Фатмагүлдің кінәсі не?
31-каналда болып жатқан жаңа сериалды қарап жатқандар бар ма? Басқа сериалдарға ұқсамайды сюжеті, сценарийі қызық сериал. Түркияда 1 ай бұрын алғашқы маусымы аяқталған екен. Сериалдың соңғы бөлімдерінің қысқаша мазмұнын оқып алдым, енді оқып қойғасын қарау шарт болып тұр
Сериалдың ресми сайты күшті жасалған екен: fatmagulunsucune.tv/
Кейіпкерлер жақсы түсіндірілген және әр бөлімнің мазмұнын оқуға болады.
Youtube-тағы каналы: www.youtube.com/fatmagulunsucune
бүгінгі бөлімнің трейлері
Әлгі Мұстафа Яшарандар концернінің түбіне жетіп, күл-талқанын шығарса таң қалмаймын…
"Қыналы қардағы" «Алла, Аллалап» жүрген ана әртіс мында абыройлы адвокат, ісмер. Есесіне, Фатмагүлдің ағасын мүләйімсітіп қойыпты…
шынымен жақсы сериал
тіпті, ертесінде ТВ бар жерден қаштым)))
Керим сұлу кен бірақ
кажся, кино аяғында бір/біріне ғашық болатын сияқт ғо вальс билеп тұрғандарына қарағанда
мына видеоны қараңдар, алдағы бөлімдер туралы қызық подсказкалар бар
Ия, адвокатты көріп, еріксіз Қамбар түседі еске. «Зехрам(?) менің» деп жыланғанда бүкіл көрерменді жылататын еді ғой.
Осы "Қыналы қарды" талқылауға үлкен форумда бір тақырып болып еді ғой, жанын салып, барлығы сол жерде өз ойларын лақ еткізіп, кей жерлерін керекше жаңғыртып, бірақ әбігерге түсетінбіз.
Ал сериал туралы айтарым, өкінішке орай қарай алмай жүрмін, бірақ бастамасы жаман емес. Тек бас кейіпкер әлсіз,өзіндік «мені» жоқ.Оған, әрине айналасы көп әсер етеді ғой, әсіресе ана оңбаған жеңгесі екі ортаға түскенде,қанды қайнатады. «Тәк, ей» деп айтатын күйеуінің ұсқыны анау болса қайтесің…
Маған Вуралдың тағдыры қызықтау болып тұр, Зейнеппен қосылса екен деймін.
Мұстафадан біржола күдер үзген Фатмагүл енді Керимге басқаша көзқараспен қарайтынын күту керек. Кеше су жағасында қос мұңлықтың түн ауа ұшырасып қалғаны қызық болды. Бәрінен де қызықтысы, Фатмагүлдің жеңгесі Мукадестің күйеуі Рахми (Фатмагүлдің ағасы) келіншегінің айтқанын екі етпей орындап, қарындасы мен тәуіпке дүрсе қоя беруі еді. Өте тартымды эпизод болды, меніңше…
Дәулетті Яшарандар империясы күйреуі керек ақыр соңында. Кериммен бақытын табуы мүмкін Фатмагүл (Гуля). Бір-екі бала-шағалары боп қалуы мүмкін соңғы сериаларында. Тәуіп маңайына ардақты, сыйлы емші болады (Ақтөбедегі Джамаладдин оның фонында шеткеріректе жүйкесі жұқарған күйі шылым шегіп тұрар-ау)… Мукадес сол мінезімен қалады, зымиян күйі. Анау ұлдары бір пәлеге ұшырап, бәлнеске түсер, оған Керим жігіттік танытып, қанын тапсырып па, басқалай жолмен бе, өлімнен арашалап алуы мүмкін. Мұстафа кек алам деп жүріп өзіне де, өзгеге де қырсық жасап қояды. Ана жүрісі деңілтек қызбен біраз дүрілдетуін күтейік. Вурал да баяғы қызымен табысар. Тек, әлі кемінде екі-үш өлім болатын сияқты… Кім екенін сіз болжап көріңіз…
сосын… Вуралдың мамасы тым жас көрінеді.
Маған Еларнадағы Чинар мен Ишимнің махаббат машақаты жайлы хикая ұнайды, бірақ көруге уақыт жоқ
Ал Фатмагулді қарайын десем тура сол уақытта балалар балабақшадан келеді да, мультфильм қосып алады, ананы көрейік десем скандал басталады, сосын ойбай сен-ақ көрші деп басыңды алып қашасың.))
эххх біз бәріміз орысша сияқты түрікшені де түсінгенімізде ғой… Мунир, Эрдоған, Мукаддестердің сөздерін аудармашылар дұрыс жеткізе алмай жатыр. құрғақ аудару кетіп жатыр, ал негізінде олардың сөздері күшті жазылған.
