Мен қалай бейнемонтаж инженері болдым

Баспада қағаздарымды кеміріп, түстен кейін сабағыма барып, демалыста диссерімді түрткілеп, тып-тыныш жүрген магистрант едім. Сол «шарагаға» аяқ астынан тап болдым. Тап болдым да, бірден сіңіп кеттім. Бірақ онда келгенде редактор едім… Бара-бара бейнеинженер болдым.

Басында өзімнің «жеке-меншік» үш бейнеинженерім бар еді: Коля, Бека, Рина. Олар монтаж жасайды, мен қастарында қарап отырам. Шыны керек, бастапқыда, олардың істегендері маған брі сиқырдай көрінетін. Айтпақшы, бүл туууу сонау 2003 жылы болған әңгіме. Компты қосып-өшіріп, вордта текст жазудан басқаны білмейтін «чайник» едім ол кезде.

Содан не керек, анда-санда «монтажниктерім» темекі тартуға шығып кетеді емес пе. Бір рет ТайтлДеконы ашып беріп, Ринат: «өзің титр жазып қой, мен келіп орналастырам» деп кетіп қалды. Әлі жоқ, әлі жоқ. Ішім пысты. Титрді жаздым, көргенімді істеп сақтадым, «линейкаға» қойдым, көргенімді істеп «просчет» жасадым. Не керек, әйтеуір, бәлеге қалдым.

Сонымен, бір жыл өтер-өтпесте, сол студияның қатардағы бейнеинженері болып шыға келдім. Өзім мәтінін аударатын фильмдердің монтажын өзім жасайтын дәрежеге жеттім.

Қазір де, Русланның (қазақша «Матрицаның» монтаж инженері) қасында отырғанда кейбір жерлерді түсіндіре алмай жатсам, ысырып тастап, тышқанын тартып алып, өзім «монтаждап» тастағым келіп отырады.
Бөлісу:

21 пікір

KILYZAMAN
Талпынбасаң талқансыз жүре берер ме едің? ;-)
dark_nazgul
талпынбасам, қазір кем дегенде ғылым кандидаты болар едім)))
KILYZAMAN
Ғылым кандидаты? :-( Ортан қолдай маман болғандығыңнан шығар, ортаға бере алатын нәрсеңнің көптігі ;-)
Nurgisa
Қайбір жылы, «Астана» арнасында бірқатар журналис өздеріне үш-төрт маманның жұмысы жүктелгесін протест білдіріп, кетіп қап еді. Өзіміз түсіреміз, аударамыз, монтаждаймыз, т.т. деп.

Бұл орайда отандық кейбір компанияларда қызметтік міндеттемелерің нақтыланбағаны қиын. Шет елдік қатынасуы біріккен кәсіпорындарда бұл тұрғыда плюстер басымырақ па деймін.

Дегенмен, телевизия журналистикасында нормаланған уақыт кестесі деген жүрмейтінін түсінем. Түннің ортасында жоғары мәртебелі делегация әуежайға қонып жатады, тапсырма берілсе баратын-ақ шығарсың. Жұмысбасты қызметкер өзінің еңбек заңымен белгіленген құқықтарын қорғай алуы керек деген ұстаным ұнайды.
KILYZAMAN
Кімге ұнамасын, Нұреке? ;-)
Nurgisa
Басшылықтың сесі мен қаһарынан бұғып, заңмен кепілденген құқықтары не екенін тіпті ойланбайтын адам қаншама, Қилеке. Бізде жұмысберуші мен жұмысатқарушы арасында реттелмеген нәрсе әлі көбіне көп. Өткенде Әлихан Бәйменов Гүлшара апаймен реттестіруді қолға алайын деп жатыр еді…
Бұрында «мемлекеттік қызмет» деген престиж, әлдебір абыройлы, бәрі сыйластықпен қарайтын нәрсе еді. Қазір сол мемлекеттік қызметтің қал-қадірі бұрынғысынан қаншалықты озды дегенді ойлап қоямын кейде. Әсіресе, кешкі 21:00-ден кейін кеңсесінде қағазбастылығымен арпалысып жатқан, жеке өміріне уақыты қалмайтын жастарды ойласам.
KILYZAMAN
Ол бар, Нұреке! Орысшасы — «функциональные обязанности сотрудника». СМК-деген де бар. Тек, соны қолдана білмек керек.
asaubota
негізі ол сенің жұмысың емес қой. бірақ, бізде бәрі универсал болуы керек. сол дұрыс емес қой, әркім тек өз шаруасымен айналысуы керек.
KILYZAMAN
Ареке, бесаспаптықтан еш зиян бола қоймас деймін… Дейтұра — әрине, өз ісінің бірегей маманы болуға не жетсін!
asaubota
оны айтып тұрған жоқпын. жұмыстағылардың ойын айтамын. тек өз жұмысың емес басқалардың да жұмыстарын істеуің керек.
KILYZAMAN
Елгезек бауырым ай, аман болшы. Табиғатың сондай сенің — елің үшін жаралғансың, өзгерме!!!
dark_nazgul
Жиырма жасар жас маман кезіңде бәрі қызық, бәрін істепп көргің келеді емес пе? оның үстіне, перфекционист болсаң…
KILYZAMAN
перфекционист
— пианистті-пианшік екен деп ұғып келген бейбағың түсінер емес мынауыңды ;-)
dark_nazgul
бір кездері, жас кезімде, бәрін мүлтіксіз істеуге деген ұмтылыс бар еді бойымда) перфекционизм деген сол)
sakenspb
монтаж жасаған видеоларыңа ссылка таста. бізде көрейік
Nurgisa
бізде көрейік
Сіздердің үйлеріңізде ме???
dark_nazgul
ооо… это было давно, а может и не правда депті ғой))) біздің ол кезде істеген жұмыстарымыз тегін таратылмайды)) сол «шарага» оларды әлі сатып жатыр)
patick
Бейне — образ, изображение, вид. «Видео» деген сөз барлық тілде де «видео» деп аталады, қазззақтар.
dark_nazgul
білем. ))бірақ, ол туралы Галакси туралы видеопікірімде айтқан да болатынмын)
бірақ, бейнемонтаж деген үйлесімді, көкейге қонымды өзім үшін)))
sammita
фото деген фото, сурет сүйрет емес және.
patick
сурет деген рисунок :)