Мәжбүрбойдақ тамағы - 2

Блог - Daniar-Alan: Мәжбүрбойдақ тамағы - 2

Былтырғы Мәжбүрбойдақ тамағым естеріңізде болар. Өткен аптада бастау алған Ас кок жылдам тағамдар байқауының қазылар алқасына «сайланғандықтан» автоматты түрде ол конкурсқа қатысу/қатыспау мәселесі шешілді де, тағам пісіруді 15 минутқа сыйғызу, яғни уақыт мәселесі актуалдылығын жойды. Сондықтан асықпай, бірақ махаббатпен пісірілетін тағамдар тізбегін интернеттен көріп шықтым. Бірақ ол жердегі ингридиенттердің көпшілігі үйде болмағандықтан және де оны дүкеннен сатып алып жатуға біріншіден уақытты, екіншіден ақшаны қимағандықтан Мәжбүрбойдақ тамағы — 2-ні дайындау туралы шешімге келдім. Бұл өзгеру және әр-түрлі болу (ингридиенттері, дәмі, сұйықтығы т.б.) қасиетіне ие бірден-бір тағам. Яғни, сіз оны пісіріп жатып оның қандай болып шығарын білмейсіз. Сонысымен ерекше.
Сонымен, бастадық. Схема қарапайым: үйіңізде, тоңазытқышыңызда бар барлық көкөністерді аласыз (егер ерінбесеңіз ет те салуға болады) да пісіруді бастайсыз. Менің жағдайымда ол былай шықты.
Әрі қарай

Рамазан құрмасының пайдалары

Рамазан айының атрибуттарының бірі — құрма. Ал осы Рамазан құрмасының пайдаларын білесіз бе?

Рамазан - қасиетті ай...: Рамазан құрмасының пайдалары

Құрамы:
— Көмірсулар (60—65 %) — басқа жемістермен салыстырғанда ең жоғарғы көрсеткіш.
— Майлылығы (0,2—0,5 %).
— 15 түрлі пайдалы тұз және минералдар бар (темір, мыс, магний, мырыш, марганец, калий, фосфор, кадмий, натрий, алюминий, кобальт, күкірт, бор).
Әрі қарай

Мешіт сайтында онлайн-имам Ораза Chatbot-ы қосылды

Блог - Rafaello: Мешіт сайтында онлайн-имам Ораза Chatbot-ы қосылдыЕлімізде алғаш рет мешіт сайтында Ораза chatbot-ы қызметі қосылды. Chatbot қолданушылардың оразаға қатысты түрлі сұрақтарына лезде жауап береді. Жоба және идея авторы Жангелді мешітінің аты-шулы атеист имамы Серік Эдуардұлымен сұхбаттасқан едік.

— Ассалаумағалейкүм уа рахматуллахи уә баракатуху Сәке!
— Саламатсыз ба?

— Ораза chatbot-ы туралы толығырақ айта кетсеңіз?
— Шыны керек бұл біз үшін жақсы шешім болды. Жыл сайын адамдарға бір сұраққа мың рет жауап беруден шаршап кеттік. «Оразаны бұзатын нәрселер нелер?», «Су ішіп қойсам оразам бұзыла ма?», «Рамазан айында жыныстық қатынасқа рұқсат бар ма?», «Түкірігімді жұтып қойдым, оразам бұзыла ма?», «Етеккір кезінде ораза ұстауға болады ма?»
Әрі қарай

Ораза кестелері - 2013

Айт туралы ешкім айтпай ма?

Кеше күн ұзақ жолда болдым да ешкімнің үйіне айттап кіре алмадым шыны керек. «Керекке » де бас сұға алмадым. Қолым сәл босай қалған кезде, ақтарып отырып «Ораза айты» жайында ешкімнің жазбағанын байқағандаймын.
Ораза айттарыңыз қабыл болсын!
Әрі қарай

Үміт пен күдіктің арасында

Тақуа кісілердің бірі Сануси өзін сәт сайын Алла тағаланың бақылап тұрғанын сезінгенде, жанын қоярға жер таппай кететін. Өйткені, Жаратушы Иеден қатты қорқатын. Күнара ораза ұстайтын. Қолындағыны қанағат тұтатын, өзі бермесе, ешкімнен көз сүзіп ештеңе сұрамайтын. Ораза ұстаған кей күндері: «Аузың берік пе?», – деп сұрағандарға: «Шынымды айтсам… ораза ұстадым деп те, ұстамадым деп те айта алмаймын», – деп күмілжи жауап беретін. Ораза ұстағандықтан «ұстамадым» дей алмайтын. Алайда, менікі қабыл болатын кәміл оразаға жата ма, жатпай ма деген іштейгі күдікпен «ұстадым» деуге де ауызы бармайтын.

