2017 жылдың 4 қыркүйектен 4 қазанға дейінгі мерзімде Астана қаласының аумағында «Астана – Таза қала!» атты абаттандыру, көгалдандыру және санитарлық тазалау бойынша жалпықалалық сенбілік өткізіледі.

Осы экологиялық айлық шеңберінде келесі жоспарлауда: қала ауданын санитарлық тазалау; көше бойы, жаяу жол және үй аралық ауданды жинау; ағаш отырғызу; нөсер торлары және арық жүйелерінің құбырларын тазалау; гүлзар және гүлбақшаларда, бақ пен саябақтарда жасыл желектерді күтіп ұстау агротехникалық мерзімдік іс-шаралар жұмыстарын жүргізу; заңсыз жерлерде орналасқан қоқыстар аумағын жинау.

Бүгін жалпықалалық сенбілікте 89 000 мың адам жұмылдырылатын болады, 1000 кәсіпорын мен ұйымдар, 49 жоғары оқу орындары мен ортакәсіптік оқу мекемелері, 184 орта мектептер мен жалпы білім беретін мекеме, 73 денсаулық сақтау мекемесі, 166 мемлекеттік мекемелер, ұйымдар және кәсіпорындар, 560 бірлік техника. Сенбілікке қатысушыларды қоқысты жинауға арнайы (күрек, тырнауыш) жабдықтармен, қолғаппен және қаппен қамтамасыз етіледі.

Жалпықалалық сенбілікке қалалық және республикалық мекемелердің қатысуымен 18 452 көлемде жаппай ағаш отырғызу іс-шаралары ұйымдастырылатын болады, оның ішінде 9 945 ірі көшетті ағаштар («кесек тамырлы» — 4865 дана, жалаңаштамырлы – 5000 дана), қалалық Басқармалар өзінің объектілерінің аумағында 8 507 ағаштар отырғызу жоспарланған.

Жалпықалалық сенбілікке қала әкімі Әсет Исекешев қатысты, ол Сарыарқа ауданының Қосшығұлов көшесі бойынша нөмірі 1-ші учаскеге барды.

Сондай-ақ бұл жерге Риодағы олимпиаданың күміс жүлдегері Гюзель Манюрова және «16 кыз» фильмінің продюсері Айдархан Әділбаев келді.

Бұдан басқа, Есіл, Ақбұлақ және Сарыбұлақ өзенінің арнасын қоқыстар және тұрмыстық қалдықтардын студенттердің, ерікті қатысушылар, әскери қызметкерлердің жұмылдыруымен жинау жұмыстары экологиялық айлық акция өткізу жоспарлануда.

Жалпықалалық сенбіліктің басты мақсаты қоғамның назарын астана қаласының көшелерін таза ұстау және экологиялық мәдениетін қалыптастыру болып табылады. Көшелерді және аулаларды абаттандыруын жақсартуға өз үлесін қосуға, барлық қалаушы тұрғындар және қала ұйымдартырушылары қатыса алады.

Елбасы «Болашаққа бағдар: рухани жаңғыру» атты мақаласында: Латыншаға көшудің терең логикасы бар. Бұл қазіргі заманғы технологияның, ортаның, коммуникацияның, сондай-ақ ХХІ ғасырдағы ғылыми және білім беру процесінің ерекшеліктеріне байланысты. Бұл – уақыт күттірмейтін жұмыс, сондықтан біз дайындықты бастап кетуіміз керек» — деп көрсеткен болатын.
Латын әліпбиіне көшу – өмірдің қажеттігі, латынға көшу арқылы Қазақстанның түркі халықтарымен, шет елдік қандастарымызбен байланыс нығаяды. Халқымыздың өсіп-өркендеуіне, еліміздің жан-жақты дамуына ықпал етеді, бәсекелестік қабілетіміз арта түседі.
Бүгінде жастарымыз ағылшын тілін жақсы меңгергендігінің куәсі болып отырмыз, сонымен бірге латын әрпінде жазылған кейбір тауарларды күнделікті өмірде қолданып жүрміз, сондықтан латын әліпбиін қолдану бізге қиынға түспейді деп ойлаймын.
Ұлттық салт-дәстүрімізді, тілімізді, әдебиетімізді ұлттық рухымызды мәңгі сақтап қала аламыз. Сондықтан мен латын әліпбиіне көшкен дұрыс деп ойлаймын.