Бір қиыны, ол титрлар бар, оған қоса астында жүгіртпе жол бар. Не жазып едік??!!!
Фатмагүлге бауыр басқанымыз сонша, сенбі мен жексенбіден гөрі, апта күндерін жақсы көре бастадық…
Вурал да ішкі арпалысынан арыла жүргенде біршама симпатияға ие боп еді. Бірақ, онысынан не қайран, Фатмагүлдің ары аяққа тапталғанда. Мукадес, негізі, ролді мықты
сазандайдысомдайды екен. Жеккөрінішті образды шебер сахналандырып жатқанына тәнтімін.Қазірге дейін екі адам өлді сериалда. Төртеу боп қалады деп ойлаймын. Мына жердегі сюжеттерден тірі сытылып шығу оңай емес…
Меніңше Селимнің анасы ақыры қайтыс болып тынады-ау. Ананың жүрегі соншама көп ластықты көтере алмас. Ең соңғы сериаларда Керім мен Фатмагүлдің кішкентайлары былдыр-былдыр етіп жүреді, соған сену шарт
Екі актердің де жұлдызды жолдары «Түрік Жұлдыздары» байқауынан басталды, онда екеуі жүлделі орындарды өзара бөліскен болатын. Энгин бірінші орынды, Берен екінші орынды иеленген еді. Осы байқаудан кейін бірден Акюрекке, 25 жасар танымал актриса Берен Саатпен бірге киноға түсуге ұсыныс жасалады. Болжалды түрде, бұл кездесу екеуінің де өміріне үлкен өзгеріс әкелді деп айтуға болады.
Fatmagul-телехикаясы өздерінің армандарын жоғалтып, өзгелердің қалауымен өмір сүруге мәжбүр болған екі жастың оқиғасы. 4 мас еркектің қатыгез ойынының құрбаны болған жас қыз. Ол өзі тұрмысқа шыққан жанның тұтқынына, ал ері болса өз арының тұтқынына айналады.
Бұл филімнің сценарийі 30 жылға жуық уақыт бұрын жазылған. Әр уақытта түрлі сценаристер филімде де әртүрлі атаған болатын: «Үмітсіз таңдар», «Бұл әлемді қарғыс атсын». Алайда, сценарий жазушылардың ешқайсысының еңбегіне шығарма авторының көңілі толмайды. Сондықтан, ол фильм түсіруге өз рұқсатын бермей келген. Тек, 1986 Веджат Тюркальдың тартымды сценарийі бойынша, режиссер Сурея Дуру «Фатмагүлдің кінәсі неде?» деп аталатын көркем фильм түсірген болатын. Ал, 2010 жылы телекөрермендердің ыстық ықыласына бөленген осы аттас телехикая жарық көрді. Сыншылардың пікірінше, телетоптама тамаша актриса Берен Сааттың әдемілігі мен талантының арқасында табысты болып отыр. Телехикаядағы басты рөл өзіне ұсынылған кезде ол бас тартыпты, алайда, сценаристер Беренді «бұл сценарий арнайы сізге арнап жазылған» деген дәлелмен көндірген екен.
Берен Саат 1984 жылы 24 ақпанда Анкарада дүниеге келген. TED Анкар Жоғары Колледжінде, кейінірек анкаралық Bilkent университетінде білім алған. Осы университет қабырғасында Менеджмент мамандығы бойынша білім алған Берен, қаланың орталық көшелерінде өткізілетін жас актерлардың сайысына қатысады. Tomris Giritlioğlu'nun brother командасы өткізген осындай байқаулардың бірінде жеңіске жеткен оған, алғаш рет түрік телетоптамаларының біріне түсуге ұсыныс жасалады. Актриса сондай-ақ, кәсіби музыкамен әуестенеді. Ағылшын және испан тілдерін меңгерген. Бұған қоса, жас актриса Голливуд жұлдызы Моника Белуччимен бірге «Мүйізтұмсықтар маусымы» фильміне түсіп үлгерді.
Жас болғанымен актриса танымал актер Бюлент Иналмен некеде болған. Одан кейін, 2 жылдай режиссер Левент Семерджимен кездесіп жүреді де, Fatmagul телехикаясының түсірілімі кезінде онымен де айырылысады. Осы оқиғадан соң, актриса тағы бір басты рөлді сомдаушы Энгин Акюрекпен кездесіп жүр деген сыбыс тарады. Оның үстіне, осы аралықта 27 жасар актер өзінің қызы Гюлфер Сарыгүлмен айырылысқан екен. Айтушылардың сөзіне қарағанда Берен мен Энгиннің қарым-қатынасы өте жақсы. Берен ойнайтын кейіпкердің Эрсан сомдайтын кейіпкерге деген телехикаядағы өшпенділігі, шынайы өмірдегі махаббатқа айналған секілді.
