Астаналық ТЖ департаменті мен Өрт сөндіру қызметінде «Донор күні» акциясы өтті. Акция қан тапсырып, өзгелердің сауығып кетуіне көмек бергісі келгендерді жинады, деп хабарлайды елорда әкімідігінің ресми сайты қалалық ТЖД баспасөз қызметіне сілтеме жасап.

Трансфузиология ғылыми-өндірістік орталығы  қызметкерлері ТЖД және Өрт сөндіру қызметінің қызметкерлерінен донорлық қан алды. Акцияға барлығы 50-ге жуық адам қатысты.

Қан тапсырып, көмек беруге Департаменттің және Өрт сөндіру қызметінің басшылығы мен жеке құрамы келді.

«Азаматтық міндеттерін орындауға тәжірибелі құтқарушылардан басқа Өрт сөндіру қызметінің жас қызметкерлері де келді. Олардың басым бөлігі алғаш рет қан тапсырса да, бұл іске жауапкершілікпен келген. Барлығы медицина қызметкерлерінің ұйғарымына сәйкес қан тапсыруға дайындықпен келіп отыр» – делінген хабарламада.

Астанада «Жаңа белес» атты жастарға арналған байқау-фестивальдың ашылу салтанаты өтті. Шара елорданың 20 жылдығына орай ұйымдастырылып отыр, деп хабарлайды қалалық әкімдіктің ресми сайты.

Фестивальдің басты мақсаты – студенттердің шығармашылық қабілеттерін дамыту, жастардың бос уақытын ұйымдастыру мен оның сапасын жақсарту, мәдени тәрбие берудің деңгейін жоғарылату.

ҚР Қарулы күштері Бас штабының басшысы Бахытжан Ертаев, ҚР еңбек сіңірген мәдениет және өнер қайреткері Сұлтан Оразалы, «Астана жастары» орталығының жетекшісі Үкібай Нұрпейісов, сондай-ақ, ҚР Парламент Мәжілісінің депутаты Геннадий Шиповских салтанатты кештің құрметті қонағы атанды.

«Бүгін Астана қаласы студенттерінің арасында алғаш рет «Жаңа белес» фестивалі басталды. 6 күн ішінде колледждердің мыңға тарта студентінің арасында  «Хореографиялық өнер», «Авторлық оқу», «Вокалдық өнер», «Фокуста» және «Ең ақылды» сияқты бес аталым бойынша үздіктер анықталатын болады», — деп атап өтті «Астана жастары» ресурстық орталығының жетекшісі Үкібай Нұрпейісов.

Ұйымдастырушылардың айтуынша, байқау жеңімпаздарының есімдері 10 қарашада жарияланбақ.

MEGA Silk Way сауда орталығында дәрігерлер «Біздің таңдауымыз денсаулық» атты мәдени-сауықтыру акциясын өткізді, деп xабарлайды Астана қаласы әкімдігінің ресми сайты.

Келушілер сауда орталығының алаңында үздік жалпы тәжірибе дәрігерінен, педиатрдан, терапевттен тегін кеңес алды. Сондай-ақ, қан қысымын өлшеу, бой, салмақ, қандағы қант пен xолестеринді анықтау сынды диагностикалық рәсімдерден тегін өтті.

Флюорографиялық талдаудан өткісі келгендерге арнайы флюрокөлік қызметі ұйымдастырылды. Сондай-ақ, жедел-жәрдем қызметкерлері алғашқы медициналық көмек көрсетуден арнайы шеберлік сыныбын өткізді.

«Адамдарға алғашқы көмек көрсету өте маңызды. Мұндай іс-шаралар жағдайың нашарлаған сәтте өзіңе-өзің жылдам көмек көрсету үшін пайдалы», — деп атап өтті сауда орталығына келуші зейнеткер Зәуре Амангелдіқызы.

Іс-шара соңы концерттік бағдарлама мен әлеуметтік медициналық сақтандыру тақырыбындағы викториналарға ұласты. Белсенді қатысушылар сыйлықтарға ие болды.

Еске салайық, сауықтыру шарасын елордалық қоғамдық денсаулық сақтау басқармасы Әлеуметтік медициналық сақтандыру қоры және ҚР Денсаулық сақтау министрлігінің МӘМС бойынша жобалық кеңсесімен бірлесе отырып өткізді.

Астана тұрғындары үшін Байқоңыр ауданында жаңа Халыққа қызмет көрсету орталығы өз есігін ашты, деп хабарлайды елорда әкімдігінің ресми сайты «Азаматтарға арналған үкімет» мемкорпорациясының баспасөз қызметіне сілтеме жасап. 

