Өлген яки тірілген сала

  • Автор
Рас, алғашында мені жұрт программист дейтін. Жұрт дегені, тамыр-таныс, көз көріп қол ұстасып амандасқан шағын орта ғана деп мақтан етіп жариялаудан басқа вариант жоқ. Мектепте пайнтпен үйшік салғанға мәз болған кездер де жоқ емес. Себебі, аспаннан түскен жоқпыз ғой. Алғаш көк экранды қызықсыз программаның көмегімен төртбұрыштың ауданын есептеп шығаратын программа жазып шығарып, кәдімгідей ғылымға бас сұғып жемісін көріп отырған адамша нәтижесіне масаттана іштей қуанатын кездер, фотошоппен монтаждаулар (яки өзіңнің жеке суретіңді кистпен батпитып бояп, болмаса фифтисенттің басын кесіп, орнына контрасты сәйкеспейтін сапасыз суреттен қиып алған сопақша басты орналастырып, мәмбеттік шедебір әзірлеп, мирге қоятын кездер ше). Жоқ, оны да білмейтіндер «Уау! Хакер!» дегенде, көзді жұмыңқырай төмен қаратып қалатын кездер таныс па? Әрине. Тек бқл жерде әділдік еместігін де мойындау керек. Пиннекл мен мовие мейкер қалып кетпесін. Әйтсе де, программист деген мамандық бүгін жойылып барады. Бұл заңдылық. Резюмеңізде "Қосымша жетістігім — ағылшын тілін білемін" деген сияқты, белгілі бір (майкрософт Офис, Адоб, Автодеск т.с.с) программаларда жұмыс жасай алатыныңыз бүгінде қарапайым қосымша «білімге» ғана айналып шыға келді.

Компьютері НТЛДР ис миссинг! деген қате шығарды ма, дереу алып НТЛДР файлын жүктеуші дискке Виндовс папкасының жанына көшіре сал, кетті әрі қарай жұмысын жалғастырып. Мұндайда, көлігінің дөңгелегі жарылған адам да өзі дөңгелегін ауыстырып алмай ма, сол сияқты жағдай. Қысқы маусым келе жатыр, көлігіме қандай диаметрлі қай сападағы қай брендтің дөңгелегін аламын деген сияқты, видеокартасын жаңартқысы келген адам да осындай параметрлерге сүйеніп қажет тауарын өзі таңдай алатын күндер жетіп қалыпты.

Дизайнер өз тәрелкесінде: дизайнын әзірлеп, оны өзінің "қосымша білімі" арқылы бір бағдарлама арқылы компьютер көмегімен жұртқа демонстрациялап жатыр; Суретші өзінің суретін салып, оларды орналастырған күйі компьютерлік программаға салып, «косымша білімінің» көмегімен шағын скрипт жазып, сызғанына жан бітіріп анимация әзірлеуде. Физик амиго да қарап қалмай, белгілі бір мақсатты орындауға арналған оқушыларының лабораториялық жұмыстарын жеңілдету және озық техника көмегімен түсіндіру үшін, Си тілімен өзінің мыжық дәптеріндегі сызбаларын программалап, тәуір программа жазып шықты. Ал кіреберістегі бұғалтыр тәте, 1с-тің айлық кварталдық есептеу жұмысын жеңілдету үшін, жеке конфигурация программалап шығыпты. 1с программистке жалынбайды, себебі екеуінің де қолданып отырғандары бір программа, ал кварталдық есепті программисттен гөрі, есептік мамндығы бар бұғалтыр формулаларды жақсы түсінеді, керегі тек: бағдарламалау тілі: процедуралар мен функциялардың сипатталуы. Оны өз қажеті үшін меңгеріп алған. Программисттің ендігі қажеті жоқ. Ол ол ма, сырттағы дүңгіршектегі етікші де, әр келген аяқ киімнің параметрлері бойынша төлемін автоматтандыратын терминалға программа жазып шығыпты.

Сексенінші жылдары «ақ халат» киіп, абайлап кіріңдер, «компьютерге вирус жұқтырасыңдар» деген әңгімелер 360 градусыңыз бірнеше рет айналып, бесіктен белі енді ғана шығып жатқан бала өзіне логин ашып алып, гуглдан сүйікті персонаждарының өнерін тамашалап отырса, ол ешқандай да программитс деген сөз емес, қарапайым қолданушы. Ал оның компьютерді жетік меңгеруі, кім болса да тек заман талабына ілесуші адам ретінде қабылдауға болады.

Қап. Қайда сол программисттер? Олар — түгел халық. Әр маман классикалық бағдарламалаудың негізінен хабардар болып жатса, кешегі «ағылшын тілінен хабары бар» модерн маман иесі, бүгінде және бір қосымша білімді қажет етуі айқын білінуде.

Сонымен қатар, программалаудың майын тамызатын нағыз программисттер де өте қажет! асылы, ондай мамн иелері тек бір ғана саламен айналысады. Сайт жасаушы мамандардың қарапайыи құрамымен танысайық: Жоба жетекшісі, дизайнер, кодер, үйлестіруші css маманы, сео мамн, контент менеджер, дайын жобаны басқарушылар тобы т.с.с.

5 пікір

Doctor
Шынымды айтсам бұл сала мені қызықтырады! Мен уақытымды интернетте босқа отырып кетіріп алғандаймын…
bake
Қызықтырған бір бөлек, меңгерген мүлдем басқа, жақсы программист болуы үшін қызықсыз дегенді де кеміруге тура келеді, бәрі қызықты емес
bake
Программалық өнімнің жасалу жолын ескеретін технологиялық қадамдар таңдалады. Өз басым программалауға өндірісті автоматтандыру мәселесіне қызығып келгенмін. Бірінші буынды робот құрастырғаным бар. Компьютер ең бірінші өндірісте қолданылды, көбісі осы жайтты біле бермейді, Өндірісте программалаушы нағыз маман, ондай өндіріс ошағы аздығы басқа әңгіме. Қазір программалаушылар бұрындары көп сұраныста болған телемехник (қателеспесем теледидар жөндейтін мамады айтатын) есіме түсіп тұрғаны, бұрындары ауылдарды аралап вакумды лампалы теледидарды жөндейтін. Қазір мысалы орта буынды радиоэлектроника мамандығы бойынша кәсіптік дайындықты жүргізетін бір колледжді білемін, кезінде оларды да көптеп дайындайтын. Қазір мода да телемеханиктер емес программистер болып тұрғаны.
neoaskar
Мен кіммін? мен тек қолданушымын. бірақ мені де программист деп жататындар кездесіп жатады, компютерді жөндеп, негізі қосалқы бөлшектерін ауыстырып, вин орнатып, программаларын жаңартып беріп напақа тауып қоятын жағдайым да бар.  мектеп программист болсам деген арман да болған. қолдың қысқалығы бола алмай қалдым. ол кезде қиын кезеңдер еді ғой, мектепті 1998 жылы бітірдім, ол кезде екінің бірі юрист, қалғандары троктарист болып жатқан кез
KILYZAMAN
Тақырып ақырып тұр. Бірақ қайда шақырып тұрғанын ұға алмадым :-(
Тек тіркелген және сайтқа логинімен кірген қолданушылар ғана пікір жаза алады.