Зауре Арапқызы Клышбаева – Астана қаласы әкімдігі «Қоғамдық тамақтандыру және сервис колледжі» МКҚК директоры э.ғ.к.

Астанада «ЭКСПО-2017» көрмесін үш ай өткізу кезінде қалалық әкімдік 647 мәдени және халықаралық және республикалық 28 спорттық шара өткізді, деп хабарлады елорда әкімдігінің медиа орталық тілшісі.

-«ЭКСПО-2017» мамандандырылған халықаралық көрмесі ашылғаннан бері біздің астанамызға 5,4 млн адам келген, олардың ішінде 2,5 млн адам көрмені тамашалады, — деп хабарлады Астана әкімі Әсет Исекешев «ЭКСПО-2017»көрмесін ұйымдастыру және өткізуге атсалысқан үздік қызметкерлерді марапаттау салтанатында.

Бұдан бөлек, әкімнің сөзінше, 10 маусымнан 4 қыркүйек аралығында еліміздің басқа аймақтарынан 77074 оқушы «ЭКСПО-2017-ні» тамашалады.

-ШЫҰ мен ТМД елдері арасында оқиғалық мүмкіндіктер рейтингіне сәйкес, Астана 5 үздік елорда қатарына енді. Астана тұрғындарына көрме идеясын жүзеге асыруға танытқан қолдаулары үшін алғыс білдіремін. Мыңдаған адам көрменің сәтті өтуі үшін еңбектенді. Мен барлықтарыңызға қатысқандарыңыз үшін ризашылығым шексіз, — деді Әсет Исекешев.

Бұған қала әкімдігі жанынан құрылған, негізгі 7 бағытты үйлестірген арнайы штабтың қауырт әрі сапалы жұмысы септігін тигізді, деп хабарлады елордалық әкімдіктің медиа орталығы.

«93 күн бойы күшейтілген режимде жұмыс істеген, мыңдаған адамдардан құралған ұжымның үйлесімді жұмысы арқасында штаттан тыс жағдайлар тіркелген жоқ. Көрменің сәтті өтуіне дайындық жұмыстары септігін тигізді», — деді қала әкімі Әсет Исекешев жұма күні аталмыш көрменің дайындық жұмыстары мен өткізілуіне атсалысқан қызметкерлерді марапаттау рәсімінде.

Ол сондай-ақ «ЭКСПО-2017» көрмесі қарсаңында қала әкімдігі жанында негізгі 7 бағытты үйлестірген арнайы штабтың құрылғанын тілге тиек етті.

Бірінші – құрылыс нысандарының, көлік және инженерлі инфрақұрылым нысандарының (жаңа теміржол вокзалының, әуежай мен қонақ-үйлердің, электр желілері мен 2 қосалқы стансаның, жаңбыр кәріз жүйесінің құрылысы, «Талдыкөл» кәріз қалдығының жойылуы, өтпежолдардың салынуы мен «Бәйтерек» монументінің қайта қалпына келтірілуі) уақыты пайдалануға берілуін қамтамасыз ету;

Екінші — қонақ-үйлердің туристерді қабылдауға дайындығы, қаланы мерекелік безендіру (қонақ-үйлер, мейрамханалар, сувенирлік өнім, еріктілер, қала аумағын тазалау бойынша жұмысты күшейту, тазалық нормаларына сәйкес бақылауды жүргізу, жасылдандыру және кіші сәулет формаларын құру, туристер мен елорда тұрғындары үшін мобильді қосымшаларды әзірлеу);

Үшінші — қалада, барлық нысандарда қауіпсіздік пен тәртіпті қамтамасыз ету; 4. Қоғамдық көліктердің қозғалысын ұйымдастыру (shuttle bus және «Astana taxi» бірыңғай қызметін ұйымдастыру, іске қосу, қоғамдық көліктің саябақтарын жаңарту, автобустарды аккредитациядан өткізу, бағыт-бағдар жүйесін жаңғырту;

Төртінші — қоғамдық көліктердің қозғалысын ұйымдастыру (shuttle bus және «Astana taxi» бірыңғай қызметін ұйымдастыру, іске қосу, қоғамдық көліктің саябақтарын жаңарту, автобустарды аккредитациядан өткізу, бағыт-бағдар жүйесін жаңғырту;

