Сен қазақсың

Блог - rakisheva: Сен қазақсың
Сен – қазақсың!
Қазақ деген ел бөлек,
Қазақ салған соқпақ бөлек, жол бөлек.
Киіз үйі Жер сияқты жұп-жұмыр,
Шаңырағы күн сияқты дөңгелек.
Сен – қазақсың!
Бір Алланың құлысың!
Адамға адам құл болғаны — құрысын.
Жойқын соғыс, зұлматтарда жойылмай,
Қалған ұлтсың. Қаһармансың! Ұлысың!
Сен – қазақсың!
Ұлы дала – тұғыры.
Күмбір-күмбір күрескерлік – ғұмыры,
Тірескеннің дірілдеткен тізесін
Тұлпарыңның тұяғының дүбірі!
Сен – қазақсың!
Алғызбайтын барыссың!
Ар – ожданның асқағысың, намыссың!
Тағдырыңды танығысы келгендер
Тасқа басын тарихыңмен танисың!
Сен – қазақсың!
Байырғы жұрт – түздегі ең,
Табиғаттан тән тамырын үзбеген.
Қолын жайып, Көктен өмір сұраған,
Жер бетінен жерұйықты іздеген.
Сен – қазақсың!
Қазынасы – нәсіп, құт.
Қазақ болу – ғаламатқа ғашықтық.
Жерің, суың, тауың сұлу соншалық,
Көрген көзден кететіндей жас ытқып!
Сен – қазақсың!
Отаншылсың, тектісің!
Досыңа адал, дұшпаныңа кектісің.
Бұл далаға мұрагерлік, иелік — Ұрпақтарға ұлы аманат деп түсін.
Сен – қазақсың!
Айлалысың, ептісің!
Айбарлысың, ақылдысың, беттісің!
Көп болуға,
Бір болуға тиіссің,
Көрмеу үшін жаттың езгі, тепкісін!
Сен – қазақсың!
Рухы еркін, өзі еркін!
Мұзбалақсың, сорғалаған сөзі еркін!
Қайталанбас күйшісің сен құя алған
Домбыраның өзегіне өз өртін!
Сен – қазақсың!
Келе жатқан бағы асып,
Адамзаттық ізгілікке жол ашып,
Дастарқанның – елшілігің ежелден,
Мейірбансың, меймандоссың қолы ашық.
Сен — қазақсың!
Ғарышкерсің, жаны – аспан.
Өрелісің, өз орнына таласқан.
Төрге лайық марқасқасың, мықтысың,
Төрткүл дүние саясатта санасқан.
Сен – қазақсың!
Қазақ едің туғанда!
Онда, дүние тағылымынан үлгі ал да,
Ата жұрттан, Ана тілден айрылма,
Төбеңде Күн, төменде Жер тұрғанда!

Күләш Ахметова
Бөлісу:

22 пікір

satibaldi
Бәрібір Молдағалиевке жете алмайд. Ширк.
rakisheva
Жетеалмаса несі бар?! Сізде Күләш Ахметовамен салыстыратын адамды тауыпсыз. Дым болмағанда Фаризаға жетпейді десеңіз көңілге қонымды болар еді.Әркімнің талғамы әр түрлі емес пе!
satibaldi
Фариза дегеніңді танымадым, бірақ мынауыңнан бірден еске түсетіні — Джуба амигоның Мен қазақпыны. Ал мынау енді, үндестік жағынан ұқсастыра ат қойып, соның табысын жырып қалам ба деген зебрдәмемен жазылған өлең ғой. Нақтың.
bazuka
Осындай өлеңді оқығаннан кейін қазақ екендігімді мақтан тұтамын!
Gastarbaiter
Амал жоқ осыған да мақтануға тура келед. Бұдан басқа мақтанатын себеп те аз ғой нақтың…
balzaminka
B. Momywulynyn kelini me?

Erke, rahmet, osyndai ruh koterer olender kerek-ak
Abilakim
Бәукеңнің келіні емес
saken
Баукеңнің келінінің есімі Зейнеп. Фамилиясы Ахметова болғасын шатыстырып отырған боларсың
meirzhan
Сен – қазақсың!
Ұлы дала – тұғыры.
Күмбір-күмбір күрескерлік – ғұмыры,
Тірескеннің дірілдеткен тізесін
Тұлпарыңның тұяғының дүбірі!
Осыны қазақ радиосынан еститінмін. Сол радионың қызметкерлері шығарған ба десем
blackbeard
Кеше 31 каналдан Рэмбо фильмін көрсетті
meirzhan
О, олар кемеңгер ғой. Гарри Поттерді да солар шығарғанын бірер сағат бұрын білдім.
Qojeke
Мен – қожамын!
Қазақ деген ел бөлек,
Қазақ салған соқпақ бөлек, жол бөлек.
Қожаның салғандары бір бөлек.
Beytanis
қожаларға пенсиясына льгот жоқ.
Aizhantabyn
так и знала)))))))))))))))))
Beytanis
Qojeke, туу дәлірек айтсақ туылу туралы куәлігіңде "ұлты" деген жерде не деп жазылған?
Qojeke
Мен туылғанда ондай куәлік жоқ болатын.
Beytanis
Қой-ей, тас дәуірінің адамы емес шығарсың. Қане, айт.
a63a1
лібәә қожамын деп мақтанатындарды шыны керек жек көрем,