#МұздыСуҚұйыну немесе #IceBucketChallenge

Әлеуметтік желілерде қызу талқыланып, қолданушылар оған белсенділік танытып жүрген қызықты флэшмобтар баршылық.
❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅ ❅

Соның бірі — #МұздыСуҚұйыну немесе #IceBucketChallenge (қазақшасын өзім аударып алдым, кімге қалай ұнайды?)
Твиттер әлеуметтік желісінде #icebucketchallenge хэштегі бойынша жазылған твиттердің саны әрбір секунд сайын артуда.
Фэйсбук те құр қалар емес. Аталған хэштег бойынша жарияланған посттар мен видеолардың тізбегінде шек жоқ.

Флешмоб ережесі қарапайым:

камера алдында мұз салынған шелек суды алдымен үстіңізге сосын ол видеоны интернетке "құйып", келесі біреуден бұл шараны жалғастыруды сұраңыз. Болды
Енді осы шараның тарихына үңілсек...

1985 жылы негізі қаланған ALS Association компаниясы әлеуметтік желілерде адамдардан мұз қосылған суды құйынуды немесе амиотрофикалық склероз ауруына қарсы қайырымдылық шараға қатысып қаржылай көмек көрсетулерін сұранған.
Бертін келе бұл шара аса жоғарғы танымалдылыққа ие болып, қазірде жаһандық желілерде жалындап тұрған қуатты шараға айналды.

Әлемдік деңгейде үрдіс алған бұл флешмобты атақты Криштиану Роналду, Марк Цукерберг, Билл Гейтс сыңды саңлақтар орындап жатқанға ұқсайды. Әуелі Марк Цукерберг фэйсбуктегі өзінің парақшасына Нью-Йорк уақыты бойынша сағат 19:06 да мұзды су құйынған видеосын салып Майкрософт атасы Билл Гейтстен оның орындалуына 24 сағат берген болатын. Абырой болғанда бұл тапсырманы ол кісі орындады. Орындағанда да қалай орындады)

Күшті ма?

Елімізде де бұл акция өз жалғасын тапты. Әйгілі тележүргізуші, журналист, блоггер Маралбек Сағынғанов (Marco брат) жаңалықтар тізгінін жүргізіп отырған студияда атышулы «салқын» салтты (Меніңше елімізде ең алғашқы болып) орындады. Ережеге сай Маралбек эстафета таяғын Есен Елеукен, Мұрат Әбенов, Илья Ильиндерге тапсырған болатын. Естеріңізге сала кетейін, Маралбек құйыну барысында аты аталған оппонеттерге 48 сағат уақыт берген болатын. Алайда, тапсырма орындағандардан тек Есаға жарап тұр.
ВИДЕО: МАРАЛБЕК пен ЕСАҒАНЫҢ «мұзды суды шелектеп құйынуы»…

⇒
Қызық па?

Сіз де осындай шараға қатысқыңыз келеді ме? Онда Сізге керегі:
1. Шақырту алу (Challenge)	2. Виедокамера табу	3. Шелек	4. Мұз бен Су

Атаулы флешмобтың ережесі бойынша Сіз басқа біреуден (кез-келген жаннан) үстіңізге мұзды су құйыну жайлы шақырту алуыңыз немесе өз бетіңізше камера алдында осылай мұзды суды «пісмілләңізді» айтып құйынып, бұл эстафетаны жалғастыруды келесі (көңіліңізге жақын) 3 адамға тапсырыңыз.
Шарт орындалмаған жағдайда Сіз өзіңізді қайырымдылық шараның басты қаһарманы деп санай беріңіз, себебі: әлгі «жанаяр» — талқыға салынбайтын мына флешмобтың қатаң шарттарына сәйкес, науқас жандарға қаржылай көмек көрсетуі шарт. (Сол сәттегі видеоны да сұратып қоймай қойыңыз )

Іске сәт! Тапсырманы Сіз де орындап көруге қалайсыз?