Туған күнгі тілек

Блог - ademi_alem: Туған күнгі тілек

Голливудтың есінде бар санаулы актерлердің бірі – Кирк Дуглас. Киноға түспегеніне бес-алты жыл өтіп, жасы жүзге таяп қалса да бұрынғы қалпын сақтап, тың ойлар айтады. Сіздерге оның 97 жасқа толғанда жазған хатын ұсынбақпыз.

«Бүгін менің ТОҚСАН ЖЕТІНШІ туған күнім. Мен бақытты адаммын. Аннамен отбасы құрғаныма 60 жылға жуық уақыт өтіпті. Соған қарамастан ол мені әлі де таңқалдырумен келеді.

97 жасқа келгенде өткен өміріңе көз жүгіртіп, ғасырлық ғұмырың үйреткен сабақтарды ой елегіңнен өткізуге болады.
Қартаю оңай деп айта алмаймын. Бірақ бұл кезеңде жас кезіңде жіберіп алған кейбір мүмкіндіктерге жол ашылатынын ұқтым. Мен үнемі әлдеқайда асығып жүретінмін: түсірілім алаңы, іссапарлар… Мен үшін орындау қиынға соғатын істің бірі — бір орында дамылдап отыру еді.

Қазір мен үшін жан тыныштығы маңызды: кітап оқып, өзім еккен раушан гүлдерін тамашалаймын. Аспандағы ақша бұлттарға қарап, Аннамен бірге күн ұясына батқан шақты қызықтаймын.

Бүгінгі туған күнімде өзімнен «Туған күніңе не қалайсың?» деген сұрақ қойдым. Не қалайтынымды да білмеймін… Маған жан жарым мен отбасымның амандығы, мықты денсаулығынан басқа ештеңе керек емес сияқты.

Кенет басыма «Мен не қалайтынымды білемін. Немерелерімнің болашағы жарқын болуын, олардың жақсы әлемде, жақсы заманда өмір сүргенін қалаймын!» деген ой келді.

Блог - ademi_alem: Туған күнгі тілек

Сіз өміріңізде туған күніңізге арналған тәтті тортқа 97 шырағдан орнатып көрдіңіз бе? Бұл Сіздің қолыңыздан келе қоймас. Мен де он шырағданмен ғана шектелуді жөн көрдім. Әрбір шырағданда менің өмірімнің он жылы бар. Мінекей, менің туған күндегі тілегім:
Блог - ademi_alem: Туған күнгі тілек
Үлкенді-кішілі қарулар күштің емес, әлсіздіктің белгісі болатын заман болсын.

Блог - ademi_alem: Туған күнгі тілек
Дін биліктің басқару айла-шарғысы емес, құндылық болатын заман болсын.

Блог - ademi_alem: Туған күнгі тілек
Ауасы таза, суын ішуге болатын, ал тағамы адам ағзасына зиян келтірмейтін заман болсын.

Блог - ademi_alem: Туған күнгі тілек
Кедейшілік деңгейі тұрғындардың ең аз мөлшердегі пайызын ғана құрайтын заман болсын.

Блог - ademi_alem: Туған күнгі тілек
Білім мен денсаулық сақтау қолжетімді болатын заман болсын.

Блог - ademi_alem: Туған күнгі тілек
Таптық, діни, ұлтаралық алауыздық болмайтын заман болсын.

Блог - ademi_alem: Туған күнгі тілек
Темекі шегу өткен шақта қалған күлкілі нәрсе ғана болып қалған заман болсын.

Блог - ademi_alem: Туған күнгі тілек
Тән ауруы өмірдің бір бөлшегіне айналудан қалып, кез келген дерттің шипасы бар заман болсын.

Блог - ademi_alem: Туған күнгі тілек
Технология бізді емес, біз технологияны басқаратын заман болсын.

Блог - ademi_alem: Туған күнгі тілек
Сараңдық жақсы қасиетке баланбайтын заман болсын.

Блог - ademi_alem: Туған күнгі тілек
Ал енді шырағданды үрлеуге рұқсат етіңіздер!
Бөлісу:

9 пікір

ademi_alem
Тілектерді тілектерге жалғайық!
AKY
көзқарасы мейірімді екен
ken
қартайғанда адамның бәрі мейірімді болып кетеді
AKY
Мен де сүйтем бе сонда?)))
ken
иә, тіпті сен де
ademi_alem
Керісінше, адам қартайған сайын өкпешіл болып кететін сияқты. Қартайған адамды қуанту да, ренжітіп алу да оңай.
ken
бұныңыз "өкпешіл адамдар мейірімді емес" деген сөз бе?))
ademi_alem
1991 жылы тікұшақ құлап, қасындағы екі жас адам қайтыс болып, ал 74 жасар Дуглас тірі қалады. 1996 жылы инсульт алады. Соған қарамастан көрер жарығы таусылмай, тіпті тағы бір мәрте киноға түсу бұйырған бақытты актер мейірбан болмай қайтсін? )))))))))))