Әйелдің сырын әйел түсінер

  • Автор
Шынында да қазіргі заманда әйел епті болып, жұмысқа да, балаға қарауға, үй тіршілігіне, күйеуінің бабын табуға үлгермесе, көштен қалып қояды. Бұл жағдайды тек әйел ғана түсінетін шығар. Ерінің ғана табысына қарап отырған әйел қазір кемде-кем. Тіпті отбасында өзі ғана табыс тауып отырғандар да бар. Ал балаларын жалғыз өзі ешкімнің көмегінсіз екі-үш жұмыс атқарып асырап отырған аналарымыз қаншама. Осының салдарынан біз осыгүні ана болу бақытын жоспарлауға мәжбүрміз. Әрине барлығына нарық заманы кінәлі деп қарап отыруға да болады. Бірақ бұл әсте олай емес. Бала күтіміндегі әйелдерге үкімет әлеуметтік сақтандыру қорынан ақшалай көмек береді дегенде өте қуанғанбыз, төленген ақшалай көмек талай отбасына ана бала күтімінде болғанда бірталай көмек те болған. Бірақ биыл 6 ақпанда заңға өзгеріс енгізіліп, жалақысы 10 АЕК-тен артық табысы бар аналарға қаржылай көмек тек сол он айлық есептік көрсеткіштен ғана есептеліп, төленетін болыпты. Ал айырмашылығын жұмыс беруші төлейді деген, бірақ Еңбек кодексінде жұмыс берушінің ондай міндеті жазылмаған. Бұл жайт қыз-келіншектердің жиналып, әлеуметтік желілерде ұйымдасып, соңынан Еңбек және халықты әлеуметтік қорғау министрлігінің алдында қарсылық шарасын ұйымдастыруға әкелді. Сонда халық санын көбейтеміз деп ұрандап жүрген шенеуніктеріміз осы заңға өзгеріс енгізгенде не ойлады екен? Қайран болатынымыз, елден миллиардтап ақша ұрланып жатқанын көрмейтін ағаларымыз аналардың алатын ақшасын көріп қалып, оны өте көп деп есептепті. Ақылға сыймайтын нәрсе. Сондай біз неше түрлі форум, конференция, олимпиада өткізуге, демалыс кешендерін салуға ақшаны оңды-солды шашамыз да, баланы күтуге керекті қаражатты үнемдейді екенбіз. Салыққа келгенде қанша тапсаң да табысыңнын он пайызын алады, ал ақшалай көмекке келгенде алалайды екен. Әлсіз әйелге көмек берудің орнына, тағы сол байғұс әйелді жейді. Осыдан жиырма жыл бұрын қайта құру кезінде базар жағалап, беті үсіп, қолы күс-күс болып отбасын асыраған осы әйелдер емес пе еді. Неге біздің қоғам әйелді бағаламайды? Қолдап, қолпаштап отырудың орнына үнемі басып-жаншып отырады? Тар құрсағын кеңітіп, тас емшегін жібітіп өмір сыйлайтын аналарымызға демеу көрсете алмаса не болғаны соншалық?
Бұл өзгеріске қарсы болған қыз-келіншектер онлайн петицияға қол қоюға шақырады. Мен де қосылдым. Мен наразымын. www.onlinepetition.kz/popravka2013/petition.html Сіз де өз болашағыңызға немқұрайлы болмасаңыз, қосылыңыз!

