Блогқұрылтай: Менің де айтарым бар...ұнағандар жайлы

Әне-міне дегенше, блогқұрылтай да өз мәресіне жетті. Алғаш рет қатысқандықтан, оған қоса Астанада Назарбаев университетінде өткендіктен әсері көп болды. Тағы Наурыз мейрамы қарсаңында! Көбінесе, виртуалды кеңістікте пікір алмасатын, сөйлесетін блогшы достармен осында келіп, танысудың әсері де бөлекше екен. Керекинфода рейтингісі жоғары, танымал, «жұлдызша» блогшылар «сатыбалды, марго, алдекен, мадлен, айкона, айжантабын, эстетика91, АКА, Теріскей» тағы басқаларын, «тірідей» көріп, "әәә осы екен ғой" деп, тесіле қараған сәтімізді ұмытпаймыз. Қыз екен деп жүрген «марго» Маралтай деген сары жігіт болып шыққанын білдім. Бір білмегенім, керекинфода отырып, жұртты «жылатып, құлататын» сатыбалды сол кезде қайда жүрді? Иә, әрбір сұраққа «бетің бар, жүзің бар» демейтін бетпақ жауап, әр жауапқа қитұрқы, қисық, қыңыр, қызық коммент жазатын сатыбалды құрылтай бойы төбесін көрсетпеді. Ол бір жұмбақ блогшы болды менің білуімше. Бір білсе біреулер білер… Не десек те, құрылтайдан көп жаңалық әкелдік, пайдалы ақпараттар алдық. Белсенділікті, қызығушылықты, ұйымдастырушылықты байқадық. Талғат ағай деп жүргеніміз, жап-жас жігіт болып шықты. Мәселен, күнде сөйлесетін Тотының өмірде қандай екенін Семейге барып білуге мүмкіндік жоқ, оған да құрылтайда мүмкіндік туды. Ашық жарқын, аузын ашса, жүрегі көрінетін Тотының тайм-кипер болып бүкіл дәрісхананы үйіріп отырғаны ұнады. Ал, мектеп оқушысы Мөлдір деген қыздың да ынтасы зор екен. Ол да ұнап қалды. Презентациялар көп болды. Тәжірибе алмасу, пікір алысу, ой бөлісу алаңында әркім өз білгенін ортаға салды. Қуаныш деген блогшының жұмысы ұнады. Қысқа, әрі нақты. Идеядан — бизнеске! Ал, Тимур деген баланың интернет журналы ұнады. "ІТ тірлік" — атын ұтымды ұйымдастырыпты. Болашағы бар! Ал, енді қараңыз, бір Шымкентте жүріп, білмейтін, танымайтын Ербол Серікбайды осында келіп таныдық. Ерекше ойы, қабілеті-қарымы, талпынысы ұнады. Шымкентте дәмін татып үлгермеген наурыз көжені Астанада «сіміріп ішу» бұйырыпты. Кейіннен білдік, наурыз көжені «дайындаған» Алдекен екенін. Ұнады. Бөлекше екен. Дәмі тіл үйіреді. Құрылтайда ең бір пікірсайысқа түскен тақырып — келесі құрылтай қайда өтеді? Әркімнің өз ұсынысы, пікірі болды. Қауымдастық құру өз алдына бір әңгіме. Бұл мәселе әлі де талқылауды қажет етеді.Өйткені, құрылтай өткізетін аймақтың барлық жағынан мүмкіндіктерін ескерген жөн. Алматы ма, Шымкент пе, Семей ме, Атырау ма? Оны да уақыт көрсете жатар. Бастысы — ұйымдастырушылықты күшейте түсу.
Бөлісу:

25 пікір

kokbori
Қыз екен деп жүрген «марго» Маралтай деген сары жігіт болып шыққанын білдім.
Бажа екенбіз
Aizhantabyn
Марго емес Марко)))) Сосын бәріміздың атымызды кіші әріптен, АКА мен Теріскейді бас әріппен жазғаныңда не сыр бар?)))))
Айтпақшы, АКА болмады, АКЫ болды онда)))))
rauka
ешкандай сыр жок, солай кетіп калды
konvict
Мен әлі күнге АКУ деп жүрмін
AKA
 Осымен үшінші адам шатастырды, бір ғана әріптен кетіватр.  Астанаға иншАллаһ әбизөк барам.  
timurrr
«Менің әкемді жұрт неге бала дейді, әәә?»  деп Мұхаммед балам басын тасқа соғатын болар, ес білгесін)
rauka
Үйбай, сенің әлі балаң да бар ма еді… жарайсың!!!
Aizhantabyn
Мен де, неге екені белгісіз, Тимурррды жас бала деп жүрдім да, ну кемінде менен жас деп, суреті әсер еткен болар. Қарасам, ағай екен.
omarbirat
танымал, «жұлдызша» блогшылар «сатыбалды, марго, алдекен, мадлен, айкона, айжантабын, эстетика91, АКА, Теріскей» тағы басқаларын, «тірідей» көріп
a63a1
Омеке сен бардыңба?
omarbirat
Жоқ, мен бармадым.
Gazizkizi
Сатыбалдыны мен таним!
KILIZAMAN
өнегелі жерде жүргенің жақсы, жаныңа өмірлік азық алу адамды жақсылыққа жетелейді
izbasar
Кім болады екен?
TOTY
Шымкентте дәмін татып үлгермеген наурыз көжені Астанада «сіміріп ішу» бұйырыпты…

Неге екені, мен көже ішуді ұмытып кетіппін
rauka
Қайда жүрдің көже брейкте?
AKY
көже өте дәмді болД. келін балаға рысбектен басқа айтарым жоқ.
estetika91
Сәлеееееееееееееем Рауа)) Сізбен реалда таныс болғаныма қуаныштымын!!!
AKY
Марго — Марко, Маралтай — Маралбек.
rauka
Әйтеуір, ұқсатыппын ғой