Ұлт рупоры жайлы ұзақ фоторепортаж

Әгәрәки, реті келсе, мәтіні қалың пост түрінде жазамын деп ойлағанмын бұл тур жайлы. Көп әріпті, мол деректі. Бірақ Азамат Т. есімді беймәлім біреудің осы сайттағы жазбасы, әлеуметтік желілердегі біршама публикация ол ойымды толық қамти алып тұр.
Сондықтан, барлық түйгенім мен сүйгенім, ілгенім мен білгенімді айғақтайтын қаріптер осы фоторепортаж барысында суреттердің маңына топтаса қалды.
Әлқисса, Ұлттық арнаның өзіндік өмірінен боямасыз мөлтек сыр...


Блог - MERmukhanov: Ұлт рупоры жайлы ұзақ фоторепортаж
Бізді күтіп алған үй иесі жайлы алда. Ал бізді күтіп алған үй киесі — осы логотип.

Блог - MERmukhanov: Ұлт рупоры жайлы ұзақ фоторепортаж
Видео мұрағатты сақтайтын мекен осы. Кезінде 2 жүк көлігіне тиеліп, көшіріліп әкелінген қор да, одан кейінгі ауқымды материал да осында.

Блог - MERmukhanov: Ұлт рупоры жайлы ұзақ фоторепортаж
Бейнеқор бөлімінің бастығы Молдабек Сағынбек көсіле сыр шертті дерсің…

Блог - MERmukhanov: Ұлт рупоры жайлы ұзақ фоторепортаж
Таныс атаулар. Бұл да бір тарих.

Блог - MERmukhanov: Ұлт рупоры жайлы ұзақ фоторепортаж
+17 градустың айналасында сақталады таспалар. Әрине, форматтан форматқа көшіру жұмыстары үнемі жүріп отырады.

Блог - MERmukhanov: Ұлт рупоры жайлы ұзақ фоторепортаж
Әңгіме дүкен мекені. Корпорация аясында бірнеше арна, радиостанциялар, сайттар бар. Аттарын айтпай-ақ білесіздер оларды, негізі.

Блог - MERmukhanov: Ұлт рупоры жайлы ұзақ фоторепортаж
Қазақстан" телерадио корпорациясының биылғы ұраны — «Менің Қазақстаным!». Одан басқа бірқатар слогандар да жоқ емес.

Блог - MERmukhanov: Ұлт рупоры жайлы ұзақ фоторепортаж
Басшылықтан Нұржан Жалауқызы мен Данияр Нұрғазин әңгіме тарқатты. Нұржан Жалауқызы көп дүние айтты. Көп! Әріптерге айналдыруға миыма сыймай бара жатыр.
2011 жылдан бері корпорацияның толық қазақша екенін білетін шығарсыздар. 85 пайыз — өзіндік өнім. Әрине аутсорсингтік үлкен жобалар болады, бірақ ол ұйымдар да іргесі алыс жатқан, бөтендер емес.
Ұлт, рух, адамгершілік, ділді діттейтін дүниелер таңдап алынуға тырысады. Теріс тұс барлық нәрседен табылады, бірақ дені — осындай бағытта.
Рейтинг бәрін шешеді. Қайталау де, не шетелдік дүние де, бірақ «Келін» не "Құбылай хан" секілді тапқырлықтар өрге сүйреген шақтар жоқ емес. Корпорация аясында түсірілген отандық сериалдар да жақсы қабылданып жатыр.

Блог - MERmukhanov: Ұлт рупоры жайлы ұзақ фоторепортаж
Бұл сурет те рейтинг үшін қойылды, иә.

Блог - MERmukhanov: Ұлт рупоры жайлы ұзақ фоторепортаж
Дыбыстау бөлімі. Дубляж, синхрон.

Блог - MERmukhanov: Ұлт рупоры жайлы ұзақ фоторепортаж
Дыбыстау мысалы. Мая деген кейіпкерді Майра есімді диктор оқыды.

Блог - MERmukhanov: Ұлт рупоры жайлы ұзақ фоторепортаж
Әртіс жігіт. Мықты оқиды!

