2016

3. 1965 жылы Германияда пайда болған танымал бұл бренд арқылы әлемнің 100-ден астам елінде адамдар бір біріне ризашылықтарын білдіреді. Ал, қазақтарда бұл бренд өнімі алғыстан бөлек, сыйлық түрі сипатында да. Көлеміне қарай алғыс дәрежесін де шамалауға болатын бұл брендті атаңыз.

4. Әлеуметтік плакаттардың бірінде қабырғаға ілінген 4 портрет бейнеленген. Портреттердің үшеуінің жоғарғы бұрыштарында қара жолақ бар, ал 4-ші портретте қара жолақ ортада тұр. Әлеуметтік плакат нені жарнамалайды?

5. Байланыстың бұл түрін кезінде ағайынды жігіттер өзара қауіпсіз байланыс үшін ойлап тапқан екен. Ал қазір Жер бетінде 100 млн көп адам осылай байланысады. Иран және Қытайдың кей аймақтары бұл санаққа кірмейді әлбетте.

6. Танымал автомобиль маркасының логотипінің шығу тарихы туралы компания тарихында эмблеманың бір қонақүй бөлмесіндегі түсқағаздағы суреттен алынғаны туралы жазылады. Алайда, екінші бір нұсқа ретінде компания басшысының өз қолымен салған сурет нұсқаларынан көбелек-галстук бейнесі таңдалғаны да айтылады. Қай автомобиль маркасының логосы көбелек-галстукқа ұқсайды?

7. 1987 жылы Бирмада 35 және 75 кьяттық (кьят — Бирма валютасы) банкноттар айналымға ене бастады. Кейін ел басшысы У Не Вин айналымнан 25, 35, 75 кьяттық банконттарды алғызып тастады да, оның орнына 45 және 90 кьяттық банкноттарды енгізді. Өйткені бұл сандар 9-ға бөлінеді екен. Экономикалық жағдайдың нашарлауы және түрлі реформалардан жалыққан халық жиі бас көтере бастады. Кейін тарихта “8888 көтерілісі” деген атпен қалған үлкен көтеріліс болды. Бұл оқиға неліктен 8888 деп аталды?

8. Google компаниясы қызметкерлеріне логотиптеріндегідей түрлі-түсті презервативтер таратады. Презервативтердің сыртындағы жазуды ағылшынша білмесеңіз қазақша немесе орысша баламасын жазып көріңіз.

9. Гондурас — 26, Ирландия — 77, Кувейт — 0, Түркия — 103, Қазақстан — 104, Ресей — 282, АҚШ — 554. Картада ненің саны көрсетілген?
Интеллектуалдық ойындар: Керек-Ринг 07/08/2016

2-тур сұрақтары by MERmukhanov

1. Cәтпаев астероиды жөнінде білесіздер. Одан бөлек, Қазақстанға қатысты тағы кемі 8 жұлдыз бар. Негізгі белдеудің астероидтарының бірі, 1906 жылы 4 наурызда Макс Вольф ашқан, # 590 астероид шартты түрде қазақ әйел адамның атына берілген. Танымал қазақ сайттарының бірін еске түсіре отырып, ол астероидты атаңыз.

2. Кельн карнавалы кезінде әйелдер көшеде пышақ, қайшы іспеттес өткір құралдармен жүріп, еркектердің ИКСтеріне шабуыл жасайды.
Қазіргі шетелдік облыс басшыларының бірі ИКСті мақсатқа сай пайдаланбағандығымен есте қалды.
Хорват азаматы ТомИслав ЗвонАрич түсін өзгертетін ИКС ойлап тапты. Жалпы, көп тілде ол сөз «Хорват» сөзінен шыққан деседі.
Иксті атаңыз.

3. Қазақтарың жер дүниенің шығуы мен түрлі атауларға байланысты өз аңыздары бар деп жазады «Экспресс К». Бір әзіл аңызды оқиық. Баяғыда бір замандарда жер дүние екі баһадүрдің тең бөлінісінде болыпты. Олардың әрқайсысы бұл әлемнің жеке дара қожайыны болғысы келіпті. Ақыры екеуі қатаң айқаста кездесіпті, сөйтіп, қартайып өлгенше алысыпты. :) Содан бері олар шайқасқан орын да екі қаһарманның құрметіне аталып кетіпті.
Ал бүкіл әлем ол жерді қалай атайды?

4. Махаббат, дем, Рим, билік, дөңгелек, сезім, арна,…

5. Фаина Раневскаяның цитатасын спорт түрімен толықтырыңыз.
Лесби, мазохизм, садизм — бұл шектен шығып бұзылғандық емес. Шектен шығып бұрмалаушылық тек екеу ғана: мұздағы балет және……

6. Швециядағы Стурш, Якутиядағы Лыбынкыр көлі, Қытайдағы Ханас көлі, аустарлиядағы Вайторен, Чилидегі Ақ көл, Қазақстандағы Көккөл, Канададағы Манилого көлі. Бұлардың қатарында тұруы тиіс ең танымалын атап көріңіз.