Оның рухани тереңдігін білмейтіндер: «Өзіңнің ауыз бекітіп, бекітпегеніңді білмейсің бе?», – дегенде, ләм-мим деп жауап берместен, ол жай ғана күлімсірейтін де қоятын.

(Құдайберді Бағашар, «Ислам және өркениет»)

angimeler.wordpress.com — осы жерден оқыдым.
Әрі қарай

Оразаның денсаулыққа зияны бар ма?

Ораза тұту денсаулыққа зиянды емес, керісінше өте пайдалы. Өйткені Аллаһу та’ала құлына зиянды нәрсе әмір етпейді. Пайғамбарымыз да «Ораза тұтыңдар, денсаулыққа қауышыңдар» деп бұйырған.
Ораза тұту асқазан мазасыздығына себеп болмайды, керісінше асқазанның саулығы үшін өте пайдалы. Бұл жайт бүгінгі медицина мамандары тарапынан анық, айқын түрде дәлелденген. Қаншама шетел тілінде маман дәрігерлер тарапынан жазылған кітаптарда көптеген аурулардың диета сақтаумен емделетіні немесе диета арқылы емнің тез жүретіні білдірілуде.
Ораза – бір жыл бойы тоқтаусыз жұмыс істеген асқазанмен бүкіл ас қорыту жүйелерінің дем алуы және адам денесінің тазаруы деген сөз.
Адамдарда өте жиі кездесетін індет асқазан және ішек аурулары. Ал бұл жағдай семіру, жүрек және тамыр ауруларына, қант диабетіне және қан қысымының жоғарылауына себеп болуда. Ораза бүкіл бұл аурулардың алдын алушысы болумен қатар емнің көзі болып табылады. Бүгін көптеген аурулардан құтылу үшін диета сақтау керектігін дәрігерлер білдіруде.
Әрі қарай

Рамазан айы жақындады...

Міне, қасиетті Рамазан айы да жақындап қалды. Басталуына санаулы-ақ күн қалған Рамазан айын құрметтеуіміз керек. Құрметтеу үшін Аллаһу та’аланың бұйрықтарын орындап, тыйымдарынан сақтануымыз қажет. Ораза тұтып, ғайбат жасаған, жалған сөйлеген, ренжіткен, харамдардан сақтанбаған адам рамазан айын құрметтемеген болып саналады.
Аллаһу та'ала иман еткендерге жылына бір рет рамазан айында ораза ұстауды әмір еткен. Хақ та’ала бұл әмірді себепсіз бермеген. Ораза адамдарға әрі материалды, әрі рухани пайда беруде. Бір жыл бойы түрлі тағамдарды қорту үшін шаршаған адамның асқазаны және ішектері жылына бір рет демалып, өзінің саулығын сақтаған болады. Бұл – физикалық жағынан беретін пайдасы.
Рухани пайдасы болса – ораза ұстаған адам, аш қалған адамның тартқан азабын, өз басымен сезіп, кедейлерге көмек беру керек екенін сезінеді. Бұл адамдардың бір-біріне көмектесулеріне себеп болады. Бір-біріне көмектесетін адамдардың қоғамында қақтығыстар болмайды.
Әрі қарай

