Түрме үшін 305 мың фунт стерлинг

Біздің теңгемен алсақ 70-80 миллион шамасында. Осыншама қыруар ақшаны Әділет министрлігінің жауапты хатшысы Марат Бекетаев өз қалтасынан бөліп отыр.
Блог - torgai: Түрме үшін 305 мың фунт стерлинг

Осы ақпаратты оқып бастағанда, «Шенеунікке мұндай ақша қайдан келді?» деп ойладым бірден. Жымысқы ойдың келгені де рас. Сөйтсем, бұл көкеміз үкіметтің шешімімен 2008 жылдан бері ENRC-дің (Eurasian Natural Resources Corporation Plc) директорлар кеңесінің мүшесі болып белгіленген екен. Содан бергі алған жалақысы осы.
«Адал мемлекеттік қызметкер ретінде бұл табысымды өз қажетіме жарата алмаймын. Қайырымдылыққа беруім керек. Балалар үйі немесе басқа да қайырымдылық қорларына берсем болар еді. Алайда, әйелдер колониясына көңіл бөлінуі тиіс.» Бұл – Марат Бекетавтың өз қадамына қатысты айтқан пікірі.
Шынына келсек, құптарлық бастама. Абайсызда шалыс басып, тағдырдың тәлкегінен абақтыда отырған нәзік жандар қаншама? (Осы жерде мүмкіндігінше мына материалды қарап алуға кеңес берер едім.)
Біреулер «Өздеріне сол керек» дер бәлкім. Аяйтындар да табылары сөзсіз. Осы орайда, әйелдер түрмесіндегі ахуалды жақсарту реформасы қолға алыныпты. Ал аты аталған шенеуніктің аударған ақшасы елдегі тек 2 колонияға жұмсалмақ. Соның бірі Атыраудағы жалпы режимдегі әйелдер абақтысы. Бөлінген қаржының арқасында 232 әйел жазасын өтеп жатқан осы мекемеде медициналық қызметті жақсарту жоспарланған.
Европадағы түрмелердің бірінен алынған сурет Блог - torgai: Түрме үшін 305 мың фунт стерлингТіпті, жұмыс орындарын көбейтіп, мамандыққа даярлау көзделген. Екінші нысан Алматыдағы 107 адамға арналған балалар колониясы. Қысқа қайырғанда, түрмені тек жазалау орнынан, қоғамға бейімдеу нысанына айналдыруға басымдық берілмек.
P.S: Сонда да «Бұл деген артық табысыңды көрсетпеу үшін жасалған көзбояу» деген арам ой кетпей отыр. Қалай дегенмен, ақша бөлгені рас болса, өз мақсатына жұмсалса екен деймін.
Бөлісу:

16 пікір

Ispek92
Таңқаларлық, аз ақша емес. Не дегенмен сол ақшаның мақсатты жұмсалуын қадағаласа қатып кетер ме еді?
torgai
Енді сол мәселе бар…
temir1986
менің бір таңғалатыным түрмедегі өмір мәселесі қоғамды неге ойлантады. 1-көп адамдардың туысы түрмеде отырма. 2-түрмеде отырғандардың бәрі әділетсіздіктен отырма. 3-әлде ертең менде отыра қалсам баратын жерім жайлы болсын дейме. 4-түрмеге түсушілердің туыстары туысқаны қылмыс жасағанша қайда қарап отырады.
bake
туыстарын солар тыңдамайды ғой…
bake
Не болса да енді жақсыға жориық, "үкімет астында" жүрген шенеуліктер арасында ондай акциялар жиі болып тұрсын, жиі естіп жүрейік, халыққа еңбегімен болмасын, табысымен көмектесіп жатыр деп)) Халық болмаса кімнің арқасында шенеулік атанар еді, сондай ой «оларды» жиі-жиі ойландырып тұрсын. «Біздің» ажырамас бөлігіміздің мүшелікте тұрғанын еске алып, тек сәл бас жақта жүргенін ұмытпасын…
torgai
Басың жетсе бастықтарды да басып жібер деген тема ғой қысқасы
bake
Әкім болған бір аға- "Әрқайсың әкім бола аласыңдар, қорғанбаңдар, әкім де болып көрдік", -депті…
edige
Мен де қайырымдылық ретінде бір айлық жалақымды жіберейін десем түрмедегілер маған мүсіркей қарайды ма деп ойладым…
Tyulpan
сонда, түрмедегілер демалыыыып жатууы керек па не? менше, оларды жұмысқа салу керек. қалай түскен болса да.
torgai
Материалды көрдіңіз бе?
Tyulpan
бұрыннан ойлап жүрген өз ойымды айттым. және жаздым ғой
қалай түскен болса да
деп. материал кейіпкері өткенге өкініп отырса, демалып жатқандар да бар ғой. және өздері бірнеше рет түсіп тұрады…
torgai
Әр тағдыр әр қалай. Басқа бермесін әрине. Бірақ, түрме деген өз қалауыңмен баратын жер емес екені анық. Ол жерді курорт немесе санаторий жаса деуден аулақпын. Тек, жазалап, адамды нағыз қылмыскер қылғанша тәрбиелеу, қоғамға бейімдеу жағын ұмытпаса деген ой ғой.
Tyulpan
ана «меценатты» қоспағанда, түрмеге қанша ақша бөлінет. ол ақша сіз бен біздің қалтамыздан төленбесе, аспаннан алынбайды ғой. түрмедегілерді асырау үшін салық төлеуіміз керек па? мысалы, қызды зорлаағаны үшін жазасын өтеп жатқандар тегін тамақ жеп, тегін ұйықтап жатса — қоғамымыз жақсы екен онда. не деген бай және мейірімді қоғам десеңізші...

одан да қылмысты болдырмауға/алдын алуға, тәрбиені, медициналық көмекті одан бұрын беруге талпынбай ма?

содан кейін ше, түрмеге адам жазықсыздан жазықсыз түспес үшін не істеу керек?
torgai
Ол үшін зайырлы, заңы сақталатын қоғам мен билік керек. Ал бізде қазір заң туралы заң қажет сыңайлы.
Ispek92
Келісем денсаулық, психология жағдайына байланысты жұмысқа салу керек. Тегін болмаса да азын-аулақ тиынын ап тұрса, жұмыс күші табылар еді, қара жұмыстарға әрине…