Мақал да ескіре ме?

Құмкешуде өткен балалық шағымның куәгері, сыныптасым Қайрат хабарласты. Бір сыныптасымның сәби шетінеп кеткенін де тілге тиек етіп, неге көңіл айтпадыңдар деді? Кезінде «Б» сыныбының жүгін көтеріп жүретініме үйреніп қалған болса керек, ұлдардың барлық қыздарға жариялаған «сөгісін» «дер» деп менің бетіме басқысы келді ғой деймін. Телефонмен көңіл айтқан ыңғайсыз ғой, Арқалыққа жол түскенде кіріп шығарМЫЗ дедім, әйтпесе, қазақтың «Көрген жерде көңіл айт» деген мақалы бар емес пе дедім. Сондағы сыныптасымның сөзі: «Жәкө, оттай бермеші, қазақтың көп мақалы ескірген. Кезінде апайлар „Әй, асық ойнаған азар, доп ойнаған тозар, ертелі кеш доп қуа бермей, бір уақ тақпақ жаттап, физикадан сабақ айтсаңдаршы“ деп еді ғой, енді не? Жүр ғой анау доп ойнаған Мессилерің ақшаны күреп тауып! Қазақтың мақалы дейді ғой, мыңқылдамай ертең қоңырау шалып, көңіл айтыңдар, Қауын мен әтешке де ызбандап айт, олар да ызбандасын» деді. Реально, ойланып қалдым. Мақал да ескіре ме??Қалай?
Бөлісу:

8 пікір

007
Дәстүрдің озығы бар тозығы бар дейді ғой. Немесе заманына қарай адамы дегенде бар сіздің айтқаныңыз осыларға сәйкес келетін сияқты
Zhanetta
солай да шығар, тек оның «доп ойнағандар озып жатыр» дегенінде күйіну бар сияқты болды.Өзін таба алмай жүр ме, кім білсін.
007
бақ шабама бап шабама деген тагы баргой соны да ескеру керек
torgai
Құмкешуде футбол ойнайтындай команда шықпайды. Өкініші де сол шығар. Қайрат дегеніміз — «Балапанның» қожайыны ма?
bake
ескірген дегеннің бір-екеуін білемін. Ескіреді, ескірмейтіні де бар шығар
Erke
Мында ылғи аватары ужас адамдар пікір калдырыптығо!
ademi_alem
)))))))))) Бір өтінішім бар: аватарларыңызға сурет іліңіздерші, гүлдің болсын, күннің болсын… Бұрын ондай емес еді ғой, қазіргі мынадай суретсіз аватарларға қарағанда бетім жыбырлап кетеді. ((
Zhanetta
сіздің өтінішіңіз түспей, өзімнің де «бетім жыбырлап», суретті қалай ілсем екен деп шаршап отыр ем, рахмет, қазір бас істеп кетіп, тауып алсам, ілемін.