Адам баласы қандай қырсықтарға ұшырамады десеңізші! Бірде Аркадиядағы Стимфалия көлінің жағасындағы орманға қола қауырсындары, жез тырнақтары мен тұмсықтары бар алып құстар жұбы келді. Үлкен жылдамдықпен көбейе отырып, олар үлкен үйірге айналды және қысқа уақыт ішінде қала төңірегінің бәрін шөлге айналдырды: бүкіл егістік өнімдерін жойды, көлдің құнарлы жағалауында жайылған малдарға шабуылдады, көптеген малшылар мен егіншілерді өлтірді. Құстар ұшып жүргенде, олардан төменге түскен қауырсындары, жебе секілді, жерде ашық кеңістікте жүргендердің бәрін қырды, немесе жез тырнақтары мен тұмсықтары арқылы жойды. Аркадиялықтардың бұл бақытсыз жағдайын естіген Эврисфей оларға Гераклды көмекке деп жіберді, бірақ шындығында оның ойы батырдың көзін жою болатын.