Қазақстан Республикасы Тәуелсіздігінің 25-жылдығын тойлау аясында Қазақстан жастарының конгресі «Жаңа дем» пилоттық жобасын жүзеге асырды. Аталған жоба қыркүйек айының 17 жұлдызында Ақтөбе облысында бастауын алды.
«Жаңа дем»бағдарламасы ауылдық елді мекендердің жандануына және оларға қолдау көрсетіп, жастарды көркейтуге шақыруға бағытталған. Жастар топтары Мартукск ауданындағы Веренка селосына аттанды. «Қазақстан жастарының конгресінің» Ақтөбе облысындағы белсенділері, «Жас Ұлан» аймақтық қоғамдық ұйымы, Қазақстан студенттерінің Альянсы өкілдері Нудьга Вера, Будко Александра, Божко Нина Максимовна, Прокопало Мила Константиновна атты ұстаздық еңбектің зейнеткерлерінің үйлеріне жөндеу жұмыстарын жүргізді.
«Жас Ұлан» облыстық Кеңесінің мүшелері Веренко аулының мектеп оқушыларына тренинг жүргізіп, өз тәжірибелерімен бөлісті.
Балалармен жеке әңгіме-дүкен құрылғанда, Ақтөбе қаласының 55-мектебінің аға тәлімгері Таирова Айшерім мектеп мұғалімдеріне білім реформалары бойынша өз үлгісінде үш тілді білудің маңыздылығы туралы мастер-класс өткізді.
Ақтөбе облысының Қазақстан студенттерінің Альянсы жетекшісі Дәурен Есалиев тұлғалық өсу туралы тренингтер мен ауыл жастары арасында team-building өткізді.
— «Жаңа дем» жобасы Қазақстанның 4 облысында өткізіледі, атап өтсек: Павлодар, Қарағанды, Ақтөбе, Батыс Қазақстан облысы. Ақтөбе облысы бойынша 4 ауылда жөндеу жұмыстары жүргізіледі, ауыл жастарына мастер-класстар, тимбилдингтер мен бизнес-тренингтер өткізіледі, — дейді Қазақстан жастарының конгресінің аудандық өкілі және «Жас Ұлан» аудандық қоғамдық ұйымының жетекшісі Диана Гафсалимова.

Қазақстан Республикасы Тәуелсіздігінің 25-жылдығын тойлау аясында Қазақстан жастарының конгресі «Жаңа дем» пилоттық жобасын жүзеге асырды. Аталған жоба 20 қыркүйекте Қарағанды облысында бастауын алды. Қарағанды облысының Осакаровск ауданының жастар ресурстық орталығы, «Жас Отан» ҰДП филиалы және «Раян» жастар қоғамдық ұйымы еріктілері құраған еңбек жасағы Қарағанды облысының 3 аулына аттанды.
«Жаңа дем» бағдарламасы ауылдық елді мекендердің жандануына және оларға қолдау көрсетіп, жастарды көркейтуге шақыруға бағытталған. Еңбек жасағы Қарағанды облысының Осакаровск ауданының Озерное аулындағы 5 үйге, Пионерское аулында 5 үйге және Осакаровка аулында Қарттар үйіне жөндеу жұмыстарын жүргізді. Жөндеу жұмыстарына аймақ тазалау, терезеледі бояу, үйлерді әктеу, үй қоршауларын бояу және үй қабырғаларын әрлеу кірді. Үй қабырғалары Қазақстан Республикасының Тәуелсіздігінің 25-жылдығының символикасы және жастар ұйымдарының логотиптерімен (Қазақстан жастарының конгресі, «Жас Ұлан», Қазақстан студенттерінің Альянсы) әрленді.
«Жаңа дем» жобасы Қазақстанның 4 облысында өткізіледі, атап өтсек: Павлодар, Қарағанды, Ақтөбе, Батыс Қазақстан облысы. Қазіргі таңда жоба Павлодар, Ақтөбе, Қарағанды облыстарында жүзеге асырылды.
Жөндеу жүргізілген үйлердің мекен-жайлары келесі бетте көретілген.

