ҰЛЫҚ МЕРЕКЕ ҚҰТТЫ БОЛСЫН!

Міне, барша мұсылман сағына күтетін Құрбан айт мерекесіне де жеттік. Алла қаласа, 6 қарашадан бастап, шамасы келген әр мұсылман Алла разылығы үшін құрбан шалып, дініне, иманына адалдығы мен шынайы ықыласын білдіреді. Сол арқылы Жаратушы иеміздің құзырында өзіне лайық дәрежеге қол жеткізеді. Ардақты Пайғамбарымыз (с.ғ.с.) хадис шәріптерінің бірінде: «Адам ба­ла­сы құр­бан айт кү­нін­де (құр­бан ша­лып) қан ағы­зу­дан да сүйік­ті ешбір іспен Алла Та­ға­ла­ға жа­қын­да­ған емес» деп бұл құлшылықтың мәнін түсіндірген. Сондай-ақ тағы бір хадисінде: «Кім­де-кім мүм­кін­ші­лі­гі бо­ла тұ­ра құр­бан шал­ма­са, біз­дің на­маз оқи­тын же­рі­міз­ге жа­қын­да­ма­сын!» – деп ескерту жасағаны да бар.

Құр­бан ша­лу­дың уақы­ты құр­бан айт­тың бі­рін­ші кү­ні Айт на­ма­зы­нан кейін бас­та­лып, айт­тың үшін­ші кү­ні Ақ­шам­ға аз уа­қыт қал­ған­ға дейін жал­ға­са­ды. Үзір се­беп­тер­ге байла­ныс­ты құр­бан айт на­ма­зы­на ба­ра ал­май қал­ған адам­ның, на­маз оқып бо­ла­тын­дай уа­қыт өт­кен­нен кейін құр­ба­нын ша­ла бе­руіне бо­ла­ды.

Құрбан айты барша мұсылмандар үшін үлкен мереке. Оның тарихы сонау Ибраһим Пайғамбардан бастау алады. Содан бері ұрпақтан ұрпаққа жалғаса келіп, ардақты Пайғамбарымыз Мұхаммед Мұстафа (с.ғ.с) өмір сүрген алтын ғасырда мұсылмандардың Қиямет күніне дейін атап өтетін ең ұлық екі мерекенің біріне айналды. Әр жыл сайын жер бетіндегі бүкіл мұсылман жұртшылығы осы Құрбан айт мейрамын ерекше көңілмен мерекелеп келеді.
ДерекКөз: www.muftyat.kz/index.php?newsid=4937

Демалыс беріле ме құрбан айтта?
Бөлісу:

11 пікір

TERISKEY
меніңше, бұл мейрам жексенбіге дөп келгені себепті дүйсенбі демалуға құқылы секілдіміз. Заң солай емес пе еді?
Nurgisa
Заңда «демалыс күні» мен «мереке күні» деген екі санат қарастырылады. Біріншісі жұмыс күніне дөп түссе, ол күн демалыс болып есептеледі де, тиісінше, сіз бен біз жұмыстан демаламыз ол күні. Ал апта соңындағы онсыз да демалыс күндеріне дөп түссе, оған дейінгі не кейінгі күндер «компенсация» ретінде демалыс болмайды. «Мереке» күні болса — апта күніне дөп түссе демалдырады, сенбі не жексенбіге түссе = өзіне дейінгі не кейінгі күндер "өтеп береді".
patick
Сондай-ақ тағы бір хадисінде: «Кім­де-кім мүм­кін­ші­лі­гі бо­ла тұ­ра құр­бан шал­ма­са, біз­дің на­маз оқи­тын же­рі­міз­ге жа­қын­да­ма­сын!» – деп ескерту жасағаны да бар.

Шексіз мейірімділік туралы бір әңгімелер айтылып еді, бұл қалай болғаны?
izbasar
Мейірімділік осында ғой. Сойған малыңды кедей жағдайы төмендерге үлестіресің.
MYRZA
Құрбан айтта сойылатын малды кейбіреулер малды алған жерінде сойдырып алады, осы құрбан шалған боып есептелмейтін сияқты меніңше. Дегенмен Алла ниетіңе қарап қабылдайды деген ғой шын ниетпен шалынса қабыл болатын шығар мүмкін?
Zilola
Біреуден қарызға 25 мың теңге алып, құрбан шалуға қой сатып алып сойып таратсам, құрбандыққа жата ма? Қолда өзіңнің тапқан ақшаң болуы шарт па? Егер ертең жалақы алған соң қайтарсам?
timurrr
Ниеттеріңіз қабыл болсын!
FaraOn1
Ауылдағы аке-шешем құрбан шалуға ниеттеніп жүрген. Демалыс бермейтін болса қалай барам?(((
Zilola
Айттап келгенде дастарханда қандай дәмнің (астың) болғанын қалайсыз керекші қауым?
Бір шай ішіп, құран оқып кететін айттаушыға дастарханда не болғаны жақсы?
Май, нан, кептірілген жемістер...
жаза кетсеңіздер, ертеңгі айтқа дастарханға керегін алуға баратын едім.
Aldeken
Не берсеңізде ниетіңізбен берсеңіз, қалғаны өздігінен қиысады деп ойлаймын.

Қонақ тамағыңа емес, қабағыңа қарайды © бір жерден естігенмін
Zilola
біз көбінесе өзіміздің қойғымыз келгенді қоямыз дастарханға ал келген айттаушы басқа дәм жегісі келетін шығар дегенім ғо, әрине ниетпен тартамыз дастархандағы асты