7. Қызық жұмбақты шешіңіз.
Дөңгелек болсам – қаттымын,
Төрт бұрыш болсам – бүктелем.
Мені жасаған – айтпайды,
Мені білмейтін – қабылдайды,
Ал білетін – жолатпайды.

8. Әлемде көп адамдар олимпиада медальдарын және естелік белгілерін жинайды. Алайда коллекционерлер үшін, айталық, ХІІ Олимпиада ойындарының медалдары ерекше құндылыққа ие. Неліктен?

9. Тарихта халықтардың қандай да бір ашылған жаңалықтар мен өнертабыстарды өздеріне теліп, дауласу фактілері жиі кездеседі.
Ал енді Тейлор деген кісінің ойлап тауып, Томпсон деген кісінің арқасында әйгілі болған, екі держава бірі-біріне телитін «ойын-сауық» өнертабысын атаңыз.
Әрі қарай

Керек-Ринг 31/07/2016

Интеллектуалдық ойындар: Керек-Ринг 31/07/2016

Керек-Ринг ойынына қатысушылар әр ойын сайын көбейіп келеді. Кешегі ойында командалар саны 8 болды. Залда 7 команда + Шымкенттен онлайн 1 команда. Біз үшін рекордтық көрсеткіш. Ойынға алғаш рет қатысқан Фортуна командасы 3-орын алды, дебютанттар үшін өте жақсы көрсеткіш. Тәжірибелі ойыншылардан құралып, алғаш рет бір команда болып жиналған Әйел бақыты 2-орында қалды. Ал соңғы кезде нәтижесіз ойын көрсетіп кеткен, Керек-Ринг ойындарында ең көп жеңіске жеткен Бақсы командасы кешегі ойында 19 мүмкіндіктен 12 ұпай алды!

1-тур сұрақтары asaubota

1. Жазғы Олимпиада ойындары әдетте жазда өтеді аты айтып тұрғандай. Алайда, бір рет ойындар қыркүйек айында өтті және бұл кез ол елде көктем мезгілі болатын. Бұл Олимпиада қай қалада өткен еді?

2. Картада көкпен белгіленген елдерде бұның пайыздық өлшемі өте төмен. Қараларда өте жоғары. Сарыдан қоңырға дейін деңгейі аса бермек. Картада ненің деңгейі белгіленген?
Интеллектуалдық ойындар: Керек-Ринг 31/07/2016

3. Юморист Стас Янковскийдің пікірінше Үкіметтің Қылмыспен кезекті күресінде тағы да кім жеңді?

4. 2007 жылы Ирактан танымал болып оралған әскер Колби Баззелді Esquire журналы жұмысқа алды. АҚШ қарулы күштерінің сарбазы Колби Баззел Ирактағы әскери қызметі кезінде не жүргізген еді?

5. Суретте ненің жарнамалық постері?
Интеллектуалдық ойындар: Керек-Ринг 31/07/2016

6. Бұл ойынның шығарушылары болып ақ-қара киімді бір католик орденінің мүшелері саналады. Діни қызметкерлерге құмар ойындары тыйым салынғандықтан осы ойынды ойлап тапқан деседі. Ойынды бастар алдында Тәңріні ұлықтайды. Тіпті ойынның аты Тәңрінің латын тіліндегі атауынан шыққан. Италияда шыққан бұл қандай үстел ойыны?

7. Қазіргі Олимпиада ойындарының құрушысы Пьер де Кубэртен ойындарға тек әуесқой ойыншылардың қатысуын қалады. Осылайша алғашқы ойындарға кәсіпқой спортшылар қатыстырылмады. ІІ Дүниежүзілік Соғыстан кейін бұл ереже өзгере бастады. Ал қазір тек жалғыз бір спорт түрі ғана әуесқойлық ережесімен өткізіледі. Қай спорт түрі?

8. Ашылғанына биыл 10 жыл болған Twitter бұл смайликті ең көп қолданылған ретінде атап өтті. Твиттершілер бүгінге дейін твиттерінде және пікірлерінде 14,5 млрд рет пайдаланған екен. Ал Оксфорд сөздігі 2015 жылы бұл смайликке “Жыл сөзі” атағын берді. Иә, иә, сөз емес, смайликке. Өйткені, зерттеулер бойынша бұл 2015 жылы ең көп қолданылған эмодзи екен. Жауап ретінде смайликтың атын емес, өзін ғана жіберіңіз.

