Астана қаласы әкімдігімен «Кезекші 109 қызметі» мемлекеттік мекемесін «Қалалық мониторинг және жедел әрекет ету орталығы» шаруашылық жүргізу құқығындағы мемлекеттік коммуналдық кәсіпкерлік етіп қайта құру жоспарлануда.

«Кезекші 109 қызметі» Астанада 2001 жылдың 28 тамызында құрылған болатын. Жаңа құрылым апаттық жағдайлардың алдын алу мен оларды жою үшін барлық кезекші-диспетчерлік қызметтер әрекеттерін үйлестірген еді.

Қала тұрғындары мен қонақтары коммуналды-тұрмыстық сипаттағы кез келген оқиға кезінде Бірыңғай 109 нөміріне қоңырау шалып көмек ала алады.

Статистикаға сүйенсек, 2016 жылдың өзінде-ақ 109 қызметіне 400 мыңнан астам азаматтан арыз түскен. Проблемалы оқиғалардың 99% шешімін тапты.

Алдағы мерекелер қарсаңында Астана әкімі Әсет Исекешевтің тапсырмасына орай елорда әкімдігі жанындағы ахуалды орталық жұмысын қайта бастады. Қаладағы тәртіп пен қауіпсіздікті қамтамасыз ететін штабтың жетекшілігі Астана әкімінің орынбасары Асқар Амринге жүктелді, деп хабарлайды елорда әкімдігінің медиа орталығы.

Штаб құрамына мүдделі мемлекеттік органдар, мекемелер мен құқық қорғау органдарының жетекшілері енді.

Аталған штаб отысында қаланың жедел жағдайы, Тұңғыш Президент күніне арнаналып жоспарланған қоғамдық маңызды мәдени-бұқаралық және спорттық шаралардың дайындығы талқыланды.

Отырыс қорытындысы ойынша қала тіршілігін қамтамасыз ету жүйесінің үздіксіз жұмыс істеуі және оны қамтамасыз ететін уәкілетті мемлекеттік органдардың күші мен кешенді күштерің өзара әрекет етуіне қатысты нақты тапсырма берілді.

Елордада желтоқсандағы мерекеге орай қаланы безендіру тәртібі бекітілді. Соған сәйкес Жаңа жылға дайындық Тәуелсіздік күнін мерекелегеннен кейін басталады. Бұл туралы Астана әкімі Әсет Исекешев қалалық әкімдікте өткен аппарат жиналысында мәлімдеді, деп хабарлайды елорда әкімдігінің медиа орталығы.

Мемлекеттік және Ұлттық мерекелер – Қазақстан Республикасының Тұңғыш Президенті күнін, Қазақстан Республикасының Тәуелсіздік күнін және Жаңа жылды елорданың аумағында мерекелеу аясында қаланы безендіру туралы Астана әкімі Әсет Исекешевтің тапсырмасын орындау мақсатында жұмысы жүргізілуде.

Ал еліміздің басты мерекесі — Тәуелсіздік күніне арналған безендіру жұмыстары 12 желтоқсанда басталады. Атаулы мереке кезінде Астананы 1280 жалау, 2 жалауша панносы, 64 саябақ элементі және жарық аспаның 1 жиынтығы сәндейді деп жоспарланып отыр. Сондай-ақ, Отан қорғаушылар монументіндегі су бұрқақтардың орнына жарық диодты инсталяциялар орнатылады. Жарық фонтаны металл каркасының негізінде жасалады. Конструкцияның биіктігі 3,5 метрді құрайды. Жарықтандыру ақ және көк түсте болады.

