Астанада түрік әлемінің математика қоғамының VI Конгресі өз жұмысын аяқтады, деп хабарлайды елорда әкімдігінің медиа орталығы.

Қазанның 2-5 аралығында өткен шараға 20 елдің 100-ден астам көрнекті ғалымдарын қоса алғанда, барлығы 500-ден аса адам қатысты.

Конгресстің ғылыми секциялары математиканың барлық негізгі бағыттарын қамтыды. Төрт күн ішінде ғалымдар алгебра және математикалық логика, геометрия және топология, функция теориясы, дифференциалды теңдеулер мен математикалық физика, ықтималдылық теориясы мен математикалық статистика, есептеу математикасы, басқару теориясы мен оңтайландыру әдістері, математикалық модельдеу, ақпараттық технологиялардың теориялық негіздері, түрік халықтарының математиканы оқыту тарихы мен әдістемесі сияқты бағыттар бойынша өзекті мәселелерді талқыға салды. Конгресстің жұмысына түскен 507 баяндаманың 320-сы тыңдалған болатын.

Конгресстің барысында «Functional analysis in interdisciplinary applications» халықаралық конференциясы, «Inverse and Ill-posed Problems and its applications» шағын симпозиумы, «Non-associative algebras and combinatorics» және «Mathematical Modelling» тақырыптарындағы семинарлар сияқты ерекше шаралар өтті.

Шараға төрағалық еткен Қазақстанның математика қоғамының президенті Бақытжан Жұмағұлов түрік әлемінің математика қоғамының VI Конгресі жұмысының жемісті болғандығын атап өтті.

«Бүгінгі таңда адамзат баласы математикалық модельдерді, ақпараттық технологияларды, компьютерлік, сандық жүйелерді өмірдің барлық салаларында дерлік кеңінен қолданып жүр. Біздің өміріміздің белсенді түрде сандарға айналуы математика ғылымының жетістіктеріне негізделеді. Бүгінде ҚР Президенті Нұрсұлтан Назарбаев еліміздегі математика ғылымының дамуына үлкен көңіл бөледі. Біз Конгресстің күн тәртібіне қойылған барлық сұрақтарды қарастырдық. Өзекті мәселелерді шешу жолдарын талқыладық. Көптеген елдермен пікірімізбен, тәжірибелерімізбен алмастық. Аталмыш конгресс барысында шығарылған ортақ шешімдер түрлі елдердің ғалымдары арасындағы байланысты нығайтып, заманауи математиканың өзекті проблемаларын шешудің тиімділігін арттыратынына сенімдімін», — деді Бақытжан Жұмағұлов.

Сондай-ақ, Конгресс барысында түркітілді елдердің математикалық қоғамы басқармасының отырысы өтті. Онда қоғамның жаңа құрамы сайланған болатын. Қатысушылар бірауыздан түркітілді елдердің математикалық кеңесінің келесі мерзімге президенті етіп танымал ғалым-математик, академик Бақытжан Жұмағұловты сайлап, келесі Конгресстің өтетін орнын анықтады. Түрік әлемінің математика қоғамының VIІ Конгрессі Өзбекстанда өтеді деп шешілді.

Конгресс жұмысының қорытындысы бойынша математика ғылымының дамуына сүбелі үлес қосқан жетекші ғалымдар мен жас математиктер дипломдармен марапатталды.

Айта кетейік, түрік әлемінің математика қоғамының конгресстері 3 жылда 1 рет өтеді. Алғашқы Конгресс 1999 жылы Түркияда өткен болатын.

Қаланың экологиялық интегралды көрсеткіші, ауа сапасы қалыпқа сай, деп хабарлайды Астана қаласы әкімдігінің медиа орталығы Астана қалалық табиғи ресурстар және табиғат пайдалануды реттеу басқармасына сілтеме жасап.

«Жыл басынан бері атмосфералық ауаның тым жоғары ластануы тіркермеген. Егер басқарма атына «Қазгидромет» ШЖҚ-дан ауаның жоғары ластануы туралы ақпарат түссе, ластау ошағы анықталып, ауаны ластауды тоқтатуын талап ететін әкімшілік нұсқама беріледі»,- делінген ведомство мәлімдемесінде.

Қазіргі күнде Астана қаласы бойынша ауаның ластануын анықтайтын 7 бекет жұмыс жасайды.