9. Бұл күнді жапондар Жер Күні деп атайды. Ал еуропа халықтарының біразында көнеримдіктерден қалған Сатурн күнімен байланысады. Білім және ғылым министрі Сағадиевтің айтуынша, мұндай өте маңызды күн бұрын біздің оқушыларда болған жоқ. Бірақ, енді жаңа бағдарламаға сәйкес болатын болды. Бұл қандай күн?

2-тур сұрақтары MERmukhanov

1. 1970 жылы Қазақстан милициясы тауда тығылып жүрген адамжегіш маньякты іздеуде аса табысқа жете алмады. Әскер тікұшақтары да шарасыз болды. Сол кезде жергілікті милиционерлер республикада әзір жоқ, бірақ Мәскеуде бар секциядан көмек сұрады. Бұл секцияда немен айналысатын еді?

2. Бразилиядағы соңғы 1,5 – 2 жылда пайда болған сыралардың бірі 7,1 пайыз алкогольдан тұрады. Бірдей әріптен басталатын екі сөзден тұратын оның қазақша атауын дәл атаңыз.

3. Қазақстанның бір қаласында отыз бес жылдық мерейтойына орай 2006 жылы ОЛАРҒА арнап ескерткіш орнатты. Доцент Женя кезінде бұл қалада гастрольда болыпты, сол себепті жылы оңтүстік қаласы есте қалып, репликаны сол ұсыныпты деседі, алайда айтқан Раднэр болатын. Сава болса, АҚШ-қа көшіп кетті.
Ескерткіш кімдерге орнатылған?

4. Марк Твеннің сөзін толықтырыңыз:
_______ _______ — бізге қалған 364 күнде кім екенімізді еске салатын күн.

5. Назар аударыңыздар, ойбастар!
Морин Эванс өз рецепттерінде ОНЫҢ екі түрін жазу үшін сөз басында кіші және үлкен әріпті пайдаланып ажыратады.
Геральдикада ОЛ — бейбітшіліктің белгісі, ал оның төрттік «досы» — соғыстың белгісі деседі.
Орта ғасырлардағы саяхатшы пилигримдер өзімен бірге тек ең қажетті нәрселерді алған. Олардың әрқайсысында шағын ашылмалы бақалшық болған екен. Бұл бақалшықтар ОНЫҢ қызметін атқарған.

6. Бұл суреттер Лондонда жасалған, алайда Нью-Йоркте, Барселонада, Тайпейде, Алматыда, Новосибирскте және тағы басқа қалаларда осы тақылеттес суреттерді сала беруге болар еді.
Сіз көріп отырған суреттерден біз алып тастаған фонның не екенін екі сөзбен атаңыз
Интеллектуалдық ойындар: Керек-Ринг 31/07/2016

7. Орыс жұмбағын шешіңіз.
Бір аптада алтын және жас ұлан
Неге ақбас кәріге ол айналған?
Сонсоң тағы қос күнде
Тақыр бас боп кеттің бе?

8. Қазақстандық «Ross Limited» компаниясының негізін қалаушы, жас кондитер Әділхан Сартаев әлемдегі ең қымбат кәмпиттер шығарды. 6 шоколад кәмпиті салынатын қара вулкандық әйнек қорабының әрқайсысы 14 мың доллар тұрады. Кәмпит фольгасының орнына 585 пробалы жұқа алтын қатпар пайдаланылған. Әр кәмпит түрлі формада және түрлі стихияны білдіреді: тетраэдр – отты, октаэдр – ауаны, куб – жерді, икосаэдр – суды, додекаэдр – эфирді, ал сфера формадағы – ОСЫНЫ. Осыншама ысырапты түсіне алмаған сұрақ авторының пікірінше, кондитердің басында да – ОСЫ.
Соңғы сфера тәрізді кәмпит нені білдіреді?

9. Орта ғасырларда медициналық әдебиетте ОЛ «Құдайдың көмегімен» дегенді білдірген. Картографияда ауылды білдірген. Инженер үшін ол – «сегіз тарам» немесе «сегіз алаң», музыкант үшін диез белгісі – «нотаны жарты тонға көтеруді» меңзейді. Американлық үшін шетелдік валютаның бірін білдіре алады.
Ал біз оны жиі қалай атаймыз?

