Arular.kz
Рейтингі
+136.78
Тәжірибе
368.45

Тоты

Жарияланымдар

"Көктемнен" қалыспайық...

Блогиада басталғалы көктеммен бірге Wordpress.com мен Kerekinfo блогтарына жан бітіп, блогшы қауым отауларына бас сұға бастапты. Біразына меймандап қайттым. Байқау серпін бергені көрініп-ақ тұр. Сапалы контент қалыптастыру мақсатында ұйымдастырылған байқаудың бастамасы жаман емес сияқты. Көршілес блогтардан байқағаным, Бүркіт досым өткен-кеткен көктемді түртіп өтіпті. Өркеннің отауында көктем әр қырынан өріліпті. Әйгерім қыз көктемге біраз фотоөнерін салыпты. Араларында ұнағаны Нұрбергеннің жазбасы. Оқып отырып, әр көктеміңді көз алдыңа тізбектейді екенсің. Кітап жазғым келіп кетті. Көктем жақсы ғой. Жаңару. Жандану. Биыл Астанаға көшіп келгелі екінші көктемімді, өмір ағысында 35-ші көктемімді қарсы алып отыр екенмін. Бұған да шүкір. Былтырғы жылы елордадағы көктемімді қалай өткізгенімнен нышан да қалмапты. Тегі, ойда қалатындай ештеңе болмаған сияқты. Ол жылғы қаһарлы қыс та...

Үзінділер... (Қ.Шабданұлының "Қылмыс" романынан)

Қаңтар-ақпан үздіксіз отырып, романды тұтас оқып шықтым. Ішінен теріп алған үзінділермен бөлісе отырайын: І- том: … Ие, адам баласын мұңдастық таныстырады, мұңдастық достастырады, мұңдастық бірлестіреді ғой… (130-б.) … Көңіл бұлты ашылғанда дүние көріктеніп, нұрлана қалғандай болатыны бар-ау… (330-б.) … Адам көзінің отынан талай үміт күтуге болады… (359-б) … Адам баласы береке-бірлікке кемдікпен емес, теңдікпен қана жете алады. Ынтымақ кеңдікте емес, теңдікте...(443-б.) … өзім өмірдің анық білген, жете түсінген адамгершіліктің-елдіктің ең тәттісін айта кеткім келеді. Ол – татулық, достық. Меніңше, татулықтан тәтті «тағам” жоқ. „Бірлік болмай тірлік жоқ“...(449-б) … Гүлге адамның көзі көп түседі. Бұлбұлға құлағы ұйиды. Бірақ, адам жүрегін екеуі де дәл ғашық жардай құмарлық отына тартып түсіре алмайды ғой… (483-б) ІІ -том: ...Қысылған адам...

Астанадағы өмір немесе ғаламтор үшін күз жоқ...

Астанаға келіп, орналасып оны-мұныны түгендегенше қоңыр күздің де келгенін байқамай қалыппын. Қарбалас тірлік келе сала басталып кетті. Бұрын Астанаға бір-екі рет келіп кеткенім болмаса, көп дүниені бағдарлай қойған жоқ едім. Қазір көшелерін таптап, жұмыстан үйге қатынап жүргеніме бір айдан астам уақыт өтті. Шыны керек, жерсіне алмай жүргендікі ме, әлде Семейдегі тыныш жұмысымнан кейін шулаған мәдениет саласының ортасына келгеннің әсері ме, өзге бір ғаламнан келгендей күй кешудемін. Сағат алтыға он-он бес минут қалғанда дайындалып отырып, тура алтыны көрсеткенде шығып жүре беретін заман мен үшін арман болды. Таң бозынан келіп, қас қарайғанда, жоқ, қас қарайғанда емес, ел ұйқыға жатқанда бірақ шығасың. Бітпейтін ұшы-қиыры жоқ бір жұмыс. Бір жағы пайдасы да тиіп жатқан шығар.Арнайы күн арнамасам да, мәдени шараларды атқару барысында бірталай жерлерді көріп таныстым. Есесіне, мені...

