Arular.kz

Бұл кемп бұрынғы кемптен өзгерек...



Бірден айтайын суреттеріммен бөлісе алмаймын. Қуана-қуана бөлісер едім, бірқатар адам «планшетің жаман түсіреді» деп ерін шығарды, оның үстіне біраз суретті менің туиттерімнен көре аласыз. Сондықтан, бұл жолы мылжың жазбамен бер жақтан қайтпақпын.

Өткен жылы алғашқы рет ұйымдастырылып отырылғандықтан, оның үстіне салыстыратын да шара болмаған соң «алматылық» блогкемп ай мен күннен кейін болмаса, дейін болмады. Арқа-жарқа болған елдің ыстық-ыстық құшақтары қазақ тілінде Интернет бетінде символ теріп жүргендердің қызуын өртей түскен. Алыс-жақын шет ел деп бір, алғашқы рет деп екі, анау деп үш, мынау деп төрт, қысқасы не керек, біразға бардық. Онымыз дәлелсіз һәм дәйексіз де емес еді. «Блогкемп 2011» шын мәнінде IT-игі жақсының, ақсақалы мен көксақалының басын қосқан қарымды кездесу болды. Жеке өзім әлдебір үміт, қайбір идеяға ие болып, тұлға ретінде дамуым үшін жаңа бағыт аштым.

Шыны керек, осы блогкемп шашырап, шашау шығып тынады деп ойлағам. Оным бекер болыпты, препатиінен бастап афтерафтерпатиіне дейін қызық жүрді, бейресми ауызбіршілік болды. Өткен жылы оффлайн танысып алған топтың осы жолғы кездесуі қырық жыл жолықпаған кластастарды еске түсірді

Препати жақсы өтті, жастар жиналған, бәрі бір-бірін танитын қазақтың тойын елестетті. Әдемі атмосфера болды.

Назарбаев Университетінде өткені жақсы болды деп ойлаймын, қанша дегенмен елдегі ең әлеуетті оқу орындарының бірі, оның үстіне «осындай жер бұйырды» деу досқа да, дұшпанға да жақсы (бизнес, басқа ештеңе емес).

Биылғы блогкемптың басты қателігін қатысушылардың өздері жіберді деп ойлаймын. Бір қоралы ел қатысып отырған шарада сонша аз презентация болғаны қынжылтты. Барының өзінің біразы дебютанттардікі немесе жүрдім-бардым істелген болғандықтан, ат төбеліндей қалған аз баяндама IT саласында, жаңа медиада кәсіби түрде дамуға мүмкіндік береді деп ойламаймын. (urimtal сауалнама қорытындысы бойынша жазған "5 мың теңге жұмсап, Астанадағы бір кафеде интернеттен тапқан достарыммен кездесу. Бейресми түрде өтетін шараға жай ғана қатысушы ретінде келіп, ақша туралы тақырыптағы презентацияны тыңдау" мақсаты бар юзер бейнесі дәл шықты-ау). Әрине, әлдебір спикердің әнеубір айтқаны пайдалы болған-ақ шығар, бірақ басым бөлігі блогкемптың презентация деген бөлімін толтыру үшін ғана жасалғандай әсер қалдырды. Сылбыр жүріс пен салғырт сөз абырой әпермейді. Бұл ұйымдастырушы топтың немесе демеушілердің қатесі емес, бұл менің қатем, сенің қатең, бәріміздің қатеміз (шынайы бағалай алмай шамға тиген болсам, кешірім сұраймын).

Ұйымдастыру жағын ұрысуды қою керек деп ойлаймын. «Блогкемпты ұйымдастыратын қатысушылар» дегенді біле тұра, ең болмағанда барып, астаналықтардың бір жағына шығып, қайыр қылмаған соң «Анау былай болды, мынаны жасамапты» деу бекер. Тіпті, бір жағына шыққан күннің өзінде ақтарыстырып-қотарыстыру дұрыс іс емес деп білемін. Тақаспайық, тілеулес болайық. Бұл шараға қатысты айтылған сын — бәрімізге айтылған сын. Іштен бүлінбесек болғаны.