10. Нэнси Астордың үйінде көп танымал адам жиналатын. Бірақ соған орай, Чарли Чаплин «Өзімді басқа әйелге келгендей сезінемін» дейтін.
Ендеше, сол басқа әйел туралы сұрақ:
Мари Гросхольц 1760 жылы туды. Ол сол кездің өзінде-ақ тыныш және ерекше түгі жоқ Бейкер стриттегі ғимараттың иесі еді. Ұнатқан жігіті Франсуаға күйеуге тиген шағы да сол болатын.
Франсуаның фамилиясын атаңыз.
Әрі қарай

Керек-Ринг ойынына сұрақтар қабылданады

Интеллектуалдық ойындар: Керек-Ринг ойынына сұрақтар қабылданады

Керек-Ринг ойынына және жақында басталатын жаңа жобамыз IQas (Айқас) үшін сұрақтар қабылдаймыз. Яғни, сіздер жолдаған сұрақтарды ойыншыларға қоямыз. Сұрақтарыңызды iqas@kerekinfo.kz адресіне жібере аласыздар. Ол үшін аты-жөніңізді, қалаңызды, сұрақ мәтінін, жауабын, түсініктемесін және қайдан алынғанына сілтеме немесе ақпарат көзін (кітап/газет т.б) көрсетсеңіз болғаны. (Егер баспа өнімінен алынған сұрақ болса, кітап авторы, атауы, баспа, жыл, беті. газет-журнал: атауы, жылы, нөмірі, беті.)

Мысалы, былай:

Аршат Ораз (Астана)
Сұрақ: 20-ғасыр басындағы темекі фабрикасындағы жұмысшылар бейнеленген. Ортадағы мінберде Лектор деп аталатын қызметкер отыр. Лектор жұмысшылар монотон жұмыстан жалықпасын деп күнделікті жаңалықтарды оқиды. Алайда фабрика басшыларына лекторлардың солшыл бағыттағы саяси мәтіндерді жиі оқуы ұнамайтын. Сондықтан лектор мамандығы біржолата жойылды. Осылайша 20-жылдары лекторлардың орнына не келді?

Жауап: Радио
Түсініктеме: Радионың кеңінен тарала бастауына және ресми ақпарат таратуына байланысты фабрика басшылары жұмысшылар жалықпасын деп радио қоса бастады.
Сілтеме: www.lookatme.ru/mag/live/inspiration-lists/211631-jobs-obsolete

Керекрингке Астанада қатысып көрген адамдар сұрақ жолдамауы тиіс.
Сұрақтар білетін-білмейтін нәрседен емес, ойын барысында талқыланып жететін логикаға қүралған болуы тиіс, жалпы эрудиция тек ортадағы құрал ғана болып қалуы керек.
Сұрақтарды ойынға таңдау-таңдамау — редакторлардың құқығындағы нәрсе.
Әрі қарай

Керек-Ринг 24/07/2016

Интеллектуалдық ойындар: Керек-Ринг 24/07/2016

24 шілде күні өткен ойында қойылған сұрақтар.

1-тур сұрақтары by asaubota

1. 5 құрлықтан келетін қонақтардың құрметіне салынған мына түрлі-түсті, алып граффити қай қалада?
Интеллектуалдық ойындар: Керек-Ринг 24/07/2016
2. Мұзды Солтүстіктегі Шпицберген архипелагында 120 метр тереңдікте үлкен бір қойма бар. Әлемнің түкпір-түкпірінен жіберілген нәрселерді қоймада 3 қабатты фольгаға орап, -18 градустық мұздатқыштарда сақтайды. Әлемде болуы мүмкін үлкен апаттарға қарсы ойластырылған бұл қойма 2006 жылы Скандинав елдерінің бастамасымен жасалды. Бүкіләлемдік қоймада не сақталады?

3. Гарвард университеті шығарған адам қатынастары туралы кітапта Релфи деп аталатын селфи түрі желі қолданушыларына басқа фото түрлеріне қарағанда анағұрлым көп ұнамайтындығы айтылады. Соншалықты аз лайк жинайтындай Релфиді кіммен бірге түседі?

4. 2012 жылдан бері Олимпиада ойындарында әйелдер арасындағы жарыстарға қатысушы спортшылар допинг тестінен басқа тағы бір тест тапсырады. Бастапқыда жәй ғана гинекологиялық тексеру арқылы жүзеге асқан бұл тексеріс түрі кейін хромосом тестімен жалғасқан еді. Алайда бұл тестті хромосом ауытқуларына байланысты дұрыс емес деп шешкен Халықаралық Олимпиада Комитеті бұдан былай ненің мөлшеріне қарап спортшылардың әйелдер жарысына қатысып, қатыспауын анықтайтын болды?

5. Суретте 20-ғасыр басындағы темекі фабрикасындағы жұмысшылар бейнеленген. Ортадағы мінберде Лектор деп аталатын қызметкер отыр. Лектор жұмысшылар монотон жұмыстан жалықпасын деп күнделікті жаңалықтарды оқиды. Алайда фабрика басшыларына лекторлардың солшыл бағыттағы саяси мәтіндерді жиі оқуы ұнамайтын. Сондықтан лектор мамандығы біржолата жойылды. Осылайша 20-жылдары лекторлардың орнына не келді?
Интеллектуалдық ойындар: Керек-Ринг 24/07/2016
6. “Әлеуметтік желілер — достықтың альтернативі емес. Ол — достықтың … “
Марк Цукербергтің желі туралы ойын жалғастырыңыз.