Бесінші — қажетті азық-түлік тауар өнімдерімен қамтамасыз ету;

Алтыншы — денсаулық сақтау (қонақ-үйлерде медициналық пункттерді ашу, жедел-жәрдем қызметінің жұмысын күшейту, 14 медициналық мекемеде елорда тұрғындары мен қонақтарын қабылдауды ұйымдастыру);

Жетінші — өңірлерден келетін делегацияның, әсіресе оқушылардың қауіпсіздігін қамтамасыз ету (тамақтандыру, жатын орынмен және көлікпен қамтамасыз ету);

Онымен бірге, қаланың тіршілік қарекетінің маңызды салаларын қамтитын шаралардың бірқатар кешенді жоспарлары әзірленіп, іске асырылды. Атап айтқанда: көлік қызметі, қауіпсіздік және медициналық сүйемелдеу, туристік қызметтер және т.б. Осыған орай штаттас тыс оқиғаларға әрекет ету үшін Жағдаяттар орталығы құрылды.

Астанада «ЭКСПО-2017» халықаралық мамандандырылған көрмесін өткізу кезінде 47 жаңа мейрамхана ашылды, деп хабарлайды елорда әкімдігінің медиа орталығы.

ЭКСПО-ны өткізу аясында мейрамханалар саны 2016 жылы 165-тен 2017 жылы 201-ге дейін көбейді. Олардың толуы үш есеге артты.

-11 көше салынды. 44,4 шақырым жол жөнделді. Мәңгілік ел және №31 көшелердің қиылысында аумағы 40 000 шаршы 1500 көлікке арналған тұрақты салу жұмыстары аяқталды. «Астана EXPO-2017» аумағын жылу, энергиямен қамтамасыз ету үшін 50,2 шақырым жылу жүйелері, 25 585 шақырым электр желілері, 3 электрмен қамтамасыз ету нысаны салынды, — деді Ә.Исекешев.

Астана қаласы әкімдігі бос жұмыс орындар жәрмеңкесін өткізеді

Ағымдағы жылы жергілікті бюджеттің қаражатынан 100 студенттің оқуына 43,9 млн теңге жұмсалды.

Бүгін Әсет Исекешев түлектерді «әкімнің білім грантына» ие болуларымен құттықтап, жаңа оқу жылында сәттілік тіледі.

Астанада жыл сайын тұл жетімдер, мүгедектер мен жетімдер үйінің тәрбиеленушілеріне, ата-ананың қамқорынсыз қалған және көпбалалы отбасылардың балалары үшін әлеуметтік көмек көрсетіледі.

Жаңа оқу жылына 48 өтініш қабылданды, оның ішінде 17 адам республикалық грант бойынша өтті, ал қалғандар өтініштер ағымдағы жылдың 23 тамызында өткен комиссияның кезекті отырысында қарастырылды. Отырыстың қорытындысы бойынша 16 139 500 теңгеге 31 грант бөлу жөнінде шешім қабылданды.

«Әкімнің білім гранттары» елорданың еңбек нарығында аса сұранысқа ие мамандықтар бойынша оқытуға бөлінуде. Оның ішінде техникалық, педагогикалық және медициналық мамандықтар басымдыққа ие.

Астана қаласының Жұмыспен қамту, еңбек және әлеуметтік қорғау басқармасы жоғары оқу орындарының басшыларымен бірлесе отырып студенттердің үлгерімі бойынша тұрақты түрде бақылау жүргізіп тұрады.

Бұл бағдаралама бойынша оқу арқылы 300 студент диплом алып, маман атанды, олардың ішінде 27 түлек оқуын осы жылы бітірді.

Қазіргі уақытта келесі жоғары оқу орындарында 68 студент өз білімдерін жалғастыруда: С. Сейфуллин атындағы Қазақ агротехникалық университеті -32 студент, Қазақ экономика, қаржы және халықаралық сауда университеті – 14 студент, Медициналық университет – 7 студент, Қазақ технология және бизнес университеті – 1 студент, Еуразия гуманитарлық институты – 14 студент.

2017 ж. тамыз айындағы жедел қызмет шараларының қорытындысы көрсеткендей, елордалық полицейлердің күшімен жергілікті органдардың қолдауымен қалада тұрақты жағдай қамтамасыз етілді.