Алғыс айтылды ғой, бірақ, жеке қатысушы ретінде астаналық һәм өзге өңірлік ұйымдастыру тобына рахмет білдіргім келеді. Логистика тұрғысынан, қарсы алу ниеті тұрғысынан риза болдым. Бәрі жақсы

Әу баста, келесі құрылтайды Шымкентте өткізу керек дегенге "құлаған" болатынмын. Оңтүстік қазақстандық блогшылардың бір қауым ел екенін, оның үстіне басқа қаладағы біраз жұрттың осы өңір тумасы болып келетінін ескере отырып жаман өтпес деп қорытынды шығарғам. Бірақ, үйге келіп, ес жинап Алматы дұрыс болар дедім. Бұған мыналар себеп болды:

1. Адам саны факторы. Өткен құрылтайда есімде бір минибарға 20-30 адамдай жиналып қалатын. Тағы ұйымдастырылса одан көп болмаса, аз жиналмайды деп ойлаймын. Неғұрлым ұйымдастыру тобы үлкен болса, соғұрлым үйлестіру жұмыстарында кемшіліктер аз болады, соғұрлым қандай да бір жұмыстарды қамту ауқымы кең болады деп ойлаймын. Жалғыз адамның қорап көтеріп, қағаз тасығанын гөрі, бес-алты ұйымдастырушының бір-ақ көтеріп кеткен дұрыс па деймін.

2. Таңдау еркіндігі факторы. Алматы кофе-брейк ұйымдастыруға да, қағаз-қалам жинауға да ыңғайлы секілді. Бір орын ұнамаса, басқа жердің қызметіне көшіп кету де оңай. Ұсынылатын қызмет түрлері ауқымы үлкен. Біреуі болмаса, біреуі келеді.

3. Демеуші факторы. Демеушілермен байланысқа шығу оңайырақ деп ойлаймын. Бірқатар коммерциялық ұйымдардың бас үйлері осы қалада, оның үстіне олармен қарым-қатынасы барлар Алматыда да жетерлік.

4. БАҚ факторы. Негізгі мемлекеттік медиа демесеңіз, үлкенді-кішілі өзге дәстүрлісі бар, жаңа медиалысы бар басым көпшілік БАҚ Алматыда қоныс тепкен. Ә деп баспасөз мәслихатын өткізсең әжептеуір болып қол жинайтын журналистер «300 (200, 250, 350, 400) адамның басын қосқан Блогкемп-2013» туралы біразға сілтейтініне сенімдімін. Бұл да болса демеуші алдында демеу.

Ойым осы. Бәлкім өзгерер, бәлкім тағы басқа қорытындылар келер. Бірақ, қазіргі қалпым жоғарыдағы жазбаның ол жақ, бұл жағынан табылады.

P.S. Ең бастысы қатысушылар тарапынан бір кәсібилік даму, жағдайға көңіл толмаушылық байқадым. Бұл жақсы. Өсетін ел бар.
" data-width="600" data-numposts="5">

77 пікір

avatar
Ық-ық, ілмектер өртейді.
Негізі мен де Алматы дұрыс деп ойлаймын. Былтырғы тәжірибе бар…
avatar
мақсаты бар юзер бейнесі дегенде менің профайлыма линк деп ойлағам)))
avatar
Уахахаха, қойшы)))
avatar
былай етсек ше:

блогкемп — қалалардағы блогерлердің басын қосып, Қазақстанның барлық бұрышын аралауға тиіс формат ретінде қалсын.

ал, одан бөлек тек қана блог туралы емес, өзге форматтағы қазақ интернетінің тесігін жамайтын тілеулес алаңды алматыда ашсақ. менің ойымда тұрған тек баркемп қана, бірақ оның орталық азиялық нұсқасы емес, қазақстандық және қазақша нұсқасы болса, және оны тек блогерлердің емес, инвесторлардың, демеушілердің, ұйымдардың, айтикомпаниялардың (қазақ тілділері пайда болып үлгерді) басын біріктіретін алаң ретінде сипаттасақ, ұйымдастырсақ.

деңгейді көтеретін уақыт ендігі жылы келіп те қалады деп ойлаймын.
avatar
Жақсы ұсыныс. Бірақ, осы жылы дайын бола алар ма екенбіз. Әйтпесе, осы оймен толық келісемін.
avatar
блогкемп — наурызда өткізілсе, баркемп — сәурде, мамырдың басында болсын. блогкемп — танысу, араласу, ой тастап, жобаны таныстыру ретінде болса, баркемп — интернетке бизнес ретінде қарағысы келетіндерге арналсын. менің ойым — осы!

