Қазақстанның жас ақындары сөз саптаудың байқауына қатысып, туған жерге деген ыстық махаббатын, ықыласын білдіре алады.

— Н. Назарбаевтың «Болашаққа көзқарас: қоғамдық сананы жаңғырту» мақаласын іске асыру аясында Астана қ. Жастар саясаты мәселелері жөнінде басқарма ҚР мемлекеттік рәміздеріне 25 жыл толуына орай жас ақындар байқауын өткізеді, деді баспасөз-конференциясы барысында Астана қ. Жастар саясаты мәселелері жөніндегі басқарма басшысы Асхат Оралов.

Байқаудың негізгі тақырыптары – туған жерге деген махабатты насихаттау, арттыру.

Жас ақындар сайысы ҚР мемлекеттік рәміздерінің 25 жылдығына арналып отыр. Оған 16-29 жас аралығындағы қазақстандықтар қатыса алады.

Сайыс 3 кезең бойынша өтеді. Бірінші – байқауға қатысу үшін өтініш қабылдау, өтінішті 5 тамыз-5 қыркүйек аралығында bm_30@mail.ru электронды поштасына жолдау керек. Екінші кезең – қазылар алқасы өтініштерді қарау бойынша жиын өткізіп, үміткерлерді іріктейді. Үшінші кезеңде жеңімпаздар анықталып, байқаудың қорытындысы бойынша марапатталады.

Байқаудың жеңімпаздары I, II, III деңгейдегі дипломдармен және ақшалай сыйлықтармен марапатталады.

Елорда әкімдігінде қала әкімінің орынбасары Ермек Аманшаевтің төрағалығымен «Рухани жаңғыру» бағдарламасының жүзеге асуы бойынша жиналыс өтті.

Бағдарлама жобаларының бірі — Қазақстан астанасының тарихи-мәдени мұраларын біріктіретін «Киелі Астана» картасы болмақ.

Ермек Аманшаев Астана өлкесінде көне түрік кезеңіне жататын археологиялық нысандар барын айтты. Бұл барлық ескерткіштер «киелі картаға» енуі керек және тарихи-мәдени мұраларды тереңінен зерттеу үшін жұмыс тобы құрылуы тиіс. Оның құрамында біздің ғалымдар, археологтар, тарихшылар, үкіметтік емес және жастар ұйымдарының өкілдері болады.

Елорда әкімінің орынбасарының сөзінше, «Киелі Астана» астана өмірінің бірнеше компоненттерін біріктіреді.

-Киелі карта – бұл бір жағынан, өлке тарихын зерттеудің баға жетпес көзі, екіншіден, өз жеріне, елордасына деген сыйластық пен патриоттық сезімнің қалыптасуына негіз болады. Үшіншіден, туристік кластердің креативті құрамы болуы керек.

Әкімнің орынбасары «Рухани жаңғыру» бағдарламасы бойынша жұмыстарды жандандыру қажеттелігі туралы айтты және бағдарламада көрсетілген барлық бағыттарды жүзеге асыруға бағытталған шараларды белгіледі.

Мұндай шаралардың ішінде «Бозоқ» қалашығына мәдени-ғылыми экспедиция жасау, жас өлкетанушылардың қалалық слеті мен форумы, білім мекемелерінде «Туған жер – рухани жаңғыру» тақырыбында сынып және кураторлық сағаттар өткізу, тағы да басқалар.

Сонымен қатар жиналыста Астананың жас патриоттар клубы мен қаланың «Рухани жаңғыру» шығармашылық интеллигенциясының кеңесін құру айтылды. Топ құрамында мәдениеттанушылар, тарихшылар, өнер қайраткерлері, археологтар, және қаланың талантты, жасампаз жастары болады.

Астана қ. жұмыспен қамту, еңбек және әлеуметтік қорғау басқармасы «Нұр Отан» елордалық қалалық филиалымен бірлесе отырып 2017-2018 жж. мүмкіндігі шектеулі жандар үшін қолайлы орта жасауға бағытталған «Астана-рухы мықты адамдардың қаласы» атты бағдарлама әзірленді.

Бағдарлама орталық саябақта таныстырылды. Оған «Нұр Отан» елордалық қалалық филиалының, әкімдіктің, қалалық басқармалар мен мүмкіндігі шектеулі жандар ассоциациясының өкілдері қатысты.

Бүгінде Астанада шамамен 22 мың мүмкіндігі шектеулі адам тұрады.

— Жұмыс бірнеше жыл қатарынан үздіксіз әрі тұрақты түрде жүргізілуде. Біз қаладағы жағдайды ескере келе, мүмкіндігі шектеулі жандарды жинап, олардың өмірін жақсартуға бағытталған жоспар әзірледік. Астана — жылдам дамып келе жатқан қала, Елбасымыз тұрғындар мен қонақтар үшін, әсіресе мүмкіндігі шектеулі жандар үшін шаһарды қолайлы етуді тапсырған болатын, — деді жиналған қауымның алдында сөз сөйлеген Әсет Исекешев.

Астана қаласының әкімдігімен елордалық прокуратура бірлесе отырып, ақпан айында мүмкіндігі шектеулі жандар үшін Астана қаласының инфрақұрылым нысандарында демалысты қамтамасыз етуде қолайлы жағдай жасау бойынша жол картасы әзірленді. Оның үстіне сәуір-шілде айлары аралығында аптаның әр сейсенбісінде прокуратурада қалалық басқармалар мен аудандық әкімдіктің өкілдерімен жиналыс өткізіліп тұрды. Жиналыс барысында атқарылған жұмыстың нәтижелері талқыланатын.

Автомобиль жолдары басқармасымен қаланың көше-жолдар жүйелерін бейімдеу бойынша шаралар қабылданды. Атап айтқанда 135 қиылыста 1061 көрсеткіш тақта, жаяу жүргіншілердің өтпежолы үшін жарықпен жабдықталған 84 арнайы құрылғы, 70 «Мүгедек» жол белгісі орнатылды.

Жер үсті тактильді мәрмәр жабдығымен жабық жылы павильондарда 25 аялдамалық павильонды ауыстыру бойынша жұмыс атқарылды. Мүмкіндігі шектеулі жандарға арналған көлік тұрағы үшін 36 аялдамалық орын орнатылды. Жол-көлік жүйелерін бейімдау бойынша жұмыс жалғасуда.

1025 автобустың 609-ында мүгедек жандардың қиындықсыз қозғалуы үшін көліктен шығуға арналған арнайы жабдық орнатылды. 380 автобуста жылжымалы құрамды жаңарту бойынша қосымша жұмыс атқарылуда. Мүгедек жолаушыларға қызмет көрсету бойынша 900 жүргізуші арнайы оқытудан өтті.

Жыл басынан тұрғындардың өтініші бойынша 42 нысанда жоспардан тыс тексеру жүргізілді, оның нәтижесі бойынша бюджетке 453 800 теңге сомасында айыппұл төленді.

Ағымдағы жылы 705 нысанды паспорттау және 809 нысанды бейімдеу жоспарлануда.

Оған қоса бүгіннен бастап елордалық әкімдікте әкімнің мүгедектерді әлеуметтік қолдау сұрақтары бойынша көмекшісі өз жұмысын бастайды. Бұл қызметке Мұрат Абдімомынов тағайындалды.

Қала басшысы атап өткендей, ендігіде әкімдікте ай сайын ассоциациямен кездесу өткізілетін болады, онда шешімді қажет ететін мәселелер қарастырылады.

5–6 тамыз "Қазақстан" спорт сарайы маңындағы тұрақта Атырау мен Қостанай облыстарының жәрмеңкесі өтеді.

Сөрелерге 100-ден астам атаулы 670 тонна өнім қойылады. Оның ішінде еттің барлық түрлері — 33 тонна, сүт өнімдері — 90 тонна, шұжық өнімдері мен жартылай фабрикат ет — 59 тонна, жарма мен макарон өнімдері — 72 тонна, картоп пен көкөністер — 55 тонна, нан-тоқаш пен кондитерлік өнімдер — 70 тонна, ұн — 93 тонна және тағы басқа.

Айта кетейік, жәрмеңкедегі азық-түлік бағасы базармен салыстырғанда 10–15% арзан болады.

Астана қаласы әкімінің орынбасары Ермек Аманшаев елордалық театрлардың директорларымен және көркемдік басшылармен кездесті.

Кездесу кезінде елордадағы театрлардың ағымдағы жағдайы, репертуарлық саясат, олардың материалды-техникалық базасына қатысты мәселелер, елордалық жетекші театрлардың танымалдық деңгейі жөнінде мәселелер талқыланды.

Мемлекеттік көркемдік кеңесті құру жөнінде идея көтерілді, жиында репертуарлық жоспар, театр өнерінің даму үрдісі талқыланып, бақылауға алынатын болады.

«Осыған байланысты, Астана әкімі А. Исекешевтің тапсырмасы бойынша алдағы уақытта «Елорда мәдениеті» бағдарламасын қабылдау қажет. Онда елордамызда театр өнерінің даму бағдарламасы, шаһардың мәдени брендін әрі қарай насихаттау, жаңа тенденциялар, қазақстандық режиссерлер, драматургтер мен сценографтардың шығармашылық әлеуетін барынша пайдалануымыз қажет», — деді Ермек Аманшаев.

Сондай-ақ әкімнің орынбасары «Рухани жаңғыру» бағдарламасының аясында шығармашылық жобаларды іске асыру маңыздылығын ерекше атап өтті.
Ермек Аманшаев елорданың 20 жылдығы туралы да мәселені көтерді. Елбасы заманауи қазақстандық қоғамды дамытуға, елорданы гүлдендіріп әрі қарай өркендеуіне өз үлесін қосатын біздің замандастардың образын құру маңыздылығын әрдайым тілге тиек етеді. Осы орайда халық арасында патриоттық рухты, құндылықтарды көтеретін қазіргі заманның батырлары елорданың мәдени ошағына енуі тиіс, деді Ермек Аманшаев.

Театр басшылары өзекті мәселелер жөнінде, елордалық театрлардың мәселелері мен халықаралық және республикалық театр фестивальдерінде ұжымдардың жетістіктері туралы сөз қозғады.

Қатысушылар мұндай кездесулерді тұрақты түрде өткізіп тұруға уағдаласты.

Moodys Халықаралық рейтинг агенттігі елорданың инвестициялық және несиелік әлеуетінің болжамын «тұрақты» деп өзгертті.

Сарапшылар ағымдағы баланс пен қаланың экономикалық дамуы көрсеткіштерінің талдау нәтижелері бойынша Астана рейтингін Ваа3 деңгейінде растады.

Агенттіктің мәліметтері бойынша, елордада несие төлеу қабілеттілігі деңгейінің өзгеруіне келесі жағдайлар әсер еткен: «ағымдағы бюджеттің іске асырылуының жоғары көрсеткіштері, қарыз берешегінің төмен пайыздық деңгейдегі көрсеткіші, қайта несие рәсімдеуде жоғары емес пайыздар, жергілікті инфрақұрылымға үкіметтік қаржыландырудың айтарлықтай көлемдері, қаланың қарқынды экономикалық дамуы».

Сондай-ақ жүйелік қысымның азаюы атап өтілді.

1 тамыздан бастап №17 автобус пен №101 экспресс-маршрутының бағыты «Жағалау-4» ТК-не дейін ұзартылды.

№17 қоғамдық көліктің соңғы аялдамасы Омаров көшесі бойынша «Жағалау-3» тұрғын алабы» аялдамасынан Е-15 көшесі бойынша «Жағалау-4» ТК-не ауыстырылады.

Ендігіне автобус «Достық» АСМК Орталығы» аялдамасынан Мұхамеджанов және Омаров көшелерінің қиылысына дейін өзгеріссіз жүреді, әрі қарай Омаров көшесінде оңға, Орынбор көшесінде оңға, Айтматов көшесінде солға, Е-15 көшесі – соңғы аялдама – «Жағалау-4» ТК.

Кері бағытта: Е-15 көшесі – Айтматов көшесі, әрі қарай – қозғалыстың сол бағыты бойынша.

Айтматов көшесі бойынша «Меркурий» ТК» аялдамасы №17 қоғамдық көліктің аялдама бекетінің бекітілген тізіміне енгізілді.

№101 экспресс маршрутының соңғы аялдамасы Омаров көшесі бойынша «№81 ОМ»-нен Е-15 көшесі бойынша орналасқан «Жағалау-4» ТК-не ауыстырылады. «№2 Ақмола облыстық ауруханасы» аялдамасынан автобус Орынбор және Омаров көшелерінің қиылысына дейін өзгеріссіз жүреді, әрі қарай-Омаров көшесінде оңға, Мұхамеджанов көшесінде солға, Айтматов көшесінде солға, Е-15 көшесі – соңғы аялдама – «Жағалау-4» ТК аялдама бекеті.

Кері бағытта: Е-15-Айтматов көшелері – Орынбор көшесінде оңға, әрі қарай — қозғалыс сол бағыт бойынша іске асырылады. Айтматов көшесі бойынша «Меркурий» ТК» аялдамасы №101 экспресс маршруты аялдама бекетінің бекітілген тізіміне енгізілді.

2017 жылдың 2 тамызынан бастап үлескерлік құрылысқа қатысатын салымшылар үшін елордада Үлескерлерді қолдау орталығы ашылады.

«Бір терезе» принципі бойынша жұмыс, мемлекеттік орган өкілдеріне үлескерлердің қолжетімділігін қамтамасыз ету, және құқықтық мәселелер бойынша уақытылы кеңес беру орталықтың басты ерекшелігі болып табылады.

Қызметтің басты бағыты — өтініштерді қабылдау мен оны жедел қарастыру, қылмыстық істер, азаматтық және әкімшілік істер бойынша болмаған сот актілері бойынша тексеру барысы туралы ақпараттандыру.

Прокуратура, әкімдіктің құрылымдық бөлімшелерінің, тергеу органдарының, басқа да мемлекеттік қызмет пен қоғамдық бірлестіктердің өкілдері қызмет көрсетеді.

Орталықтың жұмысында үлескерлер арасында дау-дамайды жою бойынша медиатор қатысады.

Бастапқыда орталық аптасына 3 рет сағат 09.00-ден 12.00-ге дейін жұмыс істейтін болады (дүйсенбі, сәрсенбі, жұма).

Орталық Халыққа қызмет көрсету орталығының ғимаратында орналасқан. Мекен-жай: Астана қ., С409 көшесі, 13 үй (С. Сейфуллин көшесінің басы).

Жоба кондиминиум жұмыс сапасын арттыруға, оның қызметінің ашық болуына, кері байланыс орнатуға, қала бойынша ПИК рейтингісін алуға мүмкіндік береді, деп хабарлады елордалық әкімдік медиа орталық тілшісіне «Aстана Innovations» АҚ басқарма төрағасының орынбасары Жаннат Дүбірова.

Оның сөзінше, ақпараттық жүйе ПИК-тің тұрғындармен байланысын автоматтандырады және жеңілдетеді. Жоба үшін бағдарламалық қамтамасыз етумен айналысатын қазақстандық компаниялардың үздік шешімдері таңдап алынды.

— Қазір Астананың үш ауданында мобильді қосымшаны енгізу қарқынды жүргізіліп жатыр. Бес қызмет көрсетуші компаниялар арасында 436 елорда ПИК-і тең бөлінген. Жоба аясында 150 ПИК ақпараттық жүйеге қосылған,- деді Ж.Дүбірова.

