Манчестерден Монако мықтырақ

  • Автор
Олай деуге негіз бар. Осы түнде Чемпиондар лигасының 1/8 финалындағы соңғы екі ойын өтті. Мадридтік «Атлетико» немістердің «Байерімен» 0:0 ойнап, ширек финалға шықса, «Монако» өз алаңында «Манчестер сити» клубын 3:1 есебімен тізерлетіп, келесі кезеңге өтіп отыр.

Блог - tompaq: Манчестерден Монако мықтырақ

Екі жұптың алғашқылары айқын жеңіске жетті деуге болады. Себебі, сырт алаңда 4:2 есебімен жеңген Симеоненің жігіттері өз алаңында жауапсыз үш гол жібермесе болғаны. Солай болды да.

«Атлетико» — «Байер», 0:0 (4:2)

Блог - tompaq: Манчестерден Монако мықтырақ

Ал екінші жұптағылардың жағдайы күрделі еді. Оны 5:3 болған бірінші матчтан-ақ аңғардық. Сол күні Фалькао бастаған футболшылар қолда тұрған жеңістен айырылып қалған-ды. Дегенмен Франциядағы ойын алаң иелері күткен нәтижемен аяқталды – 3:1. Жалпы есеп 6:6 болғанмен, сырт алаңда соғылған үш голдың арқасында «Монако» ширек финалға шықты.

«Монако» — «Манчестер сити», 3:1 (6:6)

Мбаппе, 8, Фабиньо, 29, Бакайоко, 77 – Сане, 72

Сонымен 1/4 финалға шыққан командалар толығымен анықталды. Олар: «Реал Мадирд», «Барселона», «Атлетико» (үшеуі де — Испания), «Бавария», «Боруссия» (екеуі де — Германия), «Ювентус» (Италия), «Лестер» (Англия), «Монако» (Франция).
Жеребе тарту рәсімі ертең (17.03.) УЕФА-ның штаб-пәтерінде өтеді.

0 пікір

Тек тіркелген және сайтқа логинімен кірген қолданушылар ғана пікір жаза алады.