ал біз оған ендігі жылы дайын боламыз (деп ойлаймын).
avatar
Басқа ИТ-шаралармен қатар келіп қалмау үшін, олардың қашан өтетінін білім алу керек.
avatar
ойға қонымды ұсыныс, қолдаймын.
Пы.сы. Суретте неге тілін шығара беред десем, басыңа сыймай бара жатқан ақылың екен ғо…
avatar
Меніңше тілмен көп жұмыс істеп үйреніп қалған секілді
avatar
Сен өз бағаңды өзің білмей жүрсің ау дим, Жәке, әйтпесе, тұрған бойың тұнған идея ғой. Жасың кіші болса да мойындаймын
avatar
блогкемп — қалалардағы блогерлердің басын қосып, Қазақстанның барлық бұрышын аралауға тиіс формат ретінде қалсын.
осы ойларыңа вааааще қарсымын, дым ақылға сыймайтын нәрсе.
егер тек сондай форматта болса, жәй бес мың теңге төлеп кафеде тойлатып, танысып қайту болса, оған уже дені дұрыс адамдар келмейтін болады. Сосын не ол анда көшу мында көшу, сол қалаларды араламай норм спонсор тауып, презентациялар сапасын арттыру қажет.
Жалғас Димаш сосын сендер бір нәрсені ұмытып барасыңдар.елдің бәрін өздердіңдей қарайтын шығарсың. мысалы елдердің жұмысы сендердікі сияқты сайт жасау, жаңа медия немесе сайтты қазақшалауға қатысы жоқ, мүмкін нет саласынан мүлдем бөлек, ана сендер айтқандай шараларға дені дұрыс қай адам келеді?? Жылына бір сол блогкэмпке жұмысынан әзер сұранып келетіндер қаншама, сондай жиылысты нормально деңгейде өткізу керек қой. Танысу білісу үшін ғана оның атын блогкэмп деп атын жардай ғып атаудың дым қажеттілігі жоқ, танысттықа зәру адам болса, былай да танысып алады…
avatar
Алматыда өткізу керек дегенді 100% қолдаймын. Блогшылардың саны әрі сапасы артқанша Астана мен Алматыда кезек өткізіп тұрған дұрыс!!! /Ұйымдастырушылар да тәжірибе жинап қалды, екінші рет өткізу оңайырақ болады/.
avatar
Блогшылардың саны әрі сапасы артқанша
Оны сен анықтайсың ба?
avatar
Кемшілік жағына қосарым:
-Ақпарат таратып отыратын арнайы адамдардың тағайындалмауы. Сырттағы жұрт сусап отырды. /Қарасақалдан басқасы/
avatar
мені де күмілжіткені презентациялар. келесі блогкемпте форматты аздап өзгерту керек деп ойлаймын. биылғысында біраз шашыраңқылық, жатырқау байқалды. сондықтан келесіде бәрі бір жерде жүру үшін лагерь форматын қолдаймын. презентациялардың санына емес сапасына көңіл бөліп, іріктеуден өткізіп, тек 1 жерде ғана өткізген жөн. бірінен кейін бірін. қатысушылар құрамын да биылғыдай қазақшылыққа салынбай нақты бір күн белгілеп, сол күнге дейін қабылдау және кішкене босла да формальдық үшін символикалық ақы алу.
avatar
иә іріктеуден өткізген дұрыс сияқты.Сапалы деңгейге көшсек.
avatar
бірінен кейін бірін. қатысушылар құрамын да биылғыдай қазақшылыққа салынбай нақты бір күн белгілеп, сол күнге дейін қабылдау және кішкене босла да формальдық үшін символикалық ақы алу.
Кішкене емес, дұрыстап жарна жию керек. Сосын бостан босқа шошаңдап шаба бергенді қоямыз.
avatar
Лагерь форматы жаз маусымына жақын келетін сияқты. Ал жазда көбісі жан-жаққа шашырап кетеді ғой.
avatar
Шымкентте Наурыз мерекесіне қарай ауа-райы әдетте әжептеуір жылы болады.
Машат — оңтүстіктегілер ғана емес, ел қауымының көбісі демалыстауға баратын шипа салоны бар, басқасы бар, көлемді кешен. Білуімше, пансионаттарында лайықты демалуға инфрақұрылым қарастырылған.

