Сатып алғым келетін көліктер

Футбол маусымы саябырсыған уақытта зейінім көлік атаулыға ауды. Ауғаны бар болсын, шатырым кетіп жүр. Көлік жүргізудегі өтілім үш жылға енді тақады. Қазіргі көлігіме дейін екі басқа модификациясы мінілді. Сондағы көзім жеткені – жапониялық «камрюхаларға» симпатиямның шексіздігі сияқты.

Капотты ашпайтындарданмын. Айдайтыным – автоматика. Механиканы құнттамадым сол бойы. Арман құрдастың жүргізушілікке баулып, қыр-сырына қанықтырып жүргендегі қамқорлығына бір риза болған жерім – мәселе біліктілікті практикада шыңдауға келгенде Шымкенттің анау-мынау емес, Тәуке-хан даңғылына* тартқанымыз еді. Әлі есімде, қолбырап, дірілдеп, небір алабөтен сезімдер астан-кестен боп еді. Сосын Астанаға жүйткіп жеттік екеулеп. Онымыз немістердікінен айдап келген ағайынды екі орыс жігіттен сатып алған 91 жылғы Мерседес-Бенц еді. 2.6. Бір жақсысы, трассада жүрісі сенімді, жылдамдықты қиналмай үдететіні еді. Бірақ рулі аздап ауырлау екен. Онысын Тойотаның американдық үлгідегі отыз бесінші «камриіне» отырғанда кәдімгідей сездім. Ойыншық сияқты боп қалады екен. Жеп-жеңіл, маневрлерде икемді, майды аз жейді. Моторында ақауы шыққасын, сатылды ол да. Қазіргім Lexus RX300. Екі жылдың көлемі болады биыл. Астананың суығына төзімді болмаса да қиын. Техникалық сипаттамаларындағы өзгешеліктерді маман деңгейінде тәптіштей алмасам да, сезем. Сезгіштік пайда бола ма деймін әр жүргізушіде уақыт өте. Машинаңды сезесің, иесі мінгенде сәйгүлігің кәдімгідей жадырап сала береді. Көлігіңде отырып, «сатамын-ау», «ауыстырамын-ау» десең, сол уақыттан көп ұзамай кейде бұртиып, қисайып алатыны бар. Сондай бір тылсым. Ренжітпеуге тырысасың.

Қазір енді қайтадан «камриге» ауысқым кеп жүр. Сағынып кеттім. Реті келіп жатса, мына көліктердің біреуіне айырбастауға, сатып, үстінен ақша қосып сатып алуға кетәрі емен (приоритеттік тізім, бірінші келтірілгені – «бірінші» талғам):


«Елуінші» Camry

Кеше жұмыстың гаражындағы осы елуіншілердің біреуі ап кетіп еді. Салонына көп мән беріпті жапондар. Жаңасы конвейерлік өндірісте мықтап қолға алына қоймады ма, қызығып, сұрастырып қарап едім ресми дилерлер тапсырысты қабылдаған күннен бастап 2-3 ай көлемінде ғана жеткізілетінін білдірді. «Комфорт» санатындағы линейкадағы бірінші түрі 37.400 долларға бағаланыпты. Бұл құнға жеткізу шығындары да жатады. Одан кейін Элеганс, Престиж боп санаты жоғарылай береді. Тиісінше, құны да комплектациясына қарай ауысып отырады.


Nissan Teana

Презентабелді экстрерьерімен тәнті етпей қоймайтын интерьері жарасымды жұптасады. Қара түсті нұсқасына ауды аңсар. Сырт пішіні «камриге» келіңкірейді, бір қарағанда. Elegance, Elegance+, Luxury, Luxury+, Premium сияқты түрлі комплектациядағы линейкадан таңдауға болады бірін. Бағасы 34.700 доллардан басталады.


Mitsubishi Pajero IV
Жанұялық көлік деуге келеді. Сыйымды. 3 куб. Бағасы 6 858 900 теңгеден (46.343 доллар шамасында) басталады екен.

Қазір банктердің көбісі жылжымайтын мүлікке қоса, автокөлікке де несие беріп жатыр. Жалақыңызды алатын банк арқылы сұрастырған қаржылай тиімді: сізге түсінікті себептермен жеңілдіктер ұсынылады. Көп ретте, бастапқы төлем ретінде көз тіккен көлігіңіздің жалпы құнының 10, 20 не 30 пайызын сіз көтеруіңіз керек. Қалған бөлігін банк несиелендіреді. Әдетте, жаңа көліктерге несие 7 жылға дейін беріледі. Мысалы, Тойота камридің 20% бастапқы төлемін беріп, қалған бөлігін жеті жыл ішінде қайтаруыңызға болады. Ай сайынғы өтемақы шамамен 585 долларды құрайтын болады.

Жаңа автокөліктің бір жақсы жері, зауыттан шыққан темір тұлпарға ең алғаш иелік ететін өзіңіз боласыз. «Екінші» қолдан әжептеуір арзандау алуға kolesa.kz ұсынған опция аз емес. Қолданыста болғандарға да банк қарасады. Бәрі де біз үшін, айдаушылар…

*Тәуке хан даңғылы Шымкенттегі көлік қатынасы ең көп шоғырланған жер, Атыраудың «Сәтпаев» не «Азаттығы», Астананың «Республика» не «Сарыарқасы» сияқты.

P.S. Суреттер toyota.kz, www.aster-nissan.kz, www.mitsubishi-motors.kz сайттарынан алынды
Бөлісу:

158 пікір

a63a1
91 жылғы Мерседес-Бенц еді. 2.6
Базар жоқ, сүйегін сүйретіп жүре бередіғой жарықтық 103 движок қатты көңіл бөлуді талап етпейд, ең жаманы сол, паук қанды ішеді, сосын 124 ттердің бір ауруы ол замок зажиганиясы.
Жолда сенімді, мыңқ етпейді.
Nurgisa
Бұл жерде бағасы жағынан ойға қонымдыларын іріктегенсідім. Әйтпесе, жаңа күйіндегісі 100 мың доллардан асып түсетін Мерседестің С кластарын, Лексустарды қоса беруге болар еді.
a63a1
Лехус Эрикстен кейін камриға отыру деген, аттан түсіп жаяу жүргендейғой. Одан да эрикс 350 лерге неге ауыспасқа?
Nurgisa
«Камридің» әдемі бір аурасы бар, Әбеке. Жүргенде жұмсақтығын сезесің. «Елуіншісінде» қыста қиналмай оталатын бір фишкасы барын естідім, сосын. Дизайны да сәтті шыққан сияқты.
a63a1
Камридің елуіншісіне отырып көрген емеспін, Ал қырқыншыға келсек панелдьде бір шуылдың бары ұзақ жоға шыққан да байқалады, ал жұмасқтығы жағына сын айта алмаймын.
a63a1
ауа демекші маған ескі ПАЗ ЗИЛ Москвичтердің ауасы ұнайды неге екенін білмедім
a63a1
Ренжітпеуге тырысасың.
Менғана осындай ауруға душармынба десем)))
Менде ұзақ жол жүріп келгеннен кейін панельді сипап, жарайсың деп мақтап қоямын.
VKM
Мен де сөйлесетінмін.  Папам да
VKM
Ең күшті көліктермен жүріпсіз ғой, Нұрғиса аға.Маған Мерседес ұнады, Тойотаға қарағанда.Ауыр,қорықпайсың, былтыр трассадан ұшқанда, Тойота болса, не болары белгісіз еді.
Арманыңыздағы көліктің иесі болыңыз!
Nurgisa
Періште сияқтысың… aza
satibaldi
Өткен жаздыгүні Toyota Camry 45-тің бар кереметін сезіндім. Айырпортқа да инастран-бұтақбастарды күтуге ұялмай барасың; пяншіктерден тұратын қалашықта да тобырдан ерекшеленіп тұрмайды, рақат мәшине. Астапыриса, бензин құйғаннан басқа ләм демеді. Жүргізуші оның үстіне бұ мәшинелерді сата қалып жатсаң да, тез өтіп кетед дейді.
Тек баға жөнінен қонымдысын айтқаным ғой. Әйтпесе Ferrari Testerossa, Lamborgini Diablo, Ford Mustamg-тарды бірінші атамай, VKM ұрып па мені!
sammita
сата қалып жатсаң да, тез өтіп кетед дейд
қаззақтардың әдеті осы, не алса да
neoman
Жүргізуші екі рет шынымен қуанады, бірінші рет — мәшине сатып алғанда, екінші рет — оны сатып құтылғанда.
omarbirat
Елулік «Камриге» менің де шатырым кетеді.
«Теана» — әдемі машина.
Уот, енді «Мицубиси Паджероның» дәл осы 3,0 литрлік модификациясы онша емес дейді. Тартысы аз литражды машиналар сияқты әлсіз екен. Камри мен Арексүшжүзден кейін көңілің қалуы мүмкін.
«Колесадан» оқып алып, шынымен мініп көргендерден де сұрастырғанмын. Таныстарым растады. Паджероның 3,8 литрін қараған дұрыс бола ма деп қалдым.
a63a1
Мицубиси Паджеро сиырғой лібә, алдынан бастап жасап жатып артқы жағына келгенде фантазиясы таусылып қалған сияқты
omarbirat
Сиыры сиыр ғой. Қалада жүргенде светофорда бәрінің алдында тұрсаң, жүрсеңші тез бол деп артыңнан сигнал беретіні жаман да. Опшым, орнынан қозғалуы қиын екен.
a63a1
 құйрығын бұрап жіберш деу керек ондайда
Nurgisa
Оппа, онысын білмеген екенмін… Үш кубтан жоғарысын қарастырғым келмейді енді, зәразап болдық
omarbirat
3,0 литрге дейін кроссоверлер ең дұрысы болатын шығар. RX-тің жаңарағын неге қарамасқа? Бірақ олар кемінде 3,3 л, ең жаңасы 3,5 л болады, білуімше. Жарты литр арысы не, берісі не?
omarbirat
Оның үстіне жаңа көліктерде мотордың көлемі үлкейгенімен, үнемділік жағы да қарастырылады ғой.
2005 жылғы Lexus GS300-дің тұтынуы 12 л/100 км дейді, рас-өтірігін.
Nurgisa
RX 350 Premium $85 900
RX 350 Luxury $90 900
RX 450h Luxury $102 400
omarbirat
2011-2012 жылғылары ма?
Nurgisa
Су жаңалары ғой, Омеке.
a63a1
рекс300 өз класында экономды машиналардың біріғой, бензин жеуі аса көп емес 14-15 жейді, ал рекс 350 ге 95-96 бензин құйып отсаң бұданда аз жейді
Zhan
О, Абзал, аватарыңа нәрмәлный суретіңді қойып қойыпсың ғо. Кеше анай посттан кейін қыздар маймыл түрімді көрсе сүйіскісі келмей қалад деп қорықтың ба әлде сынды ескергіш буддамүмін жан ба едің?  Көліктің түр-түрін шағып қояды екенсіңдер ғо.
a63a1
Неғой, мына аватармен қуу бір түрлі ыңғайсыз тәрізді, үйренісе алмай отырмын
Zhan
Электрон почтама мына адрестен ылғи Көліктер туралы ақпарат түсіп ығырымды шығарады. Қалай хат келмейтін ғып тастауды білмей жүрмін.
omarbirat
Toyota 4Runner, Highlander, Land Cruiser (Prado) дегендер қызықтырмай ма, құрдас?
omarbirat
FJ Cruiser дегендер де мықты дейді. Асфальт па, жолсыз жер ме — жүре береді дейді.
Nurgisa
Highlander жақсы, бірақ қымбаттау… Prado'ның 2.7-сі болмаса.
Abilakim
ТҮРЛІ МАШИНАНЫ АРМАНДАЙ БЕРУГЕ БОЛАДЫ ҒОЙ.ЖЕКЕ ТІКҰШАҚТЫ АРМАНДАЙМЫН ДЕСЕҢ ДЕ ШЕКТЕУ ЖОҚ ҚОЙ.ДАЛ ҚАЗІРГІ МЕН ҮШІН ПАТИКТІҢ ПАССАТЫ ДА АРМАН
Gastarbaiter
Айдап көрген соң кайфын түсінетін шығармын. Әзірге приоритеттен тыс қала береді осы жеке көлік мәселесі. Ал кредит, не қарызданып, немесе киіп тамақтан басқа қызықтан жырымшылап жинауға ешқандай құлық жоқ.
Былай лақтыра салатын да артық ақша жоқ.
Abilakim
осы жерде жай ғана қыстыра кетейін көлемі 2 .2 және 2.4 екі Опель Фронтера сатылады.Жүріп тұр, біреуімен тіпті ана жолы қасқыр алдық
a63a1
дизель, 4 вд, қызыл, қожайыны Қанат демеш
Abilakim
Қожайынының аты Қожа шын айтамын, біреуі Жаңаарқада, біреуі Балқашта. Түстері асфальт түстес
satibaldi
Қожайынының аты Қожа шын айтамын
Gulistan
1 Хюндай Гетзке қол жеткізсем ғой
satibaldi
Саған қолы жеткен адамның Хюндай Гетзке қолы жеткен болып шығу мүмкін вариантын да ұмытпаңыз.
Nurgisa
Анар, Тойота Королланы ойланып көруді ұсынамын:





Қылауы түспегені 24 мыңнан басталады.
sammita
мысалы мен, Тойота Королланы ойланып көрдім, енді 24 мыңды ойлап отырмын
Nurgisa
Жақсы вариант қой. Эстетикасы, жүрісі мінсіз. Соңғы уақытта көбіне қыздар айдайтынын көріп жүрмін. Субарудың Импрезасы сияқты жақсы қыздарский вариант
sammita
иә, оған әңгіме жоқ))
Gastarbaiter
Камри 50-іншілерің менің баяғы бастығымның Бентлиіне келеді екен алыстан қарағанда. Іскерлік кездесулерге барғанда, арнайы соған мін деп жіберетін, типо клиентке «презентабельді» көріну үшін. Артқы орнында отырып, өзімді бір сұмдық әлемдік мәселе шешуге бара жатқандай жауапкершілік сезінетінмін.
omarbirat
Ең толық комплектациясы 26500 шамасында болатынын да қоса кетейін.

Королла мініп жүрген адам ретінде айтарым:
— Қалада және 500 км-ге дейінгі қашықтықтағы тас жолда (терең ой-шұқырлары мен кедір-бұдырлары аздау жолда) өте жақсы. Басқа шағын көлемді машиналармен салыстырғанда жүрісі жұмсақ;
— Үнемді. Тас жолда бензин жемейді — тек иіскеп отырады ;
— Алыстан көрген адам Camry 40 екен деп қалады ;
Жалпы, машинаның жанар-жағармайы мен күтімінен басқа нәрсеге ақша шашқысы келмейтіндерге арналған. Опшым, Камриге ақшасы жетпейтіндер үшін ең жақсы таңдау
Aizhantabyn
Көйлектер деп оқып, ағама не болған деп кеп оқысам… ол маған бірдеме болған-ау) Шоппинг жасамағалы көп болды, елки…
satvaldo
бір қызығы М-паджеролар Испанияда басқа Еуропа елдерімен салыстырғанда шамамен бес есеге аз өткен екен. алғандар да тек әйелдер немесе тек келгінбайлар ғана алады-мыс. себебі ақшада емес дейт амиголар, гәп оның атауында. тойыс «паджероның» испан говрында «кішкентай мүшелі» деген мағынаға келуінде. әйтпесе, жап-жақсы мәшине-ақ. комплексовать етіп кетпесең болғаны :ҚҚҚ
omarbirat
Испанша сөйлейтін елдерге Mitsubishi Montero деген атпен импортталады.
Janasil
Қырғыздарда машина өте арзан деп жатыр.
Nurgisa
Есесіне оларды тиісті түрде ресімдеуде үлкен кілтипандар бар.
Беларусь елінен әкеліп жатыр қазір көбісі. Үстінен 2-3 мыңдай көреді екен, айтуларынша. Жасасын Кедендік Одақ.
satibaldi
Моңғолияда Камри 40 — 7 мың доллар дейді, біраз жігіттер сонда тартып кетті.
Nurgisa
Аха, дәл өзі. Бәрі жаппай аттың басын сонда бұрып жатқанын біз де естідік:

Gulistan
Нұрғиса, Короллаңа қарсы емеспін. Маған салса Лексусқа -ақ отырар ем, бірақ —
1. Тәжірибе жоқ. Бірақ 3 ай оқып, 10 сағат машина айдағам инструктормен. Инфаркт ала жаздағам ол енді бөлек әңгіме
2. Жаңасы қымбат — алған күннің өзінде кішігірім авария болса, қиын болады. Одан да шағын машинада аздап шынықпаймын ба?!
Негізгі арманым — Тойота Приус. Сол Хюндай Гетз, не болмаса Фольксваген Гольфта біраз жүрсем, қалғанын көре жатармын.
Nurgisa
Gulistan Toyota Prius'қа қазір акция жүріп жатыр, үш жүз мыңдық купон береді, оны шет елдік бір тур сатып алуға жұмсай аласың  Британиялық сборкысына жүреді-ау деймін кампания.
konvict
Мында сөз болған машиналарды армандаудың өзі әлі ертерек. Әзірге Гольф 3-ны армандай тұрамын
Aigolek
мен ерикстриста деп журсемммммм елдерин оны менсинбит.
Gastarbaiter
Елге қарап жүрсең өмір бойы бақытсыз боласың.
Aigolek
Gastarbaiter атты қолданушы сіздің «Сатып алғым келетін көліктер» тақырыбындағы пікіріңізге жауап жазды, оқу үшін мына сілтемені басыңыз
Жазылған жауап: Елге қарап жүрсең өмір бойы тынымсыз боласың.
Gastarbaiter
Тыныштық таппайсың, ұйқың бұзылады да, зайыбың шығып) Кім менен асып кетті деп
araika
Тақырыпқа қарап, бірнеше көлікті бір мезетте мінгіңіз келетіндей

Көлік — менің де ауруым, тұрақты талғамым Lexus RX-300-ге түскен. Жер бауырлайтындарды, тұраққа қоярда не ол жағынан, не бұ жағынан сыймайтын қаладағы бір бөлмелі үйіңнің орнын алатын мүйізтұмсық мәшинелер ұнамайды.
neoman
Жапон көліктеріне қызығуыңызды қолдаймын: сенімдірек, проблемасы аздау және өзінен-өзі майда-шүйдесі бұзылып басты қатырмайды. Құрып кеткір Ауди

Меніңше, салоннан гөрі жаңасын қолдан алған тиімдірек-ау. Гарантияның пайдасы шамалы, жапон көліктері 200 мыңды еш бұзылмай жүріп тастайды бәрібір.

Кредитке мәшине алуды да түсінбеймін. Оның үстіне 7 жылда көліктің құнын екі еселеп төлейсің.
Nurgisa
Кай банктi алып карама, колiкке несие берудi шындап колга алгандары, нарыкта клиенттi шакыру ушiн турлi кампаниялары кредитке кызыгушынын аз емес екенiнiн далелi, арине. Турмыстык техника ушiн берiлетiн ноль пайыздык болса канеки. Бiрак сонын абсолют ноль екенiне куманiм бар.
Оз басым, талгамымдагы мурты бузылмаган машинага тиiмдi шарттар усынылса, карсы болмас едiм.
saken
нөл пайызына сенімім аз. Дегенмен соңғы кездері Еуразиялық банк "Қарапайым несие" деп бөліп төлеу жүйесін ұсынып жүр ғой. Ол жайлы кім білер екен. Алдында Ниссан автокөліктеріне ұсыныстар жасап жүр еді жоғарыдағы банк, енді Субару автокөліктерінде бөліп төлеуге сатып алуға болатын болыпты.
asaubota
осыны да әңгіме деп!

түбінде өлетін адамдардың мимырт тірліктері.
Simona
 Әдетте Сaтекеңнен келушi едi осы сөздер…
User
Соңғы кезде Лексус-қа басым кетіп жүр.

omarbirat
Тұмсығының дизайны көңілімнен шықпады осы Лексустың. Трансформерлер сияқты. Бірақ мінуден қашпас едім. Салоны жынды
omarbirat
Айтпақшы, жақында Алматыда жүрген біреуін көрдім осының. Суреттен көре-көре көз үйрене бастағандай еді. Реалда қайтадан тұңғыш рет көрдім. Түрден түр жоқ қой жарықтықта. Дизайны ұнамады, опшым.
MickThatsMyNick
Баяғыда біреу бір жаңа лимузинге қатты қызығып, үйін сатып жіберген, содан несі керек…
neoman
Тойота центрлерде сатылатын Камрилер Ресейде құрастыралады деген әңгімені естідім. Салонға бара қалсаңыз, ВИН кодын тексере салыңыз.

Теананың коробкасы CVT-вариатор. Ол өзі сондай ерекше коробка-лотерея. Сынып қала салады, жаңасын іздеу керек сосын. СТО-ларда тұрған Ниссандардың талайын көрдім. Консолі әдемі екен бірақ ше

Паджеро шынымен тартпайды, тіпті, алдыңғы моделінен де қалады. Бірақ 2,7-лік Прадодан жаман емес. Қалай болғанда да бағасы мен сапасын ескерсек, нарықтағы джиптердің ішіндегі ең дұрысы Паджеро ғой.
Nurgisa
Негізі, Камриде де лотерея бар. «Салқындату» жүйесіне қатысты. Отыз бесінші моделінде көп кездескен екен. Фреон өзіне-өзі кеміп, сәйкесінше ауаны кондиционерлеуде ақаулар орын алады. Мендегісінде де сондай боп еді, істеткенімде айтып еді осыны.
a63a1
omarbirat
Сату, айырбастау ойымда жоқ
Camry 55 немесе 60 шыққанша мініп жүре беремін.
Nurgisa
Apple өнімдері сияқты елубес пен алпыс та көп күттіре қоймас, ә, Омеке? Мына елу маркетте жақсы қонжиды. Локалді ауқымда сұраныс зор, әйтеуір. 2014-ке дейін шығып қалады-ау осы.
omarbirat
Иә, 2014 жылы рестайлингтен өтіп, 55 шығуы керек.
a63a1
 Кешірерсіз Нұрекеңе бағыттап едім
Nurgisa
 Кезінде қазекемнің бірі Тәшкен барған ғой. Базарлатып жүріп, қызы бұрышқа кез келеді екен. Шамасы, ауылдарында ол тектесі жоқ болса керек. Дәмін көрейін деп тістейді де, тер солзамат бұрқ ете қалады. Ауызда — өрт. «Енді қайтып Тәшкенге бармаспын-ау, Көті қызыл мәуені алмаспын-ау» деген содан қалған сөз екен
Мерседестің Эс класы ғана ұнап жүр, Әбеке  «Колесоның» тілімен қайырғанда «Сәтті сатуыңды тілеймін!»
a63a1
Әмин, айтқаның келсін!
Nurgisa
Мынандай бір арап бар екен:
kolesa.kz/a/show/5185629
a63a1
араб үшін қымбат баға екен, көрші араб бар 14000 сұрап отыр
Nurgisa
Сілтемесі бар ма?
a63a1
Сілтемесі жоқ, телефон бар қажет болса
a63a1
Аяздарда қатып қалды, аязда заводкасы нашар олардың, суық болады жылы дегендері қыртым сөз
Nurgisa
Иә, арапқа сенім азына аз ғой. Астанада да өріп жүр, суықта жөткірініп, ангиналатып. Қарайын деп ем жай.
Таза жапон не еуропаға лайықталған модификациясы тым қымбат екен.
Ottegin
Егер, қалта көтерсе, міну керек, бірақ кредитке, ипотекаға көлік алған, меніңше, қисынсыз сияқты. Мінгенім гольф3, осында сол туралы жазғанмын, бір жылға таяу мініп жүрмін, жаз шыға сатамын деген ой болған, бірақ, қақаған аязда от алып, ескі болса да артық қаражатты талап етпегені, уақытылы ауыстырылып тұратын бөліктері (жағармай, фильтрлер) арзандығы, осы уақыт аралығында бірде-бір рет сынбағандығы (ескі машина ғой) қатты ойландыоып отыр. Армандаған дұрыс, бірақ, тиімділігін ұмытпағанда жөн шығар.
Nurgisa
Енді талғам мәселесі ғой. Біреулер бар, баспанасы жоқ болса да, небір қымбат көлік мініп алатын. Ол да ұстаным, приоритеттеу мәселесі шығар. Көрпеге қарай көсілу керексің, әлбетте. Бірақ, меніңше, қолда бар ақшасын ретімен жұмсай алмай, талан-тараж қылатынымыз қаншама?! Бәрібір басы құралмай, болмашы заттарға қарышталып жатады. Одан да осылай қысқа да ұзақмерзімді міндеттемені алып, есесіне, бір құндылыққа талпынудың ерсілігі аз сияқты. Жауапкершілікті сезінуге баулитын іс бұл.
Tarazkyzy

маған ұнайтын көлік. Күлмеңіздер тек
Ottegin
Қазір осы битлды шығару тоқтатылды ғой дим…

Күлетін түгі де жоқ, ерекше дизайны бар, моторы, комфорты, басқа жағынан ешнәрсесі кем емес.
Tarazkyzy
«Сорайған бойыңа үлкенірек көлік таппадың ба», "Қасыңнан камаз өтсе, ұшып кетесің«сынды сөздерді естігем. Тағы да айтыла ма деген қауіп қой
Ottegin
Битлды 2003 жылы өндірістен алып тастапты, егер жаңа мәшін мінемін десеңіз, вариант емес.

Оның кішкентайлығы картинада ғана көрінеді, битлды "қоңыздай" кішкентай демес едім.
Tarazkyzy
Сұраныс болмаған соң алынған ба өндірістен?
Ottegin
Жоқ, кейін new beetle дегені шықты
Nurgisa
Ұялатын түгі жоқ, Таразқызы. Мынаны да ойлап қой, арзандау бұнысы:

Tarazkyzy
Dawoo Matiz. Бір таксист әбден мақтап еді осы көлікті.Ойлану керек екен
Nurgisa
Меніңше, студент, жұмысқа жаңа тұрған, енді үйреніп жатқан қыздар үшін әсіресе ыңғайлы болатын модель.
Tarazkyzy
ыңғайлы әрі үнемді
Aizhantabyn
бірақ қауіпсіз емес. Шағын көліктердің бір жаманы сол, бір соқса, біттің дей бер. Шпротка в банке боп қаласың. Седанға жетпейді мен үшін)))) Алайда, Смартқа қызығыыыып жүрмін. Ол енді мүлдем кішкентай)))
VKM
Матизге қысқы резина таппайды көбісі.Менің 1 дос қызым қыс бойы гаражға қойып қойды
edige
Жасап шығарушы мемлекет қашық емес қой… табылатын шығар… Көлік қысқы суық кезінде керек қой…
Қажет кезінде резина таппай қалсаң о да жаман екен ей…
alisha
Жаңа Матиз лимон жарым тұрады… одан да ол ақшаға ескі иномарка қараған жақсы сияқты, қауашақ екен ғой анау.
VKM
Сосын Матиз шаңсорғыш сияқты, маған ұнамайды, базовый модель 6500 ш.б. ғана тұрады, ал автомат, кондиционер, жақсы магнитофон болса қымбатырақ шығады,9000 дай) Бұл вариантты қарастырғанбыз. Мен праворулька аламын, арзан және әу баста праворулькамен үйренгенмін машина айдауды
alisha
Қой, мен праворулькаңды көктетпеймін… Обгонға шыққанда ыңғайсыз ғой…
Nurgisa
Оң рөлділерден Toyota Avallong ұнады маған.
Aizhantabyn
маған да бір таксист мақтап, прям дедім )))
omarbirat
Chery QQ деген қытайлық көшірмесі де бар оның
Тым қымбатқа түсіп жатса дегенім ғой
Tarazkyzy
Рахмет, есте болады
omarbirat
Алуыңызға мүмкіндік болып жатса, Toyota Yaris көлігін де ұсынар едім.
Tarazkyzy
Бағасы да жақсы екен.
Erlan
аха Toyota Yaris жаксы машина
Nurgisa
Армандар, қиялдар материалдық сипатта көрініс табады. Егер қалағаныңа жету жолында оңтайлы бағыт сұрыптай алсаң.

RX300-пен қош айтысылып, ол пұл керек-жараққа кіріп кетіп, біраз уақыт моторсыз жүріліп, ақыр-соңында армандағанымның қырқыншы модификациясы алынды. Айналайын жапондар бәрін біледі ғой…

Керекинфо… Армандар орындалады…
alisha
Осы Опель Астра қалай? Үйреніп, әбден машықтанып алуға тартатын көлік пе?
VKM
нешінші жылғы? Жалпы неміс автокөліктеріне қосалқы бөлшектер көп
alisha
10 жасар, негізі Гольф 4 қарағам, онымен маған өңкей 2 есіктілер ғана кезігіп жүр.
Nurgisa
Гольфті тәксис таныстарым жамандамайды әйтеуір. Он жасар болса пәшти жаңа ғой. Қаладағы қарбалас трафикте маневрлерде еркінсітетін, жанар-жағармайыңды үнеммен жұмсайтын жақсы мәшнә, меніңше.
alisha
16 клапан деп жолдасым шошып отыр, маған ол жағы бәрібір ғой енді
alisha
10 жасар деп отырғаным Астра ғой
Nurgisa
10 жасарлық Астра,
Бензин құйып асыра
болатын вариант емес. 3 куб емес қой әйтеуір, 4 WD да емес.

Негізі, ақауы барына ақша жетпейді-ау деп ұрылғанша, аздап банктен несие алып, қосып, сенімділеуіне отыру мақұл. Көп қой көлікке несие бергіш банктар.
alisha
Новичокпын ғой мен, әбден үйреніп алғанша осындайлардан бастағым келген…

10500 сұрап тұр Астраға, қымбат емес пе?
Nurgisa
Маған салсаң, үстінен екі-үш мың қосып камридің жиырмасыншысына ұрылар едім.
alisha
иә, бірақ ондай варианттар кездеспей тұр, мен іздеп-іздеп жалықтым, осылай жүргенде қыс болады… ал қыс көлік жүргізуді бастау үшін қолайлы кез емес, әрине
Nurgisa
Отағасымен Алматыға өтіп қайтсаңдар ше? Ол жақта 12000-ға тым жақсысы табыла ма деймін. Бірақ 2-3 апта болды, ұсталған көлік құны едуәір көтеріліп қалыпты деп жатыр.
VKM
2002 норм )Менде РАФ 99 жылғы болған. Айтпақшы, мен де машина іздеп жүрмін. Тек малолитражка.
alisha
Белорусьтар тегін береді дегенге сайттардан қарағам, аса бір айырмашылық жоқ сияқты, қайта іргедегі Ақтөбеде сәл-пәл арзандау екен
a63a1
киа соренто алам нақтың, кірем кредиттің қорасына
19852407
www.allcarz.ru/renault-duster/ мынадай нап қапты бір амигоға
a63a1
жалпы кроссоверлер жақсығой, қалада да далада да ыңғайлы
19852407
Мен Фольксфаген В6-пен «ауырғаныма» біраз боп қалды, ағамның досы айдап келгенде қатты ұнап қалғаны, құдаяутүріненсолл! 
Жалпы механикаға «жоқпын», әуел баста ауызданғаным да, көргенім де автомат. Інім бұнымды аса құптай қоймайды: «аутоматың бұзылғанда көрермін сан соққаныңды» деп қояды. В6 де құптай қоймайды: «Алдымен семейка н/е «запорож» алып мейілінше игеріп алғаның дұрыс» деп. Өз ойым — алғасын бірден дұрысын алғым келеді, қайта-қайта сатам-алам деп жүргім келмейді.
Бұл сыннан өткендерден не сәбет???
Жалпы, новичок «туфелькаларға» (мүлде көліктің капутына жоламайтындарға, тіпті оның қай жақта екенін білмейтіндерге + бензин мен күтімнен басқаға қаржы сұрамайтын көлікті -ге) қандайына құрық салған дұрыс?
Aldeken
жалпы алғанда, нағашыекесі, әркімнің өз қалауы бар. мысалы, жапондық көліктер дизайн тұрғысынан ешқандай көзге ұратын ерекшеліксіз, іш пыстырарлықтай қарапайымдылығымен кейбіреуге ұнамай қалып жатады, ал, сапа жағынан келгенде жаны сірі, өлімі жоқ көліктер қатарына Toyotaның кез-келген өкілін айтар едім. Ал, Нұрғиса рекомендеп отырған 20 және 25 Камрилер классика жанрына еніп кеткен. Бірақ, жапондық көліктер кейбіреуге тым жеңілдігімен ұнамайды, жапондығыңды қойшы, секең-секең етіп, адамның мазасын алады дегенді де естігенбіз.
Ал, немістер, әрине ең алдымен салмақтылығымен, және дизайндық ерекшеліктерімен әйгілі, тіпті бір модельдің өзі жыл санап, ішкі сыртқы дизайндарына аздап болса да өзгерістер енгізіп отырады. Бірақ, неміс көліктерін, жапондықтардай жаны сірі, күй талғамайды деп айта алмас едім. өз ойым…
Сондықтан, руль мен жүргізуші орындығының арасындағы байланыстырушы өзің болатындықтан ең алдымен өзіңнің талғамдарыңды екшеп барып, өзің таңдағаның дұрыс.
Пы.сы. Мүлт кетпейтін жалғыз кеңес бар, неғұрлым жаңасын алсаң, соғұрлым, капотты ашу қажеттілігің азаяды.
19852407
«Жапондығыңды қойшы, секең-секең етіп, адамның мазасын алады» дегенді де естігенбіз" )))))))))))))))
Жөн сілтегеніңізге мың алғыс, жиен, түйіп алдық.
a63a1
Бірақ, неміс көліктерін, жапондықтардай жаны сірі, күй талғамайды деп айта алмас едім.
Алдеке басқасы басқа, дәл Мерседеске ешкім ештеңе айталмайдеее))) 89 жылғы мерсім болды, 91 жылғысы бар, бэхам болды 94 жылғы, ешқайссы қорлық көрсетпеді, Мерстің ходовкасы ол енді бөлек әңгіме, мәңгілік, 124 тті айтып отырмын)
Erlan
kolesa.kz -те казир машиналар кымбаттаган $1000 -1500 га
alisha
Олар қоя береді ғой бағаны
a63a1
autolist.kz/ қарағандының көліктері, іздегендер қарай жүрсін осыдан да
Erlan
антивирус жатыркап киргизбей жатыргой
serjan
Қандай көлік мінгім келетінін қайдам әйтеуір өзім мына көлікті мініп жүрмін, өзім өз болып машинаның бұйырғаны биыл ғана, бір ай болды мінгелі
izbasar
Рөлі оң жағындама? Қаншаға алдың әріптес Алматы бағасы.
a63a1
қатын бала-шағалы болғанда минивен алам)))
omarbirat
Toyota Sienna дегенге ой бар.
Aldeken
Әдемі таңдау, құрдас!
a63a1
Бәрін айтта бірін айт менің негізігі ең ғашық, әрі арман болған көлігім мынау
Арманым
Nurgisa
Осындай бір пост жазыппын 10 ақпанда 2012 жылы.
Керекке тағы бір пост жазғым кеп жүр.asaubota
VKM
жалпы «Bentley „-мен жүргім келген, бірақ “Kia Picanto» да жақсы)))))
Nurgisa
Келешек осындай эконом кластарда!
Өсе келе жапондар чемодан сияқты жиналатын мини седандар жасақтап шығарса екен. Күн энергиясынан қуаттанып қалаішілік қажеттілікті өтей беретін.
aza
Нұреке! Елулік құтты болсын!
Aldeken
Нұреке! Елулік құтты болсын!
оппппппаааааа, амиго, рас па, мына жүгірмектердің айтып отырғаны?
Құтты болсын, есьче!
asaubota
мана Рымбектің машинасымен Нұрекеңді Керуен жақта қыстық, біз екенімізді көріп күлді ))
Aldeken
Сендер екенін көргенге дейін, көздері үлкейіп, біршама паниковать еткен шығар, ия? )))))))))))
bizbike
рақат болар еді ондай жасап шығарса, мен мінетін едім
patick
Шевролет Круз жаман емес
mercedes
Сатылам: Mercedes-Benz E220. 1994г. обьем 2,2. В хорошем состоянии. Әдемі қыздарға тегін беріле салам.