«Қазгидромет» ШЖҚ-ның мәліметі бойынша тамыз айында ауаның жоғары ластануы тек №3 бекет маныңда тіркелген (Лесозавод аймағы). Оған себеп осы аймақта көліктің көп шоғырлануы», — деп түсіндірді Астана қалалық табиғи ресурстар және табиғат пайдалануды реттеу басқармасы.

Азот диоксидінің 1,5 есе жоғарылауы (орташа тәуліктік концентрация) бұл ауа ластануының бір айлық көрсеткіші, дейді экологтар.

«Қазгидрометтің метеорологиялық анықтамасына сәйкес, бұл жағдай желдің жоқтығынан және «Шапағат» сауда үйі мен Тұран даңғылы бағытында көлік ағынынын көптігінен орын алған. Жәнеде бұл ауа ластануының жоғары көрсеткіші болып саналмайды», — деп түсіндірді жауапты мекеме.

Астана қалалық табиғи ресурстар және табиғат пайдалануды реттеу басқармасының мәліметіне сәйкес, Астана қаласында бірінші жарты жылдықта экологиялық көрсеткіш және ауа тазалығы нормативтік көрсеткішке сәйкес келеді.

«Астана қаласынның ауасы өмір сүруге қолайлы және жәйлі», — деп хабарлады басқарма.

Шешуді талап ететін үлескерлік құрылысқа қатысушылардың бұл мәселесі сәрсенбі күні Астана қаласы прокуратурасының үйлестіру кеңесінде талқыланды, деп хабарлайды елорда әкімдігінің медиа орталығы.

Күн тәртібінде үлескерлік құрылыс саласында проблемалардың қалыптасуы, азаматтардың қаражатты жымқыру себептері, сондай-ақ осы санаттағы қылмыстық істерді тергеу кезіндегі мәселелерді шешу тұрды.

Отырысқа қала әкімінің бірінші орынбасары Сергей Хорошун, Астана қаласы ІІД басшысы Амантай Аубакировпен басқа да құзырлы мемлекеттік органдардың жетекшілері қатысты.

Астана қаласының прокуроры Болат Дембаевтың айтуынша, соңғы жылдары жосықсыз үй салушылар мен алаяқтардың заңсыз әрекеттерінен 13,5 мыңнан астам азамат зардап шегіп, 53 нысанның құрылысы аяқталмай қалыпты.

«Қала прокуратурасының органдарымен үлескерлік құрылыс проблемаларына ерекше көңіл бөлінеді. Аталмыш проблемалар 2006 жылдан бастау алған. Бұдан кейін «Тұрғын-үй құрылысына үлескерлікпен қатысу туралы» Заң қабылданған болатын. Десек те, заңның қабылдануы ешқандай нәтиже берген жоқ. Үй салушылар оны айналып өтсе керек. Аталмыш мәселені шешу біздің жұмысымыздың басым бағыты», — деді Болат Дембаев.

Прокуратураның деректеріне сүйенсек, қолға алынған іс-шаралардың нәтижесінде жосықсыз 31 үй салушы сотталды. Құрылыс компанияларының 12 жетекшісіне қатысты қылмыстық іс қозғалған. Болат Дембаев үлескерлердің проблемалы сұрақтарына қатысты жағдай күн сайын мониторингтен өтетінін айтты.

«Прокуратура қызметкерлері күн сайын кеңес беру және заңды көмек көрсетеді. Олардың мүддесі үшін шағымдарды түсіреміз. Бүгінге дейін 4000 азаматтың мүддесін қорғайтын 24 шағым қанағаттандырылды. Бұл нысандар сот шешімімен тұрғын үй – құрылыс кооперативтеріне берілді. Қазіргі таңда олардың бірқатары бойынша құрылыс жұмыстары жүріп жатыр. 7 шағым сот қарауында», — деп атап өтті қала прокуроры.

Айта кетейік, қала прокуратурасымен проблемалы нысандардың құрылысын аяқтай алатын әлеуетті кәсіпкерлер мен инвесторларды іздестіру бойынша түрлі шаралар өткізілуде.