Ұқсас посттар

19 пікір

asaubota
сырттан қарағанда еркектерді жек көретін, әйел ретінде көп қорлық көрген адамға ұқсайсыз. өзгергіңіз келмей ме?
Tyulpan
asaubota, men kazir Iordaniyada jurmin. Kazakstandy korgen, onda jumys istegen podrugamnyn kuyeuinin pikiri osy postyn avtorynyn pikirimen saikes kelip otyr. sizdin kazak aielder mykty deidi ol, barin ozderi jasaydy, al erkekteriniz jalkau, jums istegisi kelmeit deidi. semyany erkek bagu kk koi, al sizderde olai emes, erkekteriniz aielderdi silamayt deidi...erkekter az elderinizde, uilenbegen kyzdar kop deidi. elderin bai, kanshama mineraldar bar, territoria ken, birak sony erkekteriniz paydalanbayt deidi. kop kyzdarynyz bala tuyp, single mother — jalgyzbasty ana bolgysy keledi deidi...ajyrasu kop deidi… mysali, deidi, bir kollega kazak aiel kuieuimen ajyrasty deidi. birak kuieui ali sol aielmen birge turady deidi, oitkeni ui aieldiki, al kuieuinn baratyn jeri jok deidi. ol aiel kuieuin ayagandyktan ogan ket dei almaydy deidi...

syrt koz synshy kelet degen osy shygar… ((
Adiletshu
Иә. Маған да солай көрінді
bizbike
Аршат, сіз бір постыңызда әйел болып тумағаным үшін қуандым деп жазғансыз. Сонда не үшін қуандыңыз?
Соңғы түзету:
asaubota
мен ең алдымен еркек болып туылғаныма, сосын мұсылман боғланыма, сосын тілім қазақ болғанына қуанамын.

әйел болудың қиын екенін жақсы түсінемін, сондықтан қуанамын.
bizbike
"әйел болудың қиын екенін жақсы түсінемін" депсіз, мен қорлық көргеннен емес, әйел болудың қаншалықты қиын екенін неге түсінбейді деп налимын, наразымын, сосын жазып жатырмын. Қолдан келетін көмекті неге аяйды?
asaubota
жоқ, бұл емес жалпы жазуларыңыздан байқалады. феминистік басымдау көрінеді.
bizbike
феминисткалар біз ерлермен теңбіз деп ұғады, мен керісінше әйел әлсіз, оған көп жерде көмек берілу керек деп есептеймін. Сондықтан әйелдерді қорғау қажет, олар ерлерден төзімдірек болғанымен, бәрібір әлсіз
Tyulpan
Anuarbekkyzymen kelisemin!
bizbike
Солай очм, дін туралы жазсаң, террорист болып шығасың, әйелдің жағдайы туралы жазсаң, фиминист болып шығасың, ұлттың жағдай туралы жазсаң националист болып шығасың. Тек жүрсең, тоқ жүресің, домаланып көп жүресің деуші ме еді?
Marco
Еркектерді жамандайтын әйелдің өз еркегі жаман! Әйелдерді жамандайтын еркектің әйелі жаман!
bizbike
мен бұл жерде қай еркекті жамандап отырмын? неге қоғам әйелге қарайласпайды деп отырмын ғой
Tyulpan
Marco, kogam bolgan son tek oz aielne, ne oz erkegine karaaaaap otyrmaysyn goi. kogam bolgan son barlygy koz aldymyzda. korgisi kelmegen adam kormeidi...takyryptyn aty durys tandalgan…
Blogshy
оха, мен қазір ғана осы туралы пост жазып едім, Анар жазып та қойған екен. Солай, тіпті осы мемлекеттен безіп кеткің келеді кейде барлық патриоттық сезімдеріңе бұтақ қойып. Шенеуніктер миллиардтап жеп шетелге қашады, жыл сайын түк пайдасы жоқ конференцияларды Астанада өткіземіз, қабылданған бағдарламалар басы бар аяғы жоқ, іске аспай олар қалады, бәрі бюджеттің ақшасынан. Енді келіп соның орнын жүкті әйелдердің есесінен толтырмақшы. Тек қайран қазақтың еркектері-ай дейсің де ішіңнен тынасың.
Tyulpan
kezinde dark-nazgul de oz basynan mysal keltirip, postar arnap edi…
Тек тіркелген және сайтқа логинімен кірген қолданушылар ғана пікір жаза алады.