7. Қазіргі PR-дың атасы болып саналатын журналист Айви Ли 1906 жылдың 30 қазанында БҰНЫ алғаш рет жариялады. БҰЛ Пенсильваниядағы пойыз апаты туралы еді. БҰНЫ дефис қолданып атауға тырысыңыз.

8. 1959 жылы Қаратаудағы ванадий кенінен табылған, қазақ ғалымының 60 жас мерейтойының құрметіне аталған сары-жасыл түсті минералдың атын нақты атаңыз.

9. 2016 жылдың басында жасақталған мына картада аудандар бойынша ненің пайыздық өлшемі көрсетілген?
Интеллектуалдық ойындар: Керек-Ринг 24/07/2016

2 тур сұрақтары by MERmukhanov :

1. «NaХO3, КХO3 арқасында, немесе жалпы MeХO3-тің арқасында соңғы бірнеше аптада мен баспасөзден бұған дейінгі барлық жылдардан да көбірек сұхбат жөнінде өтініш және ауызша келісімдер алдым».
Елші Ерлан Ыдырысовтың «Таймс» газетіндегі мақаласында біз бір сөзді формуламен аустырдық. Х-ті атаңыз.

2. Аз ғана серпіліс жасайық. Логикалық тапсырманы орындаңыз. Аталған фигуралардың қайсысы артық?
Интеллектуалдық ойындар: Керек-Ринг 24/07/2016

3. Ненец халқының ұлттық ою-өрнегі басқа халықтың ою-өрнегімен бірге беріліп отыр. Әлбетте, бір минут ішінде ненец халқының оюының атауын атау қажет.
Интеллектуалдық ойындар: Керек-Ринг 24/07/2016

4. Владимир Нидергаус — Қазақстан құрамасында ойнаған шабуылшы, оның тұңғыш голын салушы, Ресей құрамасында да ойнап көрді. «Манчестер Юнайтедтің» қақпасына гол салған ойыншы, қазір «Шахтер» клубында қызмет істейді. Бастысы – бұл емес.
Ойыншы жас кезінде өз командасының бастығымен үнемі қалжыңдасатын. Нидергаус ол кісіге күтпеген уақытта телефон шалатын.
Шабуылшының мұндай тосын әрекетінің нақты мерзімі мен уақытын атаңыз.

5. Суретте қызық ребус берілген. Жауабын дефис арқылы жазылатын екі сөзбен беріңіз.
Интеллектуалдық ойындар: Керек-Ринг 24/07/2016

6. «Оны іске қоспадым. Бұрын-ақ байқаған болатынмын: саған жаман болып тұрған кезде, бұл сұмырай одан нашарлатады».
Чарльз Буковскидің бұл цитатасы не туралы?

7. Қазақ жұмбағын шешіңіз.
Бір құдықтың екі алуан суы бар-ды,
Қайнатса оның суы мұз болады.

8. Рейхстаг үстінде ту көтерген солдатты бейнелейтін фотографияда кеңестік цензура ОНЫ ретуштеп, көрсетпей тастауды бұйырды.
1809 жылы Наполеон Бонапарттың жұбайы Жозефинаға париждік зергер Нитоннан ОЛ қымбат әшекей сыйлық ретінде жолданды.
Си Эл Баркер ОЛ машинаның жүрген жолы, негізі, автомобильдер мен ұшақтардың жүрген жолынан да ұзақ дейді.

10. 1960 жылдары терезелерді әйнектеумен айналысатын бір миландық фирманың мерейтойы болды. Осыған орай, компания кварталдағы кей адамдарға «Тұрақты әріптестік үшін алғыс ретінде» деген жазуы визиткалы сыйлықтар жолдады.
Ол қандай адамдар және не сыйлықтар?
Әрі қарай

Керек-Ринг 19/06/2016

19 маусым күні Бирхофф мейрамханасында кезекті ойын өтті. Сұрақтар командаларға мобильді қосымша арқылы берілді, жауаптар да солай қабылданды. Тартысты өткен ойында 9 ұпаймен Қазақстан халықтық коммунистік партиясының командасы жеңімпаз атанды. «Аустралия» (блогерлер, «Нұр, Мафия», «Нұр медиа» командасының ойыншылары) 7 ұпаймен 2-орын, ал тұрақты «Керек адамдар» командасы 6 ұпаймен 3-орын алды. Атышулы «Бақсы» командасы толық құрамда келмей, сәтсіз өнер көрсетіп, тұңғыш рет жеңімпаз атағын қорғай алмады.
Интеллектуалдық ойындар: Керек-Ринг 19/06/2016

1 тур сұрақтары (авторы — Аршат Ораз):

1. Украин және белорус тілдерінде Кавун деп қарбызды атайды. Ал, олар нені Гарбуз деп атайды?

