Шекспир пьесалары Болливудта

Мен бір мынандай ойға келдім.

Егер ел дамыған ел болса, олардың кино нарығында махаббаттан басқа, саясат, өнер, тарих пен философиялық мәселерге дақын фильмдер болады. Егер ел дамушы әлде дамымаған болса, махаббат тақырыбыкино нарығындағы фильмдердің 99%-ын құрайды. Мысалы, біздің елді той, келін-ене сынды тұрмыстық тақырыптар жақсы өтеді. Бұл жамандау, менсінбеу емес. Жай ғана факт. Деңгейіміз.

Үндістандық сериалдар мен фильмдердің басым дені тұрмыс тақырыбынан аспайды. Алайда, сапасына келсек, бұрынғы «бай-кедей», махаббат тақырыптарынан басқа, адамның эмоциясына ойнайтын арзан фильмдерден бөлек Болливудта жыл сайын 2-5 тым тәуір фильмдер шығады. Мысалы, Болливудта Шекспирдің атақты пьесалары баяғыда-ақ экрандалған. Және қалай-қалай экрандалған. Өте мықты, пьесаның желісінде, өз орталарына бейімділген нұсқада. Сол баяғыша әні мен биі бар, бірақ одан фильмдерінің құндылығы жоғалмайды.

Боливуд фильмдерінің фанаты ретінде Сіздерге де қысқаша мағлұмат бере кетейін.

«Хайдер» — 20014 жыл
Шекспирдің үнділік «Гамлеті». Бас кейіпкер Хайдерді Шахид Капур атты өз елінде өте танымал жас актер ойнайды.


«Макбул» — 2004 жыл
Болливудтық «Макбет». Макбеттің ролінде Ирфан Кхан, леди Макбетті үнділік артхаустың (ия, ия!) жұлдызы табу ойнайды. Ирфан Кхан шетелдік кассовый фильмдерде де ойнайтын, "үнлі актері" стереотипіне қайшы керемет актер.


«Омкара» — 2006 жыл
«Отеллоның» хинди-адаптациясы.


«Рам мен Лила» — 2013 жыл
«Ромео мен Джульеттаны» атақты Санджай Бхансали керемет үнді фильміне айналдырып, өз елінде жүздеген марапаттауларға ие болған болатын.


Суреттерді қай жерден алғанымды ұмытып қалдым.