Қазақстан Республикасы Тәуелсіздігінің 25-жылдығын тойлау аясында Қазақстан жастарының конгресі «Жаңа дем» пилоттық жобасын жүзеге асырды. 2016 жылдың 21 қыркүйек күні Екібастұз қаласының жастары Екібастұз ауданындағы Ә.Марғұлан атындағы ауылында жөндеу жұмыстарын жүргізді. Жоба мақсаты – қала жастарының активімен шалғай ауылдардағы жөндеу жұмыстарын қажет ететін үйлерге жөндеу жұмыстарын жүргізу, қала жастары мен ауыл жастарының қатынасуына мүмкіндік жасау және ауыл жастарына мастер-класстар, тренингтер өткізу. Жоба ұйымдастырушысы «Қазақстан жастарының конгресі» ЗТБ. Павлодар облысындағы жоба қолдаушысы – «Нұр Отан» ХДП-ның Екібастұз қалалық филиалы.
«Жаңа дем» бағдарламасы ауылдық елді мекендердің жандануына және оларға қолдау көрсетіп, жастарды көркейтуге шақыруға бағытталған.
Қала жастарынан құралған еңбек жасақтарының мүшелері Ақтөбе, Павлодар, Қарағанды және Батыс Қазақстан облыстарының 25 ауылдық жерлерінде жөндеу жұмыстарын жүргізеді. Қазіргі таңда 9 ауыл бойынша қажет еткен әлеуметтік қорғалмаған отбасылар, еңбек ардагерлері, зейнеткерлер үйлеріне әрлеу жұмыстары атқарылды.
Жоба аясындағы жұмыс келесі түрлерде жүргізіледі:
Үйлердің косметикалық ремонты. Косметикалық жөндеу жұмыстарына үйлерді әктеу, терезелерін, дуалдарын бояу, графикалық суреттермен әрлеу кіреді. Графикалық суреттер жастар ұйымдарының логотиптері стилінде және Қазақстан Республикасының Тәуелсіздігінің 25-жылдығының символикасы салынады.
Үй территорияларын және қараусыз қалған үйлерді тазалау. Жасақ мүшелері қоқыс пен үйлер сынықтарынан тазалайды.
Ауыл тұрғындары мен жастарына мастер-класстар, тренингтер, ағылшын тілі, кәсіпкерлік негіздері, әлеуметтік жобалау, тұлғалық өсу сабақтарын өткізу. Аталған шараларды «Болашақ» бағдарламасының түлектері, жастар ұйымдарының көшбасшылары өткізеді.

1 қазанда «Алау» мұзайдыны сарайында бұқаралық коньки тебу маусымы ашылады. Қазіргі кезде дайындық жұмыстары жүргізілуде.

Келушілерге 400 метрлік жол, хоккей мен мәнерлеп сырғанауға арналған корттар ұсынылады. Айдындардағы мұз озық технологиялар мен жоғары сапалы материалдарды қолдана отырып құйылады.

Биылғы маусымда хоккей кортында EХPO-2017 логотипі, ал жүгіру жолында – ұлттық ою-өрнек бейнеленеді.

Мұздың жалпы ауданы — 9200 м², ол үшін 460 000 литр су қажет. Бұл ретте ауа температурасы аренада +13; +16°C, ал мұз үстіндегі температура — минус 5°C құрайды.

Еске салайық, жазғы маусымда «Алау» спорт орталығына 12 710 адам келген, соның ішінде 1500 оқушы қалалық мектептердің жанындағы лагерьлерге барған балалар. Сонымен қатар, көп балалы отбасылардан шыққан 250 бала сарайда сүйікті спорт түрлерімен айналысу мүмкіндігіне ие болды.

astana.gov.kz/kk/modules/material/11365

Ресей астанасы Мәскеу қаласында Астананың мәдениет күндері аясында бірқатар іскерлік және мәдени шаралар өтіп жатыр. Елорда әкімі Әсет Исекешев Мәскеу мэрі Сергей Собянинмен кездесті. Сонымен қатар, қос астананың іскерлік ынтымақтастығы форумы, іскерлік топ өкілдерінің кездесулері ұйымдастырылады. Шаралар әлемдегі ең ірі экспозициялық алаң — Халық шаруашылығы жетістіктері көрмесінде этноауылдың ашылуынан басталды. Ресми шараға елорда басшысы Әсет Исекешев пен Мәскеу Үкіметінің министрі Сергей Черемин қатысты.