2. Коко Шанельдің сөзін жалғастырыңыз: “Мен сәнмен айналыспаймын. Өйткені, мен …”

3. Қазақстан коммунистік халық партиясы өз бағдарламасында КСРОның құлау себептері ретінде мемлекеттің 3 нәрсеге тым қатты араласуын атайды. Олар: Мәдениет, Ғылым және ...?

4. Ньюкасл Университетінің студенті Луи Эрнанның айтуынша біз өмірде көзімізбен көрмейтін нәрселерге көп сүйенеміз. Оның бір жобасы көзбен көрінбейтін нәрселерге арналады. Андроидқа арнап жасаған қосымшасы арқылы мынадай суреттер түсіруге болады. Ненің суретін?
Интеллектуалдық ойындар: Керек-Ринг 19/06/2016

5. Орыс кавалериясының генералы Потто оны Шейх Шамильге теңейді, ал Семенов-Тян-Шанский Римге қарсы соғысқан Понтий патшасы Митридатқа ұқсатады. Жюль Верннің бір романына арқау болған бұл тұлғаға Қазақстан 2008 жылы 25 теңгелік марка арнады. Тұлғаны атаңыз.

6. Бұл спорт түрінде спортшылар жарыс алдында тырнақтарын алулары қажет, саусақтарына неке жүзігі немесе сақина тағуларына рұқсат жоқ, сағыз шайнауларына әсте болмайды. Қазақстан бұл спорт бойынша әлемде алдыңғы қатарларда. Ал, отандасымыз Илья Ильин әлемнің және Азияның бірнеше дүркін чемпионы. Бұл қай спорт түрі?

7. «Ыссы, шаң. Шаң. Ыссы.» Соғыс жылдарындағы Алматы көшелерін өзінің танымал повесінде осылай суреттеген жазушыны атаңыз.

8. 1933 жылы кино мамандарымен кездесуде Геббельс бір фильм туралы “Бұл тамаша фильм. Кинематография тұрғысынан өте керемет. Өз ұстанымында әлсіз адамдар бұл фильмнен кейін большевик болып кетулері де ғажап емес” дейді. Фильмді атаңыз.

9. Актриса Линдси Лохан 6126 брендімен леггингс (лосины, тар фасонды шалбар түрі) шығарады екен. Бұл атауды өзінің сүйікті актрисасы Мэрилин Монромен байланыстырады. 6126-ның шешілуі қалай?

2 тур сұрақтары (авторы — Мерей Ермұханов):

10. Біреулер оны естігенде, атақты футбол клубын көруден үміт үзер еді. Бұл аралдың атауымен жазушы Джонрид Абдуллахановтың трилогия романы аталады. Аралдың тарихи атауы Сужоқ деседі. Аралды атаңыз.

11. «Бүкіл әлем тарының қауызына сияды».
Абай бұл фразасымен не айтқысы келген?

12. Жазушы Пабло Неруда ешбір құс аулаушы оны тоқтата алмайды деп жазған. Нені?

13. Қазақ жұмбағын шешіңіз.
Бір қалаға қоныпты ұшып келіп,
Топтана сексен сегіз қараша үйрек,
Төртеуден бөлініпті бір сегізі,
Қалғаны кілең оннан-оннан бөлек-бөлек,
Болған соң бес адамның күзетшісі,
Жайылды көк шалғында кейде өрістеп.

14. Назар аударыңыздар! Ойбастар!
Жауапты дәл атаңыз.
Бірнеше жыл бұрынғы апат нәтижесінде чилилік шахтерлер жер астында бірнеше ай жатты. Бірінші қажеттіліктегі заттармен қатар бір компания оларға жоғарыға шығардан сәл бұрын ОСЫларды жіберді. Ежелгі Қытайда соттар пайдаланған ОЛардың 200 мың данасын XVIII ғасыр соңында Наполеон Мысыр жорығы үшін тапсырыспен жасатты.
Ойбастарда не жатыр?
Интеллектуалдық ойындар: Керек-Ринг 19/06/2016

15. Бірнеше интернет ресурс зейнеткерліктен кейін өмір бар ма? деген сыңайдағы мақалалар жариялағанын көріп, одан кейінгі өмірдің шартты екенін екенін алға тартады. Сұрақ авторының пікірінше, бұл тұжырымды олардан әлдеқайда бұрын осы ер кісі көрсетіп кеткен. Оны атаңыз.

Интеллектуалдық ойындар: Керек-Ринг 19/06/201616. Rolan Garros турнирінің қатысушыларына берілетін қос сыйлық біреулерге италиялық жазушы-коммунисттің кейіпкерлерін еске түсірер еді. 1999 жылы біреуін чилилік Марсело Риос өзінің тыржиған түріне және сұхбаттарға қатысуға бас тартқаны үшін, ал екіншісін – күн шуақ секілді көңілді Алекс Корретха иеленді. Осы аталған екі сыйлықтың атауын атаңыз.

