Жарияланымдар

Qosay
Л.Толстойдың «Разрушение ада и восстановление его» деген шығармасын оқуды ұсынамын. Шайтанның сипаты, адамдарды бір-біріне айдап салу амалдары ашық жазылған. Мазмұны күрделі, бірақ өте ғибратты әңгіме.
Qosay
Айрыларсың бір күні
Пайдасыз жанға малыңнан…
Ақылы бар жігіттер,
Шайтанның сақтан құлқынан.
Адам болып біз жүрміз
Атамыз Сафи Адамнан.
Он сегіз мың ғаламның
Нәсібі жерге шашылған,
Бір Алла деп сөйлесе,
Ер талабы ашылған.
Тәуекелсіз, тәубесіз,
Ер қырсыққа шатылған… (Аралбай Оңғарбекұлы)
Qosay
Адам баласының ғұмыры баянды не баянсыз болуы өз қолында деп ойлаймын. Жақсыға жаны құмар, ой-пікірі түзу болса, адамның сана-сезімі көркейіп, сөз жоқ өмірде өз орнын таба алады.
Qosay
«Көкірегі, көңілі тірі болса» дегенде Абай атамыз үлкен мәселені қозғап отыр. Және бір сөзінде айтады:
Іштегі кірді қашырса,
Хақтықтың түсер сәулесі.
Жүректің көзі ашылса,
Адамның хикмет кеудесі.
Яғни «көкірек» деп негізінде жүректі, жүрек өлсе адамның бойындағы асыл қасиеттер болмайтынын айтып отыр…
Qosay
Жат діни идеологияға қарсы тұра алатын қаруымыз — діннің негізін, адам баласының өмірлік мақсатын түсіндіретін үлгі-өнеге қалдырған, ардақты Пайғамбарымыздан (с.ғ.с) мирас болған рухани ілімді аманат қылып арқалаған ата-бабаларымыздың жолы! Осы жолды негізге алсақ қана бірлігі күшті ел боламыз, масқараға айналмақ түгілі басқаларға үлгі үйрете алатын деңгейге жете аламыз Құдайдың жәрдемімен! Түп тамырымызды іздеу керек, басқаның бәрі бос әңгіме.
Qosay
Бұл масқара — қазақтың жастарын ессіз қара тобырға айналдырып, еліміздің болашағын құртып, жерімізді біржолата жаулап алғысы келетіндердің әрекетінің нәтижесі. Діннің негізгі шындықтарын ашып, адамгершілікті, ар-ұятты, мейірімділікті насихаттайтын ата-бабаларымыздың үлгі-өнегесіне салғырт қарау дәл осындай көрсоқырлыққа жеткізеді! Бүгінде әр қазақ баласы тілмен ғана "Құдай" деп жүргендерге ақылын байламай, кең көзқараста болуы керек, дін атын жамылған дұшпандардың қолшоқпарына айналмауы тиіс! Ұйқыдан сілкініп оянайық, бауырлар!
Qosay
Қалай аталса да бұл мереке — жақсылықтың нышаны! Жаңа жыл елімізге құт-береке беріп, Құдайдың мейірім-шапағаты болсын!