Жаңа жылға дайындық Тәуелсіздік күнін мерекелегеннен соң ғана, яғни 18 желтоқсанда басталады. Ол мақсатта шаһарда 25 жаңа жылдық шырша, 12 хоккей алаңы, 15 мұз айдыны, 10 мұз төмпешігі, 2 мұз қалашығы («Astana ЕХPO-2017» Ұлттық компанясы» АҚ аумағында және Астана қалалық әкімдігі ғимараты алдындағы алаңда) бой көтереді. Бұған қоса 2 жарық панносы, 18 жарық иллюминациясы, 52 жарық иллюминациялық аркасы, 830 панель-кронштейн, 106 КСП, 5 көпір мен көлік жолайрығы орнатылатын болады. 3300 шағын және орта бизнес нысандарының қасбеті, 255 ағаш, 3 қала саябағы мен 1 гүлзар безендіріледі.

Кәсіпкерлік және өнеркәсіп басқармасының ақпаратына сәйкес, ШОБ кәсіпкерліктері өз еркімен қалада елуден астам шыршаны орнататын болады. Елордадағы «Керуен», «Рахмет», «Хан Шатыр», «Сарыарқа» сияқты ойын-сауық орталықтары шыршаларды орнатып, безендіру шараларын бастап кеткен.

Айта кетейік, соңғы уақытта әлеуметтік желілерде қаладағы жекелеген нысандардың Жаңа жылға дайындығы мен Тәуелсіздік күнін елеусіз қалдырғанына қатысты бірқатар пікірталас туындаған болатын. Осыған орай Астана әкімі өз ойын білдірді.

«Жаңа жылдық шыршаларды Тәуелсіздік күнін атап өткен соң, 18 желтоқсаннан бастап орнатамыз деп жоспарлаған едік. Кейбір жекелеген нысандар шырша орнатып, оны безендіре бастады. Бұған қатысты наразылық білдіргендер бар. Тәуелсіздік күні еліміздің басты мерекесі болғандықтан, басымдылық сол мерекеге беріледі. Шағын және орта бизнес нысандары қаланың мерекелік безендіруін қатаң ұстанатын болсын. Тәуелсіздік күнінде салтанатты және мерекелік шаралар өтеді. Оның арасында каратэ-киокушинкайдан Kazakhstan Open, үстел теннисінен «Seamaster 2017 ITTF World Tour GrandFinal» турнирі, «Күй Қайнары» VI күй тартыс, ҚР Тәуелсіздік күнінен арналған «Тәуелсіздігім – теңдігім, Егемендігім – елдігім!» атты жас ақындар айтысы, кітап көрмесі мен қазақстандық эстрада өкілдерінің қатысуымен дәстүрлі концерттер өтеді», — деді Астана әкімі Әсет Исекешев қалалық әкімдікте өткен аппарат жиналысында.

Сонымен бірге, елорда әкімі аудан әкімдері мен Кәсіпкерлік және өнеркәсіп басқармасының басшысына шағын және орта бизнес өкілдеріне қаланы мерекелік безендіруге қатысты бекітілген жоспарын ұстану туралу түсіндірме жұмыстарын жүргізуге тапсырма жүктеді. Яғни, Жаңа жылға дайындық Тәуелсіздік күні атап өткеннен соң ғана басталады.

ҚР Тәуелсіздігі күні қарсаңында елордада жас таланттар арасындағы байқаудың жеңімпаздарын марапаттау рәсімі өтеді, деп хабарлайды Астана қаласы әкімдігінің медиа орталығы.

Биыл еліміздің бас қаласында алғаш рет Жастар саясаты мәселелері басқармасының ұйытқы болуымен «Астана Дарыны 2017» байқауы өтпек. Ол ғылым, заманауи шығармашылық және өнер, журналистика, қоғамдық қызмет, спорт, театр және өнер, эстрада, жастар саясаты бағытын ұстанған ҮЕҰ, әлеуметтік саланың үздік қызметкері, өндірістің үздік жұмысшысы, жас кәсіпкер, жыл студенті, жыл волонтері, ерлігі үшін, үздік мемлекеттік қызметкер сияқты 15 аталым бойынша дарынды азаматтарға анықтап, оларға қолдау көрсетуге бағытталған.

Астана қаласы Жастар саясаты мәселелері басқармасы мәлімдегендей, жоғарыда аталған байқауға қатысуға 14-29 жас аралығындағы 200-ден астам жас азамат өтінім білдірген.