Мобильді қосымша әртүрлі функцияларды атқарады: өтініш беру, тұрғынның ПИК-ке өтінішін тіркеу.

— Енді басқарушы компанияға хабарласудың қажеті жоқ. Бар болғаны қай уақытта қандай қызмет түрін алғыңыз келетіні туралы хабарлама жіберсеңіз жеткілікті, — деп атап өтті Ж.Дүбірова.

Жаңа жүйе арқылы тұрғындар ПИК-тің қаржылық қызметінің есебін бақылай алады, бірыңғай есеп айырысу орталығына төлем жасау мүмкіндігі болады.

— Өз кезегінде ПИК тұрғындарды өткізілетін шаралар туралы ақпараттандыра алады, сауалнама мен онлайн-тәртіпте пәтер меншік иелері дауыс беру жүргізе алады, — деп жалғастырды Ж.Дүбірова.

Мобильді қосымшаның маңызды функциясы — өтінішті қарау сапасын бес балл шкаласы бойынша бағалау болады.

Желтоқсанда елордалық кондоминиумдар рейтингісі Smart Astana порталында жарияланады.

1-31 тамыз аралығында «Еңбек жолы» кәсіпорындар қызметкерлері арасында жалпықалалық байқаудың ең үздік үміткері үшін онлайн-дауыс беру басталды.

Байқауға қатысу үшін 23 өтініш келіп түсті. Құжаттарды қабылдау 20 мамыр-20 шілде аралығында жүзеге асырылды.

— Байқау Елбасының идеясын іске асыру аясында өткізілуде. Президенттің жарлығымен Еңбек күні бекітілген болатын. «Еңбек жолы» байқауы екінші рет өткізіліп отыр. Оның мақсаты – еңбек адаманының әлеуетін арттыру, еңбек өнімділігін арттыру, жұмыс мамандықтарын насихаттау. Байқау үш аталымнан тұрады: «Ең үздік еңбек династиясы», «Ең үздік кәсіпорын қызметкері», «Жұмысшы жастың үздік жетекшісі». Жеңімпаздарды таңдау екі кезең бойынша іске асырылады: қалалық және республикалық деңгейде. Дауыс берудің бірінші кезеңі бүгін басталды және ол 31 тамызда бітеді,- деді жұмыспен қамту бөлімі басшысының міндетін атқарушы Мақпал Ақбасова.

Ең үздік қызметкерге мына сілтеме бойынша дауыс беруге болады:https://docs.google.com/forms/d/e/1FAIpQLSccezf4uWvcVa-xBtUg_XZnJdsfKOskrkvG2ZiYToOOw8GaxQ/viewform

Дауыс беру 3 аталым бойынша жүзеге асырылады:

1.«Үздік еңбек династиясы»- ең ұзақ еңбек өтілімімен бірнеше марапаттауы бар ең көпжылдық династия таңдалады.

2. «Өндірістің үздік жас жұмысшысы»-5 жылдан кем емес еңбек өтілімімен өндірістің ең белсенді және еңбекқор жұмысшысы таңдалады.

3. «Жұмысшы жастың үздік жетекшісі»-20 жылдан кем емес еңбек өтілімі бар ең жоғары нәтижелі жетекші таңдалады.

Дауыс беру 3 аталым бойынша өтеді:

Онлайн-дауыс беру — ең көп дауыс жинаған әр аталым бойынша 3 көшбасшыны анықтайды (бас-аяғы 9 үміткер). Екінші кезеңде өңірлік комиссия 3 көшбасшы арасында байқаудың жеңімпаздарын анықтайды.

Ең үздік қатысушыларды марапаттау республикалық «Жалпыға Ортақ Еңбек Қоғамына» форумын өткізу күнінде өтеді.

Жеңімпаздар құнды сыйлықтармен және дипломдармен марапатталады. Барлық қатысушылар алғысхаттармен марапатталады.