Ауылда өткен бір күн және оразаға құрмет

(3641.91 Kb, 3648x2736)
Әне-міне дегенше айлардың сұлтаны Рамазан айының ортасына да жеттік. Сауабын Хақ Тағаланың өзі беремін деген оразаның артықшылығын айтып тауысу мүмкін емес. Әр істеген ісіңе мың есе артық сауапты осы айда аласың. Жақында ауылдағы көршіміз ауыз ашарға шақырды. Күн ыстығына қарамастан Тараздан жүз шақырым қашықтықта құм жиегін бөктерлей қоныс тепкен туған жеріме тартып кеттім…
Шіркін, неткен ыстық едің, дархан далам! Саған деген сағыныш аптап ыстықты елетпейді. Талас ауданы, Аққұм ауылы кеңес үкіметі түсында облысқа танымал совхоздардың бірі еді. Мақта, бидай және тағы басқа егін еккен ауыл кеңес үкіметі құлағанда тарап кетті. Алайда, уақыт өте келе шашыраған ауыл еңсесін біржолата тіктеп кетпесе де, қолы аузына жетіп қалды. Жақында ғана жөнделген түзу жолда жүйіткіген машина әйнегінен сар дала сағым болып көрінеді. Әне бір жерден кезінде арындай тулап, «Киров» су қоймасы арқылы ашуына тұсау салған Талас өзені ағып жатыр. Жағасында түскі өрістен қайтқан мал жусайды. Батыс тұстан «Оққұм» қаласының үйіндісі артта қалды. Алдымыздан бай қызына арнап салған «Ақмола» зираты мұнартып көрінеді. Талайды төсіңе сыйдырған қазақ даласы тұнып тұрған тарихсың-ау, шіркін…
Әрі қарай

Оразада жұмыс уақытын қысқарту керек пе?



Ингушетия басшысы Юнус-Бек Евкуров өз жарлығымен ораза кезінде жұмыс уақытын бір сағатқа қысқартуды мақұлдапты. Негіздемесі — аузы берік мұсылмандар түскілік үзілісте бәрібір жұмыс орнында қалады. Біріккен Араб Әмірліктерінде де Рамазан айында сегіз сағаттық жұмыс уақыты алты сағатқа қысқартылады екен. Тұрғындардың діни ұстанымына қарамастан.
Әрі қарай

Жиі кездесіп жатыр....

— Тууу не болып кетті. Адам сиқты ауыз аша алмайтын болдық.
— Әй, не болды?
— Не болды дейсің бе? Фатмагүл болды.
— Ол тағы не бәле?
— Түкеңдердің сериялы. Бәле болды. Тура ауыз ашар уақытында басталады. Анам, жеңгем қарындасым барлығы соны көреді. «Өздерің шәй демдеп іше салыңдаршы, қазанда тамақ бар, салып жеңдер» деп айтады күніге.
— Мәссаған!!!
Әрі қарай

Ораза қабыл болсын, ұстаған жан!

Бүгінгі басталған оразаларын қабыл болсын достар тұтқандарың болса! 2006 жылы алғаш ораза тұттым. Кәдімгідей дайындалдым алдын ала. Өйткені өзім суды көп ішетін едім соған шыдамым жетпей қалам ба деп қобалжыдым. Боқтық сөздер де қолданысымда едәуір еді әрі сол кездерде. Соларды да азайтып, тіпті айтпауға тырысып өзімді «тәрбиелей» бастадым. Бір танысымның ұсынысы қызықтырып эксперимент жасадым десем де дұрысырақ болар. Оның ұсынғаны ораза басталардан он күн бұрын, ораза айының жартысы өткеннен кейін, содан соң аяқталғаннан кейін он күннен кейінгі кіші дәреттеріңді салыстырып көр, мен сүйткенмін деді. Сонда кәдімгідей нәтижесін көресін екен. Әр кезеңдегі дәреттердің өзгерісін байқайсың. Әрі бойыңды жеңіл сезініп, спортпен шұғылданғандай керемет күш байқадым өзбасым. Бірақ өкініштісі намаз оқи білмейтінмін. Әлі күнге дейін білмейтінімді мойындаймын. Кейін бір жерден осылай тек денсаулық үшін ораза тұту күнә дегенді оқып қалып артты қыса қойдық  Негізі ораза ұстағаннан кейін намаз оқу да шарт шығар. Ал былай пендеміз ғой, жалпы ниетіміз түзу, барымызша дұрыс жүреміз деп ойлаймын… Барлығымыз аман болайық. Жанымыз, арымыз, тәніміз сау болсын!
Әрі қарай

Оразаға қатысты

Рамазан – айлар ішіндегі ең қасиеттісі. Өйткені Құран кәрім осы айда түсті. Сауабы ең көп ораза, осы айда тұтылатын ораза. Ораза тұтумен қатар бұл айды ғанибет деп біліп, иман-ақида мәселелерін дұрыс жазылған илмихал (ғылмихал) кітаптарынан оқып үйрену керек. Содан соң ғибадаттарды, харам-халалды үйрену және тіршілігін соған сәйкестендіру қажет. Илмихал мәселелерін оқып үйрену нәпіл намаздан және бүкіл нәпіл ғибадаттардан да артық.
Әрі қарай