«Құрылысты аяқтау мақсатында инвесторларды тарту бойынша шаралар қолға алынды. Астана әкімдігімен бірлесіп екі жәрмеңке өткіздік, 18 нысанның жобасы таныстырылды. Олардың 9-на инвесторлар қызығушылық танытып отыр. Төрт нысан бойынша келісім-шарт жасалып, 5 нысан бойынша жобалық құжаттар зерттелу үстінде. Қараша айында үшінші жәрмеңке өтеді деп жоспарланды. Қазіргі таңда сот шешіміне сәйкес үлескерлерге жосықсыз үй салушылардың активтерін беру жұмыстары жүргізіліп жатыр», — деді Болат Дембаев.

Прокуратурадағылардың пікірінше, мемлекеттік және құқық қорғау органдары арасындағы қарым-қатынастың жоқтығы құрылысшылардың заңсыз әрекеттеріне қатысты уақытылы шара қолдануға мүмкіндік бермейді. Осы орайда прокуратура МСҚБ мен қылмыстық қудалау органдарының арасында қарым-қатынасты орнатудың тәртібін өзгертуді ұсынды.

Астана қаласы прокурорының орынбасары Алмат Байшұлақов уақытылы әрі тиімді шара қолдану үшін аталмыш кезеңде құқық қорғау органдарында мамандандырылған бөлімшелерін немесе үлескерлердің мәселесін шешумен айналысатын топтарды құру қажет деп есептейді.

«МСҚБ-нан басқа да мүдделі тұлғалардан түсетін ақпаратты мұқият тексеру, үлескерлерді тарту бойынша заңсыз қызметті уақытында тоқтатуға мүмкіндік береді. Бұл өте маңызды жағдай. Сараптаманы қорытындылай келе, біз үлескерлік құрылыста проблемалардың қалыптасуының негізгі себебі, баспананы мерзімінен бұрын сату болып табылады деген шешімге келдік», — деп түйіндеді Алмат Байшулаков.

Айта кетейік, прокуратураның бастамасымен тамыз айында ХҚК ғимараттарында үлескерлерді қолдау орталығы құрылған болатын. Онда мәселелер қаралып, заңды көмек көрсетіледі. Орталық жұмысын бастағаннан бері 190 азаматты қабылдады.

Елордада «қара тізімге» енген 50-ге тарта құрылыс компаниясы бар. Бұл бағытта әкімшілік жұмыстарды жалғасып жатыр. Бүгінде елорда билігі бақылауға проблемалы 53 нысанды бақылауға алды.

Қазан айының басында Астанада құрылысы аяқталмай қалған нысандардың жәрмеңкесі өтеді. Жәрмеңкені Астана қаласы әкімдігімен қалалық прокуратура бірлесіп өткізеді, деп хабарлайды Астана қаласы әкімдігінің медиа орталығы.

Осыған дейін өткен екі жәрмеңкеде проблемалы 17 нысан аукционға шығарылған болатын. Соның жетеуін жәрмеңкеге қатысқан құрылыс компаниялары алған. Яғни құрылысты жалғастыратын инвесторлар табылған.

Ал, осы жолы өтетін жәрмеңкеге тұрғын үй кооперативтері құрылысы тоқтап тұрған 13 нысанды шығарады. Олар: «Тұран Сығанақ», «Триумф Есиль», «Зере 2», «Магистральный», «АРАБИ 2», «Үміт Береке», «Аниса 2,3», «Мой мирный дом», «Жаңа Отан», «Ақниет Экспо», «Рур Нурхат», «Тамаша үй», «Успешный дом» нысандары.

Құрылысы аяқталмаған нысандар жәрмеңкесіне қатысуға 30 құрылыс компаниясы шақырылған.

«Біз проблемалы нысандарды жәрмеңкеге дайындаймыз, ал мемлекеттік сәулет-құрылыс бақылау басқармасы құрылыс компанияларын шараға қатысуға шақырады. Жәрмеңкеге қатысуға ниет білдірген компаниялар нысандар туралы жан-жақты ақпарат алып, өз шешімдерін айтады», — деп хабарлады «ОДА» үлескерлер қоғамдық бірлестігінің төрайымы Татьяна Чурсина.

Қазір жәрмеңкеге шығарылатын 13 нысан бойынша үлескерлердің талап-арыздары қанағаттандырылған. Яғни бұл нысандар енді үлескерлердің өздеріне тиесілі. Бұл жұмыс қалай жүзеге асатыны туралы «ОДА» үлескерлер қоғамдық бірлестігінің төрайымы Татьяна Чурсина айтып берді.

