"А"-ға оралу: бардық, көрдік, қайттық. Қайран ақша мен уақыт.
Жоспарлағанымыздай барып көрдік. Алып-ұшқан көңіл мен рухани ләззатқа асыққан сана-сезім кино басталмай тұрып-ақ бұзылды. Афиша сайттарда 3D нұсқада көрсетіледі деп жариялаған кинотеатрымыз фильмді қарапайым форматта беретін болды. Кінәлі тарапты іздеп жатпадық — ақпаратты қате берген сайт кінәлі ма, әлде кинотеатр ма? Оны анықтауға ниет те, жүйке де шыдамас, сірә.
«Жарайды» деген күймен қарапайым форматтағы сеансқа кірдік. Бәріміз де бұрын соңды болмаған ұлы жаңалықты күткендей экранға телміреміз. Дегенмен, Кончаловский мырзаның туындысы алғашқы минуттардан-ақ көңілге қона қоймады. Себебін алынған ақпарат мида 10 рет қорытылып үлгерсе де айта алмаймын.
Картинада жалпы көрініс деген саусақпен санарлық. Камераның кейіпкердің бетіне тақалып жүретіні сондай, бетіндегі безеу мен "қара нүктелерін" анық көруге болатындай.
Басында көрсетілген көріністерді тартымды сюжетке және оқиғалардың үйлесімділігі мен кезектілігіне апарар алғышарт деп пайымдап едім. Алданыппын. Бір-екі әдемі мини-сюжеттен кейін ұйқы келтірер бірсарынды, мағынасы шамалы (мағынасы болса да, мәні ашылмай қалған) кадрлар кезегіне тап боласыз. Біресе ауғандағы соғыс, біресе ауған соғысының ардагері.
Монтаждалған кезде көп жері «туралып», түсіп қалған шығар деп топшыладым. Әйтпесе, 2 жыл бойы түсірілген фильм осындай болуы керек пе еді? Оқиғадан оқиғаға өту сәттері тым үйлесімсіз.
3D өнім жасау үшін де, осы технологияға арналып әртүрлі эффектілер түсірілуі керек сияқты. Бірақ, фильмнен арнайы эффектіге татитын көріністер таба алмадым. Жасырын жарнамалар мен жас актерлердің жағымсыз ойындары, бекмамбетизмнің кейбір элементтерін көз алдыма елестетті.
Тағы бір жайт. Географиядан хабары бар кез-келген саналы адам Ауған соғысы Ауғанстанда емес, Қапшағай мен Шарын шатқалында жүріп жатқанын анық байқай алады. Қар басқан тым биік таулар мен алып каньондар Ауғанстан үшін тән емес. Яғни, фильмнің шыншылдығына күмән туады.
Нәтижесінде, салдыр-салақ беріле салған киноөнімді көріп шықтық. Ал, бұдан да әдемі, көрікті фильм шығаруға негіз бар еді. Жалпы баға,
10-ның 5-і. «Бес» — жақсы фильм шығаруға тырысқандары үшін.
Оны Кончаловсский-үлкеннің өзі де мойындаған:
Маған болса ұнады. Соғыс та бар, махаббат та, достық та, 25 жыл бұрынғы болған оқиғалар мен бүгінгі жастардың сол оқиғаларға деген көзқарасы. Ой даже постельные сцены
Жақсы кино түсіру үшін міндетті түрде үлкен Титаник соғып, Дәл сондай самолетті жару керек емес. Актердің ойыны, диалогтар мен жақсы қойылған сюжет адамның бүкіл болмысын таңдандырмаса, ондай фильмнің құны беш-тиын.
«Побег из Шоушешеңді», «Спеши Любить», «Ванильное небо», «Зеленая Миля», «Исскуственный Разум», «Валли», «Достучатся до небес», «Реквием по мечте», «Город Бога» сияқты туындыларда арнайы-эффекттер әрқашан екінші, тіпті үшінші орында тұрған.
"– А если я была такой замечательной, Эван, почему ты не звонил? Ничего не изменилось! Я тут просто гнию одна!"
Спеши любитьті қарап пырс-пырс жылағанбыз
Дегенмен, «Достучаться до небестен» кейін Блябтрой түскен екі-үш фильмді көріп тастадым
Бірақ актер өзінің ойынымен таң атпай қара уылдырық жейтінін кәдімгідей сездіреді. Сондай татымды кино. Есіңде қалады.
Қаззақтар ойлайды: «1 млн. доллардың киносынан — 10 млн. доллардың киносы сәйкесінше он есе күчТ бов шығады.» Мә нақ, жепсің! Сценарий жоқ, режиссер жоқ, ал актерлер — боқ.
Біз режиссерге, сценаристке, актерлерге баға береміз де, операторды сыннан тыс қалдырамыз, көбіне. Оған көп нәрсе тәуелді ғой, негізі, а?!