Омар быраттың "ең-еңңдері"

Алдыңғы эстафетаға қатыспап едім. Пернетақтаны «ең-ең-еңңң» дегізіп от алдырып, мына эстафетаға бірдеңе жазып жіберейін деп, сол… ))

Тоздырмай, ең ұзақ киген киімім. Братанның маған бере салған бір қысқа жеңді шақпақ жейдесі бар еді. Соны бес жаздай кидім.

Ең ұзақ киген аяқ киімім. Бірінші курста бір қыстық бәтіңке алып едім. Ішінде «Estilo» деген ба, бір жазуы бар. Бірінші курстан бастап, оқу бітіріп, жұмысқа кірген бірінші жылға дейін бес қыс кидім соны. Іші кәдімгі қойдың жүнімен қапталған болатын. Үшінші жылдан бастап уылтарақ тықырланып, ер-тоқым қаптайтын былғары сияқты жылтырап кетті

Ең қымбатқа алған киімім. Алдыңғы жылы 18 мыңға алған пуховик курткам. (Алдыңғы күні бір дүкенге кірсем, пуховиктің бағасы көрсетілген қағазға "Түбітовик" деп аударып жазып қойыпты )

Киімнен басқа сатып алған ең қымбат затым. Мәшинем. Мен сатып алған ең қымбат зат бола тұра, ең арзан бағаға алғанымды атап өтпей күнәһар болатын жайым жоқ екенін де атап өтейін. Механика қорапты мәшиненің бағасына техникалық күйі дыңдай (идеальный) типтроник қорапты көлік алып едім.

Үй-ғимарат атаулыдан шығып көрген ең жоғарғы қабат. Екінші курсты бітірерде, жазғы каникулға шыққанша 12 қабатты үйдің он екінші қабатында тұрдық.

Ең ұзақ жұмыс күнім. Былтыр жұмысқа таңғы 9.30-10.00 шамасында келіп, үйге түнгі 4-те қайттым.

Еске түсіре алғаным осы екен. «Еңеңіңді ұрайын, осы-ақ па?» деп жүрмеңдер
Бөлісу:

28 пікір

satibaldi
«Түбітовик» деп аударып жазып қойыпты
asaubota
жынысыьзователь стилінде ғой

менде мұндай Ең-ең деп еңкілдететіндей ештеңе жоқ екен. ең алғашқы сүйісуім 45 минут болды демесем тек
AKY
он екінші қабатында тұрдық
1 аптадан асты, 9-қабатта тұрам. Лифт кілтін сатып алуға әуелі құнт болмад, қазір енді үйреніп кеттім
Aldeken
Братанның маған бере салған бір қысқа жеңді шақпақ жейдесі бар еді. Соны бес жаздай кидім.

КВН-де Тұрсынбектің үлкеннен кішіге өту барысында триконың стрингиге айналғанға дейінгі өмірін сипаттайтын әзілі бар еді… ))))))))))))
omarbirat
Талай бешір мен дискәтекінің гүлі болып еді ол жейдем, несін айтайын
Abilakim
Қазіргі киімдер біреуден-біреуге өту түгілі келесі жылы өзің киуге жарамай қалады ғой
a63a1
Ең ұзақ жұмыс күнім. Былтыр жұмысқа таңғы 9.30-10.00 шамасында келіп, үйге түнгі 4-те қайттым.
мен 9-00 де жұмысқа келіп таңғы 7-30 да қайтқан күнім болған
Abilakim
менің ең ұзақ жұмыс күнім 3 күнге созылған, үш күн үйге қайтпадым қалада жүріп
omarbirat
Мына жазғанымды қарауыл, медбике болып істейтіндер оқымай-ақ қойсын )
balzaminka
Сіздің еңдеріңізге қосылып кетсем ренжімессіз

Екі мыңыншы жылы Барахолкадан алған былғары косемсот туфлиім құнын төрт есе ақтады  Ол туфлидің баспаған жері мен тауы, көрмеген шаңы, жаңбыры және қары жоқ. Обалы подошвасы былтыр айырылып қалғаны, ал былғарысы сол қалпы

Апама тоқсан үшінші жылы бірінші курсында алып берген тигровка кофтасын мен әлі киіп жүрмін  Негізі, тетяларымнан маған өткен киімдер әлі бар менде. Соларды менің үстімде көріп қалса носталжи болып, қай жылы қаншаға алған тарихын айтып береді

Ең ұзақ жұмыс күнім тоғызыншы майға карсы келді. Демалыста жүргенімде бастығым срошне жобаны СЭСке дайындау керек деп, содан мейрамның бір күні, түні, келер жұмыс күні аяқталуға бір сағат қалғанда қайта беруіңе болады деп, жаманы сол жобаны СЭСке бір аптадан соң апардық

Ең биік ғимараттардан әсерімен есімде қалғаны Питерде апамның құрбысының үйі, бірінші рет лифтіде ұзағынан тұрып, қашан жетеміз деп мазасызданып кеткенмін сонда.
sammita
ал былғарысы сол қалпы
ЖЖ-да жұмыстас келіншек мынауский былғары әмияндар әкелді. 3 мыңнан. «Моңғолиядан алдырттық, тазза былғары» деді. Жапа-жармағай алдық зп-ға, тегін таратқандай, «біреуге сыйлармыз» деп. Сосын… бір қыз айтады: «ой, ол ескі сумка, етігін лақтырмай іске жаратады негізі» деп
сөйтетін шығар, бірақ біз сенбедік)
patick
осын… бір қыз айтады: «ой, ол ескі сумка, етігін лақтырмай іске жаратады негізі» деп

Саған етігінің өкшесінен тігілген әмиян берсе де білмей өтесің ғо бұл өмірден
sammita
ну, бит терісінен биялай жасайтын ісмерлігі бар. Бірақ ол кошелек жаңа болатын, ана қыз бізге әдейі айтуы мүмкін))
balzaminka
ондай өнері болса керемет екен
patick
Ол туфлидің баспаған жері мен тауы, көрмеген шаңы, жаңбыры және қары жоқ.

Гималай тауларын да аралып жүр деп қой
balzaminka
оған жетсе арман қайда

Ең қысқа өміршең туфлиімді ұмытып кетіппін ғо, үш сағат қана кидім, бірақ оның да былғарысы керемет еді  Осында таңертең жаңа, Питерден апам слып жіберген туфлиімді киіп шығып, универге жеткенше каучугы үгітіліп, үш сағатта капут болып кетті. Группаластарым Ченнайдың асфальтіне жаралмаған ғо деп жұбатқан
sammita
ең қорқатыным көшеде каблуктың сынып қалуы, елестете алмаймын))
Gulistan
Бырат, кешір, бірақ Әбілакімнің хакер жайлы жазбасын іздеп жүр едім, қайда кетті?
omarbirat
Өшіріп тастаған ғой деймін.
Abilakim
Өшіріп тастадым, Аршат сілтемесін беріпті ғой. Мен оны байқамай қалыппын
sammita
жираф болдым мінеки)
Abilakim
Жираф болып өмірде жаралғанша, тасбақа боп тумаппын амал қанша?
qisyq
Ілбіп басып өмірден өтер ме едім, есімім ел ауызында таралғанша…