«Біз проблемалы нысандарды жәрмеңкеге шығарамыз, ал нысанға көңіл аударған құрылыс компаниялары қарастырып отырған нысан туралы жан-жақты ақпарат алады және өз ұсыныстарын айтады әрі келіссөз жүргізеді. Егер ниет білдерген құрылыс компания нысанның алғашқы жобалау үлгісін өзгерту, кеңейту, қосымша ғимарат жалғау бойынша ұсыныстар айтса, оны қарастырамыз. Оның барлығы үлескерлермен келісіп шешіледі. Үлескерлер инвестордың ұсынысын қабыл алуға ниетті болуы тиіс. Өйткені, бізге нысанның құрылысы жүріп, тездетіп берілгені жақсы», — дейді төрайым.

Айта кеткен жөн, мұндай жәрмеңке осымен үшінші мәрте өткелі отыр. Ал осыған дейінгі жәрмеңкеде инвесторлар алған нысандарда құрылыс жұмыстары қызу жүруде.

Бірінші орында сауда саласы тұр, деп хабарлайды Астана қаласы әкімдігінің медиа орталығы.

Камералық бақылаудың көрсеткіші бойынша Астана қаласы қазынасына ең мол салықтық түсімдер қызмет көрсету саласынан түседі екен, себебі, көрсеткіш — 5,4 млрд. теңгеге жеткен.

Екінші орында — тамақтану саласы (салықтық түсім 1,7 млрд. теңге), үшінші орында — пәтерді жалға алу (0,8 млрд. теңге), ал төртінші орын — ойын-сауық және мекендеу саласына тиесілі (0,3 млрд теңге).

Астана қаласының Кәсіпкерлік және өнеркәсіп басқармасы, қаламызда қайдан отын сатып алуға болатының айтты, деп хабарлайды Астана қаласы әкімдігінің медиа орталығы.

Астана қаласының кәсіпкерлік және өнеркәсіп басқармасы БАҚ беттерінде және әлеуметтік желілерде Елордамызда көмір тапшылығы сезіліп жатыр деген ақпаратты жоққа шығарды.

«Қазір кей БАҚ-ры мен әлеуметтік желілерде бас қалада көмір тапшылығы сезілуде деген ақпарат тарап жатыр және ол қатты отынның қымбаттауына себеп болуда. Айта кетейік, қазіргі таңда қала бойынша көмір тапшылығы жоқ және болуы да мүмкін емес», — деп хабарлады Астана қаласы әкімдігінің медиа орталығына қалалық кәсіпкерлік және өнеркәсіп басқармасы.

Көмірді төмендегі мекенжайлар бойынша сатып алуға болады:

«Жылу НС 2030» ЖШС (Астана, Герцен көш, 6/1, тел.: 43 51 42; «Жылы Алем kz» ЖШС (Абая-Жұбанов қиылысы, Мясокомбинат аймағы); «Астана инвест» ЖШС (Придорожная-1 көш, Герцен көш, 6/2, тел.: 48 67 61); «Север энерго» угольснаб» ЖШС, (Литейная-1 көш); «Ұмар кз» ЖШС (Дулатов көш,182 (центр бетон).

Аталмыш кәсіпорындарға көмір мына кен орындарынан жеткізіледі: «Қаражар» (Шығыс Қазақстан облысы), «Богатырь» (Павлодар облысы), «Майкөбе» және «Шұбаркөл» (Қарағанды облысы).

Орта есеппен 1 тонна көмір 11 800 теңге тұрады.

«Қаламызда көмір жеткілікті және апта сайын толықтырылып отырады», — деп хабарлады Астана қаласының кәсіпкерлік және өнеркәсіп басқармасы.

Отбасылық немесе кішігірім кәсіпті дамытамын деген кез келген адам «Нәтижелі жұмыспен қамтудың және жаппай кәсіпкерлікті дамытудың 2017-2021 жылдарға арналған бағдарламасы» аясында мемлекеттік қолдауға ие бола алады, деп хабарлайды елорда әкімдігінің медиа орталығы.

