Сарыағашта дүрбелең басталды дегенде...

Сол Сарыағашта дүрбелең басталды дегенде, шыны керек қайсібір оппозиция өкілдері – қолынан келгенше ұлтаралық араздықты қоздыруға тырысты: Фейсбук парақшаларында: «Қазақтар әркімнің астында бір тапталамыз ба?! Кеттік, барайық»,- деп ұран тастады. Кек қайтаруға шақырды. Қарсы уәж айтсаң, кірме ұлттар кімнің жерінде отырғанын сезінсін. Бір тентегі үшін қауым жұртты сабап алу, сабақ болады дегенді айтады. Бірақ.
Кез-келген арандатушылық қазаққа пайда емес, зиян. Қайсібіреулер айтқандай, Қарамұрттағы қанды оқиға – тәжіктің қазақ тілін менсінбеуінен шыққан жоқ. Немесе әлгі тәжік қазақты қазақ болғаны үшін де өлтірген жоқ. Олардың арасындағы дау ұлттық дау емес, өзара келіспеушілік дауы. Ойлап қараңыздар, Тәжікстанда да қазақ көп. Ол жақта да біздің ағайындар ауыл-ауыл болып отыр. Сол жақта бір қазақтың қылмысы үшін бар қазақтарды топалаң жасап жатса жақсы ма сіздер үшін? Мен ол ауылды жақсы білем, туыстарым көп. Ол ауылдың әр қазағы тәжікше, тәжігі қазақша судай сапырып сөйлеп өскен жұрт. Бұл жерде басты мәселе сабыр сақтауда, сабыр, сабыр және сабыр. Біз орта ғасырда өмір сүріп жатқанымыз жоқ. Заң бар. Әркім «самосуд» жасай беретін болса, онда мемлекеттің не қажеті бар?! Сондықтан, бар әрекетімізді заң аясында жүзеге асырайық. Сонда ғана қылмыскер мен сол қылмысқа жағдай туғызғандар жазасын тартады. Қанға қан деп қан төгу оңай, оны тоқтату өте қиын! Осыны ұғу керек. © Нұрбек Бекбау


Бөлісу:

11 пікір

ken
Тәжіктер шамамен халықтың қанша пайызын құрайды сол өңірде?
UlykbekAliakbaruly
Нақты мәліметін білмедім, Сарығашта тәжіктер тұратын бір ауыл, Мақтаралда бір ауыл бар.
zholantai
дұрыс ой
дегенмен, мына мақаланы да оқып қою артықтық етпейді, өйткені сол Заң дегеннің орындалуын қадағалаушы, орындалуын жүзеге асырушы орган тарапынан немқұрайдылық байқалса, онда бұқара әділдік орнату үшін өзі қалаған методты қолдануға көшеді,
Мұндайда сабырға шақыру, сабырлы болу дегендер ойнамай қалады.

Сарыағаштағы сойқан
zholantai
Біз орта ғасырда өмір сүріп жатқанымыз жоқ.
дегенмен, басқарушы тараптың кейбір әрекеттері ортағасырда өмір сүріп жатқандай сездіртеді,
ресми емес ақпараттың өршуіне ресми ақпараттың жетімсіздігі және сол ресми ақпараттың мазмұнының ресми түсіндірме жасауға себеп болған инфоповодтан алшақ жатуы түрткі болады,
ал, ресми емес ақпараттың өршуі дүрбелең тудырады
konyrat
Бір тəжікке бола бүкіл тəжікті жазалау дұрыс емес. Түймеден түйе жасаудың қажеті жоқ.
MurattiZzaere
Жаңа Өзенде де халықты қырып салған жоқ па бұл билік? Сорлы қазақ бағың ашылмады-ау!!! Наркобарон тəжіктер менттердің аузын байлап тастаған!
UlykbekAliakbaruly
Қазіргі күні Сарығаштағы жағдай тұрақты, Сарыағаштағы Ынтымақ ауылының тұрғындары, тәжік ұлтының ақсақалдары, қариялары қазақ ұлтынан, қаза болған азаматтың отбасынан кешірім сұрады.
© TVK телеарнасының жаңалықтарынан үзінді.

Adiletshu
Не үшін кешірім сұрайды… Еш кінәсі жоқ адамдар ғой. Жазықсыз тәжіктердің мүлкін өртеген қылмескерді ұстап, жазалауы керек. Болашақта қайталанбауы үшін
ken

1:55 — 2:50 аралыгын тындандар