Бұл – азаматтардың мемлекеттік қызметті алуы үшін Астанада ашылып отырған оныншы ХҚКО. 

Байқоңыр ауданының елордадағы төртінші аудан ретінде Сарыарқа мен Алматы аудандарының біраз бөлігін біріктіргені баршаға белгілі. Аудан тұрғындарына қолайлы болу үшін ХҚКО Абай даңғылы, 80 мекен-жайы бойынша ашылып отыр.

 «Тағы бір фронт-кеңсенің ашылуы астаналықтардың мемлекеттік қызметті алуы үшін өздеріне ыңғайлы жеріне қарай ХҚКО таңдауына мүмкіндік беріп, басқа орталықтардың жұмысын жеңілдетеді. Ғимараттың алаңына бірнеше сектор орналастырылған. Атап айтқанда, бұл – жеңілдік терезесі, қоғамдық қолжетімді пункт, өзіне-өзі қызмет көрсету секторы, ЭЦҚ беру, көші-қон полиция қызметкерлері, касса», — деді «Азаматтарға арналған үкімет» мемкорпорациясының төрағасы Абылайхан Оспанов. 

 Бөлім үш қабатты ғимараттың бірінші қабатында орналасқан, алаңы 2000 шаршы метрден асады. Мұнда операторы бар қызмет көрсететін 13 орын, өзіне-өзі қызмет көрсету секторында 15 орын, ЭЦҚ беретін 4 үстел қарастырылған. 4 үстелде көші-қон қызметкерлері құжаттандыру және азаматтарды мекен-жайы бойынша тіркеу қызметін жүзеге асырады. Бұдан басқа, бөлімде кассалар бар, онда азаматтар мемлекеттік баж салығын төлей алады. Сондай-ақ, жаңа ХҚКО мүмкіндігі шектеулі тұлғаларға арналған пандуспен, жеңілдік терезелерімен, шақырту батырмасымен жабдықталған. Азаматтардың қолайлылығы үшін автотұрақ ұйымдастырылды. 

3 қарашада MEGA Silk Way сауда-ойын сауық орталығында «Наш выбор — здоровье! Біз денсаулықты таңдаймыз! Health – our choiсе!» атты мәдени-сауықтыру акциясы өтеді, деп хабарлайды елорда әкімдігінің ресми сайты. 

Тегін консультацияны жалпы тәжірибедегі дәрігерлер, терапевттер, педиатрлар береді. Сонымен қатар, қан қысымы, бой өлшемі, салмағы, қант пен қандағы холестеринді өлшейтін диагностикалық процедуралардан да өту мүмкіндігі қарастырылған.

Флюорографиядан өткісі келетіндер үшін жылжымалы флюрокөлігі ұсынылады.

Астаналық жедел жәрдем қызметінің инструкторлары өміріне қауіп төнген жағдайда алғашқы медициналық көмек көрсетуден шеберлік сабағын көрсетеді. 

Шара бағдарламасында фитнес-жаттықтырушының басшылығымен спортпен айналысу бойынша өзінің кеңестерімен бөлісетін ширату бөлімі де бар.

Акция барысында концерттік номерлер, әлеуметтік медициналық сақтандыру  тақырыбында викториналық сұрақтар қойылып, дұрыс жауап бергендерге сыйлық үлестіріліп, лотерея ойнатылмақ.

Науқанды Астана қоғамдық денсаулық сақтау басқармасының әлеуметтік медициналық сақтандыру қоры мен ҚР Денсаулық сақтау министрлігінің міндетті әлеуметтік сақтандыру бойынша кеңселік жобасы бірлесіп ұйымдастырады. Мақсат – салауатты өмір салтын насихаттау, өз денсаулығын сауатты басқаруды үйрету, әрбір азаматтың міндетті әлеуметтік сақтандыру жүйесіне қатысу бойынша көбірек ақпараттандырылғанын қамту.  

Астана тұрғындары мен қонақтары MEGA Silk Way ОСО ғимаратындағы ерекше «Қазақстандық ғарыш жолы» шағын көрмесіне барып, өздері үшін ғарыш әлемінің алып та тылсым сырын аша алады, деп хабарлайды елорда әкімдігінің ресми сайты.

Көрме Астана әкімі Бақыт Сұлтановтың бастамасымен қорғаныс және аэроғарыш өнеркәсібі министрлігі және  «Қазақстан Ғарыш Сапары» ұлттық компаниясының қолдауымен ұйымдастырылды.

Шара мақсаты – Қазақстанның ғарыш қызметін танымал ету, отандық ғарыштың жетістіктері мен болашақтағы жоспарларын, сондай-ақ заманауи ғарыш технологиясының қызметіне халықтың қызығушылығын арттыру. 