«Бұл республикалық жаңа бағдарлама. Ол халықтың жұмыссыздар мен өзін-өзі жұмыспен қамтып отырған бөлігіне арналған. Өзін-өзі жұмыспен қамтып отырған кімдер? Олар жұмысты өздігінен тауып отырғандар. Көп жағдайда өз кәсібі шеңберінде жұмыс істеп отырған, отбасылық немесе басқа да бір істі жүргізіп отырған адамдар кіреді. Бұл мақсатта тұтас отбасы немесе көршілері, туыстары мен таныстары да жұмылдырыла алады», — деді медиа орталықтың тілшісіне берген сұхбатында Астана қаласының кәсіпкерлік және өнеркәсіп басқармасының жетекшісі Рысгүл Қауғабаева.

Спикердің сөзінше, кәсіпкерлік және өнеркәсіп басқармасы аталмыш бағдарламаның екінші бағыты – микронесиелендіруді жүзеге асырады.

«Биыл бізге 476 млн. теңге бөлінді. Бағдарламаға төрт банк: «Халық банк», «АТФ банк», «Нұрбанк» және «Сбербанк» қатысады. Бүгінде бөлінген қаржы осы банктерге үлестірілді», — деді Р.Қауғабаева.

Бағдарлама шартына сәйкес, несиенің ең жоғары сомасы 8000 АЕК-тен аспайды. Жылдық пайыздық мөлшері — 6%. Сондай-ақ, қатысушы кәсіпкерлер өз ісін жаңадан бастаушылар және жұмыс істеп тұрғандар болып бөлінеді.

«Жаңадан бастаушыларға — кәсібінің басталғанына үш жылдан аспағандар саналады. Олар Кәсіпкерлер палатасында оқыту курсынан өтіп, одан соң Жұмыспен қамту орталығынан жолдама алады. Содан кейін банкке барады. Онда өтініш саудадан бөлек барлық сала бойынша қабылданады. Егер банк кепілдеме талап етсе, «Даму» қоры кепілдік бере алады. Кепілдіктің 15 % кәсіпкер, ал 85 % кәсіпкерлікті қолдау қоры өз мойнына алады. Ал жұмыс істеп тұрған кәсіпкер үшін кепілдік сомасы 50% құрайды», — деді кәсіпкерлік басқармасының басшысы.

2017 жылдың екінші тоқсанында Қазақстан астанасындағы жұмыссыздық деңгейі болжанған 4,7% емес, 4,5 % құрады деп хабарлады еңбек, жұмыспен қамту және әлеуметтік қорғау басқармасындағылар елорда әкімдігінің медиа орталығының тілшісіне.

Елорда, тіпті, жұмыссыздықтың ең төменгі деңгейімен көш бастап келеді. Аталмыш көрсеткіш республикалық көрсеткіштен 0,4% төмен. Жастар арасындағы деңгейі (15-28 жас аралығындағылар) 4,5 % (болжанған деңгей 4,7%) және әйелдер арасындағы жұмыссыздық 4,6% (болжанған деңгей 4,9%) құрады.

Ағымдағы жылдың 8 айында мемлекеттік қолдау шаралары 20 219 адам қамтылды. Бұл өз кезегінде 93% құрайды.

11 536 адам жұмыс іздеп келсе, олардың 6 725-і жұмысқа орналастырылды (3882- тұрақты жұмысқа, 223-уақытша жұмысқа, 695-жастар практикасы бойынша, 186 – әлеуметтік жұмыс орындарына және 1739 – қоғамдық жұмыс орындарына).

Астаналық еңбек, жұмыспен қамту және әлеуметтік қорғау басқармасының ақпаратынша, бос жұмыс орындары бойынша мәліметтер базасы күн сайын жаңарып отырады. Бұдан басқа, бос жұмыс орындары бойынша мәліметтер базасын толықтыру мақсатында жаңа жұмыс берушілерді тарту бойынша белсенді жұмыс жүргізіліп жатыр.

Сейсенбіде елордада Астана қаласы әкімінің орынбасары Ермек Аманшаевтың төрағалымен өткен семинар-кеңесте экстремизим мен терроризмнің алдын алуды ұйымдастыру мәселелері ортаға салынды деп хабарлайды елорда әкімдігінің медиа орталығы.