Айтпақшы, Хабарда басталған Гүлпаре де жаман емес сияқты, қалай ойлайсыңдар??
Начинаааеттсяяя демеңдерші текКеше бірінші бөлімнің шымылдықжабар 39-шы сериясы болды. Квазикуәгерлерді ақшаға сатып алған Яшарандар діттегеніне жетті: Селим, Эрдоған және Вурал «аман-есен» абақтыдан уақытша босатылады. Сот ісіндегі әділетсіздіктен Фатмагүл де, Керим де түңіледі. Рахми қуып жіберген келіншегі Мукаддес «анаусынан» қайыры болмағасын баласын қимай қайтып келеді. Онысына қоса, аяғы ауыр, «Рахми, аяғым сенен ауыр» деп қоятыны бар. Ол қайтсін, жайшылықта мойынсұнғыш табиғаты бұл жолы да Мукаддес құрған иірім құрбаны болып қала береді.
Мелтем Нью-Йоркта, жырақта. «Малғұндардың» сытылып шыққанын біле сала Мұстафаға телефон соғады. «Аналар шығыпты ғой, сен де солардың сөзін сөйлепсің, неткен жиіркенішті едің» деп дүрсе қоя береді. Мұстафаның есіл-дерті басқада. Кек алу көксегені.
Вурал ішкі күйзелістерінен арыла алмай әуре. Түнделетіп Фатмагүл түсіне енеді, "қарғысы жібермейді". Оқиға орнына барып, жеңілдеуге бел буады. Ол жерде Керимге кезігеді. Таяқ та жейді. Қанжоса болады. Керим үйіне беттейді. Ол кеткесін бұларды сырттай бақылап тұрған Мұстафа Вуралды соққы астына алып, өлтіреді. Керим болса қолы қып-қызыл қан, көйлегі де. Өзі кеткеннен кейінгі болғандардан бейхабар.
Ертесіне полиция Фатмагүл мен Керимдікіне келіп, «Вуралдың өліміне себепкер» ретінде Керимді алып кетеді. «Ол бейкүнә!» деп шырылдап байғұс Фатмагүл қалады. Мұстафаның күткені де осы, ұзап бара жатқан полиция машинасының саңылауынан сығалап тұрған Керим оның Фатмагүлге жақындай бергенін көреді. Фильм осы тұста тәмам болады.
P.S. Жалғасы, меніңше, кемінде 6-7 айдан соң болса керек. Сабыр ет, халқым.
Мендегі үміт Фатмагүл мен Мұстафада еді, екеуінің махаббаттары осы оқиғадан соң үлкен сыннан, қатерден өтіп, бір қайралып барып, жаңа бағытта дамитын болар деп ойлаған, екеуі тез суып кетті бір-бірінен, соған қарағада сезімдері де жүрдім-бардым болған сияқты…
солай жүріп Фатмагүлге ренжиді ау?! Бірақ ана үйді бекер өртеді
Ендеше, біл: бұл сериалда есі дұрыс біреу болса, ол Мерием. Керимнің тетясы.
Бірақ сериалдың ең өзектң проблемасы осы болды маған. Қалай ғана кешірді екен… ужс…
Бірақ Фатмагүл кешірді. Ол сияқты соншама кеңпейілді, ақкөңіл болу өте қиын сияқты. Керим ақ көйлек сыйлағанда жылап қалды ғой. Сол кезде қатты аядым.
Ал Мұстафаны кешірсе, сонда түсінбес едім.
Болары болып, бояуы сіңген екен, істеген ісінен баз кешіп, сорлап қалған қызды далада қалдырып кете қоймаған Керимдікі жігіттік емей немене? Мойнымен көтеріп жатыр. Қатенің кішісі бар, озбыры бар. Бұған қоса оны мойындай білу, күнәсін шаю үшін қолдан келгеннен тартынып қалмау бар. Әрине, бұның бәрі кешірімшіл жүрек болмаса бес тиын.
Ал Асу туған жеріне кетеді. НЕмесе Германияға.
қателесуім де мүмкін.
оның шешесі қайтыс болғанын білем де, әкесі туралы ойланып көрмепін.
Тіпті анау Гүміщь деген кинодағы үй қазіргі Ишим жайлы кинода да сол үй, түркияда одан басқа үй құрығандай
Там болса ән болады
дегендей оймақтай ой ғой бұның. Көбіне Ay Yapim концерні түсіретін ұқсайды. Әдетте, ондай гиганттардың өздеріне тиесілі жылжымайтын мүліктері болатын шығар деп топшылаймын. Немесе ұзақмерзімді жалдайды. Гүмішіңді де, Ишиміңді де қолға алған контора бір болса керек. Басқасына қарыштап, ысырап қылып қайтсін. Аздап интерьерін жаңалар. Гастарбайтер табу сөз боп па.
Маған да сондай ұнамайды.