Этноауыл аумағында бірнеше тақырыптық киіз үй тігілді — «Ақ Орда», «Аңшының үйі», «Шеберлердің киіз үйі», «Қолөнершілер шеберханасы» және т.б. Сонымен қатар, келушілерге ұлттық тағамдар ұсынылды.

Этноауыл аумағында алдағы «ЭКСПО-2017» көрмесіне арналған павильон орнатылды. Экспозиция Мәскеу уақыты бойынша сағат 22.00 ашылады.

Астана күндері аясында Ресей астанасында қала тұрғындары мен қонақтарының назарына қазақ халқының мәдениетімен танысуға мүмкіндік беретін көптеген іс-шаралар ұйымдастырылады, елордалық театр әртістері мен танымал қазақстандық шоу-бизнес өкілдері өз өнерлерін ортаға салады. Бүгін Мемлекеттік Кремль сарайының сахнасында қазақстандық эстрада жұлдыздарының қатысуымен гала-концерт өтеді. Театр сүйер қауым «Томирис – Сақ патшайымы» қойылымы мен бейнелеу өнерінің «Жусан иісі» көрмесін тамашалай алады.

Бұдан басқа, шара аясында бірқатар іскерлік кездесулер өткізу, «Мәскеу қаласының бірыңғай геоақпараттық кеңістігін», Спорттық инновациялық технологиялар және құрама командалар дайындау орталығын, Жол қозғалысын ұйымдастыру орталығын аралау, сондай-ақ, Мәскеу аумағында жәрмеңкелер ұйымдастыру ерекшеліктерімен танысу жоспарланған.

astana.gov.kz/kk/modules/material/11374

Елордада «Қуатты өңір – қуатты Қазақстан» акциясы аясында Өңірлер күндері жалғасады. 17-18 қыркүйекте «Хан шатыр» СОО жанында Батыс Қазақстан және Атырау облыстарының тауар өндірушілерінің жәрмеңкелері өтеді. Сонымен қатар, бұл күндері өңірлердің мәдени шаралары да ұйымдастырылады.

Батыс Қазақстан облысының ауыл шаруашылық жәрмеңкесіне 12 аудан мен Орал қаласының кәсіпкерлері қатысады. Жәрмеңкеде 200 тоннадан астам көкөніс, ет, консерві, ұн және макарон өнімдер, бал, балық, квас, шырын, сусын және т.б. сатылады. Бейбітшілік және келісім сарайында Батыс Қазақстан облысының тарихи-өлкетану мұражайының «Ақжайық ару мекенім» тақырыптық көрмесі көпшілік назарына ұсынылады. 18 қыркүйекте сағат 16.00 Дәулеткерей атындағы қазақ халық аспаптары оркестрінің, Батыс Қазақстан облысы әкімінің эстрадалық-симфониялық оркестрінің, «Назерке», «Ақжайық» би ансамбльдерінің және т.б. өнер иелерінің қатысуымен гала-концерті өтеді.

Атырау облысының ауыл шаруашылық жәрмеңкесіне 34 тауар өндіруші қатысып, жалпы көлемі 90 тонна өнім шығарылады. Астаналықтарға балық, көкөніс, сүт және ет өнімдері, шұжық өнімдері, салат, жұмыртқа ұсынылады.

Жәрмеңке кезінде облыстың шығармашылық ұжымдарының қатысуымен концерттік бағдарлама өтеді.