Байқаудың қазылар алқасы жеңімпаздарды қараша айының соңына дейін анықтайды.

Ал жеңімпаздарды марапаттау рәсімі ҚР Тәуелсіздігі қарсаңында өтпек. Мерекелік шара барысында жас дарын иелерінің алдында Қазақстан эстрадасының жұлдыздары өнер көрсетеді деп күтілуде.

«Астана Дарыны 2017» байқауының жалпы жүлде қоры 2 250 000 теңгені құрайды. Жүзден жүйрік атанғандар дипломдармен, арнайы статуэткалармен, логотиптелген қол сағаттармен және Астана қаласының Жастар саясаты мәселелері басқармасының арнайы сыйлығымен марапатталады.

Әлкей Аманжолов – EffLife IT компаниясының директоры мен негізін қалаушы, ақырғы Startup Weekend-тің жеңімпазы. Байқауда ол қорғаған «EFF Med control» жобасы ауруларды болжаудың автоматтандырылған жүйесіне бағытталған.

Жас кәсіпкер медицина саласына тек 2016 жылы келген болатын. Бұл жылы ол жеке компаниядан денсаулық сақтау саласындағы жобаны құру жөніндегі тапсырысқа ие болған-ды. Жас IT стартаперлерді медициналық технологиялармен, жалпы диагностикамен танысу мүмкіндігі қызықтырмай қоймады, әрине. Жас кәсіпкердің айтуынша, осы тапсырыс Startup Weekend байқауына қатысуға түрткі болған. Іс-шараның талаптарына сәйкес, блокчейнді пайдалану арқылы жобаны жетілдіру керек еді (мәліметтерді сенімді сақтаудың инновациялық жүйесі).

«Мен блокчейнге нені қосамын деп көп ойландым. Денсаулық сақтау саласы үшін оның жалғыз өзінен тиетін пайдасы шамалы. Бұл – мәліметтерді сақтаудың күрделі жүйесі. Егер оның көмегіне біршама уақыт ішінде ешкім жүгінбесе, онда блокчейнді пайдаланудың еш мәні болмайды. Дәрігерлер медициналық құжаттарды тек адам сырқаттанған жағдайда ғана пайдаланады емес пе?!», – деп түсіндірді Әлкей Аманжолов.

Бұл тұста бизнесмен өз жобасына телемедицина жүйесі мен нейронды желі әдісін енгізуге шешім қабылдайды. Стартапердің сөздеріне қарағанда, бұл бөлінген тәуелсіз жобалар. Кейіннен ол сол жобаларды біріктірген екен.

«Қарапайым тілде айтқанда, телемедицина арқылы дәрігер әлемнің бір шетінен басқа жерде жасалып жатқан оталарды бақылай алады. Сонымен қатар, науқас туралы мәліметтердің барлығы бір құрылғыда жиналып, ақпарат алмасу процесі жүреді. Дәлірек айтқанда, біз науқас ем қабылдаған бар әлемнен ақпарат жинап, оны серверді сақтаймыз. Бұл жағдайда адам әлемнің қай шетінде жүрсе де, өзінің медициналық аккаунтын белсенді етіп, Bluetooth, Wi-Fi немесе USB арқылы іздеу принципі бойынша қондырғыны қосса жеткілікті», — дейді ол.

Нейронды желі. Жүйеге енгізілген ақпараттың көмегімен компьютер ауруды өзі болжап, өзі анықтайды. Бастысы, сараптамалардың немесе тексерістердің нәтижелерін өз аккаунтына мобильді қосымшада енгізуді ұмытпау керек.

«Мен нейронды желінің бұл үлкен жүйедегі ең басты буын екендігін түсіндім. Оны басқаша жасанды ақыл немесе өзі үйрететін машина деп атайды. Қазіргі таңда ол виртуалды жүйеге айналды. Оның өздігінен дамуға арналған әлдеқандай әлеуеті бар», – деп түсіндірді жобаның жас авторы.