Қылмыс деңгейі қалада 10 мың адамға шаққанда 28,7%-ға төмендеді. Ведомство мәліметтері бойынша, ағымдағы жылдың басынан 23 595 қылмыстық құқықбұзушылық тіркелді, 2016 жылмен салыстырғанда бұл 18%-ға төмен.

Төменде қылмыс көрсеткіштерінің төмендеуі пайыздық мөлшерде көрсетілген:

Аса ауыр қылмыс (-28,2%), ауыр қылмыс (-8,5%), ауырлығы орташа қылмыс (-13,2%), аса ауыр емес қылмыс (-38,1%), өліммен аяқталатын оқиғалар (-32,4%), зорлау жағдайлары (-30,5%), қарақшылық (-24,3%), тонау (-15,7%), алаяқтық (-36,9%), ұрлау (-15,0%), оның ішінде пәтер ұрлығы (-4,9%), көлік ұрлығы (-50,0%), қарақшылық (-9,0%), есірткіге қатысты (-16,9%), көліктерді айдап әкету (-28,4%), сондай-ақ кәмелеттік жасқа толмағандармен жасалған қылмыс көрсеткіші (-6,1%), топтық қылмыс (-11,8%), қоғамдық жерлерде (-2,2%) және көшелерде (-19,0%).

Айта кеткен жөн, Елбасының тапсырмасын іске асыру аясында құқықтық бұзушылықтарға қоғамда «нөлдік төзімділікті» қалыптастыру бойынша жұмыс жалғасуда.

Астана қаласының ІІД xабарлағандай, жыл басынан 75 513 әкімшілік құқықбұзушылық анықталды, олардың 3 296 фактісі ұсақ бұзушылық, 4 967 – тыныштықты бұзу, 13 879 – алкогольді ішімдіктерді ішу және қоғамдық жерлерде мас күйде жүру, 12 243 – белгіленбеген жерлерде темекі шегу, 17 226 – абаттандыру ережелерінің бұзушылықтары, 1 331 — қоғамдық жерлерде адамдардын мазасын алу. 199 құқық бұзушы әкімшілік қамауға алынды.

Елбасының «Болашаққа бағдар: рухани жаңғыру» мақаласын оқып шығып, ерекше әсер алдым. Себебі, дәл қазіргі кезде біздің қоғамға осындай батыл бастамалар ауадай қажет. Сонау азаттықтың ақ таңы атқан күннен бастап санаға салмақ түсірген, енді ғана толғағы жетіп жарыққа шыққан сөздер екені анық. Бұл ұлтымыздың рухани әлемі үшін маңызды болып табылатын осынау өзекті мәселе. Болашаққа батыл қадам жасап, елімізді төрткүл дүниеге танытып келе жатқан Елбасының тағы бір маңызды бастамаларының бірі. Сонымен қатар, дер кезінде қозғалған тіліміздің болашағы үшін жасалған ғылыми маңызды шара деп білемін. Тәуелсіз елдің негізгі белгілерінің бірі ретінде жазудың маңызы өте зор.
Латын әліпбиіне көшу, сайып келгенде, ана тіліміздің болашағын ойлап, қолданыс аясын одан әрі кеңейте түсуге мүмкіндік жасап, тіліміздің ішкі табиғи әліпбиіміз арқылы жазудың айтуға жасап келе жатқан қиянатын болдырмай, қазақы айтылым мен жазылым талаптарын жүйеге түсіру деп түсіну керек. Латын әліпбиіне көшудің тағы ұтымды жақтары- болашақ ұрпақ ақпарат көздерін терең меңгеріп, әрі шет тілдерін еркін, әрі, жетік білуіне септігін тигізері анық. Әлемдік жаһандану заманына бет бұрған, жаңашылдық пен игі бастамалардың көшін бастауға жаны құмар ұстаздар қауымы үшін бұл игі бастама құптарлық іс. Мектеп табалдырығын аттаған шәкірттеріне өз ана тілінің құдіретін латын әліпбиімен оқытып, болашаққа нақты қадам жасайтын ел ертеңі болар ұрпақ тәрбиелеуге өзім басқарып отырған мектептің ұстаздар қауымы дайын деп айта аламын. Өйткені, біздің №38 мектеп-лицейі Астана қаласы іргетасы қаланған шақта Елбасының өзі тұсауын кесіп, ақ батасын берген алғашқы қазақ мектебі. Қаншама қазақтың қаракөз балаларын білім нәрімен сусындатып, қияға қанат қақтырған киелі білім ордасы. Сондықтан еліміздің, ұлтымыздың болашағы үшін жасалатын барлық игі бастамаларды қолдап, оны жүзеге асыру жолында еңбек етуге әрқашан дайынбыз.

