«Мерейлі отбасы» ұлттық байқауының қалалық кезең жеңімпаздарын марапаттау концерті өтеді

  • Автор
Астана жаңалықтары: «Мерейлі отбасы» ұлттық байқауының қалалық кезең жеңімпаздарын марапаттау концерті өтеді
26-мамыр күні сағат 15:00-де Астана концерт залында (Конгресс-Холл) «Мерейлі отбасы» ұлттық байқауының қалалық кезең жеңімпаздарын марапаттауға арналған концерт өтеді. Шараның мақсаты – отбасылық институтты нығайту, адамгершілік, рухани қасиеттерді және отбасылық құндылықтарды насихаттау.

Салтанатты шарада Қазақстанның эстрада жұлдыздары өнер көрсетеді. Қала тұрғындары мен қонақтарына концертке кіру тегін. Байқау 3 кезең бойынша өтеді: бірінші кезең – аудандық (қалалық), екінші– облыстық, үшінші кезең – республикалық.

Байқауға қатысушылардың өтінімдерін Астана қаласының әкімдігі 2017 жылдың 1-30 сәуір аралығында қабылдады. Аталған кезеңде Елордалық 61 отбасынан өтінім келіп түсті. Биыл игілікті шара осымен төртінші рет ұйымдастырылуда. Байқау Мемлекет басшысының 2013 жылғы 6-желтоқсандағы №250 қаулысына сай жыл сайын өткізіліп келеді. Ұйымдастырушылардың айтуы бойынша жыл өткен сайын байқауға қатысуға ниеттілердің қатары артып келеді. 2014 жылы 44 өтінім келіп түссе, былтыр 51 өтінім қабылданды.

Естеріңізге сала кетейік, 2014 жылдың қорытындысы бойынша байқаудың қалалық кезеңін бірегей еңбек династиясын жалғастырып келе жатан Ахметовтер отбасы жеңіп алған болатын. Әулеттің 63 мүшесі теміржол көлігі саласында еңбек еткен. Отбасы мүшелерінің саладағы жалпы еңбек өтілі – 1200 жыл.

2014 жылы Елбасының қатысуымен өткен республикалық конкурс аясында барлық байқауға қатысушылар «Нива» маркалы автокөлігін иеленген болатын.

Ал 2015 жылы бірінші, екінші және үшінші орындарға екі отбасыдан ие болды. Қалалық байқаудың қорытындысы бойынша Жүгінісовтер мен Елеусіновтер отбасы бірінші орынды жеңіп алған болатын. Елеусіновтер отбасы бокстан ел намысын әлемдік ареналарда қорғап жүрсе, ал Жүгінісовтер жанұясының өмірі өнермен өрнектелген.

2016 жылы байқауға қатысушылардың саны 94-ке жетті. Олардың қатарында медбикелер, спортшылар, өнер адамары, қарапайым жұмыскерлер, мұғалімдер, мемлекеттік қызметкерлер мен басқа да саланың өкілдері бар. Сыйлық қоры жыл сайын ерекшеленіп отырады. Былтыр демалыс шипажайларына жолдама берілді және қомақты қаржылай сыйлықтар табысталды.

Биыл байқауға түрлі саланың өкілдері бар 61 отбасы қатысуда. Ең үздіктері шығармашылық салтанат құрған ортада бағалы сыйлықтармен марапатталмақ.

asaubota

Аршат Оразов — КерекИнфо блог-платформасының құрушысы. Блогер. Web мастер. Медиа-лектор
arshatoraz@gmail.com +77026113726

Ұқсас посттар

0 пікір

Тек тіркелген және сайтқа логинімен кірген қолданушылар ғана пікір жаза алады.