Аспаны қабақ ашпаған Астана және "Құрылтай-2012"

Иә, дәл былтырғыдай блогшылар жарыса талай-талай жазбаларды жазып-ақ жатыр. «Тойдын болғанынан боладысы..» демекші, бір күнгідей болмай, зу етіп өте шықты. Астанада өткен құрылтайдың да блогшылар үшін орны бөлек болатыны даусыз. Препати, сәулетті университет, жинақы пәтерлеріміз, баяндамалар, шулап-шұрқыраған блогшылар, танысулар… тағысын тағы… оның бәрі көз алдымызда, қайталап жазудың қажеті жоқ шығар. Ең бастысы, Астаналық блогшылардың қолдарынан келгенше атқарған еңбегі еш кетпеді. Не керек, Талғат ескерткен соң, универ ішіндегі бассейнге түспей, абырой болғанда ешкім балконнан құламай, құрылтайды аман-есен өткердік!

Сыйлық таңдауға кеңестер!!!

Ертең 8 наурыз, әрине, сүйіктілеріңіз мерекеге орай сіздерден күтіп отырған сыйлықтар туралы айтпай кетуге болмайды. Айтпақшы, әлеуметтанушылар қыз-келіншектер қандай сый алғанды ұнататыны жайлы зерттеу жасап үлгеріпті. Сонымен, дәл қазір 8 наурызға лайық сыйлықтардың ОНДЫҒЫН атап өтсек: *ОНЫНШЫ орында гүлдер – бұл міндетті сыйлықтың бірі. Әрине, ол сіздің ханымыңыздың талғамына қарай таңдалады. *ТОҒЫЗЫНШЫ орында шоколад- мейілінше бірегей, арзан, әрі танымал сыйлық түрі. Мұнда да сүйіктіңіздің тәттіні жақсы көретініне байланысты. *СЕГІЗІНШІ орында — аксессуарлар мен әшекей бұйымдар. Өте қолайлы сыйлықтар десе артық емес. Мысалы, аксессуарларды әйелдер қауымы күнсайын қолданады, мысалы, бөкебай, былғары қолғап, қолшатыр, жібек орамал, сөмке, бояу құралдарын салатын дорба… тағысын тағы. Көптеген әйелдер әшекейлерді ұнатады, тек лайықтысын таңдай алсаңыз болғаны, ал...

"Керектегі" Сигма - Семейде жүр

Өкінішке орай, фотоаппарат болмады қолымызда. Семейде күн-райы -35 көрсетіп тұр. Біраз уақыттан бері еңсем түсіп жүр еді. Ойламаған жерден «Мен — «Керектегі» Сигма ғой...» деп, Семейге іссапармен Атыраудан келген Алмас хабарласты. Кеше кешкісін тоқтаған қонақүйіне аяздатып іздеп бардым. Әбіләкім сияқты « шампанға тапсырыс бердіңіз бе » деп бөгде бөлмені қағып шулатқам жоқ, 1 қабатта күтіп тұрдым.  Жалпы, осы Керекинфодан Сигма «Алматы кетті, Астана кепті» деген тәрізді ақпараттарды көзім шалғаны болмаса, таныстығымыз жоқ-тұғын. «Кофеманға» барып, 2 шыныаяқ кофені ұрттап қойып, біраз әңгіменің басын шалдық. Бүгін Әлекең келген жұмыстарын реттеп жатқан болар. Күннің аяздығы болмаса, жалпы Семей жұрты — қонақжай халық. Кешенің өзінде Сигманың пікірі осы маңда болды. Ел – жер көргенге не жетсін! Досымызға келген мақсаттарындағы істері оңға бассын деп тілейік!!!

«Ракушка» туралы білгіңіз келсе...

Шілде айында қаладағы құрбым Зухра Ақтауға жиен сіңлісін ұзата барып келген еді. « Каспийден теріп алдым, сен осындайға әуес едің ғо й» деп тойдың сарқытымен қоса бір уыс ракушкаларды қолыма ұстатты. Содан бері блогыма жазайын деп сәті түспей жүрген еді.

Жүгері жейсіз бе?