Желі TensorFlow машиналы оқытуға арналған ашық бағдарламалы кітапханасы арқылы іске қосылып, кез келген заңдылықтарды іздеу шаралары жүзеге асады.

«Жүйе өздігінен барлық ақпаратты өңдеп, барлық сәйкестіктер мен дәлсіздіктерді іздей бастайды, бұдан кейін алынған барлық мәліметтердің сараптамасы жасалады. Сау адамның көрсеткіштеріне сай келмейтін нәтижелер бар болса, компьютер оларды салыстыру арқылы анықтап, белгі береді. Бұл жүйеге өлі адамның да көрсеткіштері енгізіледі», -дейді Әлкей Аманжолов.

Жобаны іске асыруға екі жыл кетеді. Оның құны 200 млн теңгені құрайды.

«Менің есептеулеріме сәйкес, екі жылдық жұмыстан кейін біз екі-үш айдың ішінде жүрек-қан тамырлары ауруларының кризистерін 90 % дәлдікпен болжай алатын боламыз. Бірінші кезекте, бұл – инфаркт, инсульттер», – дейді ол.

Жүйе мобильді қосымшаға ұқсас. Дәлірек айтқанда, әр адам осы бағдарламаны өзінің ұялы телефонына жүктей алады.

«Мысалы, мен қосымшаны жүктеп, өзімнің медициналық кабинетімді ашып, оны іске қосып, диагностикалық құрылғыны Bluetooth, Wi-Fi немесе USB арқылы таптым дейік. Осыдан кейін менің телефонымда тексерістердің нәтижелері пайда болып, автоматты түрде сақталады», — деп түсіндірді ол.

Бұл жүйеге дәрігер қатыспайды. Оның міндеті болжам анықталған соң, науқасты емдеу болып табылады.

«Әр адамның міндеті – жүйе болжай бастасын деген мақсатпен тәртіпке сәйкес айына немесе аптасына бір рет өз мәліметтерін (сараптаманың немесе басқа тексерістердің нәтижелерін) серверге жіберу», — деп толықтырды Әлкей Аманжолов.

Қоғамдық көлік жолаушыларының жайлылығы үшін және тасымалдау сапасын көтеру мақсатында 27 қарашадан бастап бірқатар бағдарлардағы автобус саны көбейтілді деп хабарлайды елорда әкімдігінің медиа орталығы.

Жолаушылар көлігі басқармасында мәлімдегендей, № 7, № 12, № 15, № 17, № 21, № 32, № 40, № 44 бағдарлардағы автобустардың саны артып, олардың қатынау жиілігі қысқармақ.

«№ 7 бағдар – 10-нан 12 автобусқа дейін көбейтіліп, қатынау жиілігі 10 минуттан 8 минутқа дейін қысқарады;

№ 12 бағдар – 14-тен 15 автобусқа дейін көбейтіліп, қатынау жиілігі 10 минуттан 8 минутқа дейін қысқарады;

№ 15 бағдар – 16-дан 17 автобусов дейін көбейтіліп, қатынау жиілігі 8 минуттан 7 минутқа дейін қысқарады;

№ 17 бағдар – 11-ден 12 автобусов дейін көбейтіліп, қатынау жиілігі 12 минуттан 10 минутқа дейін қысқарады;

№ 21 бағдар – 12-ден 13 автобусов дейін көбейтіліп, қатынау жиілігі 10 минуттан 9 минутқа дейін қысқарады;

№ 32 бағдар – 11-ден 13 автобусов дейін көбейтіліп, қатынау жиілігі 12 минуттан 10 минутқа дейін қысқарады;

№ 40 бағдар – 19-дан 20 автобусов дейін көбейтіліп, қатынау жиілігі 8 минуттан 7 минутқа дейін қысқарады;

№ 44 бағдар – 9-дан 10 автобусов дейін көбейтіліп, қатынау жиілігі 12 минуттан 10 минутқа дейін қысқарады», — деп жазылған таратылған хабарламада.

Астана қаласының Жергілікті полиция қызметі 25 қараша мен 10 желтоқсан аралығында мүдделі мемлекеттік органдар және үкіметтік емес ұйымдармен бірлесіп «Зорлық-зомбылыққа қарсы 16 күн» ақпараттық акциясын өткізеді, деп хабарлайды елорда әкімдігінің медиа орталығы.

Іс-шараның негізгі мақсаты — зорлық-зомбылыққа ұшыраған отбасы мүшелеріне психологиялық, құқықтық көмек көрсету, отбасы құндылықтарын арттыру, зорлық-зомбылық құрбандарын оңалту бойынша қызмет көрсету, сонымен қатар халық арасында құқықтық түсіндіру жұмысын өткізу, тұрмыстық қылмыстар мен құқықбұзушылықтардың алдын алу болып табылады.

Аталған акция аясында Л.Н.Гумилев атындағы Евразия Ұлттық университетінде Астана қ. ІІД Жергілікті полиция қызметі, Біріккен Ұлттар Ұйымының Гендерлік теңдік және әйелдердің құқықтары мен мүмкіндіктерін кеңейту «БҰҰ-әйелдер» құрылымының қолдауымен жалпы әйел азаматтардың құқығын, еркіндігін, заңды ықыластарын қорғауға ынталы, мүдделі барлық тиісті органдар атап айтсақ жергілікті атқарушы билік өкілдері, Астана қаласы әкімінің жанындағы әйелдер ісі және отбасы демографиялық саясаты жөніндегі комиссия мүшелері, құқық қорғау органдары, мемлекеттік мекемелер сондай-ақ үкіметтік емес ұйымдар жәнеде бұқаралық ақпарат құралдары жиылған кеңейтілген дөңгелек үстел өткізді.

«Полиция әйелдерге отбасында зорлық-зомбылық көрсетуші тұлғалармен де сондай-ақ күш көрсетулердің құрбандарымен де бірлесіп әрекет ететін ең бірінші, көп жағдайда жалғыз ғана әлеуметтік институт болып табылады», — деді ЖПҚ бастығы Бақытжан Малыбаев.

Іс-шараның қортындысында Үкіметтік емес ұйымдар мен жергілікті полиция қызметі алдағы уақытта ынтымақтастықта жұмыс жасау туралы мемарандумға қол қойды және бірқатар мемлекеттік органдардың жетекшілерімен, үкіметтік емес ұйымдарға алғыс хаттар табыс етті.

Дөңгелек үстелді студенттердің қызғылт түсті шарлармен, біз зорлық-зомбылыққа қарсымыз атты флеш-мобы аяқтады.

Астана әкімдігінің медиа орталығы 1 желтоқсан ҚР Тұңғыш президенті күніне орай, 27 қараша мен 3 желтоқсан аралығында өтетін спорттық іс-шараларды хабарлайды.

27 қарашада «Сарыарқа» велотрегінде 2019 жылы болатын әлем чемпионатына «Қазақстан-Ирак» арасында баскетболдан біліктілік турнирі өтеді.

27-29 қарашада «Дәулет» СК мерекенің құрметіне ҚР Жоғары басқолбасшысының кубогына арналған ерлер арасындағы қоян-қолтық ұрыс бойынша ІІІ республикалық ашық турнир өтеді.

27-30 қарашада «Толқын» СК 2005-2006 жылы туылған жасөспірімдер арасында бокстан Астана қалалық біріншілігі өтеді.

1 желтоқсанда шаңғыроллер тас жолында барлық шаңғышылар жарысқа жиналады.

1-3 желтоқсанда «Дәулет» СК теннистен ҚР чемпионатының VI ашық чемпионаты өтеді. 2-3 желтоқсанда – «Дәулет» спорткомбинатының жүлдесі бойынша теннистен балалар турнирі өтеді.

