Свеча немесе бала көңіл...

Әкесі бұны емірене иіскеп көрмепті, иіскеген де болар, тек иіскеген кезі бұның есінде жоқ. Қашан көрсең де түнеріп жүргені. Көп сөйлемейді, шешесі әзірлеп берген тамақты ішеді, содан кейін газет-журнал оқыған болады. Көбіне көк «Москвичіне» мініп алып, күнұзаққа жоқ болып кетеді. Әкесінің машинасына мінудің өзі арман. Аңда-саңда ауданға қонаққа я болмаса басқа да бір шаруалармен барған шешесімен ерген кездерде ғана мінеді.
Бекеннің әйтеуір осы машинаға құмартып тұратын әдеті бар. Кейй күндері әкесі тамақ ішіп отырған кездерде есігі жабық машинаны сыртынан сипалап жүргені. Терезесінен үңіліп, ішін қызықтайды. Өзінің әкесінің алдында рөлде отырғанын, ара-тұра әкесіне мақтаныш сезіммен қарап қоятынын ойша ғана елестететін…
Басқа балалармен ойнап жүрген Бекеннің көзі жол бойында жатқан бармақтай темірге түсті. Не деп аталатынын кім білсін әйтеуір әкесінің машинасында да осындай тетік барын бұл біледі.Әлгі тетікті қалтасына салып алып, үйіне қарай құстай ұшты. Әкесі жоқ екен. «Тамағыңды іш» деген шешесінің сөзіне де қарамады. Әкесі келгенше есік алдындағы сәкіде отырды. Бір кезде әкесі де келді-ау.
-Әке, мына сайманды ойнап жүріп тауып алдым, машинаңа керек болар?
Әкесі ұлы ұсынып тұрған «свечаны» алғанымен, зер салып қарамастан иығынан асырып лақтыра салып үйге кіріп кетті.
Бекеннің түрінің бозарып кеткенін әкесі байқамады.Ал, бала болса әкесі лақтырып жіберген свечаны көтеріп ала сала беті ауған жаққа жүгіре жөнелді.
Бекен содан үйге кірмеді. Ел-жұрттың малы жайылымнан келіп, ойын балалары үйді-үйлеріне тараған кезде де үйге оралмады. Сонда ғана балаларының үйде жоқ екенін сезгендей әкесі мен шешесі жанұшырып іздей бастады. Бекеннің денесін ертесіне ауыл шетіндегі өзеннен тапты. Кішкене ғана уысына свечаны тас қылып қысқан күйі өзен жиегінде жатыр екен…
Енді міне, Бекен мінуді армандаған көк машинаның ішінде кетіп барады. Тек бұл жолы кілемге ораулы күйі ауыл шетіндегі қорымды бетке алып бара жатты…
Бөлісу:

23 пікір

a63a1
Епті, неменеге өлтіруге жаның құмар? Ә? Оданда көк есекке мініп 5 күн жоғалып кетіп, аш әлжуаз күйінде, «көктің көлі» өзенінің бойынан тауып алыпты десең нең кетед?
a63a1
немесе көк есегінің құйырығына свеча тығып ойнайм деп есек теуіп мертігіпті десең?
Abilakim
Уа, жуәрмәк! Біздің жақта есек жоқ екенін өзің білесің ғой. Көк өгіздің көтіне свеча тығуға бойы жетпеді
a63a1
  нешеде бала? көк өгіз түгілі көк бұқа теуіп мұрынымды бет қылған ойын баласы кезімде
Abilakim
7-ге толық толмаған.
asaubota
өткендегі суретші қыз туралы жазған қыздікіндей екен.
bi2
есіл уақыт осыны оқуға кеткен… классикалық, қысқа, идеясы мощный, жаңа заман шығармасы болса ғой…
Abilakim
мінекейіңіз…
www.kerekinfo.kz/blog/Abilakim/4880.html
bi2
уррраааа, эврика, мынау шынымен классика екен. Өлдім...
Abilakim
осылай бетке айтсаң, мына керекте көп нәрсе бар. Архив ақтарғыштар небір дүниені тауып береді
bi2
Типа, новичоктарға дейсің ғой…
VKM
Ал маған ұнады, аянышты ғой.Сосын ұлдарыңа қарап жүріңдер деген мораль да бар
Abilakim
ұлдарыңа емес, баланың көңіліне қаяу салмау…
Бала шын көңілмен берді ғой, оны қабыл алу керек, керегі жоқ дүние болса кейін лақтыра саласың, тек баланың көзінше «О,қайдан алдың, мәләдес» деп арқадан қаға салу керек. Бұл жерде баламен қарым-қатынастың жетіспеушіліг көрсетілгентін
know_how88
Әкесі бұны емірене иіскеп көрмепті, иіскеген де болар, тек иіскеген кезі бұның есінде жоқ.
Керемет кіріспе.
know_how88
Кішкене ғана уысына свечаны тас қылып қысқан күйі өзен жиегінде жатыр екен…
Не менее керемет түйін!
Kipshakkyzy
 Оқып болған соң ішкі әлемім алай-дүлей болды. Бір жылап алдым. Байғұс бала. Әке атынан садаға кетсін әкесі
ken
Мопассанның әңгімесіне ұқсайды
Gastarbaiter
Әкесі мен шешесіне жан бітіріп, аты жөнін, қызметін, бет қимылы мен даусын, үйін суреттеп азмұз оқырманға жақындатуың керек еді кейіпкерді.
Бекеннің де мінезі мен кескіні айтылмаған соң адам деп қабылдай алмадым.
Нәр қосу керек екен, құрғақтай жазба.
Abilakim
рахмет, баспаға жіберетіндей болсақ сыныңызды қабыл алғандығымыздың белгісі ретінде міндетті түрде қосамыз ондай өзгерістерді