Бала кезімізде күзді күні ауылдың айналасына егілген бидай, күнбағыс, жүгері алқаптары жайқалып тұратын. Біздер, яғни маңайдағы ұсақтар, шыдамай, бір-бір велосипедке мініп алып, егістікке барып, шала-мала піскен жүгері собығын шетінен ақырын үзіп, үйге әкеп, пісіріп жейтінбіз. Тұз сіңіп піскен бұрқыраған иісі де керемет еді…

Семейде адам сенгісіз оқиға орын алды

Семейде адам сенгісіз оқиға орын алды. Тұрғын үйдің жетінші қабатынан құлаған бес жасар бүлдіршін, абырой болғанда, дін аман қалды. Шыңғыс Тәйтенов үйде жалғыз қалған екен. Сыртта өзімен қатарлас балалардың доп қуып жүргенін көрген ойын баласы

Шаштаразға бармай тұрып…білген жөн!

Адам ағзасында шаштың өзіндік алатын орыны бар. Шаш – басқа дене мүшелерімен тең дәрежеде айналаңыздағы өткен оқиғалардың бәріне дерлік атсалысады. Сол себепті, адамның көңіл-күйіне байланысты шаштың түсі де өзгеріске ұшырап отырады.

«Көптің еңбегі-көңілді»

Үш күндік демалысты пайдаланып, ауылға барып қайттым. Көкпекті ауданына апаратын жол Омбы-Майғапшағай халықаралық тас жолын басып өтеді. Осы тас жолдағы Семей мен Қалбатау арасының қалы өте мүшкіл еді. Жол сапасы нашарлап кеткелі, жүргізушілер

«Ақпыз, қара, сарымыз-ағайынбыз бәріміз!»...

Бәлкім, бәз біреулерге «біртүрлі» көрінетін шығар.:) Дегенмен, қара нәсілді қуыршақты блогыма «қонақ» қылудың реті келіп тұрғаны. Бұл қуыршақты 1997 жылы отанына көшкелі жатқан бір немістердің отбасынан сатып алғанмын. Ұмытпасам, әлгі

Жүрек назы

Әні: Роза Әлқожа Білесің жаныма ыстықсың өрттей, Жүректі шарпыдың айықпас дерттей. Бір өзің жаралап, бір өзің емдейсің неге? Жаным, Қасымда қалшы кетпей. Қайырмасы: Жанымнан жырақтамашы, Көзіңмен сыр ақтарғансың, Сен сөйтіп ұнап қалғансың Жаным. Келдің ғой кетем демеші, Бәрі де бекер демеші Жүректе мекендегенсің Жаным. Жолыңа қараймын жанарым талмай, Бірге өткен сәттерге ынтығып балдай. Қасыңда болсам да аңсатып сағындырған Жаным, Япырау, жансың қандай

Сен мені енді іздеме

Сен мені енді іздеме Сөзі: Бақытжан Алдияр Әні: Роза Әлқожа Сен мені енді іздеме, Мен сені енді іздемен. Жылымас енді мұз дене Мұңайған бірге күзбенен. Қайырмасы: Сен жаққа мен де соқпадым, Мен жаққа сен де соқпағын. Жаныштап өзің тастадың Жанымның жапырақтарын. Әлсіреп барып көз ілген, Қал сұрап қайтем сезімнен. Көрерсің бәрін өзіңнен Көрермін бәрін өзімнен. Мені ойлап енді жылама, Сені ойлап мен де жыламан. Жайымды менің сұрама Сен жүрсең болды дін -аман.

Әбіләкімнен қалыспайын деп...

Блогымдағы алдыңғы жазбалардың бірінде «қызық әлі айтыла жатар» деп ескерткен едім. Блогқұрылтайдан келгеннен кейін, бір-екі күн жер-жерден сурет аңдумен жүргенде, күнтізбе сенбі-жексенбіні көрсетіп қойыпты. Ол күндері өз басым компьютер мен ғаламтордан қол үзіп кететіндіктен, мынау жазбам аяқсыз қалған болатын. Бастаған дүниенің аяқтайын деген оймен дәл қазір асығыс пернетақта қамшылаудамын. Шындығында, Керекинфода Әбіләкімнің «Керектің тұрғындарына шолу» деген жазбасынан кейін туындаған ойлар ғой: