Маған да криминалға толы жаңалықтар топырлап кеткені ұнамайды. Дегенмен қоғамдағы болып жатқанның барлығынан хабардар болғым келеді, еш фильтрсіз шынайы бейнесін, ахуалын көргім келеді өз ортамның. Әлеуметтік желілердің жақсы жағы қоғамдағы проблемаларды көтеріп, шешімсіз қалмауына көмектеседі. Өйткені билік оңай жауып қоя алмайды, резонанс тудырады. Шалғайдағы ауылдарға осы таңға дейін свет пен су жеткізілмесе айту керек, бай баласы кедейді өлтіріп жазасыз қалса айту керек. Жалпы проблемаларды жасырмай, шешуге ұмтылу керек.