Жиын барысында дін саласындағы мемлекеттік саясатты үйлестіру жөніндегі ведомство аралық комиссия мен ҰҚК қызметінің жауапкершілігі түсіндірілді. Отырысқа қатысушылар «Терроризмге қарсы комиссия тарапынан діни экстремизм мен терроризмнің алдын алуды ұйымдастыру», «Діни экстремизм мен терроризмнің алдын алудың рөлі мен орны», «Дәстүрлі емес діни ағымдар, олардың қоғамдық-саяси жағдайға ықпалы» мәселелерін талқылады.

Дін істері және азаматтық қоғам министрлігі мәдениеттер мен діндер халықаралық орталығының жетекшісі Айдар Абуовтың айтуынша, бүгінгі таңда Астана қаласының Дін істері және азаматтық қоғам басқармасымен ауқымды шаралар жүргізілуде.

«Бүгінгі күні елімізде 18 конфессия ресми түрде тіркелген. Астанада осы конфессиялардың өкілдері әкімдіктің дін істері басқармасының ұйымдастыруымен тоқсан сайын бас қосып, өзекті мәселелерді талқылайды. Жиі ағаш отырғызу бойынша іс-шараларға, басқа да әлеуметтік шараларға қатысады. Бүгінгі таңда бұл шаралар тұрақты диалогтық алаңға айналып отыр. Жақын арада дін саласындағы ведомство аралық комиссия мен қаланың дін істері басқармасы бірлесіп спорттық жарыстарды өткіздік. Бұдан бөлек, диалогтық, конфессияаралық келісімді қамтамасыз ету бойынша, халықтың дін саласындағы сауаттылығын арттыру бойынша ауқымды жұмыстар атқарылып жатыр»,- деді Айдар Абуов.

Сондай-ақ ол бүгінгі күні Дүниежүзінің Қазақстан астанасын дінаралық диалогтың орталығы деп танитындығын атап өтті.

«Елдегі діни ахуалды саралай келе, Астананың әлемге дінаралық форумдарды өткізудің орталығы ретінде танымал екендігін атап өту керек. Әлем елдері астаналарының арасында Астанадағы дінаралық форум өте танымал. Астанада дәстүрлі және әлемдік діндер көшбасшыларының 5 съезді өтті. Келесі жылы 6 съезд өтеді деп жоспарлануда. Сол себепті қаланың дін істері басқармасының алдында үлкен жауапкершілік пен ауқымды жұмыстар тұр», — деп атап өтті мәдениеттер мен діндер халықаралық орталығының жетекшісі.

Отырыс аяқталған соң Терроризмге қарсы комиссия жанынан құрылған жұмыс тобы мүшелерінің терроризмге қарсы тұру саласындағы нормативті-құқықтық актілерді білу деңгейін тексеру мақсатында тест өткізілді.

Белгіленген төлем есебінен бірқатар мектепте балалар тасымалы ұйымдастырылады. Бұл көлік желісінің жүктемесін азайтуға мүмкіндік береді, деп хабарлайды елорда әкімдігінің медиа орталығы.

Қазіргі таңда жол қозғалысына әсер ететін бірқатар мектепте жаңа модельді енгізу жұмыстары жүргізілуде. Бұл туралы ОКҚ өткен брифингте жолаушылар тасымалы басқармасының жетекшісі Бекмырза Игенбердинов мәлімдеді.

«Бұл үшін ата-аналарға аптасына алты күн балаларының тасымалы үшін белгіленген соманы төлеуге дайын ба деген сұраққа жауап алу мақсатында сауалнама құрастырылды. Барлық мәліметті алған соң, біз қандай да бір тұрақты бағдарды – тұрғын үй кешендері мен мектепке дейінгі және кері бағыттағы тасымалды ұйымдастыра аламыз. Менің ойымша, бұл өте ыңғайлы. Себебі, ата-аналар ақысын төлеп баласының тасымалымен білікті жүргізуші айналысатынын, жол бастап алып жүретін жауапты адам мен валидацияның барын білетін болады. Яғни, балалар автобусқа отырғанда ата-аналар оның отырып, түскенін бақылап отырады. Сәйкесінше, ата-аналар оның қозғалысын қадағадай алады», — деді Б.Игенбердинов.

Алдағы уақытта қанатқақты жоба екі мектепте енгізіледі. Бұл үшін балаларды ЭКСПО-ға тасымалдаған автобустар пайдаланылады.