Жақсы адамның әңгімесінен туған өлең


Геополитикалық сәби
Сальвадор Дали


Жылату оңай, жұбату қиын – мойындалмайтын заңдылық.
Таусылмайтын әңгіме айтамыз екеуміз таңды таңға ұрып.
Бүгін де, міне, бұйырмайтын бала сипатқа оралдық.
Отырып алып ой-қырдағы үйімізді сағындық…

Бар екен әлі бойымызда бала мінез мәңгілік
Көрге де бірге енетін бізбен елес бейне жаңғырық.
Өнер екен тазалықты сәбиге тән жоғалтпау,
Ал біз оны тамашалаймыз таңдай қағып таң қылып.

Содан да болар шалыс бассақ қаламыз бірден мәңгіріп
Алады билеп бойымызды ала да құла сан күдік.
Жұртта қалған тәнімізге үймелейді небір жын,
Жанымыз кеткен көз көрмеске тыныштық іздеп қаңғырып.

Тілесек те қанша кешірім сұрап, айтсақ та қанша сан құлдық.
Күнәһар сипат, қисынсыз мінез біздегі бойда бар қылық.
Мазмұнсыз, мәнсіз сөзімізді айтып біз-дағы бір күн өтерміз
Тал бесік пен жер бесіктің арасын жүріп, шаң қылып.

P.S. Ұнайды маған өзіңе тән, өзгеше біткен арлылық…

Сурет.
Бөлісу:

21 пікір

AKY
Жұртта қалған тәнімізге үймелейді небір жын,
Жанымыз кеткен көз көрмеске тыныштық іздеп қаңғырып.

P.S. Ұнайды маған өзіңе тән, өзгеше біткен арлылық…
blackbeard
Бәрекелді)) Ат қой мына өлеңің))
qisyq
Енді, мені бекер адам деп пе едің...)))
Arhun
Arhun
Ілініп тұрған кімнің жұмысы және не үшін оны қойдың?
qisyq
Кімнің жұмысы екенін білмейді екем. Қойған себебім, дәл сол сәттегі көңіл-күйіме ұнады.
Dinara
İlinip turgan Dalidin tuindisi bolu kerek, basim kopshiligi osilay bop keledi goy suretteri.
qisyq
Мүмкін. Онша-мұншасын біле бермейді екем…
Arhun
/Геополитикалық сәби/
Сальвадор Дали
qisyq
Рахмет, қазір жазып қояйын.
Arhun
Режіме, бірақ бұл жұмыстың сенің өлеңінің тақырыбына ешқандай қатысы жоқ сияқты… аздай бар әрине
Бұнда политика жайында… қателеспесем
qisyq
Ренжімеймін. Бірақ, мен үшін қатысы бар. Әрине, атауы келмейді. Алайда, жалпы суреттің өзін қаладым. Айттым ғой, дәл сол сәттегі көңіл-күйіме ұнады.
AKA
Ұнайды маған өзіңе тән, өзгеше біткен арлылық…
Күштііі!!!
Abilakim
Өзіндік жазуың қалыптасқан ақынсың ба деп қалдым.
qisyq
Мынау бір жақсы баға болды.
Begim
Тамаша! Ең алдымен, алғашқы шумақта басталған ұйқасты соңына дейін сақтап қалуыңызбен таңдандырдыңыз. Меніңше, бұл өлеңдегі негізгі жүкті көтеріп тұрған — "Өнер екен тазалықты сәбиге тән жоғалтпау" деген жол. Адам бойындағы сәбиге тән тазалықты, пәктікті, кіршіксіз аппақ жүректі мәңгі сақтап қалуға үндеуіңіз керемет! Өз достарыңыз бен жора-жолдастарыңыздың бойындағы жақсы қасиеттерін осылай көре білуіңіздің өзі сіздің жан дүниеңіз бен рухани әлеміңіздің кеңдігінен хабар береді.
P.S.Кейде Ф.Ницшенің афоризмдерін оқыған сайын «Түзу» адамдардың неге «qisyq» аталатынын түсінгендей боламын...)))
qisyq
Рахмет, @Begim. Бек ризамын…
VKM
P.S. Ұнайды маған өзіңе тән, өзгеше біткен арлылық…
ұнап тұр.
Сосын бірден неше түрлі сұрақтар туындайды: кім туралы екен? Біз білеміз бе оны? деген
qisyq
Тағы қандай сұрақтарың бар?