17 қыркүйекте сағ.18.00-де Бейбітшілік және келісім сарайының фойесінде Атырау облыстық тарихи-өлкетану мұражайының «Ғасырлардан сыр шерткен Атырау» атты көрмесі ұйымдастырылады.

Аталған көрмеге орта ғасырлық Сарайшық қалашығынан табылған археологиялық бұйымдар, тарихи тұлғалардың мұрағаттық құжаттары мен жеке заттай жәдігерлері шығарылады. Этнографиялық тұрмыстық бұйымдар, қолөнер шеберлерінің туындылары, ағаш ыдыстар, зергерлік әшекей бұйымдары жұртшылық назарына ұсынылады.

Сонымен қатар, сағ.19.00-де Бейбітшілік және келісім сарайында Атырау облысы өнерпаздарының гала-концерті өтеді. Сахна төрінде «Інжу-Маржан», «Махамбет», «Жем Аруы», «Шынарым-ай» би ұжымдары, «Мұрагер» фольклорлық ансамблі, облыстық филармония солистері мен орындаушылары өнер көрсетеді.

18 қыркүйекте сағ.19.00-де Астана қаласының Жастар театрында облыстық Махамбет атындағы қазақ драма театрының әртістері Ш. Айтматовтың «Мәңгүрт» атты қойылымын көрсетеді.

astana.gov.kz/kk/modules/material/11344

Алдағы демалыс күндері «Астана Жастары» жастар ресурстық орталығының ұйымдастыруымен Қ. Мұңайтпасов атындағы стадионда сағат 10-нан 18-ге дейін спорт пен салауатты өмір салты фестивалі өтеді.

Іс-шараға қала тұрғындары мен қонақтары, аула клубтарының тәрбиеленушілері қатысады. Олар шағын-футбол, шахмат, үстел теннисі, стритбол ойнап, кроссфит пен армрестлингке арналған алаңдарда жаттығады.

Сондай-ақ «ЖасStart» фестивалі аясында спорт тауарларының жәрмеңкесі өтеді. Мұнда спорт тауарлары мен киімдер туралы ақпарат алуға, жаттығу құралдарын сынап көріп, сатып алуға болады, елордалық спорт федерациялары жаттықтырушыларының шеберлік сыныптары өтеді. Мұнымен қоса, қатысушыларға қаладағы фитнесс-клубтар мен спорт ұйымдары туралы мәліметтер ұсынылады. Кіру тегін.

astana.gov.kz/kk/modules/material/11357

Отбасы күніне арналған шараларға 155 мыңнан астам елордалық қатысты. Аталған мереке Қазақстанда үш жылдан бері қыркүйектің әрбір екінші жексенбісінде тойланып келеді. Елорда әкімдігінің мерекелік жоспарына сәйкес, 30 астам шара өткізілді, оның басым бөлігі «25 ізгі іс» акциясы аясында халықтың әлеуметтік осал топтарына қайырымдылық көмек көрсету мақсатында өткізілді. Соның ішінде тұрмысы төмен және көп балалы отбасылардан шыққан балалар саябақтарға, спектакльдер мен концерттерге барды, мұқтаж отбасыларға материалдық көмек көрсетілді.

Сонымен қатар, «Астана» балалар деревнясында Олимпиада ойындарының чемпиондары мен жүлдегерлерінің қатысуымен «Тату және бақытты отбасы!» спорттық-зияткерлік мерекесі ұйымдастырылды; «Мамандандырылған бала үйі» МКК 45 әлеуетті бала асыраушыға Ашық есік күні өткізілді. Елордалық үш перинаталды орталықта жаңа туған сәбилерге естелік сыйлықтар табысталды. Бұл күні 71 нәресте дүниеге келді, соның ішінде 30 ұл және 41 қыз.