Блог - MERmukhanov: Ұлт рупоры жайлы ұзақ фоторепортаж
Данияр Алан деген блогер процесті түсіруде. Экрандағы экран.

Блог - MERmukhanov: Ұлт рупоры жайлы ұзақ фоторепортаж
Дыбыстау ісінің саңлақтары.

Блог - MERmukhanov: Ұлт рупоры жайлы ұзақ фоторепортаж
Ал қарсы бетте — осындай студия. Кем-кетігі бақылауда ұсталып, дыбыстау сапасы қадағаланады.

Блог - MERmukhanov: Ұлт рупоры жайлы ұзақ фоторепортаж
Техникалық қамтамасыз ету, өңдеу.

Блог - MERmukhanov: Ұлт рупоры жайлы ұзақ фоторепортаж
Ұлттық арнаның жаңалықтар қызметі. Бұлармен бірге қанша еңбеккер бар!
Дикторлық — тек бір бағыт қана. Материал даярлауға араласу — борыш тәрізді.

Блог - MERmukhanov: Ұлт рупоры жайлы ұзақ фоторепортаж
Естелікке, қанекей!

Блог - MERmukhanov: Ұлт рупоры жайлы ұзақ фоторепортаж
Түнгі студияда — блогерлер!

Блог - MERmukhanov: Ұлт рупоры жайлы ұзақ фоторепортаж
"Әйел бақыты" бағдарламасын осылай түсіреді.

Блог - MERmukhanov: Ұлт рупоры жайлы ұзақ фоторепортаж
Әйел бақыты және еркектердің оған араласуы.

Блог - MERmukhanov: Ұлт рупоры жайлы ұзақ фоторепортаж
Әрине, Қазақстан, Қазспорт, Балапанның өз көрермені бар. Жалпы, ұлттық телерадиокорпорацияның ұлт рупорына айналғаны ақиқат. Бар ғаламның жаңалығы мен елдің мәселесін, келелі тақырып пен күрделі сұрақтарды да көтеретін орын осы. Халықтың үні.

Иә, халықтың үні. Қазақстан дауысы. Елге ақпарат таратып, салиқалы тақырып көтеріп, не көңілашар қызық дүрмек жасап, жаңалықтар жеткізуде де мұндағы журналистердің аянып қалмайтыны анық. Жиырма төрт сағат, жеті тәулік қызмет қылуға әзір. Тек күндізгі кезде емес, түнгі студияларда да, тек жұмыс күндері емес, таңшолпаны әлі көрініп тұрған сенбілік таңда да, кешкі бір сенбілік кездесуін ысырып қойып та, елдің бәрі "Бүгін — жексенбі" деп демалып жататын күні де осы мақсатта тер төгіп, еңбектенеді.
Бұл ұлт мүддесіндегі ардың ісі, намыс дода, қоғам бір рухтансын, серпіліс алсын деген биік меже.
Біз де осы қажыр мен ниетті көре отырып, ілтипатты көрермен ретінде оны бірге таңдаймыз. Ендеше бұл салада талмай еңбектеніп жүрген әйел бақыты мен ердің қуанышынің бір бөлігі осыған саятын шығар, бәлкім.
Болашақта осы биік үдені ұстап тұрып, бұдан асқар асуларды алатынына кәміл сенеміз. Бізге айтуға оңай, әрине…

MERmukhanov

Қазақтың баласы

    Ұқсас посттар

    4 пікір

    merekeee
    Эльвираның постынан мынадай сурет байқап қалдық:
    Мерей деген блогер Данияр деген блогердің процесті түсіруін түсіруде :)
    merekeee
    Дыбыстау ісінің саңлақтары ішінде Ича мен Мадхубаланы дыбыстаушылар жүр. Сонда ол каналға осы Ұлттық арна аударып бере ме, сол жағы түсініксіз боп тұр.
    MERmukhanov
    бірнеше каналға жұмыс жасай беретін шығар, әртістер ғо)
    бәлкім, аусорсинг,
    Тек тіркелген және сайтқа логинімен кірген қолданушылар ғана пікір жаза алады.