Шағын көрмеге ерекше қолданбалы құнды заттар қойылды. Оның ішінде ғарыш парашютімен жерге түскен капсула бар, онымен Қазақстанның үшінші ғарышкері, Халық Қаһарманы, ҚҚК генерал-майоры Айдын Айымбетов «Союз ТМА – 16М» ғарыш кемесімен жерге қонған болатын. Мұнда оның скафандры және KazEOSat-1 және KazEOSat-2 қашықтықтан зондпен тексеру спутнигінің макеті бар.

Сонымен қатар, көрмеге Қазақстан ғарышкерлері Тоқтар Әубәкіров, Талғат Мұсабаев, Айдын Айымбетов туралы қазақ және орыс тілдерінде ақпараттық тақтайша бұрышы орнатылды.

 «Біз аталған көрменің сауда-ойын сауық орталығында кең көлемді әрі қызықты алаңға айналарына сенеміз. Көрмені дәл осы сауда-ойын сауық орталығына орналастыру идеясын біздің әкім ұсынды. Бұл келушілердің өздеріне ғарыш әлемі туралы қызықты да ғаламат әлемді ашуын, ғарышты бағындырудың қандай екенін көздерімен көруі үшін жасалып жатқан дүние», — деді Астана әкімінің орынбасары Ермек Аманшаев.

Оның сөзін Қазақстан Республикасының қорғаныс және аэроғарыш өнеркәсібінің вице-министрі Марат Нұрғужин де қолдады.

«Бұл көрме Қазақстанның ғарыш саласындағы қызметін насихаттауға арналған. Біле білсеңіздер, Қазақстанда ғарыш саласы – ең жас сала. Бірақ соңғы он жылда жеткен жетістігіміз өте зор. Бізде екі ғарыш жүйесі жұмыс істейді. Қарашада біз үшіншісін босатамыз. Жерүсті инфрақұрылымы құрылды. Біз 2 ғарыш бағдарламасын орындадық. Елімізде үш ғарышкер барын  мақтан тұтамыз», — деді ол.

Көрмеге келген балалармен ғарышкерлердің өздері де өмірлік тәжірибесі туралы бөлісті. Қазақстанның тұңғыш ғарышкері Тоқтар Әубәкіров көрмеге алғаш келушілерге үш адамның көмегімен 6 сағат ішінде жерге оралатын жерге қонушы аппаратпен таныстырды.

«Көрме қатты ұнады, өзім үшін көптеген жаңалықтар аштым. Бұл балалар үшін де өте пайдалы. Осында алған ғарыш туралы ақпараттар балалардың мектептегі ғарыш туралы сабағына,  жеке дамуына көмегі тиюі мүмкін», — дейді № 70 мектептің 8 сынып оқушысы Биназ Асаинова.

Көрмені 1 қарашадан 2019 жылдың 31 наурызына дейін тамашалауға болады.

Алматы ауданында балалардың бос уақытын тиімді өткізуге арналған жаңа орталықтар ашылды, деп хабарлайды қала әкімдігінің ресми сайты.

Balausa клубында басқа балалармен қатар мүмкіндігі шектеулі балалар үшін де үстел теннисі, шахмат, тоғызқұмалақ, бокс, қазақша күрес және домбыра үйірмелері ұйымдастырылған.

Ал «Сандық» орталығы қолданбалы өнер саласына баса назар аударады. Өнер және қолөнер дағдыларымен қоса, мұнда тігін, модельдеу және киім дизайны бойынша сабақтар жүргізіледі.

23 style аула клубында брейк-данс үйірмесі ашылды.

«Барлық жаңа орталықтар балалар үшін тегін қызмет көрсетеді. Жаңа клубтардан өзге, қазіргі уақытта қалада 24 аула клубы бар. «Астана Жастары» тұрғындарға спорт және өнермен тегін шұғылдануға мүмкіндік беретін ұйымдардың санын 30-ға дейін ұлғайтуды жоспарлап отыр», – деді «Астана жастары» орталығының ди⁠ректоры Үкібай Нұрпейісов.

Аула клубтартарына үстел теннисінен чемпион тәрбиелеген, бокс пен қазақша күрестен халықаралық жарыстарда жүлделі орындарға ие болған Қазақстан Республикасының спорт шеберлері, сондай-ақ екінші санаттағы мұғалімдер, логопедтер мен білікті жаттықтырушылар шақырылды.

Бүгінгі таңда елордада балалардың дамуына тегін көмек көрсететін 27 аула клубы жұмыс істеп тұр. Жаңа орталықтар Кенен Әзірбаев көшесі 8 және 4/1 мекен-жайы бойынша орналасқан.