17. Фаина Раневскаяның нақыл сөзін толықтырыңыз.
«Икс – бұл бұттан молаға дейінгі ұзаққа созылатын секіріс».

18. Аустралияның Элис-Спрингс қаласында мына бір мүсін орналасқан (оң жақта суретте).
Бұл мүсін не жарнамалайды?

Сұрақтарға сіз де ойланып, еш іздеу жүйесінің көмегінсіз жауап беріп көріңіз. Ойын барысындағыдай сізде, әрине, 1 минут+1О секунд емес, әлдеқайда көбірек уақыт бар. Іске сәт!

Ойынның фоторепортажын мына жерден көруге болады.
Әрі қарай

Керек-Ринг 19/05/2016

19 мамыр күні Бирхофф мейрамханасында алғаш рет ойын онлайн режимде өтті. Сұрақтар командаларға арнайы сайт арқылы берілді, жауаптар сайт арқылы қабылданды. Алғаш рет сырттан, яғни Алматы қаласынан бір команда қатысты. Тартысты өткен ойында 9 ұпаймен «Бақсы» жеңімпаз атағын қорғап қалды. Алматылықтар 8 ұпаймен 2-орын, ал, астаналық жастардан құралған «Мафия» 6 ұпаймен 3-болды.

Аршат Оразов дайындаған сұрақтар:

1. Алыс сапарға құмды, шөлейт жерден аттанатын жолаушылар өздерімен бірге негізгі мақсаттарына қажет заттармен бірге қосымша балық аулау және акуладан қорғаныс құралдарын ала кетеді. Бұл құмды аймақ қай елде орналасқан?

2. Хельгасон атты жазушының бір романында ұлты хорват кейіпкер теледидар көріп отырып, «Балқан түбегіндегі мемлекет саны көп болғанда Хорватия жеңер еді» деп ойлайды. Хорватия нені жеңер еді бұл кейіпкердің пайымдауынша?

3. Бұл санатқа кіретін 42 елдің жер көлемі бойынша үлкені – Қазақстан. Халқы көбі – Эфиопия. Ең оңтүстікте орналасқаны – Лесото. Ал, ең солтүстікте орналасқан елді атаңыз?

4. 2010 жылы Шанхайда өткен ЭКСПО экспонаттарымен ғана емес, келген қонақ санымен де есте қалды. Келушілердің 98% қытайлықтар еді. Бұлардың көбі шетел түгіл өз облысы, қала, профинция, ауылдарынан шығып көрмеген адамдар. «ЭКСПО көру — олар үшін ғарышқа ұшумен тең болды» деп жазады «Вокруг света» журналы. Мақала авторы Марк Завадский бұл адамдарды қандай неологизм сөзбен атады?

5. Францияда — Куру, Австралияда — Сумера, Жапонияда — Утиноура және Танегасима, Үндістанда — Шрихарикота. Ал, Қазақстанда ше?

6. Андрей Остальский атты жазушының айтуынша, ақша – әр нәрсенің нақты тең өлшемі. Сондай-ақ орыс тіліндегі «деньги» сөзі «теңге» сөзінен шыққан. Жазушының ойынша «теңге» сөзі қандай заттың баламасы?

7. Географиялық дүниетану сұрақтарымызды жалғастырайық. Қызық бір ерекшелік бар екен. Сол бойынша Азияда 3 мемлекет: Қазақстан, Түркия, Өзбекстан. Африкада төртеу: Гана, Нигерия, Эфиопия және астанасы Уагадугу деп аталатын бір ел. Ал, Еуропада тек бір ғана осындай мемлекет бар. Бұл елдің астанасын атаңыз?

8.Азияда орналасқан бір елдегі ауылдық жерде тұрған мына сатылы мінбер не үшін жасалған?
Интеллектуалдық ойындар: Керек-Ринг 19/05/2016
9. 1998 жылы түрік рокері Теоман тартылып қалған Арал теңізінің бұрынғы орнында бір әніне клип түсіреді. 2005 жылы бір біріне еш қатысы болмаса да танымал орыс әншісі Юлия Савичева да дәл сол жерде, дәл солай аталатын әніне клип түсіреді. Әндердің атын қазақшаға аударыңыз.

10. 193 мүшесі бар Біріккен Ұлттар Ұйымына кіретін елдердің бірі Науру 1968 жылы тәуелсіздігін жарияласа да бұл елде басқа елдердің бәрінде бар не жоқ?

Мерей Ермұханов дайындаған сұрақтар:

11. ХХ ғасырдың соңында қабылданған бұл бағдарламаны жергілікті халықтың бір бөлігі «Сегіз жарым» деп қалжыңдап атай бастады.