Блогкемптің күн тәртібін әртүрлендіруді қолдаймын. Командаларға бөлініп, түрлі викторина, спорт түрлері бойынша жарысу, сайысу болғанын құп көрем. Бұл, тіпті, препатиде болса да жақсы. Одан соң, егер Машатта өткізетін болсақ, препати күні блогшылардың көбісі біле бермейтін дарындарын ортаға сап, өз арамыздағы өнерпаздардың әдемі концертін неге ұйымдастырмасқа?!

Бастысы, ашық алаңқайда үлкен полотно қойып, бәрі біріге бір презентацияны тамашаласа, бір тематика бүге-шегесіне дейін қорытылып, презентаторлар еркін көсілсе?!

Тәжірибеміз аз дегенге сенбеймін. Аласалаудың реті жоқ сияқты.

Жағрапиялық диверсификация тұжырымдасын құп көрсек, 2014-те, мысалы, батыс өңірінде, 2015-ті шығысымызда өткізсек ше?! Меніңше жақсы идея сияқты.
avatar
сайысу болғанын құп көрем.
көзден кетіппін «Сүйісу» ме деп ішім жылып қалса
avatar
таулы орманды аймақта өтсе екен)))
avatar
Машат сондай жер, негізі…
avatar
онда Машатқа екі қолыммен дауыс берем
avatar
Машат туралы аз-кем мәлімет және суреттер:

www.e-shymkent.kz/kaz/gallery/sightseeing/raznoe3/photo/178
shimkent.ucoz.ru/publ/23-1-0-114
yvision.kz/post/167854
avatar
Жердің жәннатығой мынау, домбыра ала шықса тіпті керемет болары анық. көк шалғында отырып күмбірлете домбыра шегіп тойыс шертіп отқанға не жетсін
avatar
Түлкібас ауданына жақын орналасқанба?
avatar
Иә, қатты қашық емес.
avatar
бұйыртса байыңыз болам деп жүрмғой Түлкінің басындығы аруға Рахмет ақпаратқа) Жеріне ғашық болып үйленген жігіт деген атаққа лайық бірінші еркек мен боламын бұйыртса
avatar
Кеш қалдың, жүрміз ғой Машатқа күйеу бала болып.
avatar
ну былай енд қалай екен? Білмеген жердің ой шұңқыры бар дегендей, қайынжұрт жауынқұртша жаныңды қопсыта бермейме?
avatar
уиии, білмеппін
avatar
Абзал, мен өшіріп жатырмын сені достарымның тізімінен! Мен Орданың басынан сияқты едім да шы… енді тошны ақтала алмайсың!
avatar
Түлкібас ауданынасың сен!!! Мен жынды әлде тағыда мен жынды?
avatar
Бұл жолғы сылтауың өт-пей-ді!!! ӨТПЕЙДІІІ! пОКА!
avatar
Мұрағаттан тауып алсам ше?
avatar
Тауып ал, бәрібір ол көмектеспейді! Мен ешқашан түлкінің басының қызы болған емеспін! ойша да
avatar
Түлкібастың қызы болу ұят нарсе ма
avatar
Әрине ұят емес! Мен басқа жақтың қызы боп көрмегем да пыросты
avatar
сыныққа сылтау іздеген екенсің))) Өтпейдііііііі!!! Сүймейм десең бетіме айт жұрттың көзінше
avatar
Көзілдіріктың көзілдірігімен ойнағанда үндемей-ақ жүрмізғой осы.
avatar
Өзің жеңіліп бара жатқанда олай атака жасамасаңшы
Мен бір рет қана ойнағам и то бір адаммен  ал сен…
avatar
өзіңді өзің қызғанып отсың. Қыз кезінде бәрі жақсы дегенмен
avatar
ойбай-ай! айналайын, әзілімнің түрі еді бұл! құрысын, қазір әңгіме айтып тастайтын түрің бар ғой
avatar
и жаным солай жөнге келсиш))
avatar
Машат керемет жер… Тек қауіпсіздік жағы қиындау болатын секілді.
avatar
Жәке, сенің екінші нигің бар емес пе, сөйлесең болды, плюс шауып жетеді
avatar
Екінші Ник әзірге Жоқ. Сатыбалды шығар + қойып жүрген.
avatar
Өткенде презентацияларды іріктеу туралы сөз болғанда, Қуаныштың ондай әрекет кэмп ережесіне қарсы дегені жақсы есімде. Шектеу қою ережеге қарсы болатын болса, онда кэмп емес басқаша форматқа көшу керек шығар, а?
Өзім де көп презентацияда бола алмадым. Оған қоса, уақыттың тығыздығы да жанға батты.
avatar
Жоқ, іріктеуге қарсымын. Бола берсін, «Блог деген не?» деген презентация да керек, оның да өз аудиториясы бар. Маған презентациялардың біразының жүрдім-бардым жасалғаны қынжылтты. Кәсіби презентацияларды жасай алатын адамдар бар ғой жоқ емес. Уот, солар аз болды.
avatar
иә таңдау туралы сосын медия туралы өте жақсы айттың, мен айтпағым да сол болған, биал ана Қазақстан мен несчастный Хабардан басқа жерде айтылмады. Былтыр нетте де көп шу болған еді, ЦТ мен ювижнда әңгіме боп, бірі мақтап бірі даттап, біраз шу болған еді. Демеушілер алдында да, абырой ретінде де сол жақсы еді, келесі жылы ПиАрды көбірек есте ұстайтын боламыз.
avatar
Ұшақ мәселесін де ұмытпасаңыздар екен.
avatar
men ushak bolmagan son barmadym, nazymdy olen kylyp zhazbak edim, ol da koldan kelmedi )))
avatar
Жалпы осы қай жерде өткізу керек дегенді қою керек сықылды. Бос әңгіме, келесі кезге дейін біраз бар. Оған дейін бәрі де іздене берсін. Сосын "қолайына жақса сақа қой". Мен бұл әңгімені айтқанда Атырауда болса қалай болар еді деп жай ғана ұсыныс бердім, осындай көтеріледі деп ойламаппын да. Менің негізгі мәселем қауымдастық еді. Мынау белден басып, ілгері кетті. Қайдан айттымға қалдым
avatar
иа, жаңа амплуаң өзіңе сондай жарасады екен
avatar
Жоға, Chevron, Total, Shell, ConocoPhilips, Eni, Agip, «Жамбай» ЖШС демеуші боламыз деп жатса — өткіз әрине.
avatar
Әуелі тренинг өткізейін, сосын басқасын көрермін. Олимпиада өткізбес бұрын басқа турнирлерді өткізеді ғой
avatar
Очм, әзірге тек автовокзалдан Сәдуақасовқа тегін аптобусқа кепілдік берем десейш.
avatar
Небары қырық бес теңгеге қаланың барлық бұрышын автобуспен қыдруға мүмкіндік
avatar
Бір апта көлемінде блогкэмптен басқа тақырыпта пост жазсаң оқылмайтын секілді ғой
avatar
Екі-үш шедевріңе бір де пікір болмай, қайта жойып тастадың ба дейм, а?
avatar
 Епті, біз шедевр емес, «шедевр» жазамыз ғой.
Жоға, негізі жалпы айтып жатырмын да
avatar
былтыр да солай болып, сенің сайтқа кеш келіп, құрылтайды білмей қалып зар илегенің әлі есімде
avatar
Бұл кемп бұрынғы кемптен өзгерек...
Ата-Бабаларымыздан қалған қасиетті нәрселерді мәңгілік деген тұжырымға қарсымын… Олардан қалған пәлсәпәның жемісі ұлан байтақ(жер көлемі) еліміз. Олай болса ендігі қаруымыз — жаңа технолгиялар(жайлау мен қыстақтар ;-) )
avatar
 2 презентация жасап, блогкемп контентін толтырды Қисығым
avatar
Қой, өзім ұялып жүрмін ол презентацияларымнан..,
avatar
ялғаның қандай жақсы, қарағеееееееем!
avatar
негізі Қисықтардың кетіп қалғаны жаман болды. Бір жиналып маслихат құрамыз ба деп едім
avatar
Қисық ойларың дұрс, Алмат боп қала берсінЧ кемп орны))))
биыл жаңа қолданушылар көп екен, көбісін танымадым суретте

сосын жалпыға сұрақ: неужели проф. түсірген суреттер жоқ, ато көп суреттер ағарып не болмаса, қарайып кетіпт.

Нау суреттерден футболкадағы логоға қарап былтырғыны қалдырған? сонда 2 лого болған ба? сосын, логоларды клейлеген бе? неге ақ фондар?

уайййй НУ корпусын көргім кеп ед
avatar
былтырғы жырың да лого бопт ғүӘ
avatar
Жыл сайын күліп тұрамын деп едім, 3 жылдан соң еске түскенін қарашы *demon*

Тек тіркелген және сайтқа логинімен кірген қолданушылар ғана пікір жаза алады.