Астана қаласы №38 мектеп-лицей директоры Әзимбай Кәмила Кәрімбердіқызы

Астана әкімі Әсет Исекешев жедел жиын өткізді, оның барысында ол «Астана ЕХРО-2017» Халықаралық мамандандырылған көрмесінің дайындығы мен жұмысына қатысқан қаланың барлық қызметтеріне алғысын білдірді.

Жиын барысында Ә. Исекешев атап өткендей, «көрме қала әкімдігінің қызметі үшін жоғары міндеттерді қойды, ендігіде барлық қызметкерлердің негізгі міндеті — қойылған жұмыстың қарқынын сақтау болып табылады».

Көрме кезінде елордада қалалық тәулік бойы жұмыс істейтін штаб құрылған болатын, ол келесі бағыттар бойынша қызмет етті:

1. Құрылыс нысандарының, көлік және инженерлі инфрақұрылым нысандарының (жаңа теміржол вокзалының, әуежай мен қонақ-үйлердің, электр желілері мен 2 қосалқы стансаның, жаңбыр кәріз жүйесінің құрылысы, «Талдыкөл» кәріз қалдығының жойылуы, өтпежолдардың салынуы мен «Бәйтерек» монументінің қайта қалпына келтірілуі) уақыты пайдалануға берілуін қамтамасыз ету;

2. Қонақ-үйлердің туристерді қабылдауға дайындығы, қаланы мерекелік безендіру (қонақ-үйлер, мейрамханалар, сувенирлік өнім, еріктілер, қала аумағын тазалау бойынша жұмысты күшейту, тазалық нормаларына сәйкес бақылауды жүргізу, жасылдандыру және кіші сәулет формаларын құру, туристер мен елорда тұрғындары үшін мобильді қосымшаларды әзірлеу);

3. Қалада, барлық нысандарда қауіпсіздік пен тәртіпті қамтамасыз ету; 4. Қоғамдық көліктердің қозғалысын ұйымдастыру (shuttle bus және «Astana taxi» бірыңғай қызметін ұйымдастыру, іске қосу, қоғамдық көліктің саябақтарын жаңарту, автобустарды аккредитациядан өткізу, бағыт-бағдар жүйесін жаңғырту;

5. Қажетті азық-түлік тауар өнімдерімен қамтамасыз ету;

6. Денсаулық сақтау (қонақ-үйлерде медициналық пункттерді ашу, жедел-жәрдем қызметінің жұмысын күшейту, 14 медициналық мекемеде елорда тұрғындары мен қонақтарын қабылдауды ұйымдастыру);

7. Өңірлерден келетін делегацияның, әсіресе оқушылардың қауіпсіздігін қамтамасыз ету (тамақтандыру, жатын орынмен және көлікпен қамтамасыз ету);

Елорда тұрғындары мен қонақтардың қауіпсіздігі мен жайлылығын қамтамасыз етуге көрме кезінде 5 мыңнан астам адам жұмылдырылды. Олардың қатарында: еріктілер, құтқарушылар, құқыққорғау органдарының қызметкерлері, мед. қызметкерлер. Астана әкімі аталмыш көрмені өткізуде атсалысқан барлық қызметтерге алғысын білдірді.

«Барлық қызметтер көрме кезінде тиімді жұмыс істеді, жедел әрекет етті. Көрме кезінде Астана қаласына 5 млн-нан астам адам келді. Бұл өткен жылмен салыстырғанда 1,7 млн адамға көп. Бұл көрме біз сынақ болды. Біз ендігіде қол жеткізген деңгейден төмендемеуіміз керек, қауіпсіздік, жайлылық және қызмет көрсетуде жоғары деңгейді сақтап қалуымыз керек. Астана кез-келген шараны қабылдауға, өткізуге дайын», — деді қала әкімі.

