Қазақстандық "Студент" - Канн кинофестиваліне қатысуда,

Мамырдың 16-27 аралығында Францияның Канн қаласында дәстүрлі Канн кинофестивалі өтеді. Биылғы фестивальдың ерекшелігі сол, фестивальда көрсетілетін фильмдердің барлығы жиылып келіп «Махаббат» ұғымымен қабаттаспақ. Әділқазылар алқасының төрағасы Нанни Моретти болса, екінші бір «Ерекше қөзқарас» байқауына қатысатын фильмдердің жеңімпазын британиялық актер Тим Рот анықтайды.
65-ші рет өткізіліп отырған бұл кинофестивальге бас аяғы 38 елден 50 кинотуынды қатысады.Ішінде қазақстандық режиссер Дәрежан Өмірбаевтың «Студент» фильмі де бар.

Дәрежанның бұл фильмі «Ерекше көзқарас» бөлімі бойынша қытайлық режиссер Лу Иенің «Mystery» атты туындысымен бірге мамырдың 17-сі күні көрсетіледі.

Дәрежан бұл байқауға алғаш рет қатысып отырған жоқ. 1998 жылы «Киллер» атты фильмімен қатысып, жеңімпаз да болып үлгерген.
Одан кейін 2001 жылы «Жол» атты лентасымен қатысты.
«Ерекше көзқарас»(Un Certain Regard) — Канн кинофестивалінің негізгі бағдарламасынан кейінгі екінші маңызға ие байқау. 1978 жылдан бері өткізіліп келеді. Мұнда жеңіске ие болған фильмге Француз еліндегі прокаттық таралымда басылымдылық беріледі. «Ерекше көзқарастың» ерен Гран-приін 2008 жылы Сергей Дворцевойдың «Тюльпан» фильмі де иемденген болатын. .
Фестивальдың негізгі жүлдесі «Алтын пальма бұтағына» биыл 22 кинолента таласады. «Канн кинофестивальдерінің сарайындағы» сахнаның шымылдығын «Королевства полной луны» (Moonrise Kingdom, Уэс Андерсон) киносы түреді. Фестиваль 27-мамырда француздық режиссер Клод Миллердің «Тереза Декейру» фильмімен жабылады. Ол осыдан он екі күн бұрын, дәлірегі 4 мамыр күні бақилық болған еді.
пы.сы Жоғарыда аты аталған қазақстандық кинолардың ешбірін көрмеген екенмін. Бірақ, осы жерде бір жеңімпаздың бір жеңімпазға көңілі толмағандығын естіртіп, өзім дұрыс көретін Ермек Тұрсыновтың «Келін» фильмін де жерге бір-ақ ұрған пікірін ашық білдіретін мынабір сұхбатпен да бөліскім келеді.