Тегін бейнеслайд жасайтын сайт

Біреу-міреуге КЕРЕК болып қалар деген ниетпен...

www.animoto.com cайтында тегін бейнеслайд жасауға болады екен. Ол үшін сайтқа алдымен тіркелу керек. Жаңа қолданушы аты құрастыру керек емес. Фейсбуктағы аккаунтымыз жеткілікті.

1. animoto.com сайтына кіріп, беттің жоғары жағында sign in with facebook немесе тек қана пошта адресін қажет ететін sign up басыңыз.

2. Егер де сізде фейсбуктағы аккауынтыңыз жоқ болса, sign up басқаннан кейін free try now басып create an account атты анкета толтыруыңыз керек. Барлығын толтырғасын поштаңызға хат келеді. Сол хаттағы сілтемеге басып, анкетада жазған пошта сіздікі екенін растайсыз.

3. Сонымен sign in басып, қолданушы аты мен кілтсөзді енгізесіз де, слайд жасауға кірісе бересіз.

4. Оң жақ жоғарғы бұрышта create video басыңыз.

5. Алдыңызда слайдтың бірнеше келбеті пайда болады. Ұнағанын таңдаңыз. (create video басу арқылы)

6. Ол жерге басқаннан кейін жаңағы келбет үлкейіп кетеді. Оң жақта purchase video деген батырма шығады. Оған көңіл бөлмеңіз. Сол жазудың астындағы make a 30-second video for free басыңыз.

7. Суреттерді таңдау жолын белгілеңіз. Компютердегі суреттерді алу үшін upload басыңыз.

8. Ең көп дегенде 12 сурет таңдауға болады.

9. Суреттерді таңдағаннан кейін төменде done дегенді басыңыз. Әуенді компютерңізден (upload), немесе анимотоның ұсынған тізімнен (select) таңдаңыз.

10. Әуенді таңдағаннан кейін continue басыңыз.

11. Слайдтың атын жазып қойыңыз (title)

12. Атын жазғаннан кейін create video басыңыз да, шамалы күте тұрыңыз.

13. Бейнеслайд өңделгеннен кейін оны компьютеріңізге жүктеп алуға болады. Слайдтың астында жүктеп алу (download) деген батырманы таңдаңыз да, сақтайтын бумасын белгілеңіз.

14. Мына жерге салу үшін бір кодты көшіріп, пікір немесе пост жазатын алаңға кірістіру керек. Оны былай істейсіз: Слайдтың сілтемесіне басып, слайдтың орналасқан бетке барасыз. Слайдтың астында 5 батырма болады. Біріншісі share, сосын embed. Сізге керек болғаны embed. Сол батырмаға басқаннан кейін кодты бар бір терезе ашылады. Осы кодты көшір де, пікір немесе постқа кірістіріп жарияла. Іске сәт!
Ескерту: Слайдтардың эффектілері жақсы шығады екен. Бірақ слайд ұзақтығы отыз секунд қана, және он екі сурет қана енгізуге болады. Айына жеті жүз елу тг. аямасаңыз, анимотоның толық қызметін қолдануға болады.
пысы: Жоғарыдағы бейнеслайдым Қостанайдағы өткен парад туралы.