Әкім сондай-ақ қаланың тіршілік қарекетіне байланысты жүйелілік мәселелерді шешу қажеттілігін атап өтті. Исекешевтің сөзіне қарағанда, ағымдағы мәселелердің шешілуі коммуналды қызмет жұмысының реттелген механизмі сияқты өтуі қажет. Олардың ішінде – жылыту маусымына дайындық, қоғамдық көліктің тиімді жұмысы, қаланың жақын әрі шет аумақта орналасқан аудандарын, тұрғын алқаптарын дамыту, сондай-ақ қыс мезгіліне, атап айтқанда қар жинау жұмысына дайындық.

Коммуналды қызметтердің есептеріне сәйкес, елорда алдағы жылыту маусымына дайын. Әлеуметтік нысандардың дайындығы (балабақшалар, мектептер мен ауруханалар, мәдениет мекемелері) – 100 пайызды, тұрғын қорының дайындығы -97 пайызды құрайды. 2360 тұрғын нысанның 2290-ы жылумен қамтамасыз етуге дайын, ол жұмыстың бекітілген кестесіне сәйкес келеді. Жылыту маусымына дейін барлық көпқабатты тұрғын үйлерде жұмыстар аяқталатын болады.

ЖЭС-1 дайындығы – 85,1 пайыз, ЖЭС-2 дайындығы – 74 пайыз. Қажетті жөндеу жұмыстары жүргізілді. Сонымен бірге 1356 шақырым қашықтықта магистраль және 1203 шақырымда реттеуіш желілер бойынша күрделі жөндеу жұмыстары жүргізілді.

Осы бөлімді бақылайтын қала әкімінің орынбасарына тұрғын-үйлердің және әлеуметтік нысандардың уақытылы жылумен қамтамасыз етілуі тапсырылды, онымен бірге 1 қазанға дейін энергия нысандарында барлық жөндеу жұмыстары аяқталуы тиіс.

Онымен бірге қаланы жылумен қамтамасыз ету мәселесін Әсет Исекешев Астана қаласының ТЖД-не тапсырды, атап айтқанда елорда аумағында жылыту маусымына дайындық барысында өрт қауіпсіздігі бойынша нақты шараларды іске асыруды, әсіресе газ баллондарын қолданатын аумақта өрт қауіпсіздігін алдын алу бойынша шараларды өткізуді міндеттеді.

Жұмыс барысында қала әкімінің шаһарды аралауы қорытындыланды, оның барысында елорданың аудандары абаттандыру, жылыту маусымына дайындық, тұрғын алқаптардың дамуы бойынша тексеру жұмыстары жүргізілді.

Әсет Исекешев қала тұрғындарымен кері байланысты орнату маңыздылығын атап өтті, қала тұрғындары мен қонақтары тарапынан келіп түсетін арыз-шағымдарға жедел әрекет ету қажеттілігін қамтамасыз етуді тапсырды. Проблемалық мәселелердің ішінде – лифт шаруашылығы, әлеуметтік нысандарға кіреберістердің орнатылмауы, уақытылы тазалықпен қамтамасыз ету, абаттандыру, жарықтандыру, жолдардың құрылысы және т.б. Кемшіліктерді атай келе, қала басшысы аудан әкімдеріне қалалық әкімшілік-бағдарламалар әкімшілерімен бірлесе отырып, №73 және 75 мектептердің кіреберістерін абаттандыруды тапсырды.

Оған қоса Н. Тілендиев, «Саранда» тұрғын кешенінің көпқабатты тұрғын-үйлерін орталық жылытуға қосу мәселесі қарастырылды, онымен бірге «Ильина» тұрғын алқабында инженерлі желілердің құрылысының аяқталуы, Күмісбеков, Жангелдина, Түркістан көшелері бойынша жол төсемдерінің құрылысы, Көктал, Өндіріс және Оңтүстік-шығыс кенттерінде 50 жаңа жолдың салынуы мәселелері талқыға түсіп, қарастырылды.

«Тұрғын алқаптар бойынша тұрғындардан келіп түсетін шағымдар көп. Аудан әкімдері биыл қаланың 50 көшесі бойынша абаттандыруды аяқтауды жоспарлаған болатын, бүгінде олардың 38-і ғана іске асырылып, аяқталған. Қалған 12 көше бойынша абаттандыру жұмыстарын аяқтауды тапсырамын. Жарықтандыруға ерекше көңіл бөлемін. Аудандар әкімдері мен мемлекеттік органдардың басшыларына тұрғындардың шағым-талаптары брйынша жедел әрекет етуді тапсырамын», — деді Әсет Исекешев.