Бөрі қыз

Блог - Daniar-Alan: Бөрі қыз

Осы аптада Домбыра пати Астанаға аз ғана уақытқа келіп, көпкүндік рух пен бернеше беттік талқылаулардың себепкері — Чылтыс Таннагашева туралы болады бүгінгі әңгіме…
… Алдында сіркіреп басылып, тамшылап тұрған күн тура Домбыра пати басталарда ашылып кетті (Маралбектің айтуынша: «нұр жауды»). Күн жауынды, өтпейтін шығар деген оймен талай адам келмей қалды. Жиырма шақты ғана адаммен бастап кеттік. Менің артқы жағымнан екі-үш адам қосылды. Бас шұлғысып амандасып қойдым да, елемей тұра бергенмін. Бір кезде Чылтыс қай-қомусын шығарды қынабынан. Шынымды айтсам оған да бәлендей көңіл аударғам жоқ. Тек жанымда тұрған жігіттердің: «Домбырасы ерекше екен» деген сөздерінен соң ғана назар аудара бастадым. Маралбек ортаға шығарды Чылтысты. Тартынған жоқ, отырды да…
..Ұлыды… Алғашқы дыбыстарымен-ақ трансқа түсіріп жіберді. Бір отырдым бір тұрдым… Дауыстарын құбылтып салғаны тіптен сойқан. Сөзін түсініп отырғанымыз жоқ. Бірақ ұғып отырмыз. Кәдімгідей рухтандырды. Ұлыса қай-қайдағымыз қозып кететін Бөрінің ұрпағы екенімізді тағы да есімізге салып кетті.
Блог - Daniar-Alan: Бөрі қыз
Жалғыз ақ қыз… Бірақ халқына қызығушылық тудырды. Алдында мұндай халықтың бар екенін білмеппін де. Зерттей бастадым. Танымал екен кәдімгідей. Вконтактеда фанаттары бар екен біраз, майл.рудағы,Фейсбукта жеке бетшесі бар екен. Өзінің жеке сайты, сайтында өзі туралы толық ақпарат бар екен. Сайтқа сілтеме тастаған соң өмірбаянын аударып жатуды хош көрмедім. Сол сайтындағы әр жерлерде түсірілген бейнелерін көріп шығуға кеңес беремін.


Чылтыстың қатысуымен тартылған «От эне» (Біздіңше «От ана» ғой). Қылқобызға ұқсас аспаптың дауысы сұмдық… Күңірентеді енді…

Ақпарат іздеп отырып мына бейнеге де көзім түсті. Рух көтереді кәдімгідей. Тілі де түсінікті (Чылтысқа қатысы жоқ бірақ)


Мына жерде неміс романындағы кейіпкер прототипі ретінде Чылтысты алғаны жөнінде жазылған.


мынау түсіндірмесі

Чылтыстың өлеңдерін МР3 форматында жүктеп алуға да болады. Әсіресе ұнағаны «Эски тюрк» өлеңі.

«spirit of Fire»-дегі «От эне» әні.





Хуун хатан


Бөлісу:

17 пікір

Aidakonya
ДП-га калай келдi бiреу ертiп алып келдi ме? шын айтсам оте коркынышты
Daniar-Alan
Ия, Ержан Төлек пен Асқар Құмыран деген кісілер. 10 минутқа ғана соғып өтті. 22.00-де Түркияға ұшады екен. Соған асығып кетті.
asaubota
осындай толық посттар ұнайды
VKM
Дэн, тамаша Елінің, халқының атын шығарып жүрген қыз туралы пост,ұнады .Респект
aikarakoz
мәссаған! Міне, зерттеу )
Edu
расымен де рухтандырады екен. Кейбір бөліктерін футбол клубтарының гимніне қосса болады екен. Мысалы, Қайсарға
Aya
Қуанышқаныма таныстымын Тамаша екен.
satibaldi
kariim өкім етпесе — тыңдамайм.
Daniar-Alan
көріңіз  тамаша әндер
Gulistan
Осындай жандар уақыттан тыс өмір сүретін сияқты, басқа кеңістікте тыныстап…
temir1986
Мен қазақша айтып жатыр екен деп қалдым.
Anar70
Керемет!!! Тыңдай бергім келеді!
merekeee
Жүректі діріл-дірілдетеді екен :)