12. Индонезияда «Төрт те бір» ережесі деген ұғым бар. Жастар белгілі бір уақытта жол жиегінде тұрып, өздерін жолаушы ретінде ұсынады. Таксистер мен кәдімгі жүргізушілер оларды тегін алып кете береді, тіпті өздері де соған кіріптар. Оған не себеп?

13. Құрметті ойыншылар, суретке назар аударыңыздар. Сурет лауазымды арудың жеке заттарының ішінен табылған. Суреттегі адамды атаңыз.
Интеллектуалдық ойындар: Керек-Ринг 19/05/2016

14. Әзірбайжанның «Зиря» футбол клубы өз чемпионатының бітуіне бір тур қалғанда-ақ екінші орынды қамтамасыз етіп алды. Соған қарамастан, жергілікті футбол федерациясы оның Еуропа лигасына қатыса алмайтынын хабарлады. Клуб түрлі заңды жолдармен қатысуға әрекет етіп көргенімен, ережеден аттап кете алмады. Ал бәріне себеп – «Зиря» осыдан үш жыл бұрын… Сөйлемді екі сөзбен аяқтаңыз.

15. Жапондықтар біріншілерге шешім шығарудағы батылдық, өзіне әсіре сенімділік, екіншілерге тұйықтық, сенімділік, үшінші топқа – ақыл, намысқойлық, төртіншілерге – салиқалылық тән деп санайды. Төртеуін біріктіретін сөз тіркесін атаңыз.

16. Германия тұрғыны Хассо Хейденрейхтің коллекциясында 600-ден астам осы зат бар. Біреуі сағатқа, бірі – кішкентай скрипкаға, бірі қарындашқа, бірі өрт сөндіргішке ұқсайды. Мысалы, оның бір бөлшегінің өзінде 70 пайыз сирек кездесетін церий металы қолданылады. Америкалықтар оны белгілі бір мифологиялық мақұлықтың қалта нұсқасы деп атайды.

17. UNAVCO ғылыми консорциуымының деректері бойынша, ОЛ 2015 жылдың сәуірінде екі жарым сантиметрге кішірейген. Оны атаңыз.

18. Суреттегі азамат Жапониядағы кәдімгі супермаркетте сауда жасап тұр. Оның сатып алған нәрсесі не үшін қолданылады?
Интеллектуалдық ойындар: Керек-Ринг 19/05/2016

19. 2008 жылдың қысында Қырғызстанда ирандық Хаджи Фируз, Өзбекстандық Карбобо, Евроодақ өкілдері жиылған жиын болды. Қазақстанның атынан кім барды?

20. Бірінші байлық – денсаулық. Қазақтың осылай басталатын мақалы, Аман Базаевтың пікірінше, ОНЫҢ халықтық нұсқасы болып табылады. ОНЫҢ авторы 1908 жылы Бруклинде еврей иммигранттарының отбасында дүниеге келген. ОНЫ екі сөзбен атаңыз.
Әрі қарай

Керек-Ринг ойынан фотобаян

Астаналық фотограф Саламат Аязбай түсірген суреттер.

Интеллектуалдық ойындар: Керек-Ринг ойынан фотобаян
Ойын басталды

Интеллектуалдық ойындар: Керек-Ринг ойынан фотобаян
Жүргізуші Мерей Ермұхановқа командалардың жауабы ұнап жатыр

Интеллектуалдық ойындар: Керек-Ринг ойынан фотобаян
Бақсы командасы қарсыластарының жауабына риза

Интеллектуалдық ойындар: Керек-Ринг ойынан фотобаян
Түрлі ұлт өкілдерінен құралған Интер командасы сұрақты талқылауда

Интеллектуалдық ойындар: Керек-Ринг ойынан фотобаян
Қыздардан құралған команда соңына дейін таласты 1-орынға

Интеллектуалдық ойындар: Керек-Ринг ойынан фотобаян
Ерлан Оспанның командасы қызу талқыда

Интеллектуалдық ойындар: Керек-Ринг ойынан фотобаян
Ая мен Райымбек қиын сұраққа шешім іздеуде

Интеллектуалдық ойындар: Керек-Ринг ойынан фотобаян
Қатаң ұйымдастырушылар

Интеллектуалдық ойындар: Керек-Ринг ойынан фотобаян
Бақсы командасы — жеңімпаз!

Интеллектуалдық ойындар: Керек-Ринг ойынан фотобаян
Интернационал!

Интеллектуалдық ойындар: Керек-Ринг ойынан фотобаян
Ойын күні танысып, команда құрған жаңа достар

Интеллектуалдық ойындар: Керек-Ринг ойынан фотобаян
Админ

Интеллектуалдық ойындар: Керек-Ринг ойынан фотобаян
Достық жеңді әлбетте! ;)
Әрі қарай