3 желтоқсанда «Барыс арена» мұз сарайында 2017-2018 «Барыс – Металлург Мг» КХЛ чемпионатының маусымы.

Астана әкімдігінің медиа орталығы 27 қараша мен 3 желтоқсан аралығында өтетін мәдени бағдарламаларды ұсынады.

27 қараша «Астана» концерт залында Астана мемлекеттік академиялық филармониясының рухани оркестрінің «Ел мен құрлық бойынша» XVI концерттік маусымның ашылуы болады.

28-29 қарашада «Жастар» сарайында "Үмітпен болашаққа" қайырымдылық концерті өтеді.

29 қараша «Астана» концерт залында көрермендерді «Жайдарман» көңілді тапқырлар клубы қуантады.

30 қараша мен 1 желтоқсанда ҚР Тұңғыш Президенті күніне арналған бірнеше іс-шаралар болып өтеді.

Тәуелсіздік сарайында мерекенің құрметіне орай фотокөрме ашылады. Ал қыстың алғашқы күні «Астана» концерт залында «Елімнің жүрегі — Астана» атты патриоттық әндер шырқалатын эстрадалық концерт болады. Сондай-ақ, қала алаңында қазақстандық эстрада жұлдыздары сахнаға шығып, өнер көрсетеді.

2-3 желтоқсан аралығында А стана циркінде "Ұлы орыс циркі" шоуы қойылады, ал М.Горький атындағы театрдың актерлері А.Касонның «Дикарь. Третье слово» мелодрамасы мен Н.Садурдың «Панночка» триллерін ұсынады.

Елорда полициясы жедел-профилактикалық іс-шара өткізу барысында көші-қон заңнамасын бұзудың 284 фактісін анықтаған, деп хабарлайды Астана қаласы әкімдігінің медиа орталығы.

Астаналық полицейлер Елорда аумағында жедел-профилактикалық іс-шаралар өткізудің үш күндігінде көші-қон заңнамасын бұзудың 284 фактісін анықтаған. Атап айтқанда: ҚР-да болу ережесін бұзғаны үшін 251 шетел азаматы, шетелдiктерді қабылдаушы тұлғаның бекітілген ережені бұзғаны үшін ҚР-ның 27 азаматы, шетелдiк жұмыс күшiн пайдалану ережесін бұзғаны және шетелдіктердің еңбек қызметін заңсыз жүзеге асырғаны үшін ҚР-ның 6 жұмыс берушісі әкімшілік жауапкершілікке тартылған.

Шығару туралы соттың шешімін орындамағаны, атап айтқанда ҚР ҚК 393-бабы бойынша сотқа дейінгі тергеп-тексерудің бірыңғай тізіліміне 13 қылмыстық құқық бұзушылық тіркелген. Қазақастан Республикасының көші-қон заңнамасын бұзғаны үшін Астана қаласының мамандандырылған ауданаралық әкімшілік сотының шешімімен 42 шетел азаматы елден шығарылған.

118 шетел азаматына қатысты ҚР аумағында уақытша болу мерзімі қысқартылды, жеке басын анықтау үшінқабылдап-тарату орнына ТМД 47 азаматы жеткізілді. Үш күннің ішінде 884 910 теңге сомасында айыппұл салынып, оның ішінде 510525 теңгесі өндірілген.

Астана қаласы ІІД көші-қон қызметі басқармасының бастығы полиция полковнигі Еркетай Туткушевтің айтуынша, жыл басынан бері елорда аумағында көші-қон заңнамасын бұзғаны үшін 11 275 шетелдік және азаматтығы жоқ тұлға әкімшілік жауаптылыққа тартылды, оның ішінде 1674 шетел азаматы ҚР-нан шығарылды. Көші-қон заңнамасын бұзғаны үшін 139 қылмыстық іс қозғалды. Шетелдік жұмыс күшін тарту тәртібін бұзғаны және шетелдіктердің заңсыз жұмыс істегені үшін 147 жұмыс беруші әкімшілік жауапқа тартылды.