«Балалар арбаларының шоуына» қатысушылар да көп болды, сондай-ақ, Астана қаласының Мемлекеттік академиялық филармониясы әртістерінің отбасылық жұптарының қатысуымен мерекелік концерт, оқушылар арасында «Әке, ана және мен» сурет байқауы және т.б. ұйымдастырылды.

astana.gov.kz/kk/modules/material/11353

Бүгін, 12 қыркүйекте елордада «Астана ЭКСПО-2017» көрмесіне келушілерді тарту мақсатында халықаралық конференция өтті. Оған Қазақстанның өңірлерінен 200 және Ресей, Қытай, Еуропа, Азия мен ТМД мемлекеттерінен 100 туроператор қатысты.

Астана қаласы әкімінің орынбасары Бектұрова Малика Ерланқызы конференция қонақтарын ЭКСПО-2017 көрмесі барысында өткізу жоспарланған шаралармен таныстырды.

Сонымен қатар, конференция аясында Қазақстанның туроператорларымен көрмеге 70 мыңға жуық билет сату туралы меморандумға қол қойылды.

astana.gov.kz/kk/modules/material/11330

Елорданың іргесіндегі «Қазанат» атшабарында алғаш рет «Астана жұлдызы» республикалық турнирі өтті. Тәуелсіздіктің 25 жылдығына арналған дүбірлі доданы Астана қаласының әкімі Әсет Исекешев салтанатты түрде ашты.

Ұлттық спорт түрлерінен өткен турнирге еліміздің 14 облысынан және Астана мен Алматы қалаларынан командалар келді.

— Ұлттық спорт түрлері біздің терең тарихымыз бен мәдениетіміздің ажырамас бөлігі. Астана қаласының әкімдігі ұлттық спорт ойындарының жандануына, бұқаралық спортты дамытуға және салауатты өмір салтын қалыптастыруға үнемі қолдау көрсетіп келеді. Осы мақсатта жыл сайын қаламызда ұлттық ойындар мен жарыстар бойынша 200-ден аса іс-шара өткізілуде. Енді міне, тағы бір жобаны іске асырып отырмыз. Бүгінгі фестиваль дәстүрлі спорт ойындары мен ұлттық салт-дәстүрімізді жаңғыртқан, халыққа рух берген, Тәуелсіздік мерейтойына арналған керемет шара. Елорда әкімдігі алдағы уақытта да осындай жобаларды қолдап, ұлттық спорт түрлері мен салт-дәстүрлерімізді насихаттауға көңіл бөлетін болады. Елбасымыздың бастамасымен осы «Қазанат» атшабарында жалпы көпшілікті ұлттық спорт түрлеріне баулитын арнайы Орталық ашуды жоспарлап отырмыз.

Құдай қаласа, мұнда қарапайым халыққа атқа мінуді үйренуге, аударыспақ, асық ату, тоғызқұмалақ ойнауға және өзге де ұлттық спорт түрлерін үйренуге жағдай жасалады. Президентіміз 2020 жылға дейін халықтың 30 пайызын дене шынықтыру мен спортқа тарту туралы тапсырма бергенін білесіздер. Осы ретте, Астана қаласының әкімдігі алдағы екі жылда бұқаралық спортты дамыту мақсатында қала бойынша 22 спорт алаңын салуды жоспарлауда, — деді елорда басшысы Әсет Исекешев.

Ат шаптырым жерде халық алдымен теңге ілу сайысын тамашалады. Одан кейін Қыз қуу көптің көңілінен шықты. Ал білектілер Аударыспақта ат үстінде алысты. Үш күнге жалғасқан турнирде көкпаршылардың ішінен Астана құрамасы мен Ақмола облысының командасы финалда сынға түсті.

Думанды шара барысында «Қазанатқа» қазақ ауылы қонды. Мұнда 13 киіз үй тігіліп, жиналған жұртқа ұлттық тағамдардан дәм ұсынылды. Сондай-ақ жастар үшін алтыбақан құрылып, балалар асық ойнап, ләңгі тепті.

Сонымен, «Алтын жұлдызы» республикалық турнирінің бас жүлдесіне Астана әкімі Әсет Исекешев автокөлік тікті. Бұл жүлденің иегері орта қашықтықтағы жүйріктер бәйгесінде анықталды.

astana.gov.kz/kk/modules/material/11323